Điện Biên: Nriêr tsưr ziv yiêz huôv tsar zus njêl hâur pak đêx tênhv Sơn La

         Đros têx qơư tưz muôx, txix shông 2012, thị xã Mường Lay, tỉnh Điện Biên tưz tsêx trung cxiv tsa, huôv tsar dự án uô siv zus njêl hâur pak đêx tênhv Sơn La. Tsưr ziv no tưz zos pêx xênhv qơư nhoz yiêz ntơưv thị xã Mường Lay li vav tok njôngr, zos yênhx tsưr ziv yiêz paz pox nhuôs huôv tsar kinh tế, cxuôv yêiz thiv pluôs truôx đrênhk.

         Taz sik, đhâu 3 shông ntâu piz huôx tôngv, chor nênhs tu zus njêl cux njiz ntâu phiv liv, viv đhâu oz pêz chêix, chor đêx hâur pak cux tsik truôx tuk. Đros co zos têx phiv liv hâur zok nriêr qơư muôs têx hax huv uô trâu pêx xênhv Mường Lay tsik yuô xar txos tu zus njêl hâur vax thêir. Txix muôx 40 ntâu ziv chuôz zis cxaz chuôz, nhiv no tas nro thị xã Mường Lay tsuôk yuôr iz chuôz zis tsênhv tu zus njêl lơưr tsưr ziv no. zơưv Lành Nhật sình, pêx xênhv nhoz phường Sông Đà, thị xã Mường Lay, tỉnh Điện Biên hêik:

“Thâuv ntêx mak pêz cux yênhx lix iz hợp tác xã chiê zus, taz sik txix thâuv đêx ndê grêk tsik huv viv li pêz chor vax thêir tsik jông tas, trấu shiêv ntâu viv li pêz tror zus tsik tâu”.

         Lơưr iz cxiê lênhx pêx xênhv tưz cxaz chuôz zus njêl ntơưv tiv phaz puz pâuz, thâuv tsưr ziv no nhiv kruôr tâu kriz uô tưz paz muôx tâu chêx cur jông. Chor njêl tâu zus xuz thơưx, li: Njêl Rô-phi, njêl lăng, Chiên…tâu ntâuk gri tiêk hloz lox thiêz huôv tsar jông, chiêx tâu muôx 70% ntâu. Taz sik li, đhâu oz pêz shông chor đêx hâur paktsik truôx, tsuôk zus tâu njêl txix thâuv hli 8 shông uô ntêx txos hli 3 shông tov kaz. Viv li, thâuv sâu chuôs tsi uô trâu muôs njêl tsik truôx. Muôx tsik txâuk qơư sâu zuôr, pêx xênhv zus njêl njiz ntâu phiv liv. Zơưv Lù Văn Túng, pêx xênhv nhoz Phường Sông Đà, thị xã Mường Lay, Điện Biên puz pâuz.

“Pêz cux lok six xar huôv tsar viv huôv tsar lok six muôx chêx cur, pôx nhuôs uô lok six jông, chêx cur lok six siêz. Taz sik phiv liv nhiv no zos qơư muôs chiê cêir chêx njêl hax huv lok six phiv liv. Pêz vav tiêk chính quyền tiv phaz thiêz nganhx txơưx jênhv zok nriêr qơư muôs lok sik tsưr ziv cxiv tsa uô hax huv pêz uô tâu mak lok six jông”.

          Xav jênhv phiv liv tiv zix đros chor chuôz zis tu zus njêl hâur pak đêx ntơưv Mường Lay zos tiv đêx tsik truôx, cik txos hâux lưv tâur đêx thiêz tso đêx hâur tsêr mêir đêx tênhv Sơn La. Viv li, Chính Quyền thị xã Mường Lay tsênhv muôx tsưr ziv zus chor nôngz njêl lur hnuz chiê sir zôngv tâu six hơưv tâur đêx chiê paz trâu pox nhuôs huôv tsar tuz zus njêl, muôx tâu chêx cur siêz.

