Chor lâus jok nhoz ntus đriv li têx gôngr côngv

          Jok Trung Chải, jok nhoz siêz tiv zix xã Sùng Phài, huyện Tam Đường, tỉnh Lai Châu muôx 45 ziv chuôz zis, 232 lênhx nênhs puôr lênhx zos mênhx cxưx Hmôngz. Txơưv tiêk nhoz siêz pus sâuv hâur trôngz taz sik cêr muk lok nhoz Trung Chải nkra nris, hur si. Nhoz Trung Chải muôx uô chơưr poz cưk, lok six kaz nto bê. Txix ntâu shông lok no, pox nhuôs uô chơưr txix têx xaz chiv chir uô, chos poz cưk, đêx yuôx zêx hur, chos blêx têz thiêz tu zus tsiêx cxu muôx tsêr guôx.

          Txos lâul jok Shôngx A Chía, tsưr jok, nênhs muôx suôz bê jok Trung Chải luz tsêr, zơưv puz pâuz: tsik zos lav nhoz jok Trung Chải chiê hlôngr yiêz ntâu li co. Thâuv ntêx no pox nhuôs uô lơưr phôngx cxưx kuz, tso tsiêx cxu trâu cxiê qơư. Têx cêr muôx ntâu qir nhux tưv. Hâur tsêr kêiz, ol lok pur tsêr, đhiê sâuv têx txax, trôngx tos. Pov poz cưk, yuôx zêx trâus muôx caz hmoz ruôr hiêv muôx tsuôs yuôx tuô lov caz hmoz. Nhoz Trung Chải tưz muôx nênhs tsuv tuôx tsêr kho moz tiv hâuk tâu chor yuôx zêx muôx yuôx tuô caz.

Nhiv no, muk txos ndâux jok tưz pov têx têz yuôx zêx, poz cưk njuôz xiêz. Pox nhuôs chor hax huv kôngz nuv puôr lênhx tâu uô lơưr tsưr ziv hax huv hur. Chiê muôx têx hlôngr yiêz no, lâul jok Shôngx A Chía yênhx hnuz sir jos hêik pox nhuôs cov uô hax huv kôngz nuv hur, sir jos uô nox, huôv tsar kinh tế. 20 shông uô tsưr jok, tsik tâu muôx jiês tưs zơưv Chía trâus jêx jok hêik. Zơưv siêz xar njôngr zos tâu muk nriêr pâuz têx tsưr ziv uô kinh tế thiêz lok  Hà Nội chiê hơưv zơưv Hloz Hôx. Zơưv Shôngx A Chía hêik:

“Nênhs muôx suôz bê zos nênhs uô ntêx hlo, kruôz kriê pox nhuôs, hêik pox nhuôs chos yuôx zêx, uô kinh tế, sâu qêz têx vuôz tsuôz cov hur si, tsik mnôngs uô lơưr chor nênhs fêv. Tsuôk hêik pox nhuôs uô li co xưz. Tsuv hêik têx kror zos huv li pox nhuôs luz nênhx mak pox nhuôs thiêx mnôngs. Hok hêik lok têz qơưk têx paz trâu chor nênhs muôx suôz bê mak cux tâu lơưv. Tsik so hu nênhs muôx suôz bê muk cơưv đrav huyện, muk cơưv shâuv. Cur tsuôk xar cov têz qơưk chiê cur muk shuôk Hà Nội iz jiês”.

