Jax thơr 3, hnuz 30/8/2016:

Yên Bái: Têx cêr cxơưx đhâu ntux nas chuô

               Đêx grik, niêv lâuk Tạ Thị Duyên nhoz jok 3, xã Việt Thành, huyện Trấn Yên chuôz zis ho tror lok hâur tsêr, truôx tuk luz nênhx. Hâur ntâu hâux lưv qêz  suô têx khâuz nhaz, tu vax tu tsêr, têx lênhx nênhs hâur chuôz zis cux tsuv muk tso đêx nzuôr têx blêx trâus ar lo, uô kâus tas. Chor blêx chos, uô tâu nzor nhiv no tưz gôngr car, qir uô plaz naz jov jơưk, taz sik njiz tsuv ntux nas lox viv li tsi pâuz shor pok cxơưr tâuk thiêz sâu tâu lok tsi tâu. Iz chas ntơư, têx liêx têz jâuz caz tsênhv hloz jông, njiz trâus ntux nas lox li ntơư, jâuz cux lưx tsi jông tas viv ntux tror yar cuz sor tuôx jiêz. Ciês têx ntông txir thênhx caz nhiv kruôr chos, nhiv no đêx nas tưz uô ruôr hiêv tas iz đraz ntâu. Niêv lâuk Tạ Thị Duyên heik:

            “ Blêx mak đêx ngaz txos ntuô sâuv têx njik tsi pâuz shor pok tâu zuôr, hok chor blêx uô tâu nzor mak nhiv no tsênhv taz tov gôngr car, uô plaz naz. Cur chuôz zis muôx 1.800 xưv phaz liêx têz uô kôngz, taz sik nhiv no muôx têx sâu tâu 720 xưv phaz xưz. Têx jâuz  mak trâus pôngz tas 1.800 xưv phaz, yuôr 720 ntâu xưv phaz. Cux tsuv khưx phưx, tsa têx kôngz iz kro mê njik seiz pok tâu, tsi pov  kaz uô li chas”.

           Yuôr ntơưv jok 4, xã Việt Thành, huyện Trấn Yên muôx 70 ziv chuôz zis têx kôngz trâus uô ruôr hiêv, hâur ntơư zuôr xar 20 ha blêx, jâuz tâuv; 3 cxênhz xưv phaz pak đêx. Tsôngv box hâur jok puôr lênhx uô nênhx nhoz khov trâu têx kôngz, zos sâu tsi tâu mak zuôr lok six txov nhêv. Zơưv Vũ Văn Kha, Tsar jok 4, xã Việt Thành heik:

           “ Nhiv no pêz têx kôngz tsênhv taz tov uô plaz naz, zuôr cxơưr trâus đêx ngaz li no ntêr, đhâu thâuv đêx grik tas ho tror yar tuôx viv li uô hiêv lox txos tsơưr lươngv, têx kôngz trâus pôngz tas ntâu, tsôngv box luz nênhx zuôr lok six txov nhêv. 100% tsôngv box nhoz no zos uô kôngz, têx phênhv sâu tâu puôr lênhx zos khov trâu têx blêx, jâuz tâuv, chênhr viv li tsôngv box jok 4 heik cxuô cấp, têx cơ quan muôx vax huôv muôx faz tsưr ziv tưs paz têx nôngz kôngz lur hnuz nhôngs trâu pêz tsôngv box tror chos, uô đuô trâu têx liêx têz blêx trâus đêx ngaz tuôs tas ntơư”.

           Đros tsưr ziv chox kriê thiêz paz tsôngv box khưx phưx, uô đuô têx kôngz trâus tsi jông heik sâuv, hâu nov têx thax tsav trâus hiêv tiv ntux nas uô cux tsênhv thôngz sâu têx trâus uô ruôr hiêv, ntâuk grê yênhx ziv chuôz zis têx cêr txov thiêz phiv liv chiê heik trâu huyện paz. Zơưv Đặng Văn Chung, Phưv Chủ tịch UBND xã Đào Thịnh, huyện Trấn Yên heik:

           “ Coz nas chuô số 3 tưz uô hiêv txos iz cxiê liêx têz kôngz lôngk, hâur ntơư 40 ha blêx, 6 ha jâuz tâuv. Ủy ban xã tưz muk qênhz yuôx shuôs têx liêx têz trâus hiêv iz kro jux juk chiê txix ntơư muôx tsưr ziv khưx phưx. Chor liêx têz trâus uô ruôr hiêv tas 70% ntâu mak heik tsôngv box muôx têx hlôngr chos đuô lưv zav kôngz lur hnuz nhôngs trâu thiêz bax lêix têx ar têz tsês tok chiv tov kaz”.

