Jax sâu thưr 3 hnuz 1/8/2016

Sơn La: Sor si cêr siz hloz đros nênhs muôx côngz

Zơưv Lò Văn Đôi nhoz jok Phanh, xã Chiềng Xôm, thành phố Sơn La thâuv ntêx cux tâu muk uô tuz lênhv ntâuk tros châuz Pháp thiêz Mỹ, tâu têz qơưk khơưk muôz côngz mênhx hov iz thiêz hov oz puz. Thâuv muôx thủ tươngr chinhr phuv li cuêz tênhv lok paz trâu nênhs muôx côngz trâu cách mạng lok tsêr nhoz, zơưv chuôz zis tâu paz 40 triệu đêiv. Đros vax tsêr li chor nhiêx cxênhx txuôs tâu, zơưv tưz uô tâu luz tsêr lox jông tsiv gri 250 triệu đêiv. Zơưv Đôi shir phaz puz pâuz:

“Thâuv ntêx mak ntux nas lok tsêr xâu nas. Nhiv no nhoz hâur luz tsêr no mak tsik cxơưx txos ntux nas, ntux yar lơưv”.

Nhoz xã Chiềng Xôm, thành phố Sơn La, luôs hâux lưv tsưx phưv chor nênhs muôx côngz trâu têz qơưs, chuôz zis xaz pênhz, liệt sĩ tâu choz trâu đoanx hluôk nênhs đros chor tsưr tsix đoanx uô. Hâur yênhx shông, đoanx xã tưz tsưr tsix paz chor chuôz zis cxiv kho đuô vax tsêr, cêr muk lok…txos trau têx hnuz ntênhk, tsiêz, hnuz xaz pênhz liệt sỹ 27/7 yênhx shông UBND xã tsưr tsix sêiz nus, khơưk muôz huv puz trâu chor chuôz zis tâu sơưv cêr chêi. Tiv zix, xã muôx 44 ziv chuôz zis tâu paz 1 tỷ 700 triệu đêiv nhiêx chiê cxiv uô tsêr nhoz. Zơưv Lèo Văn Hưởng, phưv chủ tịch UBND xã Chiềng Xôm puz pâuz:

“Chor đoanx thêv xưk li hội gâux muôv vir ndâuk mak paz tơưl, iz cxiê jêx jok mak tsoz phưz vax ntông siêz jông trâu chor chuôz zis. Đảng ủy, UBND mak tsưr tsix njiz njêx muôs, khơưk muôz huv trâu chor chuôz zis tâu sơưv cêr chêi. Muôx tỉnh, thành phố thiêz xã li chor huv paz”.

Luôs hâux lưv tsưx phưv đas jos trâu chor nênhs muôx côngz trâu têz qơưs nhoz Sơn La tưz uô tâu truôx đhâu têx luôs hâux lưv uô ndo txiêx njis. Iz shông tỉnh sâu muôx 4 tỷ đêiv ntâu trâu cuiz ndo txiêx njis chiê tsưx phưv đas jos trâu chor nênhs muôx côngz têz qơưs, chuôz zis tâu sơưv cêr chêi hlôngr yiêz đuô luz nênhx, kho đuô vax tsêr…Tiv zix, kriz uô thủ tươngr chinhr phuv li cuêz tênhv 22 lok paz tsêr nhoz trâu nênhs muôx côngz têz qơưs, tỉnh tưz paz trâu 2.000 ntâu ziv chuôz zis muôx côngz, hâur co xar muôx 97% chor chuôz zis tâu paz tưz uô tiêr vax tsêr nhoz. Ciês hâur hnuz 27/7 nhiv kruôr đhâu tsik ntêr no, tỉnh Sơn La tưz muôz chủ tịch têz qơư li 3.800 poz huv puz trâu chor niêv Việt nam zênhz shôngx, chuôz zis xaz pênhz liệt sỹ. Chor tiv phaz, taz viv, cơ quan puôr lênhx muôx jiês njiz njêx muôs, sêiz nus, khơưk muôz huv trâu chor nênhs tâu sơưv cêr chêi sâuv thax tsav…zơưv lê Viết Trực, giám đốc sở lox tôngv-xaz pênhz thiêz xar hôiv tỉnh Sơn la puz pâuz:

“Sơn La cux zos iz hâur chor muôx ntâu huôx tôngv jông hâur hâux lưv ndo txiêx pâux njis txos chor chuôz zis xaz pênhz, liệt sỹ, nênhs muôx côngz trâu cách mạng. Hâur ntu zuôr txos đros ntâu tsưr ziv uô mak côngz xưv no zuôr ziv hnuz ziv tâu tsov cưv đuô. Tror phuôx huiz đêz đar thiêz muôx chêx cur đuô”.

Sir jos uô luôs hâux lưv “ndo txiêx njis”, tỉnh Sơn La tưz uô cxix cxuô têx tsênhv chêi paz trâu chor nênhs muôx côngz trâu têz qơưs sâuv thax tsav./.

