Jax sâu hnuz thưr 2/30/5/2016:

ZAV NOX TAZ POR NHOZ SƠN LA- QIR MUÔX TÊX TRÂUR NUV JÔNG

          Doanh nghiệp tư nhân Minh Thúy- huyện Mai Sơn muôx trâur nuv tu zus tâu ntâu buô sơưr thơưx tỉnh Sơn La đros pênhr yưv uô zos 100 tỷ đeiv ntâu, guôx tâu cxiv uô sâuv 30 hecta ar, zos qơư xuz thơưx sir zôngv công ty cổ phần nôngz tsiêx tu zus Việt Nam li nôngz buô Yorshire, du roc. Nhiv no doanh nghiệp muôx 1 cxênhz 800 tul niêv buô, 3000 tus buô greix thiêz 2 cxênhz 200 tul buô nôngz. Cxix luôk guôx tu zus thiêz tsưr ziv tsoz phưz tâu uô tax ploz tsênhr Vietgap. Doanh nghiệp muôx 55 lênhx nênhs lox tôngv. Shông 2015, doanh nghiệp li phênhv sâu tax 40 tỷ đeiv. Xưk li têx qơư tu zus txơưr, zav nox tsênhv chiê tu zus buô zos poz cưk zuôr hâur tiv phaz muôz shơư đros công ty Cargill li krâur uô lơưr trơưk tsưr ziv tu zus hur. Viv li, doanh nghiệp li greix buô, nôngz buô tâu niêv ciêz tỉnh njênhs njôngr, phênhv sâu shông tov kaz siêz đuô shông uô ntêx. Zơưv Nguyễn Văn Giang, phưv giám đốc doanh nghiệp puz pâuz:

          “ Pêz Doanh nghiệp thâuv tưs cux xav tênhv tsưr ziv taz por zav nox zos xuz thơưx. Chiê muôx tâu siv huv taz por vêv xênhz, pêz thâuv tưs cux uô trơưk tsưr ziv taz por vêv xênhz tu zus, vêv xênhz thú y. Tiv zix tsov cưv txos taz por tsiêx cxu, puz nox krâur hur, chiê muôx siv huv hur jông tiv zix trâu niêv ciêz”.

          Iz trâur nuv zav nox hur txơưr đuô tâu lênhx nênhs sir zôngv tsov cưv, co zos Hợp tác xã jâuz taz por ntơưv huyện Mộc Châu. Đhâu 5 shôngk yênhx lix, HTX tưz muôx 37 lênhx nênhs, đros zuôr xar 14 hecta jâuz taz por chos 30 ntâu zav jâuz li: jâuz krưr, tâuv, txir lưs suôr, tâuz, jâuz njuôz, điz... 30 zav jâuz muôx cxix cxuô hâur 4 cheix, tâu chos, coar lik lơưr ploz tsênhr Vietgap. Iz shôngk siv huv muôs tơưv trâu niêv ciêz zos zuôr xar 400 tênhr, phênhv sâu lol zos 5 tỷ đeiv. Tsi taz cungz trâu niêv ciêz hâur tỉnh, mak HTX li jâuz tsênhv cungz trâu têx niêv ciêz lox li Hà Nội, Hải Phòng, Quảng Ninh. Pos Nguyễn Thị Luyến heik:

          “ Têx tsêr cơưv mê nhuôs zâu nhoz Hà Nội tuôx ntơưv no cir hôx thôngx sâu zuôr jâuz hur. Pêz chos li no chiê cxênhx hluôk tov kaz no cơưv shâuv uô lơưr. Chiê tuôr truôx niêv ciêz, xar por vêv tâu bê siv huv pêz tưz tôngv vênhx pox nhuôs sir jos uô, taz sik tsuv tuôr truôx bê zos jâuz hur thiêx li coaz tsôngv”.

