Njuôs xav trâus tsơưr tưx siêz nhoz ciêz tox siêz Lai Châu

          Chơưr- iz zav xiv huv zuôr trâus muôx hâur tsôngv box tox siêz Lai Châu li luz nênhx xênhz huôx niêx hnuz, tiv zix zos tsôngv box mênhx cxưx tsơưs nênhs uô nênhx nhoz thax tsav tox siêz đêz đrôngs, thax tsav ntus đriv. Hâur têx ntênhs nox yôngz cok thiêz ntênhs tuôs lok sik ntênhs hu plik pur hli trâu mê nhuôs, tsôngv box sik njiz thiêz hâuk chơưr chiê sik thav lok huôv tsar cêr uô nênhx …Hâur têx jiês co, tsưr tsêr khênhr tuô nhux, tuô buô chiê tiêv kruô, cưr tix nênhx tsa thiêz khênhr nox hâuk tsi so hâur 3,4 hnuz.

          Zơưv Tẩn Sài Khoa, tsôngv box nhoz jos Làn Nhì Thàng, xã Sì Lở Lầu, huyện ntus đriv Phong Thổ-qơư muôx jiês trâus tsơưrtưx chơưr zov chênhr tsêz no, uô 9 lênhx nênhs tuôs thiêz 100 ntâu lênhx nênhs tsuv mul tsêr kho moz chiê chơưv kho puz pâuz: Têx canr bôv khênhr mul ciês txos jêx jos chiê yax mông lok chơưr li txux hiêv txos đas jos, tiv zix zos chơưr tsi pâuz tsênhz hâur pâus; sâuv Đeix, ti vi, têx cưk yuôx cux khênhr canhv pov. Mnôngs lơưv, pov muôx lênhx nênhs tuôs tiv hâuk chơưr lơưv, pox nhuôs cux nyei hênhr, taz sik chinhr quyênx txưr tâu iz six hơưv ho tror pov muôs chơưr tov têx ciêz. Pox nhuôs pluôs, tsi muôx nhiêx txiêx, cor cav hâuk chơưr lơưv viv li mul ciêz pov muôs chơưr ntâu ho xaz zênhz viv li zuôr lol hâuk xưz. Zơưv Tẩn Sài Khoa heik:

          “ Pox nhuôs li hâur jos li jênhv pâuz kis, viv li hâuk chơưr ntâu. Hâuk chơưr kâus uô muôx yưv txiêz nanv cux muôx, iz cxiê mak trâus moz gênhs viv li ziv hâuk ntâu đuô. Hâuk chơưr ntâu phênhv ntâu nhoz saz ntus đriv tiv uz, tsi muôx nhiêx txiêx ntâu mak zuôr ntơưv co xaz zênhz đuô. Chơưr Trung Quốc mak lơưr đo đêx txiêk shơư, chơưr tsi taz por tsơưr lươngv, thâuv hâuk mak trâus moz gênhs lok six sei”.

          Ntơưv ciêz tox siêz Dào San, huyện Phong Thổ, tsi taz muôx chơưr xưz mak têx hax huv uô cxôngx greix keiz uô txiêk tsi pâuz tsênhz hâur pâus cux tâu muôs lok six ntâu. Hâux lưv muôv muôs têx hax huv co tưz muôx ntâu shông lol no, taz sik tsi pov chiz coaz muôx txơưx jênhv tiv phaz nus txos. Lơưr phóng viên li nriêr pâuz, têx thôngz tso keiz uô txiêk zos têx qơư muôv muôs nhoz iz ndis ciêz cungz trâu thiêz tâu uô yênhx zav nox mak tsôngv box thâuv tưs mul ciêz cux nox. Têx lênhx nênhs muôs greix cxiêz ntơưv ciêz puz pâuz, iz thôngz keiz uô txiêk hnhar muôx nhos 15 cir, muôx ndêx puôz thiêz greix, tâu lơưr zuôr cxôngx 400-450 cxênhz đeiv. Thâuv gra mul ciêz, keiz tâu tsuôr, juôx njêr, mix chênhr cxuô zav thiêz chox mul cxiêz, iz tul ndêx puôz keiz cxiêz siêr…tâu muôs cxôngx 10-15 cxênhz, lênhx nênhs zuôr phênhv ntâu zos tsôngv box tox siêz, tsi muôx ntâu nhiêx txiêx. Thâuv muôs tas iz thôngz greix, tsi xav têx phênhv tưz yưv mak sâu liv tâu muôx nhos 500 cxênhz đeiv. Zơưv Phàn A Long, chủ tịch UB xã Dào San, huyện Phong Thổ puz pâuz:

          “ Pêz sik đros yax mông txos tsôngv box lok hax huv tsi pâuz tsênhz hâur pâus,tsi zôngv têx hax huv đhâu six hơưv sir zôngv. Tiv zix zos hâur six hơưv nhiv kruôr đhâu sâuv thax tsav ntus đriv tưz muôx jiês trâus tsơưr tưx chơưr mak Dào San tưz sâu tas chor chơưr co. Têx hax huv muôs ntơưv ciêz tsi pâuz tsênhz hâur pâus zos xã tưz yax mông heik tsôngv box tsi muôs tov têx ciêz”.

          Tsôngv box nhoz uô nênhs nhoz tỉnh ntus đriv Lai Châu zos têx lênhx nênhs phênhv ntâu kinh têr txov nhêv, tsi tâu cơưv ntơưr cxix cxuô, viv li jênhv pâuz tsênhv kis. Pox nhuôs tsi muôx ntâu nhiêx txiêx, hâur co zoz qơưx sir zôngv zav nox phưx vưv luz nênhx mak lok six zuôr trâus. Pâuz tâu têx co, nênhs fêv tưz liv zôngv chiê muôs têx hax huv tas six hơưv sir zôngv, tsi txâuk tsơưr lươngv, hax huv chuôr tov têx ciêz tox siêz chiê phưx vưv pox nhuôs, thiêz no zos iz hâur têx qir tiv tsênhv uô trâus tsơưr tưx ntâu lênhx nênhs. Zơưv Dương Đình Đức, Phưv chủ tịch UB huyện Phong Thổ puz pâuz:

          “ Pêz tưz chox kriê chuôz tsar côngz xưv yax mông cxôngx ntâu zav lul mênhx cxưx chiê tsôngv box pâuz, tiv zix zos tsôngv box nhoz tox siêz, ntus đriv. Têx phongx muôx txơưx jênhv chuôz tsar côngz xưv qênhz yuôx, seiz car têx chuôz zis muôv muôs hax huv, tsov cưv txos têx zav nox tsi pâuz tsênhz hâur pâus, tsuv sâu thiêz yưr lir txos qơư, tsi chiê têx hax huv co tror tâu muôv muôs sâuv thax tsav”.

          Tỉnh Lai Châu muôx 5 luz ciêz tox siêz zos: ciêz Sì Lở Lầu, Dào San, Pa Tẩn, San Thàng thiêz thị trấn Sìn Hồ. Thôngz sâu hâur 8 luz hlik hâur shôngk shông no, Tsêr kho moz đa khoa tỉnh Lai Châu tưz tos jênhv thiêz kho moz trâu zuôr xar 250 lênhx nênhs trâus tsơưr tưx zav nox, hâur co muôx 12 lênhx tưz trâus tuôs. Zos vênhv thix taz por zav nox nhoz têx ciêz tox siêz tsi tâu seiz car txos qơư, mak têx lênhx nênhs trâus tsơưr tưx njuôs xav zuôr tror chuôz ndê siêz./.

(Khắc Kiên- Txâur Vax cxeik nhênhv)

Tsar jok hluôk nênhs uô ntêx nyuôk trâu cxuô luôs hâux lưv, tâu px njênhs njôngr

          Shông 2009 đhâu cơưv tas ntơưr cxênhx pêz, viv niêv txir uô nênhx txov nhêv, tix lâus Hoan cuêz tênhv nhoz tsêr chiê paz niêv txir khưr uô nox. Đros xênhz huôx Đoàn ntơưv tiv phaz, Hoan tâu bâux xêir uô bí thư chi đoàn. Txos shông 2015, tix lâus tưz tâu xêir uô phưv bí thư chi bộ-tsar jok Noong La thâuv nhiv kruôr muôx 24 shông. Hâur ntu nhiv kruôr uô tsar jok, tiv zix zos txix thâuv ntêx txos nhiv no, xav tas nro hnuz nhôngs thiêz tsưr ziv uô hâux lưv cux njiz tsik tsơưs têx phiv liv hâur yax kriê, hêik pox nhuôs. Viv li, tix lâus tưz muk trâu yênhx ziv chuôz zis chiê mnôngs pox nhuôs têx siêz xar, cơưv shâuv chor nênhs uô ntêx lok têx chênhz zênhv đros siêz xar “kror tưs muôx liv trâu pêx xênhv mak uô”. Tix lâus Cà Văn Hoan hêik:

“Côngz xưv hêk sơưr đơưk lok six phiv liv, têx thâuv mak pox nhuôs pâuz tsik tsênhz. Jiês iz tsik tâu, jiês oz ho tror yax kriê trâu sơưr đơưk pâuz tsênhz, viv lu jux pox nhuôs cux pâuz tâu thiêz thôngx ziv. Lok ngaz tuk mak hâur ntu đhâu sâuv thax tsav tsik muôx nênhs zuôv cêr chêi têz qơưk”.

Ntâu vênhv thix tâu sêiz zos phiv liv nhoz hâur jok li: Hêik pêx xênhv muôz ar, siz char siz chês hâur chuôz zis…puôr lênhx tâu tix lâus cêir chêx jông. Niêv tix Cà Biên Ùi,jok Noong La, Phường Chiềng Sinh, thành phố Sơn La hêik:

“Cur chuôz zis muôx 500 yiv ndis ar uô kôngz nuv, uô lơưr tsưr ziv sâu ar chiê cxiv uô tsênhv qơư njuôk shuôk yêz, xuz thơưx cur thiêz chuôz zis tsik cav, taz sik tâu tsưr jok đros chor nênhs hâur chi ủy tuôx hêik kriê viv li cur chuôz zis tưz jông siêz muôx trâu lơưr”.

          Tưz tsik zos uô jông luôs haux lưv zok muôz, tsar jok Cà Văn Hoan tsênhv tsik so uô ntêx hlo hâur huôv tsar kinh tế chuôz zis, sir jos hêik pox nhuôs hlôngr yiêz tsoz chos, tsiêx tu zus, sir zôngv khoa học kỹ thuật tsêz chos kôngz lôngk. Jok Noong La muôx 54 ziv chuôz zis zos mênhx cxưx Thái, đros xar muôx 200 lênhx nênhs. Đhâu thâuv têz qơưk sâu ar kôngz nuv chiê cxiv uô đô thị, tix lâus Hoan đros pox nhuôs sir jos hlôngr yiêz kinh tế chiê uô kinh doanh, kriz qơư muôs hax huv…. Txos nhiv no, jok tưz muôx 30 ziv chuôz zis bluô nux, tsik yuôr chuôz zis pluôs. Ntâu shông sik lơưr liês jok, tâu xêir tsov zos jok vênhx huôv, tsik muôx têx nênhs hâuk zax zênhz, tsik muôx lênhx tưs siz zuôr tsik tâu txưv shông thiêz xênhz zus tuk nhuôs tiv pêz. Hêik lok tsưr jok Cà Văn Hoan li têx sir jos, zơưv Cà Văn Định, phưv chủ tịch UBND phường Chiềng Sinh puz pâuz:

“Txơưv zos lênhx tsưr jok hluôk, taz sik tsưr jok Cà Văn Hoan tsik so sir jos hêik pox nhuôs hâur jok uô jông lơưr Đảng, têz qơưk têx cêr chêi, sir jos huôv tsar kinh tế. Tsưr jok Hoan cux sir jos uô tiêr jông têx jênhv vưv, tâu cấp ủy chính quyền phường ntâuk gri siêz”.

         Jok Noong La, phường Chiềng Sinh nhiv no ziv hnuz ziv jông jav. Uô tâu li hêik ntơư cux zos muôx lênhx tsar jok-đảng viên hluôk Cà Văn Hoan li têx đas jos tsưr ziv uô. Tix lâus Hoan tsiv nhos zos iz lênhx hluôk chiê chor đảng viên hluôk sir jos cơưv shâuv thiêz uô trơưk./.

(Chẻo Thu-Lik Thox cxêik nhênhv)