Ntênhk nox mor blêx yiêz nhoz jok H’Ring têx hnuz hâur shôngk shông yiêz

         Hnuz xuz thơưx ciês shông 2018, tsêr côngv thôngx jok H’Ring, xã Ea H Đing, huyện Cư Mgar, tỉnh Đắk Lắk tưz hnor suôz đruôk tôngx cxêz tôngx đror nxê ntưk. Đrâuv yar tiêx, tsoz nxông tưz tâu cxok txix thâuv sơưr nzor; têx huz chơưr tsu kaz nziês đros chor zav nox cxôngx nzor, tưz tâu bax cxix cxuô trâu hnuz hôiv. Tix lâus A Kiên, nhoz đội 3, jok H’Ring puz pâuz, iz zav nox muôx hâur ntênhk hôiv zov chênhr no, zos tâu chor chuôz zis hâur jok chiv chiê uô, hêik tơưv tsov cưv txos côngv thôngx thiêz ndo txos pox côngz zơưv côngz.

“Chiê bax tơk hơưv mor blêx yiêz hnuz no, cur cux bax têx zav zuk muôx, iz zav li bax txix hâur tsêr, qez suôz têx cêr thiêz shâuv đhiê pax vuôs. Đuô thiêz zuk cơưv shâuv chiê kriê trâu chor nhuôs cov lơưr pâuz txos zuk têx vênhx huôv. Hơưv mor blêx yiêz zos jiês chiê pox nhuôs shir phaz, đhâu iz shông uô kôngz lôngk, uô tâu đaz tsi mak pox nhuôs muôz lok no chiê uô tsấu spox côngz zơưv côngz”.

          Shông no, chor chuôz zis tưz sik phêiz côngz bax muôx 50 huz chơưr xơưk, 2 puô cir grêix buô, uô mor trax txix chor blêx blâuv nhiv kruôr sâu tâu. Zơưv A Siết, Trưởng Ban côngz xưv mặt trận jok H’Ring puz pâuz, thâuv ntêx,, hơưv mor blêx yiêz tâu nhiêk nox nhiêk hâur yênhx chuôz zis, taz sik chor shông jê lok no, zos yênhxx huôx tôngv côngv thôngx, thiêz zos iz hâur oz ntênhk hôiv lox tiv zix hâur shông, zos huôx tôngv tsuv muôx hâur pox nhuôs luz nênhx.

“Hâur iz shông sir jos khưr uô nox, mak đhâu thâuv sâu kôngz tas zuk tsưr tsix nox hâuk. Cê zos nox phôngv zuk muôx đas jos, oz zos hơưv zuk uô tâu kôngz lôngk lok pur vax tsêr. Li thâuv ntêx mak cur uô tâu kôngz tsuôk hu cưr tix nênhx tsa, fôngx zưs sơưr đơưk tuôx đros cưr tsêr nox hâuk, côngv cêr shir phaz. Taz sik nhiv no tsik zos zuk chiv chir uô lơưv, tsưr tsix trâu iz kror qơư ntơưv tsêr côngv thôngx jok H’Ring, tsưr tsix tas rno jêx jok mak zôngx ziv đuô”.

          Pêx xênhv nhoz jok H’Ring li ntênhk hơưv mor blêx yiêz chor shông jê lok no tâu chôngz tsôngv kruô pâuz txos thiêz cxaz chuôz. Hâur hnuz hâur shôngk shông yiêz, tas nro tsưr tsêr tsôngv kruô sik đros đhiê pax vuôs đros suôz đruôk tôngx, hâuk chơưr xơưk thiêz nox pox nhuôs têx zav nox kaz lơưr chiv chir uô. Jiês xuz thơưx cxaz chuôz tênhk hôiv, tix lâus Mai Hữu Tịnh, nhoz thành phố Buôn Ma Thuột hêik:

“No zos jiês xuz thơưx zuk cxaz chuôz ntênhk hôiv, thiêz lok six shir phaz, jông siêz txix chor nênhs nhoz no siêz nhiêv kruô. Thiêz chor zav nox lơưr chiv chir uô tâu, taz sik kaz, tiv zix nênhs Xê Đăng muôx zav nox grêix nak tsuôs liêx thiêz têx zav nox tâu sơưr đơưk krưr hâur têx blôngx tsơưz, tơưr tsơưz mak zuk lok six nhiêv. Vav tiêk zuôr nzir ntâu jiês chiê zuk tâu cxaz chuôz, nriêr pâuz nzir”.