          Kuôk jok Trung Chải muôx 10 cêik cêr zos jok Háng Là, xã Tả Lèng. Cux nhoz siêz sâuv hâur trôngz, jok Háng Là tsênhv zos luz jok tsôngv kruô pâuz txos viv nto bê zos luz jok “Vênhx huôv Du lịch côngv thôngx”. Pêx xênhv jok Háng Là cux zos tsôngv box Hmôngz, tsik yuôr chuôz zis yêiz plaz, phênhv ntâu tưz hla đhâu cêr pluôs. Nhoz hâur jok muôx ntâu chuôz zis bluô nux khov tu zus thiêz huôv tsar du lịch. Pox nhuôs li têx hlôngr yiêz co muôx tsik tsơưs chor nênhs muôx suôz bê, nênhs lâul hâur jok li têx sir jos. Lok nênhs muôx suôz bê li pưk txux hâur luz nênhx, zơưv Phạm Văn Kiện, chủ tịch UBND xã Tả Lèng hêik:

“Nênhs muôx suôz bê li pưk txux hâur uô lơưr têx tsênhv chêi cux xưk li hêik kriê Đảng, têz qơưk li têx tsênhv chêi trâu pêx xênhv pâuz mak nênhs muôx suôz bê sir jos lok six ntâu, paz trâu pêx xênhv pâuz txos têx tsênhv chêi. Đuô li, nênhs muôx suôz bê tsênhv cxaz chuô tu plâuz, paz truôx tuk luz nênhx, paz trâu pêx xênhv sik côngv siêz đuô”.

          Tas nro tỉnh Lai Châu nhiv no muôx 1.100 ntâu lênhx nênhs muôx suôz bê. Lơưr pos Lò Thị Vương, phưv trưởng ban mênhx cxưx tỉnh Lai Châu: hâur 9 luz hli shông 2017, Ban mênhx cxưx tỉnh tưz kriz 4 lớp kriê trâu 180 lênhx nênhs muôx suôz bê chor huyện, thành phố chiê yax kriê têx tsênhv chêi thiêz gra siêz txux chi trâu chor nênhs muôx suôz bê. Yênhx shông, tỉnh Lai châu cux qênhz shuôk chiê cxaz nzir chor nênhs muôx suôz bê hâur bê ntơưr cux xưk li tso tơưv chor nênhs tsik muôx suôz bê hâur côngv thôngx. Chôngz lênhx nênhs muôx suôz bê tưz phuôx huiz jông pưk txux. Đros zuk siêz xar zos xar paz trâu jêx jok, paz trâu tsôngv box muôx luz nênhx jông đuô, lơưr cux tsik so sir jos tas nro viv côngv thôngx. Pos Lò Thị Vương hêik:

“Hâur chor nênhs muôx suôz bê mak cux muôx lok six chôngz nênhs. Nhoz yênhx kror hâux lưv, muôx nênhs mak hêik tsôngv box uô jông lơưr Đảng,têz qơưk têx cêr chêi. Cux muôx nênhs muôx suôz bê nhoz thax tsav ntus đriv mak hêik kriê lok six jông trâu zuk tsôngv box tsik muk đhâu ntus đriv chiê uô lox tôngv tsik zos chêi; zuôr pox niêv, zuôr txir đhâu ntus đriv, tuôr chiê ndê chiv ntus đriv… tâu nênhs muôx suôz bê sik đros hâu nov jêx jok uô lok six jông”.

          Tỉnh Lai Châu muôx 20 mênhx cxưx cur tix sik đros uô nênhx nhoz. Txix suôz bê thiêz zuk chênhz zênhv, chor lâul jok, tsưr chuôz xênhv, nênhs muôx suôz bê hâur tsôngv box mênhx cxưx nhoz Lai Châu tưz zos yênhx qơư txuôk, paz trâu hâux lưv yax kriê, muôz Đảng, têz qơưk têx cêr chêi txos trâu tsôngv box pâuz, paz sơưr đơưk muôx luz nênhx tsâu sor đuô, paz trâu tsôngv box njênhs đuô thiêz iz siêz muk lơưr Đảng./.

