Tsênhv qơư hành chính côngz-Uô hlôngr yiêz uô têx ntâuz ntơưr hành chính nhoz Sơn La

           Tix lâus Lò Văn Đông nhoz jok Muôn A, xã Mường Sại, huyện Quỳnh Nhai, Sơn La hnuz no tuôx trâu tsênhv qơư huyện uô đuô ntơưr Chứng minh thư. Tsuôk đhâu tưz tsi muôx iz six hơưv ntơưv Tsênhv qơư hành chính côngz huyện, tix lâus tưz gra tâu chứng minh thư yiêz. Tix lâus heik, đrav ntêx, chiê uô tiêr iz zav ntâuz ntơưr tưs, tix lâus thiêz tsôngv box khênhr mul lok 2, 3 jiês, viv tsuv njiz ntâu lênhx nhoz ntâu cơ quan nhiêk txơưr nhiêk; mak iz jâuk tuôx tsi tiêk thâuv tưs cux njiz tâu lơưr. Tsôngv box heir nênhs Poz Ziz, Hmôngz, Khơ Mú nhoz đêz tsênhv qơưk, ntâu lênhx tsi pâuz luk Choz Tsiz, iz jiês njiz, sik thav đros têx canr bôv lok sâuv uô têx ntâuz ntơưr zuk xar hlôngr, lok sik uô đuô yiêz puôr lênhx lok six phiv liv, lênhx tưs cux lax muk têx cơ quan uô hâux lưv têz qơưk chiê uô cov tâu têx ntâuz ntơưr ntơư:

          “Đrav ntêx thâuv tsi tâu yeik txar lok nhoz qơư yiêz chiê zuôr qơư uô tsêr meir tênhv tênhz, cur chuôz zis nhoz kuok đêz huyện xar 40 cêik, cêr mul lok phiv liv, iz jiês muk đrav huyện uô iz zav ntâuz ntơưr tuk tsi mak lax cơưk. Nhiv no huyện yeik nhoz jê pêz, ho muôx tsênhv qơư hành chính côngz thiêz, uô iz zav ntâuz ntơưr tưs cux zos uô hâur tsênhv qơư no xưz, cxênhx txuôs tâu six hơưv, hnuz nhôngs thiêz txo grêk tsơưs têx nhiêx mul lok ntâu jiês, pêz tsôngv box shir phaz hênhr”.

         Tsênhv qơư hành chính côngz huyện Quỳnh Nhai uô tâu tiêr thiêz qir uô hâux lưv txix hli 8/2016, đros thiêz têx hâux lưv chênhr zos lênhk nhav uô, choz têx tsưr tsix, xiz nênhs hâur thax tsav têx ntâuz ntơưr uz no. Iz chas 100% cơ quan lês uô têx hâux lưv têz qơưk, têx cơ quan txơưr đuô li: Chi cục sê, Bảo hiểm xã hội, công an huyện têx ntâuz ntơưr hành chính, cux tsưr tsix, lênhk nhav uô iz cxiê têx ntâuz ntơưr hành chính ciês ntơưv tsênhv qơư. Tsưr ziv uô no truz lur six hơưv, hnuz nhôngs uô têx ntâuz ntơưr uz no trâu tsôngv box thiêz tsưr tsix. Uô tâu têx nuv li ntơư, taz sik têx lênhx nênhs lênhk nhav uô têx ntâuz ntơưr co hâur tsênhv qơư tsi chôngz lênhx, viv phênhv ntâu zos têx phongx, ban hâur huyện li lênhx tiz nênhs uô. Iz lênhx canr bôv uô hâux lưv ntơưv no puôr lênhx tâu bax têx txux chi, tsưr ziv uô nuv zuôr trâus txos, chiê uô tâu hâux lưv trơưk tsôngv px sđ  thiêz têx doanh nghiệp tsưr ziv, siêz xar thâuv lơưr tuôx uô têx ntâuz ntơưr. Niêv lâuk Lường Thị Hạ, canr bôv Tsênhv qơư hành chính côngz huyện Quỳnh Nhai heik:

          “Cur thiêz têx lênhx hâur tsênhv qơư hành  chính côngz no thâuv tưs tưz xav tinhv, sir jos uô jông hâux lưv phưx vưv tsôngv box cov lơưr jông siêz, sưv jê. Hâur uô têx hâux lưv mak pêz max mav tơư kriê tsôngv box sâu, uô têx ntơưr thiêz uô li chas cov tâu sei chiê txo grêk tsơưs nhiêx txiêx thiêz six hơưv, hnuz nhôngs mul lok trâu tsôngv box”.

