Jax sâu thưr 4.31.8.2016:

TÊX RIÊZ NÊNHS CXÔNGX TÊX TUL QOX ĐEI ĐHÂU COZ NAS CHUÔ SỐ 3 NHOZ SƠN LA

         Têx jiês lol nas lox tiv coz nas chuô số 3 uô tul qox đei tưz trâus puôk tsuôx nhoz jos Na Sanh, xã Chiềng Pằn, huyện Yên Châu trâus đêx cuôr yôngz mul, tsuôk yuôr 2,3 txox xor hlâu đei ntơưv co. No zos yênhx puôk ziv chuôz zis tsôngv box têx jos Sốp Sang thiêz Na Sanh li txox cêr chiê mul lol car ciêz, viv li thâuv ntux lol nas pox nhuôs cux uô siêz mul đhâu chiê zuôr chuôz zênhx phưx vưv chuôz zis li xênhz huôx. Lênhx tưs cux pâuz tiêk riêz nênhs taz sik tsi pâuz mul txox cêr tưs mul. Pos Lò Thị Sanh, jos Na Sanh puz pâuz:

          “ Thâuv ntêx qox tsi tâu puôk tsuôx mak mul lol tâu đhâu, nhiv no qox puôk tsuôx ntâu lơưv lênhx tưs cux nyei, taz sik cux lav mul, gra jâuz, tâuv cxuô zav mul ciêz muôs chiê zuôr njêr, zuôr njiêz nox”.

          Ntơưv huyện Yên Châu, coz nas chuô số 3 nhiv kruôr đhâu tưz cuôr lơưv 2 tul qox đei. Đrâuv co tas nro huyện tsênhv muôx 40 tul qox đei txơưr trâus puôk tsuôx hnhar, uô tsôngv box lok six cxơưx thâuv mul lol đhâu, tiv zix hâur cheix lol nas li nhiv no. Taz sik, hâux lưv kho đuô, khưx phưx mak tsi zôngx ziv thâuv tsênhv tos pênhr nhiêx paz txưv. Zơưv Lường Trung Hiếu, phưv chủ tịch Ub huyện Yên Châu puz pâuz:

          “ Đros thiêz tsưr ziv 4 ntơưv qơư, UB huyện cux chox kriê cơ sở huiz tôngv têx pênhr jos chiê khưx phưx côngz tsinhx. Tiv 2 zos canhv pov tsôngv box tsi mul lol đhâu qox. Tiv 3 zos thâuv đêx grês kis pêz zuôr huiz tôngv têx lưx lươngv khưx phưx côngz tsinhx chiê phưx vưv tsôngv box mul lol”.

          Lơưr Sở zaoz thôngz vênhv teiv tỉnh SƠn La li thôngz sâu, tas nro tỉnh muôx 300 ntâu tul qox đei trâus puôk tsuôx. Xav hâur jiês coz nas chuô số 3 mul đhâu, tưz muôx 20 ntâu tul qox đêi nhoz têx huyện Mường La, Sông Mã, Phù Yên, Bắc Yên, Yên Châu trâus đêx cuôr yôngz, uô puôk tsuôx...Phênhv ntâu cxix luôk qox đei no puôr lênhx tâu uô nhoz têx mêr cêr mul têx jêx jos. Ntâu tul qox tưz tâu uô tâu yênhx châuv shông, niêx shông puôr lênhx tâu tsôngv box kho đuô taz sik tsuôk zos lav kho xưz, têx txiêk ntông tưz trâus lưx, têx xor hlâu trâus xêz thiêz zis tas... Zơưv Bùi Văn Mẫn, Phưv giám đốc Sở zaoz thôngz vênhv teiv tỉnh Sơn La puz pâuz: tiv tỉnh tsi muôx pênhr nhiêx viv li tỉnh tsênhv thix ziv muôz tso hâur Bộ zaoz thôngz vênhv teiv li têx dưv án. Hâur co 153 tul qox đei tưz tâu muôz tso hâur Bộ li ntơưr krêz uô hâur six hơưv zuôr txos. Zơưv Mẫn puz pâuz:

          “ Nganhx cux tưz chox kriê têx tiv phaz chuôz tsar qênhz yuôx, seiz car têx tul qox đei chiê kho đuô, sir jos chiê đhâu cheix lol nas. Thôngx cxix, cxok fiêx canhv pov thâux hnhar tsi puz mul đhâu, tsuôk puz lênhx nênhs mul tơư lok sik têx yêz tuôv, yêz meir mul đhâu xưz”.

          Sơn La tsênhv zos cheix lol nas. Tsôngv box tiv phaz li txox siê thiêz chuôz zênhx chuôz tas niêx hnuz tsênhv tuiv flu đros têx riêz nênhs thâuv mul lol đhâu têx tul qox đei tưz trâus puôk tsuôx ntâu, thâuv tos pênhr nhiêx chiê kho đuô thiêz cxiv yiêz têx tul qox đei no./.

( Hồng Việt-Txâur Vax cxeik nhênhv)

Phênhv thưr 4, hnuz 31/8/2016

PHÊNHV PIÊR KRIÊ TÊZ QƠƯS TÊX CHEI

Cui tinhv, ntâuz ntơưr uô cxaz chuôz Bảo hiểm y tế ziv chuôz zis

-Lênhx nênhs cxaz chuôz BHYT ziv chuôz zis uô nênhx nhoz hâur thax tsav xã thiêz huyện tưs, mak đas cir thiêz thêv nhiêx cxaz chuôz BHYT ziv chuôz zis lơưr xã thiêz huyện ntơư.