(TTT-Lik Thox cxêik nhênhv)

Cử tri li ntâu ziv chênhv, siêz xar tâu xa txos côx hôiv

          Ntâu cử tri muôx siêz njênhs njôngr uô ntêx jiês khiêz phêv tiv 4 côx hôiv khóa 14 jiês no. Viv jiês khiêz phêv tsưr tsix ciês thâuv Phêv ziv Trung ương 6 nhiv kruôr suôv câuv đros hâux lưv sik seiz lax ntâu vênhv thix coaz tsôngv đros têz qơưk li huôv tsar kinh tế xã hội; vênhv thix tsoz phưz, muôz siêz đas jos trâu tsôngv box; vênhv thix hlôngr yiêz bộ meir cxix luôk chinhr trị thiêz seiz shuôk yưr lir canr bộ. Chôngz cử tri thiêz tsôngv box xar tiêk: Hâux lưv pov, yưr lir kỷ luật canr bộ zos Ủy viên TW zos jax cơưv trâu côngz xưv cxiv tsa Đangv thiêz cấp ủy, chinhr quyênx li côngz xưv lênhs tov, chox kriê. Ntơưv Tổng bí thư Nguyễn Phú Trọng li jiês njiz cử tri ntơưv Hà Nội nhiv kruôr đhâu, cử tri Hà Nội lok six tsi jông siêz thâuv têx cán bộ, tiv zix zos canr bộ thênhv siêz uô cxâuv trâus yưr lir kỷ luật. Têx cử tri lok six tso siêz, njênhs njôngr lok Đangv li chinhz yênhx truôx siêz tơưv txênhz tir tar thaz huôz, nox nhiêx. Iz cxiê txuz lox tâu muôz lol tik cêr cxâuv txos qơư...li ntơưv thiêx yênhx trus tso tsês tâu hâux lưv thaz huôz nox nhiêx. Cử tri Hoàng Lâm, quận Ba Đình, Hà Nội puz pâuz:

          “ Co zos têx kror jông, Đangv car seiz qênhx shênhx tsênhv tsênhz, tiv zix zos car yưr lir đros thiêz cán bộ hâur Đangv li uô cxâuv, têx lênhx nênhs lênhs tov siêz, Đangv heik kriê chiê tsôngv box pâuz txos. Co zos hâux lưv uô jông tsuv phuôx huiz thiêz krêz uô đêz đar, chiê tsôngv box tror njênhs njôngr txos Đangv đuô”.

          Ntơưv jiês khiêz phêv no, Côx hôiv zuôr seiz shuôk, thôngz đhâu 6 dự án chei, 12 dự thảo nghị quyết thiêz tso ziv chênhv lok 9 dự án chei. Cử tri xar tiêk jiês no kho đuô Chei phax tar thaz huôz; tsuv muôx cơ chế, tsênhv chei yiêz chiê tsi muôx thaz huôz, tsi car thaz huôz nox nhiêx; tiv zix heik mênhx txos lênhx nênhs sơưr thơưx hâur côngz xưv phax tar thaz huôz li pưs txux. Cử tri Đỗ Duy Thường nhoz Hà Nội xar li no: Thaz huôz nhiv no reik đros têx kror liv zix, viv li tsuv uô li chas tsi chiê têx liv zix co sik côngv uô cê:

          “ Thôngz sâu tâu têx hồ sơ ntâuz ntơưr. Pov cov nhiv kruôr đhâu muôx 1 tsov ntâu lênhx nênhs thôngz sâu mak tsuôk muôx 2,3 lênhx nênhs thôngz sâu zos tsênhz mênhx. Viv thôngz sâu lơưr phênhv nhiêx shar mak tsi muôx tul tsi, vênhv thix đrâuv nhiêx shar zos coaz tsôngv. Tsôngv box lok six tsov cưv txos vênhv thix co chiê tir tar thaz huôz muôx chêx cuk”.

