Têx phiv liv hâur xã hội uô trâu nênhs muôx zênhk zax zênhz tror chuôz ndê?

        Tix lâus Tống Duy Bào, 43 shôg nhoz tỉnh Điện Biên hêik, 20 shông uô ntêx tiv đros sơưr đơưk sir zôngv zax zênhz, tix lâus tưz muôx zênhk thâuv tưs cux tsik pâuz, uô trâu cêr lax luôv trâus pôngz plox, pox niêv mê nhuôs khiêr muk tas, uô trâu chuôz zis, fôngx zưs nzuz zuk. 10 shông muôx zênhk zax zênhz, tưz ntâu jiês tix lâus xar tso tsês, chiv chir muk chiv zênhk zax zênhz xar muôx 20 jiês, taz sik chiv tas ho tror muôx zênhk. Pov chôngz nênhs tuôs tiv zax zênhz, tix lâus Bào tưz nyêi thiêz sir jos tso zax zênhz zênhz tsês. Txos nhiv no, tưz muôx 10 shông tix lâus chiv tâu zênhk zax zênhz, kriz tâu iz kror qơư uô nox zâu thiêz paz trâu chôngz nênhs chiv tâu zênhk zax zênhz, muôx hâux lưv uô truôx:

“Muôx zênhk zax zênhz mak nyêi tiv zix zos pôngz ntâu đas jos, kinh tế, nênhs hâur tsêr lênhx tưs cux txar đêz. Cux hmôngr jông cur tsênhv yuôr mê nhuôs thiêz co zos kror paz trâu cur sir jos chiv zênhk zax zênhz. Chor nênhs sir zôngv zax zênhz muôx qơư jông chiê chiv zênhk, đhâu thâuv chiv tâu tas lok mak muôx chuôz zis, côngv thôngx, jêx jok cux xưk li xã hội tsov cưv txos mak cur xar têx co zos kror paz trâu lơưr thâuv chiv zênhk zênhz tas sir jos đuô, tsik tror muôx zênhk. Zov chênhr mak tsuv hêik kriê thiêz tiv zix zos nênhs muôx zênhk zênhz tsuv sir jos”.

        Phênhv ntâu nênhs muôx zênhk zax zênhz tiv pâuz tsik tâu zax zênhz têx uô hiêv, têx thâuv xar siv cov pâuz, xar khar zuk tuk khênhx trâu fôngx zưs sơưr đơưk lok sik siv cov pâuz…tưz uô trâu chor nênhs muôx zênhk zax zênhz chuôz ndê chôngz. Tsênhv tsênhz puz pov, muôx nhos 94% chor nênhs chiv zênhk zax zênhz tas tror muôx zênhk zax zênhz. Đros co, tsik muôx hâux lưv uô, phênhv sâu truôx…hax zav uô trâu lơưr nriêr txos zax zênhz. Nhiv no, chôngz lênhx pêx xênhv, têx thâuv chor hluôk nênhs cux tsik car xar txar jê chor nênhs muôx zênhk zax zênhz, txơưv lơưr tưz chiv tâu zênhk zax zênhz lơưv lok cux tsik xar txar jê. Tix lâus Nguyễn Ngọc Tuyền nhoz Quảng Ninh puz pâuz:

“Đhâu 2 shông chiv zênhk zax zênhz, cur tror lok thiêz sơưr đơưk tsik xar txar jê. Phiv liv đuô zos xã hội, côngv thôngx cux tsik xar paz zuk. Lênhx tưs cux uô jông sêiz thâuv njiz thav pêv đros zuk. Hâur lơưr kror muôs njiê zuk mak pov njôngr tiêk “chor nênhs ntơưr tror lok lơưv, tsuv uô jông sêiz shuôk, txar đêz lơưr”. Muôx têx thâuv mak zuk xar nyê zuôr chưx tsik tâu têx kror co”.