         Quỳnh Nhai zos tỉnh Sơn La iz hâur têx huyện pluôs yax. 10 shông tror lok no, huyện tưz tsuv yeik txar 8.500 ntâu chuôz zis tsôngv box muk nhoz qơư yiêz chiê zuôr qơư uô tsêr meir tênhv tênhz Sơn La. Têx shông đhâu, cxuô zav ntâuz ntơưr uz no mak Quỳnh Nhai lênhk nhav, đơưk uô khênhr zos lok six ntâu, phênhv ntâu têx ntâuz ntơưr co zos cik txos pâux nzir, paz yeik txar tsôngv box muk nhoz qơư yiêz chiê zuôr qơư uô tsêr meir tênhv tênhz Sơn La. Thax tsav lox đar, mul lok phiv liv đros trâu luôs hâux lưv hlôngr yiêz uô têx ntâuz ntơưr tsi tâu fuô uô jông, uô têx ntơưr siz pênhr cov hâur têx shông uô ntêx muôx ntâu. Txix thâuv Tsênhv qơư hành chính côngz no qir uô hâux lưv, tas nro têx ntâuz ntơưr uz no puôr lênhx tâu đơưk, uô sei thiêz zôngx ziv, têx ntơưr siz pênhr hâur thax tsav hâur shông đhâu txo grêk txix 60-70%. Zơưv Đặng Ngọc Hậu, Chủ tịch ủy ban huyện Quỳnh Nhai heik pâuz:

          “Đros thiêz Quỳnh Nhai, iz chas moz siêz txos uô jông têx ntâuz ntơưr uz no, pêz cux moz siêz txos hâux lưv tok tiêv tsôngv box thiêz đơưk tu tsôngv box têx ntâuz ntơưr  siz pênhr. Lar heik zos đhâu six hơưv uô hâux lưv mak chuôz tsar lok sâuv sik thav đros tsôngv box têx tsi jông siêz, tsi thôngx ziv. Chênhr viv li, têx ntâuz ntơưr siz pênhr hâur shông 2017 no txo grêk tsơưs ntâu pir li têx shông uô ntêx. Lar heik, têx ntâuz ntơưr uz no phênhv ntâu puôr lênhx đơưk uô tâu 99% ntâu thâuv tsôngv box sđ tuôx uô têx ntâuz ntơưr uz no ntơư”.

          Cux trơưk li Chủ tịch Đặng Ngọc Hậu, iz chas  tsênhv qơư hành chính côngz huyện, txos tas shông 2017, Quỳnh Nhai tưz muôx 3 hâur hur si 11 xã tsa tâu têx lênhx nênhs lês uô hâux lưv tok tiêv tsôngv box sđ. No tsênhv tsênhv zos iz kro jông lok sâuv Quỳnh Nhai hlôngr yiêz uô têx ntâuz ntơưr uz no, paz huyện uô tâu luôs hâux lưv heik co txix nhiv no txos shông 2020 muôx 100% cơ quan lês uô têx hâux lưv têz qơưk sâuv, txix cấp xã tror zar sâuv đơưk uô têx ntâuz ntơưr trâu tsôngv box sđ, muôz cêr sưv jê thiêz zôngx ziv trâu tsôngv px, trâu têx tsưr tsix thâuv lơưr tuôx uô têx ntâuz ntơưr uz no./.

(Lan-Thùy-Riê Lâux cxeik, nhênhv)

Hlôngr đuô tsưr ziv sir zôngv ar tsik tas thor

          Kror cox nus cik txos hlôngr đuô tsưr ziv sir zôngv ar tsik tas thor. Lơưr chêi đêx ar li cui tênhv, têz qơưk cux tso chêi iz cxiê kror ar tâu hlôngr đuô tsưr ziv sir zôngv mak tsik thav thor. Têx kror li co zos: Hlôngr ar chos tsoz chos ntêr shông chiê uô qơư tu zus tsiêx cxu thiêz têx zav tsiêx txơưr đuô tâu têz qơưk tso chêi; Hlôngr ar nhoz trâu tsik zos ar kôngz nuv tsik zos ar nhoz. Taz sik, chor jiês li no tsuv đăngk cir muôx txơưr txar.

         Nênhs sir zôngv ar muôx zoz qơưx hlôngr đuô tsưr ziv sir zôngv tsuôk tsuv muôz trâu cơ quan txơưx jênhv iz bộ hồ sơ, muôx: ntơưr đăngk cir ar txơưr txar, têx zav muôx đros đrêiv ar lơưr tưz muôx; cxuô zav ntơưr cungz jênhv qênhx sir zôngv ar, cxuô zav muôx sâuv kror ar co…

         Li co, têx jậu tuk tsưr ar nhoz cox iz saz hlôngr đuô ar sir zôngv tsưr ziv uô tu zus viv li tsik trâus xưv bluô, hok cox hlôngr ar kôngz nuv zos ar nhoz mak trâus xưv bluô./.

(Thanh Thủy-Lik Thox cxêik nhênhv)