-Lênhx nênhs tưs tuôx uô nênhx nhoz tax hâur thax tsav thiêz tâu Cơ quan muôx vax huôv ntơưv xã, huyện co muôz ntơưr tso chei uô nênhx nhoz tax hâur thax tsav qơư co lơưr cui tinhv mak tâu đas cir cxaz chuôz BHYT ziv chuôz zis ntơưv  xã thiêz huyện ntơư.

-BHYT ziv chuôz zis tâu sâu nhiêx thêv ntơưr bảo hiểm lơưr cxix luôs têx qơư sâu zuôr nhiêx hâur Bưu điện thiêz qơư sâu nhiêx têx ntơưr bảo hiểm cấp xã, thị trấn.

-Lênhx nênhs cxaz chuôz BHYT ziv chuôz zis tâu xeir tsov zuôr ntơưr BHYT 3 luz hlik lok sik 6 luz hlik, lok sik 12 luz hlik.

-Phênhv nhiêx thêv ntơưr BHYT bâuv 4,5% nhiêx hli ntơưv qơư ( tsênhv tsênhz zos 1.150 cxênhz đeiv) iz hlik.

-Six hơưv sir zôngv ntơưr BHYT: Đhâu 30 hnuz xav txix hnuz lênhx nênhs cxaz chuôz đas cir zuôr thiêz thêv nhiêx trâu lơưr qơư sâu nhiêx BHYT thiêz qơư paz sâu têx nhiêx zuôr ntơưr BHYT trâu cơ quan BHXH huyện, thị xã, TP trơưk chei cui tinhv.

-Lênhx nênhs tror zuôr têx ntơưr BHYT, mak nênhs cxaz chuôz BHYT ziv chuôz zis tsuv thêv nhiêx trâu qơư sâu têx nhiêx zuôr ntơưr Bảo hiểm uô ntêx 10 hnuz thâuv tas hax sir zôngv.

-Txo grêk tsơưs têx nhiêx thêv zuôr ntơưr Bảo hiểm: Lênhx nênhs zuôr ntơưr BHYT ziv chuôz zis tâu txo grêk tsơưs iz lênhx iz kro mê njik têx nhiêx thêv zuôr ntơưr BHYT hâur ziv chuôz zis li: Lênhx nênhs tiv 2 thêv bâuv lênhx tiv iz 70%, lênhx tiv 3 thêv bâuv 60%, lênhx tiv 4 thêv bâuv 50%, lênhx tiv 5 tror zar sâuv thêv bâuv 40% têx nhiêx lênhx tiv iz tsuv thêv zuôr ntơưr BHYT.

-Têx ziv chuôz zis zos tsôngv px uô liêx têz, ntâuk muôz njêl, uô têx zav nuv txơưr đuô muôx phênhv sâu tâu tsôngz fênhx tâu Cơ quan muôx vax huôv qênhz shuôs thâuv cxaz chuôz BHYT tâu têz qơưs paz 30% têx nhiêx thêv zuôr ntơưr BHYT.

Têx ntâuz ntơưr thiêz cui tinhv thâuv cxaz chuôz zuôr ntơưr BHYT.

-Lênhx nênhs cxaz chuôz zuôr ntơưr BHYT:

+Uô đeiv ntơưr krêz zuôr ntơưr BHYT trơưk li lơưr cơ quan BHYT tưz sâu.

+Krêz uô trơưk đreiv li đeiv ntơưr lơưr qơư sâu zuôr nhiêx BHYT muôz trâu sđ sâu zuôr ntơưr BHYT ziv chuôz zis. Thiêz tror muôz đeiv ntơưr sâu tas trâu qơư sâu zuôr nhiêx thêv BHYT.

-Qơư sâu nhiêx thêv BYT.

+Lênhk txeik têx ntơưr ziv chuôz zis cxaz chuôz zuôr ntơưr BHYT, sâu ntơưr sâu tsês têx ntơưr ntơư thiêz muôz iz đeiv tror trâu lênhx nênhs cxaz chuôz.

+Sâu bê têx lênhx cxaz chuôz BHYT trơưk têx ntơưr tưz sâu kriê trâu sđ.

+Hâur 3 hnuz uô hâux lưv, qơư sâu têx nhiêx thêv zuôr ntơưr BHYT tsuv muôz thiêz xa chor nhiêx co trâu Cơ quan BHXH huyện, thị xã, TP.

-Cơ quan BHXH:

+Lênhk txeik lênhx tiz nênhs têx ntâuz ntơưr đas cir cxaz chuôz zuôr ntơưr BHYT, hâur sĩ hơưv 10 hnuz uô hâux lưv, cơ quan BHXH tsuv uô thiêz muôz ntơưr BHYT trâu qơư zuôr ntơưr BHYT.

+Qơư sâu zuôr têx ntơưr BHYT ntơư lênhk txeik tâu têx ntơưr heik co txix cơ quan BHXH, qênhz yuôx shuôs tas zos uô tâu trơưk li sđ tưz krêz sâu zuôr ntơưr BHYT li muôz pheiz trâu lênhx nênhs cxaz chuôz BHYT.

+Lênhx nênhs cxaz chuôz zuôr ntơưr BHYT thâuv muôz đeiv ntơưr BHYT ntơư uô pôngz lok sik ntuôs, tsi jông tas, heik cov tror uô đuô đeiv yiêz thiêz têx nhiêx thêv mak trơưk li cui tinhv. Nhiêx thêv trâu uô đuô đeiv yiêz zos 4 cxênhz đeiv, hlôngr uô đuô iz đeiv yiêz zos 2 cxênhz đeiv.

Iz chas têx heik sâuv, qơư sâu zuôr ntơưr BHYT tsi tâu heik cov lênhx nênhs cxaz chuôz zuôr ntơưr BHYT muôz nzir iz zav ntâuz ntơưr tưs hlo./.

( Thu Thùy-Riê Lâux xceik, nhênhv)