        Hêik lok têx muôx yưv hâur côngz xưv chiv zênhk zax zênhz, zơưv Lê Đức Hiền, phưv cục trưởng cục phax tar txiêz nanv xã hôiv (Bôv lox tôngv-xaz pênhz thiêz xã hôiv) puz pâuz, chuôs li chor nênhs chiv tâu zênhk zênhz puôr lênhx tror muôx zênhk thâuv lok đros côngv thôngx. Đrâuv tror muôx zênhk siêz, chor nênhs muôx zênhk yiêz cux tsik so chuôz ndê, shong tov kaz siêz đuô shông uô ntêx xar muôx 6 txos 8%. Ntâu zav zax zênhz yiêz tâu muôz lok sir zôngv li zax zênhz tổng hợp, trox Mỹ, tem luôs…ruôr hiêv nênhs sir zôngv li đas jos. Tiv zix, chor zav zax zênhz yiêz no mak lok six zôngx ziv muôx zênhk taz sik ho lok chiv tâu zênhk, cux zos iz kror phiv liv trâu chor nênhs uô côngz xưv no. Chiê paz txo grêk tror muôx zênhk zênhz mak paz muôx hâux lưv uô đhâu thâuv chiv tâu zênhk zax zênhz thiêz chuôz zis, côngv thôngx li tsov cưv txos zos kror tsuv muôx:

“Uô ntêx zos chor zax zênhz tổng hợp chuôz ndê ntâu, tsưr ziv chơưv kho ntơưv Việt Nam thiêz ntiêx têz puôr lênhx tsik tâu muôx viv lok six phiv liv, muôx oz pêz puô zav zax zênhz sik txơưr. Tiv oz zos zax zênhz cux tsênhv lok six phiv liv txơưv tiêk tưz sir jos chiê tir tar. Tiv 3 zos cxuô zav thiêz cán bộ, taz sik lơưr cur mak kror zov chênhr tiv zix zos jênhv pâuz lok chiv zênhk zax zênhz thiêz iz kror thiêz zos côngv thôngx tsik tsov cưv txos”.

         Đhâu 3 shông kriz uô “Đề án hlôngr yiêz côngz xưv chiv zênhk zax zênhz”, txos nhiv no ntâu tiv phaz cux tsênhv tâu pâuz uô li chak hâur hlôngr yiêz tsưr ziv chiv zênhk zax zênhz kruôz zuôv trâu chiv chir chiv zênhk, tsik tâu tsov cưv txos kriz uô tsưr ziv chiv zênhk zax zênhz khov trâu côngv thôngx. Nhiv no tsuôk muôx iz cxiê tsênhv qơư hlôngr yiêz yênhx côngz tsưr ziv chiv zênhk zax zênhz, zaz zâuv tâu chôngz nênhs. Tsênhv qơư chiv chir chiv zênhk zax zênhz số 5 Hà Nội tưz hlôngr txix kruôz zuôv chiv zênhk zênhz trâu chiv chir tuôx chiv zênhk zênhz txix shông 2014, txâuk chiê txêik tok 400 nênhs muôx zênhk. Nênhs muôx zênhk tuôx ntơưv no chiê chiv zênhk zênhz, tsênhv tâu cơưv shâuv đas jos thiêz cơưv hâux lưv uô. Zơưv Phùng Quang Thức, Chi cục trưởng chi cục phax tar txiêz nanv xã hôiv, Sở lox tôngv, xaz pênhz thiêz xã hôiv Hà Nội puz pâuz:

“Nhiv kruôr đhâu, tsênhv qơư tưz muôx 3.900 ntâu lênhx nênhs chiv chir tuôx chiv zênhk zax zênhz hâur 2 shông. Zos pir li chiv zênhk zax zênhz kruôz zuôv mak tsưr ziv chiv zênhk no siêz đuô 10 jiês viv iz shông thành phố tsuôk chox tâu xar muôx 300 lênhx nênhs tuôx chiv zênhk. Viv li phênhv ntâu nênhs muôx zênhk zax zênhz lơưr siêz xar mak pêz tưz tax tâu thiêz lơưr cux tưz sưv đros tsưr ziv chơưv kho”.

         Tsênhv mênhx, chiê txo grêk tsơưs tâu chor nênhs tror muôx zênhk zax zênhz, tsuv muôx tsênhv chêi paz đhâu thâuv lơưr chiv tâu zênhk zax zênhz chiê lơưr muôx hâux lưv uô, truôx tuk luz nênhx. Thôngx cxix, sir jos yax kriê lok zax zênhz li têx kror uô hiêv. Chiê tso tsês tâu zax zênhz, nênhs muôx zênhk zax zênhz tưz tsik zos tâu chuôz zis, côngv thôngx paz xưz mak zov chênhr tiv zix zos zuk chiv chir sir jos thiêx zuôr tso tsês tâu zax zênhz tsik hâuk./.

