Quảng Nam sir jos txo grêk cêr pluôs trâu tsôngv box heir nênhs tsơưs

Thax tsav tox siêz tỉnh Quảng Nam zos qơư tsôngv box têx heir nênhs tsơưs Cơ Tu, Cor, Giẻ Triêng, Xơ đăng uô nênhx ntêr lok. Thax tsav no phiv liv mul lok, tox trôngz hâur pêk siêz, cưx đês cưx ha toz, tsi so trâus ntux uô ruôr hiêv txos, têx chuôz zis pluôs, zuôr xar pluôs tsênhv ntâu. Têz qơưk tsaz yênhx qơư tsov txos lok txo grêk cêr pluôs truôx thiêz tsaz yênhx cxiv tsa jêx jok yiêz tâu seiz zos tsưr ziv cxơưz  thax tsav tox siêz tỉnh Quảng Nam huôv tsar. 5 shông đhâu, T.Ư, tỉnh tưz yưv pênhr trâu thax tsav no 8.200 tỷ đeiv ntâu. Zơưv Đinh Xuân Việt nhoz xã Trà Đốc, huyện Bắc Trà My, tỉnh Quảng Nam heik pâuz, thax tsav qơư nhoz iz saz tsêr meir tênhv tênhz Sông Tranh 2, Suôv qơư khênhr trâus ntux kênhs uô hiêv txos, tsôngv box luz nênhx tsênhv yuôr ntâu txov nhêv. Zơưv chuôz zis nhoz hâur thax tsav ar xưz poz, tâu têz qơưk paz 55 tsov đeiv yêik txar muk nhoz trâu thax tsav siêz đuô, muôx ar uô nox, zôngx ziv trâu tu zus tsiêx cxu, chos ntông keo, jux juk hla đhâu cêr pluôs:

“Lok nhoz no vax tsêr truôx tuk lơưv, ar tiêx, mê tuz mê nhuôv muk cơưv ntâuz cơưv ntơưr, cêr mul lok zôngx ziv đuô. Zuk nhoz jê cêr viv li uô nox, zuôr muôs huv zôngx ziv đuô”.

Shông 2016, Tỉnh ủy Quảng Nam tso tơưv Nghị quyết lok huôv tsar kinh tế-Xh tox siêz reik đros tsưr ziv uô iz cxiê dưv anr lox faz Tây. Hâur co chêx tsôngk uô luôs hâux lưv njuôk hov, phênhz qơư nhoz, truôx tuk thax tsav tsôngv box heir nênhs tsơưs thiêz tox siêz. Tỉnh nhiêx txiêx phênhz 285 tỷ đeiv chiê uô hâux lưv phênhz qơư nhoz truôx tuk trâu 4.300 ntâu chuôz zis. Hâux lưv moz siêz muôz uô ntêx hlo pênhr paz huôv tsar uô nox uô hnar, zok nriêr hâux lưv uô, cxaz nzir phênhv sâu tâu, yưv pênhr cxiv uô têx côngz trênhx ntơưv thax tsav tox siêz thiêz tsôngv box cxuô heir nênhs tsơưs. Zơưv Đỗ Tài, Bí thư Huyện ủy Đông Giang, tỉnh Quảng Nam heik pâuz, têx chuôz zis đas cir hla đhâu chuôz zis pluôs, đros cxaz chuôz dưv anr, muôx đas jos huôv tsar uô nox mak ntơưv qơư thiêx paz huôv tsar uô nox; paz têx zuz nôngz kôngz jông thiêz trơưk huyện tsưr ziv kriê tsêz chos têx nôngz kôngz:

“5 shông uô ntêx, ntơưv qơư muôx zuôr xar 50% chuôz zis pluôs. Txos kaz shông 2018 ntâuk grê đuô, txo grêk yuôr 29% chuôz zis pluôs trơưk cui tinhv chuôz zis pluôs. Co muôx têx heik zos lok six sir jos, khov tỉnh paz, Đảng bôv têx sir jos cxơưz, hâu nov thiêz tsôngv px huyện Đông Giang txix ntâu faz tsưr ziv, thôngz đhâu sir jos huôv tsar uô nox, cxaz nzir phênhv sâu tâu trâu tsôngv box”.

Txơưv tiêk li ntơư, thax tsav tox siêz tỉnh Quảng Nam cux tsênhv yuôr lok six ntâu txov nhêv pir li thax tsav tiêx đras. 6 huyện tox siêz, muôx 48 jok lok six txov nhêv nhoz 47 xã thax tsav II thiêz 12 xã thax tsav I tsênhv pluôs, tsênhv tâu T.Ư, têz qơưk paz. Luôs hâux lưv hlôngr yiêz txux chi tsưr ziv huôv tsar uô nox tsênhv tsi tâu pâuz thôngz pâuz cxuô; iz cxiê lênhx tsôngv box heir nênhs tsơưs tsênhv tok txos têz qơưk têx chei paz, tsi yuô moz siêz khưr uô nox. Ntơưv qơư nhiv no yuôr zuôr xar 4.100 chuôz zis tsôngv box heir nênhs tsơưs muôx tsi txâuk ar nhoz; 2.700 ntâu chuôz zis muôx tsi txâuk ar uô nox, tsi muôx đêx xênhz huôx; yênhx cxênhz chuôz zis tsuv uô lơưr cui tinhv nhoz truôx têz qơưk chiê truôx tuk luz nênhx. 5 shông zuôr txos, tỉnh Quảng Nam sir jos txo têx chuôz zis pluôs yuôr tsơưs đuô 10%, xav kror đruôz đraz iz lênhx nênhs sâu tâu 28 tsov đeiv iz shông. Zơưv Lê Trí Thanh, Phưv chủ tịch Ủy ban tỉnh Quảng Nam heik pâuz:

“Quảng Nam muôx 5 txox cêr xav txix faz Bắc txos faz Nam txuôk txix thax tsav tiêx đras ntus đêx hiêr trâu thax tsav tox siêz. Hâur co, muôx têx txox cêr muk đhâu trôngx đriv. Co zos têx cêr chênhr tsuv chêx tsôngk yưv pênhr uô thiêz kho txix T.Ư thiêz ntơưv qơư têx nhiêx txiêx. Tâu pâuz, Chính phủ zuôr muôx tsaz yênhx tsưr ziv tiv 3 lok huôv tsar tox siêz, thax tsav tsôngv box heir nênhs tsơưs. Thâuv Chính phủ tso tơưv tsaz yênhx no mak tỉnh Quảng Nam cux tsuv tuôr xav jông chiê uô tâu têx cui tinhv, tsênhv chei huv đros”./.                     

 (TTMT-Riê Lâux cxeik, nhênhv)