          Trâur nuv yuôx zêx hur thiêz taz por Vinatea Mộc Châu nhiv no tsi taz muôx nhoz sâuv niêv ciêz hâur têz qơưk mak tsênhv muôs trâu têx niêv ciêz li Đài Loan, Trung Đông. Vinatea Mộc Châu zos iz hâur oz doanh nghiệp kôngz nuv VN xuz thơưx tâu chính phủ Việt Nam côngz jênhv lok qơư tsiv uô hax huv yuôx zêx Mộc Châu. Ntâu siv huv tax giải cuz tsơưr lươngv Việt Nam. Công ty tsênhv sir zôngv cxix luôk coar lik tsơưr lươngv lơưr ploz tsênhr ISO 9001-2008, cxix luôk coar lik tsơưr lươngv lơưr ploz tsênhr HACCP hâur tsiv uô yuôx zêx, cxix luôk coar lik tsơưr lươngv lơưr ploz tsênhr Vietgap hâur tsiv uô yuôx nhôngs. Đros mênhv chêx 600 hecta, yar lengx yuôx zêx niêx shông tax cxôngx 10 txos 12 cxênhz tênhr. Zơưv Vũ Hồng Khanh, phưv giám đốc công ty yuôx zêx Mộc Châu puz pâuz:

          “ Pêz li siv huv taz por tso pov cxôngx hâux lưv yưv pênhr txos hlôngr yiêz công nghệ chiê huv đros siv huv, huv đros niêv ciêz hâur thiêz đrâuv luôk oz chas têz qơưk li zoz qơưx. Yuôx zêx nhiv no tâu muôs tơưv đrâuv luôk oz chas têz qơưk li Đài Loan. Vênhv thix taz por tsơưr lươngv zos coaz tsôngv tiv zix, txơưv tiêk phêv liv li chas Vinatea Mộc Châu cux uô jông hâux lưv no”

          Siêz xar-txơưx jênhv-moz siêz uô zos 3 trâur nuv siv huv zav nox hur nhoz Sơn La li kror jông chiê muôx tâu yênhx côngz li no. Chiê tso tsês têx zav nox kiês nênhs, thôngx cxix uô tỉnh Sơn La li luôs hâux lưv, tsưr tsix tsiv uô zav nux hur sâuv tas nro tỉnh cungz trâu tas nro têz qơưk, mak tsênhv yuôr lok six ntâu hâux lưv tsuv uô. Tsuv muôz cxuô theox chênhv chiê 3 trâur nuv heik sâuv tror phuôv tsar thiêz krêz uô đêz đar, co cux zos iz hâux lưv phêv liv. Hâur co, Sơn La nhiv no phênhv ntâu zos tsưr tsix tsiv uô xiv huv ntơưv chuôz zis, doanh nghiệp sâuv thax tsav tsênhv tsơưs, tsi muôx niêv ciêz ngaz tul, truôx vênhs./.

( Tuyết Lan- Txâur Vax cxeik nhênhv)

Phênhv thưr 2 hnuz 30/5/2016:

Chor nênhs cơưv shâuv thiêz uô lơưr zơưv hloz Hôx nhoz Đà Nẵng

Cơưv tiêr trung cấp cảnh sát thành phố Hồ Chí Minh shông 2003. Đại úy Trần Thanh Tịnh lok uô côngz xưv ntơưv phongx cảnh sát qênhz yuôx nênhs phamv cxâuv zax zênhz, công an thành phố Đà Nẵng, 13 shông uô hâux lưv tir thêir thiêz zok nriêr chor nênhs fêv zuôr muôs zax zênhz. Trần Thanh Tịnh tưz njiz ntâu phiv liv. Nhiv kruôr no, Trần Thanh Tịnh đros sơưr đơưk ruôr tâu yênhz côngz chor nênhs muôl muôs zax zênhz ntâu txix faz Bắc lok Đà Nẵng zos Ngô Việt Huy, nhoz quận Thanh Khê, thành phố Đà Nẵng, zos tus sơưr thơưx zuôr muôs zax zênhz. Đại úy Trần Thanh Tịnh, phưv tsar đội phax tar, tir thêir chor nênhs fêv, zuôr muôs zax zênhz, công an thành phố Đà Nẵng puz pâuz:

“Hâur tsav txênhz phax tar nênhs phamv cxâuv zax zênhz, pêz njiz lok six ntâu phiv liv, chor nênhs fêv li têx sir jos tir thêir thâuv trâus zok cxov. Phênhv ntâu zos uô thâuv hmo ntux, đêz vax tsêr, xav jênhv chênhz yênhx txơưx jênhv hla đhâu têx phiv liv co. Cơưv shâuv thiêz uô lơưr 6 kror hloz hôx kriê, hâur ntu zuôr txos mak sir jos đuô thiêz nriêr têx tsưr ziv yiêz, gôngr phênhv gra siêz chêx cur côngz xưv tsav txênhz phax tar chor nênhs phamv cxâuv”.

Đros zơưv Trần Minh Thiên, bí thư chi bộ nhoz thax tsav Đa Mặn 5, phường Khuê Mỹ, quận Ngũ Hành Sơn xav tiêk: cơưv shâuv thiêz uô lơưr zơưv Hlõ Hôx têx cêr nênhx jông, zos cơưv shâuv uô txix cxuô luôs hâux lưv hâur yênhx hnuz. Zơưv tưz hêik sơưr đơưk uô jông tsưr ziv “fuô luk sâuv loa lok tir thêir têx nênhs fêv" chiê côngv thôngx sđ đros tir thêir.

 Txix thâuv kriz uô tsưr ziv hêik ntơư txos nhiv no, jêx jok njiês nti tsik muôx yưv txuz tuz saz tuz nhiês tưs ruôr hiêv txos jêx jos sđ. Chiê paz trâu nênhs pluôs, zơưv Thiên tưz muk vênhv tôngv têx lênhx nênhs siêz jông sik côngv paz tâu 2 tỷ đêiv nhiêx chiê paz trâu lênhx nênhs pluôs. Zơưv Trần Minh Thiên shir phaz lul thâuv zơưv têx hâux lưv uô co tưz paz muôx tâu chêx cur jông:

“Cơưv shâuv thiêz uô lơưr zơưv Hloz hôx mak cur tsik so sir jos cơưv shâuv, jê pêx xênhv đuô. Tiv zix hâur phax tar nênhs phamv cxâuv. Cur zuôr uô đêz đar tsưr ziv tơưl tênhz pov cêr thiêz suôz đruôk chiê phax tar tuz saz tuz nhiês. Piz txix pâuz tâu txos hloz hôx li tsưr ziv cxơưx trâu pêx xênhv mak sơưr đơưk cux lok six njênhs zuk”.

Ntơưv jiês cơưv suôx câuv 5 shông uô lơưr bộ chính trị li chỉ thị 03 nhiv kruôr đhâu, thành ủy Đà Nẵng tưz hênhr kruôk 74 tập thể, tiz nênhs uô tâu hâux lưv jông hâur cơưv shâuv uô lơưr zơưv hloz Hôx têx cêr nênhx jông. No zos chor nênhs muôx tâu têx tsưr ziv thiêz hâux lưv uô jông. Zơưv Mai Văn Ninh, phưv tsar ban thường trực ban Tuyên giáo Trung ương muôx luk kruôk txos chor uô tâu jông cxuô luôs hâux lưv hêik sâu:

“Cur ntâuk gri siêz hâux lưv hênhr kruôk chor nênhs uô tâu jông muôx gôngr côngv ntâu trâu Đà Nẵng li no. Hâur kriz uô chỉ thị mak thành phố cux sir jos uô đros jênhv vưv chính trị thiêz cêir chêx jông têx phiv liv muôx nhoz tiv phaz lok “5 cxiv thiêz 3 phax tar”. Tiv zix, tsov cưv txos vênhv thix tsav txênhz, phax tar phiv liv hâur shưz xar, tsêx tsung hlôngr yiêz uô ntâuz ntơưr chiê uô trâu taz viv zos taz viv sơưr thơưx nhoz thành phố huôv tsar”./.

(TTT-Lik Thox cxêik nhênhv)