Jax thưr 6, hnuz 30/9/2016:

Câu lạc bộ-Zos qơư têx lênhx nênhs nhiêv cxiv sâu, nhênhv pax huôv tox siêz Sơn La li qơư xênhz huôx

Nhênhv, sênhr suôz heik têx pax huôv lok luz nênhx nox nhoz nhiv no tưz yênhx têx nuv uô tsi so hâur câu lạc bộ pax huôv TP Sơn La têx jiês xênhz huôx. Iz lênhx nênhs thâuv xar tâu têx pax huôv lok sênhr heik puôr lênhx tâu câu lạc bộ tsưr tsix piêr kriê, uô jông. Khov li ntơư, têx pax huôv xar thiêz cxiv sâu tâu ziv hnuz ziv sâu tâu jông, taz por tsênhv njiêz trơưk sđ siêz nhiêv. Zơưv Trần Vinh, iz lênhx nênhs nhoz hâur câu lạc bộ heik:

“ Muôx têx, têx suôz pax huôv tưz uô trâu pêz nhiêv thiêz moz siêz txos thâuv nzor lok lơưv. Đhâu iz ntuk ntêr xênhz huôx hâur câu lạc bộ, cur tâu cơưv shâuv, pâuz ntâu lok sđ têx pax huôv, tsưr ziv, siêz xar heik. Nhiv no, cur cux tưz muôx têx jax pax huôv cxiv sâu tâu tso trâu sđ seiz thiêz nhênhv”.

Qir txix siêz nhiêv têx pax huôv, shông 1996, 14 lênhx puôr lênhx zos têx lâuk nênhs hnuz nhôngs siêz nhoz phường Chiềng Lề, TP Sơn La tưz thor tsa iz câu lạc bộ pax huôv. Hâur têx jiês xênhz huôx chi hội nênhs lâuk hnuz nhôngs siêz, têx lênhx zos chor nênhs lâuk côngv đros iz tsưr ziv, iz siêz nhiêv li: Txơưx xar tơưv, cxiv sâu tâu, pâuz nhênhv thiêz pâuz mnôngs chêx tsôngk uô cê sênhr suôz heik sik tưr, uô lov jêv. Têx hâux lưv uô no puôr lênhx zos lơưr chiv chir uô, xuz thơưx têx pax huôv no zos têx lâuk lơưr nhiêv, lơưr xar, lơưr uô lơưr trơưk zuk tsưr ziv. Taz sik đros tsưr ziv “ tsi jông kror tưs kho kror ntơư”, câu lạc bộ tưz hu têx lênhx muôx tsưr ziv, txơưx cxiv kho tuôx đros kho cov huv, cov đhok, cxaz nzir têx lo jông thiêz fiv trâu chiê sênhr heik tâu bliês trơưk sđ siêz nhiêv. Jux juk li ntơư, chor lâuk tsưr ziv uô no tưz ziv hnuz ziv muôx ntâu lênhx đros cxaz chuôz thiêz uô tâu jông, đros tsưr tsix nthuôr uô ntâu jiês têx cêr lov jêv ntơư nhoz cxuô cấp hâur thax tsav. Lar heik, thâuv côngz jênhv zos iz câu lạc bộ pax huôv nhoz hâur tsênhv qơư vênhx huôv tỉnh Sơn La, têx lênhx lâuk hâur câu lạc bộ tưz muôx nzir six hơưv, tsưr ziv xar tơưv tâu têx pax huôv thôngz đhâu têx muôx tsênhz, têx jiês sik njiz đros ntâu câu lạc bộ pax huôv hâur tỉnh. Đros trâu têx tsưr ziv xar tơưv thiêz cxiv sâu, heik kriê, ziv hnuz ziv muôx tâu pax huôv jông paz gra siêz txux chi tsưr ziv trâu têx lênhx hội viên. Zơưv Nguyễn Khắc Thành, seiz car câu lạc bộ pax huôv no heik pâuz:

“ Câu lạc bộ xuz thơưx tsuôk zos têx jax pax huôv lav sâu trơưk tsưr ziv thiêz siêz nhiêv. Taz  sik tưz muôx tsưr tsix mak tsuv gra siêz. Chênhr viv li, câu lạc bộ hu zâuv tas nro zuk têx fôngx zưs siz pâuz, lênhx tưs pâuz uô pax huôv, pâuz sênhr suôz heik….mak lok paz kriê tsưr ziv cxiv sâu, paz kho cov huv, cov đhok trâu. Jux juk li ntơư siz paz cov muôx txux chi tsưr ziv xar tơưv, uô tâu têx jax pax huôv jông sênhr heik trâu sđ mnôngs”.

20 shông uô đreiv luôs hâux lưv co, nhiv no câu lạc bộ pax huôv heik sâuv tưz muôx 40 ntâu lênhx cxaz chuôz xênhz huôx tsi so, muôx kênh lâuk mak hnuz nhôngs tưz lok six siêz. Taz sik, chor lâuk cux moz siêz lus xênhz huôx, đros xar tơưv thiêz cxiv sâu tâu yênhx cxênhz jax pax huôv, hâur ntơư 600 ntâu jax tâu xeir tsov, niêk tso trâu hâur 8 fâu ntơưr pax huôv hâur câu lạc bộ….. Ntơư tsi zos tiêk têx luk sênhr heik uô pax huôv đênhr sđ siêz, uô trâu luz nênhx thiêz tiz nênhs nhoz Tây Bắc-Sơn La muôx nzir ntâu kror jông, câu lạc pax huôv no tsênhv paz uô muôx cêr shir phaz, lov jêv phưx vưv têx hâux lưv chính trị, têx xor xưv hâur têz qơưs, hâur tỉnh thiêz. Chênhr li co, ntâu jax pax huôv tưz tâu xeir tsov niêk sâu trâu hâur têx fâu ntơưr pax huôv, luk heik Sơn La, tâu sđ kruôs thiêz nhiêv txos. Zơưv Trần Phiến, iz lênhx nênhs nhiêv têx pax huôv no heik:

“ Câu lạc bộ pax huôv uô trâu cur nhiêv thiêz pâuz txos têx vênhx huôv, cêr tir ntâuk trok châuz đrav ntêx. Thôngz đhâu têx pax huôv ntơư chiê fuô kriê Đảng, têz qơưs têx chei txos trâu tsôngv box sđ. Thiêz kriê tsôngv box tsưr ziv uô nox, cơưv shâuv, uô trơưk Lâuk Hôx cêr uô nênhx jông”.

Tsênhv qơư vênhx huôv tỉnh câu lạc bộ pax huôv heik sâuv tưz tâu côngz jênhv zos câu lạc bộ uô ntêx nyuôs thiêz muôx ntâu jax pax huôv jông. Têx uô tâu ntơư ziv cxiz têx lênhx nênhs nhoz hâur câu lạc bộ sir tas zuk txux chi tsưr ziv uô têx nuv jông, tror moz siêz xar tơưv thiêz cxiv sâu têx pax huôv paz trâu muôx ntâu cêr lov jêv nhoz tox siêz Sơn La./.

( Bích Thủy-Riê Lâux cxeik, nhênhv)

Phênhv thưr 6.30.9.2016:

PHÊNHV TSÊNHV CHEI THIÊZ LUZ NÊNHX

Tsi tsuv khiêz, txu grês nhiêx phir khiêz cơưv trâu shux xênhz pluôs

          Tsôngv box thiêz cưr tix fôngx zưs hmor yuô! Bộ zaoz zux thiêz thox cxov nhiv kruôr muôx ntâuz ntơưr xa trâu chủ tịch Ủy Ban têx tỉnh, thành phố trực thuộc Trung ương thix ziv tsov cưv txos hâux lưv uô tsênhv chei tsi tsuv khiêz, txu grês nhiêx phir khiêz cơưv thiêz paz txưv nhiêx phir khiêz cơưv ntơưr đros shux xênhz pluôs.

          Shông no, tiv qiv hơưv tsi jông, ntâu tiv phaz trâus ntux nas uô đêx ngaz, ntux kruôr gis, tênhx qơư kiês nênhs...uô zênhr shar zov chênhr txos tsôngv box li xênhz huôx thiêz luz nênhx, tiv zix zos têx ziv chuôz zis pluôs, chuôz zis trâus zênhr shar tiv ntux nas.

          Bộ zaoz zux thiêz thox cxov thix ziv chủ tịch Ủy ban têx tỉnh, thành phố trực thuộc Trung ương tsov cưv tiv zix txos hâux lưv tsi tsuv khiêz, txu grês phênhv nhiêx phir khiêz cơưv, paz txưv nhiêx phir cơưv ntơưr trâu shux xênhz tâu sơưv chính sách, shux xênhz pluôs thiêz shux xênhz muôx luz nênhx txov nhêv. Hlôngr yiêz qênhx shênhx kriê cxaz tsi trơưk cui tênhv, tso tsês qênhx shênhx liv zôngv sâu cxaz nhiêx phir khiêz cơưv, uô xã hội tsi jông siêz.

          Chiê taz por tas nro têx shux xênhz muôx luz nenhx txov nhêv, shux xênhz tox siêz trâus zênhr shar tiv ntux nas, tênhx qơư trâus kiês nênhs tâu mul cơưv ntơưr hâur shông cơưv yiêz, tsi muôx shux xênhz tso ntơưr tsês viv tsi muôx nhiêx txiêx khiêz cơưv, Bộ zaoz zux thiêz thox cxov cux thix ziv Chủ tịch Ủy ban têx tỉnh, thành phố trực thuộc Trung ương hâur zuk li qênhx thiêz tsov lơưr tiv phaz li phênhv pênhr nhiêx chiê tso tơưv cxaz têx tsênhv chei tsi tsuv khiêz, txu grês phênhv nhiêx phir khiêz cơưv thiêz paz txưv nhiêx phir khiêz cơưv trâu têx shux xênhz.

          Uô ntêx co, hnuz 18/8/2016, Bộ zaoz zux thiêz thox cxov tưz tso tơưv Công văn số 4038/BGDĐT-KHTC xa trâu Ủy ban têx tỉnh, thành phố trực thuộc Trung ương lok thix ziv cuiz tênhv phênhv nhiêx phir tsuv kheiev cơưv niêx shông huv đros yênhx tiv phaz li theox chênhv kinh têr thiêz tsôngv box li pênhr xưv gôngr côngv tsênhz mênhx, thôngx cxix uô têx tsênhv chei tsi tsuv khiêz, txu grês phênhv nhiêx phir khiêz cơưv trơưk cui tênhv lơưr trơưk Chính phủ li cui tênhv ntơưv Nghị định số 86/2015/NĐ-CP hnuz xiêz 2/10/2015 lok cơ chế sâu, coar lik nhiêx phir đros têx qơư zaoz zux nhoz cxix luôk zaoz zux têz qơưk thiêz tsênhv chei tsi tsuv khiêz, txu grês phênhv nhiêx khiêz cơưv, paz txưv nhiêx khiêz cơưv cxôngx shông cơưv 2015-2016 txos shông 2020-2021./.

( Thanh Thủy- Txâur Vax cxeik nhênhv)