(Hồng Việt-Lik Thox cxêik nhênhv

Phênhv thưr 2, hnuz 01/8/2016:

Lai Châu: Gra siêz luôs hâux lưv seiz kaz Hôiv Đôngx

Txơưv tiêk nhoz thax tsav muôx jông qơư, taz sik tiv zos iz thax tsav txov nhêv viv li Mường Tè, tỉnh Lai Châu cux tsênhv zos iz huyện pluôs yax pir li cxuô huyện hâur tỉnh. Chênhr zos li hêik ntơư, Đảng bộ tsưr ziv tso tơưv zos sir jos txos shông 2020 cov yênhx iz huyện huôv tsar truôx kinh tế hâur tỉnh; iz chas Đảng bộ, hâu nov thiêz tsôngv px cxuô heir nênhs hâur huyện têx sir jos, hôiv đôngx cxuô cấp hâur thax tsav hâux lưv seiz  kaz tưz tâu hôiv đôngx huyện khóa 20 xav tênhv uô cov tâu truôx. Đhâu ciês thâuv qênhz  shuôs têx hâux lưv canr bôv, Hôiv đôngx huyện khóa 20 tưz cxiv tsa tsưr ziv, fuô uô lơưr têx Nghị quyết huôv tsar kinh tế-XH, taz por côx phax-txiv ngaz; iz chas cxiv tsa tsaz yênhx seiz kaz, choz trâu têx tổ đại biểu Hôiv đôngx uô têx luôs hâux lưv heik sâuv, cux li chox kriê hôiv đôngx cấp xã sir jos uô jông hâux lưv seiz kaz thiêz xưv bluô ntov jông têx uô cxâuv đhâu seiz kaz. Zơưv Đao Văn Khánh, chủ tịch Hôiv đôngx huyện Mường Tè heik pâuz:

“ Shông 2016, pêz zuôr chêx tsôngk trâu hâux lưv seiz kaz têx tsênhv njiêz hâux lưv zov chênhr, chiê uô tâu jông têx luôs hâux lưv no, tsaz yênhx huôv tsar kinh tế, XH hâur thax tsav huyện. Hâur têx hâux lưv seiz kaz ntơư, mak hôiv đôngx huyện zuôr tiz jông sâu jênhv, mnôngs cử tri têx ziv chênhv, luk heik thiêz mặt trận tổ quốc thiêz têx cơ quan muôx vax huôv li thix ziv. Thâuv qênhz pov mak zuôr choz trâu UBND huyện thiêz têx phongx, ban muôx vax huôv hâur UBND huyện tror uô jông lơưr têx tsênhv njiêz tưz tâu seiz kaz”.

Tsưr ziv cxuô mak Đảng bộ tỉnh Lai Châu khóa 13 tso tơưv zos sir jos txos shông 2020 cov yênhx tỉnh huôv tsar hâur thax tsav tox siêz faz Bắc. Chiê uô cov tâu tsưr ziv no, hâur jiês cơưv tiv 2, iz chas têx Nghị quyết li cxiê jiês cơưv, Hôiv đôngx tỉnh Lai Châu tưz uô tsênhz mênhx 19 Nghị quyết zov chênhr hâur ntu txix nhiv no txos shông 2020, li: Nghị quyết lok huôv tsar kôngz nuv, cxiv tsa jêx jok yiêz; cxuz cêr yeiz pluôs truôx vênhk; tsênhv chei paz huôv tsar uô kôngz nuv; gra  siêz tsơưr lươngv zoz zux thax tsav txov nhêv…. Hâur six cxiv no, Hôiv đôngx tỉnh Lai Châu hâux lưv seiz kaz zuôr muôx ntâu kror yiêz, jông đuô pir li six cxiv uô ntêx. Tsênhv njiêz seiz kaz zuôr chêx tsôngk trâu seiz kaz têx hâux lưv buôk ti cik txos luz nênhx, tsôngv box tsưr ziv, siêz xar. Hâur ntơư, chêx tsôngk lok sâuv seiz kaz hâux lưv têx cơ quan, hâu nov têz cử tri têxluk nuk, thix ziv; seiz kaz lok têx lênhx sơưr thơưx hâur têx cơ quan muôx vax huôv têx luk chos, nhav đơưk tu, uô cxuô luôs hâux lưv mak tsôngv box sđ moz siêz txos hâur luz nênhx nox nhoz. Zơưv Bùi Từ Thiện, Phưv Chủ tịch UBND tỉnh Lai Châu heik:

“ Hâux lưv xuz thơưx Hôiv đôngx tỉnh Lai Châu uô zos uô tsênhz mênhx tsưr ziv tso tơưv txos shông 2020 yênhx tỉnh huôv tsar, uô tâu hur si têx Nghị quyết zov chênhr trâu cxuô luôs hâux lưv. Đros trâu tso tơưv têx Nghị quyết, Hôiv đôngx tỉnh Lai Châu zuôr hux jos đros hâu nov cxuô cấp tsưr tsix seiz kaz hâux lưv uô lơưr Nghị quyết ntơư, chiê taz por uô tâu jông trơưk têx Nghị quyết tưz tso tơưv. Zos qơư uô hâux lưv viv tsôngv px, mak hâux lưv seiz kaz  zuôr tsuv tâu uô tsi so, moz siêz đuô, xưv bluô cov txos qơư têx uô cxâuv thiêz lar heik zos hâux lưv seiz kaz tsuv uô jông”.

Đros ntâu tsưr ziv, hâux lưv uô hlôngr yiêz, Hôiv đôngx cxuô cấp tỉnh Lai Châu tsênhv jux juk khav tinhv tâu cơ quan uô hâux lưv viv px pưs txux, qơư sơưr hâur thax tsav. Txix nhiv no, hâux lưv seiz kaz cux qir tâu khav tinhv, gra siêz tsơưr lươngv thiêz zuôr paz cxơưz ntơưv qơư yênhx tỉnh huôv tsar hâur thax tsav tox siêz faz Bắc lok shông 2020./.

( Khắc Kiên-Riê Lâux cxeik, nhênhv)

)