           Đhâu thâuv muôz têx blêx tsa, nzuôr ar tas, nhiv no canr bôv ngênhx kôngz nuv, lar heik zos têx lênhx car uô đreiv luôs hâux lưv cxiz kôngz tsênhv buôk ti muôx njêx muôs paz thiêz kriê tsôngv box sđ khưx phưx uô nox uô hâuk đros tsưr  ziv, siêz xar muôx têx chor blêx zuôr sâu tâu iz kro njik. Pos Phan Thị Diệu Huế, canr bôv qơư cxiz kôngz huyện Trấn Yên heik pâuz:

            “ Pêz tưz uô ntơưr chox kriê tsôngv box sđ, thâuv tưs đêx nas grik txos tưs mak tsa têx blêx txos ntơư, suô têx khâuz nhaz hâur têx liêx por tsês cov hur si thâuv đêx grik, iz chas ntơư tsi so muk qênhz shuôs, ndis seiz têx liêx chiê qênhz pov nzor têx caz hmoz tho nox uô ruôr hiêv kôngz, phax tuô tâu zênhx max. Viv đhâu coz nas chuô no, zuôr zôngx ziv muôx ntâu zav caz hmoz tho nox uô hiêv blêx li: caz hmoz  câur blôngx blêx, nox car….”.

             Ntux tror yar jông tuôx đhâu têx hnuz lok nas lox, tsôngv box huyện Trấn Yên, tỉnh Yên Bái tso cxuô luôs hâux lưv tsês chiê muk tsa têx kôngz đros thiêz siêz xar njôngr, khưx phưx tâu iz phênhv tưs thiêz tror tsêz chos uô đuô lưv zav kôngz, siz chos sir jos hla đhâu têx cêr txov thiêz phiv liv đhâu nas chuô./.

( Tuấn Xuân-Riê Lâux cxeik, nhênhv)

Phênhv thưr 3, hnuz 30/8/2016:

Phênhv: tsôngv box zuôr tsuv pâuz

              Tsôngv…!Pêx xênhv Hmôngz nhoz xã Huổi Một, huyện Sông Mã, tỉnh Sơn la pâuz huôv tsar cêr uô nox huv đros, muk đhâu yêiz pluôs.

Faz tsưr ziv huôv tsar cêr uô nox muk đhâu yêiz pluôs

             Chiê iz thênhv jux juk muk đhâu yêiz pluôs, uô ntêx, huyện tưz muôz qir thiêz nôngz poz cưk txuôv paz trâu px huôv tsar uô. Đros ntơư, xã  cux yax kriê cxuô ziv chuôz zis px hlôngr yiêz tsoz chos đros trâu huôv tsar tu zus tsiêx cxu nhux tưv, kêiz buô thiêz chos tâux trâu nhux tưv nox; têx ziv chos tsơưs cux chos tâu 1.000 txos 2.000 thiêr têz tâux. Cán bộ cxiz kôngz huyện cux tsik so muk trâu xã chiê kriz lớp kriê cơưv shâuv tsưr ziv chos tâux thiêz tsưr ziv huôv tsar tu zus tsiêx cxu lox zâu chiê muôs trâu tuz luôs ciêz đrôngl.

              Chênhr zos li hêik ntơư, xav txos trâu nhiv no, tưz muôx ntâu ziv chuôz zis muk đhâu yêiz pluôs, muôx luz nênhx truôx tuk jux juk; pir li zơưv cxênhk x zax; pax xâur x zax nhoz jos Huổi Pản; qêir thiêz  Muôk nhoz jos Pa Tết…Hâur dự án  hlôngr tsoz chos trâu têx têz nxaz, xã Huổi Một cux tsênhv taz tov chos ntông mo môngk, txir lưv kâuz,  caz nzưr. Nhiv no, jos Co Kiểng tưz muôx 3 ziv chuôz zis tsênhv taz tov chos caz nzưr; zos nziv trâu thax tsav ntơư, huyện tsênhv zuôr yax kriê px kriz đar têz chos. Iz chas ntơư,  13 luz jos hâur thax tsav xã tsênhv taz tov uô qơư tok đêx lok uô blêx liêx, cov tsôngv px sđ sâu tâu nju kôngz.

             Đros ntơư, huyện cux paz cxiv uô 1,7 cêik cưx liês tok đêx trâu ntơưv jos Nậm Pù thiêz tsênhv taz tov uô 3 cêik cưx liês tok đêx lok trâu px nhoz jos Túp Phạ B. Đros ntơư, ntâu ziv chuôz zis cux tưx cxiv uô  qơư tok đêx lok uô blêx liêx li: Zơưv Của x Lâux nhoz jos câuk Max A tưz kriz uô tâu 3ha blêx liêx. Ntơư cux chênhr zos faz tsưr ziv huôv tsar cêr uô nox yiêz chiê txo grêk yêiz pluôs.

              Phênhv nôngzx mênhx zuôr tsuv pâuz ciêz no zos Đêix nta suôz VN đros tsênhv qơư cxiz kôngz têz qơưs uô./.

                                                             (Tsuv cxêik nhênhv-VOV4)