          Zơưv Trần Văn Ngạn, Phưv trưởng phongx kinh tế-Hạ tầng, thị xã Mường Lay, tỉnh Điện Biên hêik.

“Chiê huôv tsar tu zus tsiêx đêx sâuv thax tsav thị xã Mường Lay, pêz cux tưz tso tơưv iz cxiê tsưr ziv. Tiv iz zos xêir tsov chor zav nôngz njêl jông, kaz muôx six hơưv hloz lox lur hnuz, sâu tâu sêi chiê taz por huv đros đêx muôx hâur pak đêx tênhv Sơn La. Tiv oz zos zú ssiv iz cxiê zav njêl muôx tsar tov huôv tsar sâuv pak đêx”.

         Nhiv no, thị xã Mường Lay muôx 80% ntâu dân số zos nênhs txar qơư nhoz yiêz, luz nênhx phênhv ntâu zos khov trâu uô xênhz yar kôngz nuv, ntâuk muôz suôz njêl. Txix kror chor njêl chiv chir muôx tsik yuôr chôngz tiv ntâuk muôz ntâu, tsik zos chêi, mak tsuv muôx têx cêv kuôk tsênhz mênhx hâur tu zus tsiêx đêx. Taz sik, têx phiv liv tsênhz mênhx uô ntêx hâur luôs hâux lưv zus njêl hâur pak đêx tênhv tênhz Sơn La cux tsênhv uô muôx yưv iz kror phiv liv lok pênhr thiêz zok nriêr hax huv trâu pêx xênhv. Đros co zos nhênhz chơưv nriêr chor njêl nôngz cov huv đros thax tsav qơư nhoz chiê paz phênhv sâu tâu nhiêx txiêx trâu pêx xênhv muôx luz nênhx truôx tuk./.

(Vũ Lợi-Lik Thox cxêik nhênhv)

Nênhs Khmer thax tsav ntus đriv Bình Phước cơưv shâuv thiêz uô lơưr Hloz Hôx li cêr uô nênhx jông

          Lơưr canr bộ pênhz phax Zênhx pênhz phax Tà Pét mul txos zơưv Lâm Nho- lênhx txir ndâux txir lul nhoz jos Cần Dực, xã ntus đriv Lộng Thành, huyện Lộc Ninh, tỉnh Bình Phước chuôz zis. Thâuv heik txos zơưv bê, tsôngv box nhoz no lênhx tưs cux pâuz, tiv zix zos pox nhuôs mênhx cxưx Khmer thax tsav ntus đriv no.

          Jâuv hâur luz tsêr nhiv kruôr tâu cxiv yiêz jông, zơưv Lâm Nho pheiz kênh: Ntu tsênhv hluôk mul lơưr Đangv uô cơưx mênhv, gôngr phênhv chiê têz qơư tâu tiêx tul. Thâuv txos shông 1983 tror lol tsêr, zơưv nhoz thax tsav ntus đriv no chiê uô kinh têr. Thâuv co chuôz zis njiz lok six ntâu phêv liv. Phuôx huiz lênhx bộ đội zơưv côngz Hôx li têx kror jông, zơưv mul cơưv chênhz zênhv nhoz têx thax tsav buôk co, mnôngs Đeix, nhênhv pov tsir, dưv têx lớp kriê cxaz lok cxiz kôngz lur hnuz zos huyện Lộc Ninh tsưr tsix. Thâuv tưz muôx yênhx tưv, zơưv tôngv vênhx chuôz zis sir jos uô nox uô hâuk, hla đhâu cxuô phêv liv chiê uô bluô nux, txos nhiv no zơưv chuôz zis tưz muôx tâu tsêr yiêz, mê nhuôs muôx chuôz thênhx, lênhx tưs cux sir jos uô nox uô hâuk. Đros zuôr xar 10 hecta ar chos hưx txoz, điều thiêz blêx, iz shông zơưv chuôz zis sâu tâu 150 tsov đeiv ntâu nhiêx liv.