          Đros thiêz côngz xưv cán bộ, ntâu cử tri khav tênhv têx hâux lưv tsi tâu uô tâu, uô tsôngv box tsi jông siêz, tiv zix zos hâux lưv bo xeir canr bộ, cê lav phêv têx lênhx nênhs muôx txâuk yênhx tưv txux chi, cê chiê iz cxiê canr bộ tsi muôx pênhr xưv ho tâu uô lênhs tov, coar lik... Cử tri Lê Thành Tùng, quận 3, TP Hồ Chí Minh xar tiêk: hâux lưv tsưr tsix uô siv côngz xưv sik côngv uô cê hâu nov canr bộ hâur six hơưv no zos lok six zuôr trâus, tsuv tâu uô ntơưv têx cấp, têx nganhx....sâuv co, nhoz tưs uô tâu mak tsuv tsưr tsix zuôr chênhz zênhv:

          “ Hâux lưv txu grês biên chế, cur thix ziv tsuv uô, zos tso tơưv mak tsi uô tsôngv box zuôr tsi njênhs njôngr txos thiêz. Cur thix ziv têx đ/c sơưr thơưx nganhx, bộ, tỉnh, thành phố, huyện, quận, xã, phường....têx đ/c tsuv uô ntêx nyuôk uô uô ntêx. Tiv 2 zos nhoz tưs tsi uô tâu mak tsuv muôx txơưx jênhv cxôngx Đảng, cxôngx tsôngv box”.

          Cxôngx qênhx shênhx ntux nas tsi so muôx yưv nhoz ntâu qơư, tiv zix zos coz nas chuô số 10 uô ruôr hiêv lok six hnhar, uô zênhr shar lox txos tsôngv box luz nênhx, Đangv, têz qơưk, Mặt trận tổ quốc VN tưz ciêr chênhr phuôx tôngv thiêz chox kriê têx cấp, têx nganhx, chinhr quyênx tiv phaz gôngr paz tsôngv box hla đhâu têx phêv liv, nzor ngaz tul luz nênhx. Taz sik, cử tri thiêz tsôngv box tsênhv cxơưx viv qiv hơưv txơưr txar tsi so; tsôngv box tsi tâu chuv tôngv tir tar đros ntux nas, đêx cuôr yôngz. Cử tri lok six tsi jông siêz cxôngx hâux lưv cxax yuôx trâu 3 cxênhz 750 tul buô uô ntêx thâuv chox mul feik tuô ntơưv têx qơư tuô buô nhoz huyện Củ Chi, TP Hồ Chí Minh. Thôngx cxix cxơưx thiêz tsi jông siêz đros qênhx shênhx nhiês muôs zuôr yuôx kho moz tsi txâuk tsơưr lươngv; moz suôz liêz huôv xênhz sei....Zos chiz coaz sâu jênhv cử tri li ziv chênhv siêz xar, zơưv Ngô Sách Thực, Phưv chủ tịch Ub TW MTTQ Việt Nam khav tênhv: Mặt trận tổ quốc Việt Nam li txơưx jênhv zos seiz car thiêz tsưr tsix seiz car cử tri li ziv chênhv thix ziv:

          “ Pêz zuôr seiz car lơưr Chei seiz car, sik côngv đros chiz coaz thôngz xor mông chiê tsôngv box mnôngs tâu teiv plor tsôngv box bo xeir li têx ziv chênhv huôx tôngv, thôngx cxix mặt trận tổ quốc li ziv chênhv chiê muôz siêz têx Bộ, nganhx, chinhr phuv li txơưx jênhv hâur hâux lưv têz cử tri li ziv chênhv. Têx ziv chênhv no tsuv tâu car chêx. Hâur MTTQ li tsaz yênhx seiz car niêx shông puôr lênhx tso tơưv njiêz luv tsaz yênhx. Seiz car uô jông MTTQ li thix ziv. Muôx têx njiêz luv 2-3 jiês tâu seiz car mak têx njiêz luv co tâu uô”.

          Cử tri xar njôngr teiv plor côx hôiv tror muôz siêz zuk li siêz xar, txơưx jênhv, pênhr xưv, sir jos cxaz chuôz gôngr ziv chênhv chiê xa cử tri têx siêz xar ziv chênhv txos côx hôiv. Li ntơưv, côx hôiv thiêx tsênhz tsênhz jê đros tsôngv box, gôngr phênhv car chêx têx vênhv thix têz qơưk tsi jông siêz./.

(TTT-Txâur Vax cxeik nhênhv)