         Tsôngv box Xơ Đăng nhoz jok H’Ring li ntênhk nox mor blêx yiêz tâu tsưr tsix hâur hnuz xuz thơưx hâur shôngk shông yiêz. No zos jiês chiê lơưr sik njiz đhâu iz shông khưr, sik đros phêiz kênh têx tsưr ziv uô nox jông, têx zuz nôngz yiêz muôx tsơưr lươngv siêz chiê sơưr đơưk sik đros uô. No cux zos jiês chiê lơưr uô tsâus pox côngz zơưv côngz tưz paz, por vêv sđ huôv tsar cêr uô nox hâur shông đhâu, thor shông yiêz muôx ntux yar ntux nas huv đros, chuôz zis, jêx jok muôx luz nênhx tsâu sor, shir phaz./.

(TTTN-Lik Thox cxêik nhênhv)

Hmôngz li tsưr ziv ntâuk hlâu

          Hâur ntu đrav ntêx, tsôngv px Hmôngz nhoz jos Hua Tạt, xã Vân Hồ, huyện Vân Hồ, tỉnh Sơn La, chuôs li chuôz zis tưs cux muôx iz hưv lưx, chuôz zênhx  ntâuk hlâu, ntâuk triêv txuôk chox lok sir zôngv hâur chuôz zis. Taz sik nhiv no, têz qơứs muôx ntâu hlôngr yiêz, tsôngv px sđ tsuôk zos zuôr triêv txuôk hâur têx ciêz đrôngl chox lok sir hâur luz nênhx thiêz tsôngv px têx chuôz zênhx ntâuk hlâu hêik sâu tưz trâus plox lươv jux juk. Zơưv Chơư x Tsaz, nhoz jos Hua Tạt xã Vân Hồ, zos iz chuôz zis thiêx tsênhv tuôr tsês chiê tâu hưv lưx chuôz zênhx ntâuk hlâu đrav ntêx thiêz nhiv no zơưv chơư têx chuôz zênhx li: Triêv txuôk, hlâu…zơưv chơư tsiv uô tâu cux tsênhv jông sir zôngv đuô têx triêv txuôk muôs hâur ciêz; li ntơư, zơưv Chơư têx triêv txuôk, hlâu tưz muôx chôngz lênhx kruô tuôx zok nriêr zuôr txos.

“Tsik zos gra têx triêv txuôk ntơư chox muk muôs trâu hâur ciêz đrôngl; têx triêv txuôk ntơư zos tsôngv kruô tuôx zuôr ciês ntơưv tsêr thiêz tsôngv kruô nhiêv têx triêv txuôk, hlâu jông li chas, cur cux uô muôs trâu hur tiz si”.

           Chiê ntâuk cov tâu iz traz triêv txuôk, hlâu njê, jông sir zôngv, cux zos tus muôx tsưr ziv thiêz pâuz xêir têx zav kruôr hlâu jông chox lok ntâuk thiêz trơưk li zơưv Chơư hêik pâuz, têx tsưr ziv ntơư zos cơưv shâuv ntơưv zơưv chơư txir lok thiêz zơưv Chơư cux zos iz lênhx pâuz ntâuk hlâu đhâu hâur 30 shông đhâu lok.

“kruôr hlâu zuk tsuv muk zok nriêr, xêir zuôr têx pluôx grax hlâu yêz ô tô thiêz tsuv zuôr chor pluôx grax hlâu yêz ô tô liên Xô kuz thiêx chox lok ntâu tâu têx triêv txuôk njê, sir zôngv tâu ntêr shông tsik trâus puôk tsuôx; zos ntâuk hlâu mak tsuv zok nriêr, xêir zuôr chor khêik yêz lêix têz liên Xô kuz thiêx li njê thiêz thiêx muôx kruô zuôr chox muk sir zôngv uô liêx têz”.

          Hâur ntu nhiv no, ciêz đrôngl muôx cxuô zav triêv txuôk, hlâu muôs, zôngx ziv zuôr chox lok sir zôngv hâur chuôz zis, taz sik txơưv li chas cux truôx thiêz tsik njê li pêz Hmôngz têx triêv txuôk, hlâu. Chênhr zos li hêik ntơư, pêz Hmôngz têx tsưr ziv ntâuk triêv txuôk hlau, fâuv hluôk nhiv no tsuv tâu cơưv shâuv, tuôr tsês tsik chiê pôngz plox cov muôx đros đrêiv hâur pêz Hmôngz luz nênhx./.

                                                  (Tsu cxêik nhênhv-Thanh Thủy)