          Tsi taz txơưx uô kinh têr, tsoz phưz  têx mê nhuôs hloz tiêr nênhs, taz por luz nênhx chuôz zis tsâu sor, zơưv tsênhv phuôx huiz pưs txux nênhs muôx hnuz nhôngs siêz, sir jos vênhv tôngv pox nhuôs uô jông Đảng li chủ trương, cêr chei, sik đros cxiv tsa jos Cần Dực ziv hnuz ziv huôv tsar. Zơưv Lâm Nho puz pâuz:

          “ Zuk tsuv sir jos uô nox uô hâuk chiê mê nhuôs luz nênhx tov kaz no jông đuô. Nhoz no cur vênhv tôngv pox nhuôs uô nox uô hâuk huôv tsar kinh têr, tsi uô cxâuv cêr chei thax tsav ntus đriv, tsi ntor luôx jôngr, tsi cxoz tsuôk pâuz tos njôngr txos têz qơưk li phênhv paz txưv...”

          Xar zaoz zux tuz nhuôs muôx chêx cuk, zơưv thâuv tưs cux tsuv zos lênhx nênhs uô ntêx nyuôk, tsuv uô têx hâux lưv muôx liv trâu côngv thôngx, trâu xã hội. Co zos cơưv shâuv thiêz uô lơưr Hloz Hôx li cêr uô nênhx jông. Zơưv Lâm Nho xar hâux lưv no zos côngz xưv yax six uô thiêz uô tas iz tiêv nênhx. Tsênhv muôx đas jos zơưv tsênhv tror gôngr côngv trâu pox nhuôs jêx jos cxiv tsa jos ntus đriv ziv hnuz ziv bluô nux, tax ploz tsênhr nôngx cxênhz yiêz.

          Tsi taz zos lênhx nênhs tâu tsôngv pox nhuôs hâur jos njênhs njôngr, zơưv tsênhv zos iz lênhx fôngx zưs yax six sik côngv đros têx chiến sĩ pênhz phax nhoz no. Cán bộ zuôr trâus cxeik lul mak zơưv truôx siêz paz max. Hâur têx hnuz ntênhs lox li Chol Chnam Thmay, Sen Dolta...zơưv vênhv tôngv têx lênhx nênhs jông siêz đros têx zênhx pênhz phax sâuv thax tsav chiê khơưk muôz huv trâu pox nhuôs pluôs nênhs Khmer nhoz xã ntus đriv Tuần Lung, huyện Mi Mốt, tỉnh Tbong Khmum- Campuchia, gôngr phênhv cxiv tsa cêr niêv côngv siêz jông hâur tsôngv box 2 têz qơưk Việt Nam- Campuchia. Thượng tá Hoàng Tất Thắng- Chinhr trị viên Zênhx pênhz phax Tà Pét, Bộ đội pênhz phax tỉnh Bình Phước puz pâuz:

          “ Hloz zos lênhx nênhs jông, lok six shưv jê đros zênhx pênhz phax, hâur têx jiês khiêz phêv hloz khênhr vênhv tôngv pox nhuôs Khmer uô jông cui chế ntus đriv, sir jos uô nox uô hâuk, chuôz tsar uô xênhz yar, muôz siêz luz nênhx pox nhuôs Khmer heik cxuô thiêz jos Cần Dực heik taz”.

          Zơưv Lâm Nho zos iz hâur 341 lênhx txir ndâux txir lul nhoz thax tsav tỉnh Bình Phước. No zos lưx lươngv tsênhv, zos iz luôs hâux lưv uô txuôk đros cấp ủy, chinhr quyênx đros tsôngv box; muôx ntâu gôngr côngv tsênhz mênhx hâur phongz yaox tưr thik nhiêv têz nhiêv qơư. Zơưv Lâm Nho li têx hâux lưv uô tsênhv tsênhz tưz gôngr phênhv uô trâu thax tsav ntus đriv têz qơưk jông thiêz truôx tul đuô, tâu tsôngv box njênhs njôngr, tsiv nhos chiê pox nhuôs Khmer thax tsav ntus đriv Bình Phước cơưv shâuv uô lơưr./.

( TTTPHCM- Txâur Vax cxeik nhênhv)