(TTT-Lik Thox cxêik nhênhv)

Thủ tướng chỉ thị chuôz tsar tsoz phưz chor nênhs muôz côngz  têz qơưs

          Chỉ thị heik mênhx “Hâuk đêx tsuv ndo txos hâur đêx cxơưr”, hâur 70 shông đhâu, Đảng thiêz têz qơưk tưz tso tơưv ntâu tsênhv chei đros nênhs muôx côngz đros cơưx mênhv; têx cấp, têx nganhx cxôngx Trung ương txos tiv phaz tưz tsưr tsix uô muôx chêx cuk; têx cxênhx nênhs tsôngv box, têx tsưr tsix thiêz lênhx nênhs ziv sir jos cxaz chuôz têx huôx tôngv ndo pâux txiêx njik; gôngr phênhv yênhx trus muôz siêz luz nênhx chinhz yênhx trâu nênhs muôx côngz thiêz chuôz zis nênhs muôx côngz, gôngr phênhv tuôr truôx txiv ngaz chinhr triv-xã hôiv, paz lol hâur hâux lưv zaoz zux cêr chax chês nhiêv têz nhiêv qơư, cêr chax chês cơưx mênhv Việt Nam.

          Thủ tướng Chính phuv choz trâu Bộ lox tông- saz pênhz thiêz xã hội lov lik, đros têx ban, bộ, nganhx, tiv phaz tsưr tsix ntâus grê tas nro têx chêx cuk, tiv zix zos têx hâux lưv tsi tâu huv đró, tsi tâu uô tâu thâuv uô tsênhv chei pháp luật lok tsov cưv txos lênhx nênhs muôx côngz đros cơưx mênhv; nhênhz chơưv, pov cov Chính phuv, côx hôiv seiz shuôk, tso tơưv Chei tsov cưv txos nênhs muôx côngz đros cơưx mênhv.... Thôngx cxix uô tiêr đề án hlôngr yiêz tsênhv chei tsov cưv txos nênhs muôx côngz đros cơưx mênhv chiê muôz trâu chiz coaz muôx qênhx hâur shông 2018; đros têx bộ, nganhx, tiv phaz chêx chôngk car chêx têx ntâuz ntơưr hồ sơ tsênhv yuôr thix ziv xav tênhv nênhs muôx côngz lơưr tsưr ziv tso tơưv ntơưv Bộ trưởng Bộ lox tôngv saz pênhz thiêz xã hội li Cuiz tênhv số 408 hnuz 30/3/2017.

          Đrâuv co chuôz tsar côngz xưv qênhz yuôx, seiz car hâux lưv xav jênhv thiêz uô chế độ tsov cưv trâu nênhs muôx côngz đros cơưx mênhv: sir jos cxơưz tiês krêz uô đề án xav jênhv bê têx lênhx liệt sĩ tsênhv yuôr...Bộ lox tôngv sa pênhz thiêz xã hội lov lik, đros krêz uô Ban tsưr tsix cấp têz qơưk li têx huôx tôngv trâu chiv nhênhv 70 shông hnuz saz pênhz thix xênhz lơưr tsưr ziv tưz tso tơưv.

          Tủ tướng Chính phuv choz trâu Bộ côx hôi cxơưz tiêkk côngz xưv seiz car muôk txưr, tsuôv tav, nriêr poz cxa têx liệt sĩ trâus tuôs thâuv tsav txênhz; đros Bộ lox tôngv saz pênhz thiêz xã hội tsưr tsix; krêz uô đề án lok chế độ tsênhv chei đros nênhs VN muôx côngz nhoz uô nênhx đrâuv luôk oz chas têz qơưk thâuv muôx Ban bí thư TW Đảng li ntâus grê.

          Bộ công an sik côngv đros Bộ lox tôngv- saz pênhz thiêz xã hội hâur hâux lưv xav tênhv thôngz xor mông muôx lênhx coaz txos nênhs cxaz chuôz cơưx mênhv trâus plox mông lok sik xav jênhv lênhx nênhs cxênhz jê thâuv uô hồ sơ ntâuz ntơưr thix ziv côngz jênhv nênhs muôx côngz đros cơưx mênhv./.

( KT- Txâur Vax cxeik nhênhv)