Jax sâu thưr 4 hnuz 1/6/2016:

Thủ tướng li cuêz tênhv 85 paz trâu shux xênhz tox siêz truôx siêz cơưv ntơưr

Shux xênhz Miv Xênhv Zax, nhoz jok Trống Gầu Bua, xã Hồ Bốn, huyện Mù Cang Chải, tỉnh Yên Bái zos tuk nhuôs hloz hâur iz ziv chuôz zis muôx 4 lênhx nuk muôs. Miv tưz ntâu jiês xar tso ntơưr tsês viv chuôz zis txov nhêv tsik muôx nhiêx chiê zuôr ntơưr cơưv thiêz trik yo hnar, niêv tsik so muôx moz gênhk, tsik muôx nênhs jor mê nhuôs thiêz paz niêv txir uô cxuô zav hâux lưv. Iz chas têx cêr txov nhêv ntơư, tsêr cux tsênhv nhoz đêz tsêr cơưv ntơưr, yênhx hnuz tsuv sơưr thâuv 4 six 30 phênhz sơưr nzor chiê tuôx cơưv ntơưr. Cơưv thâuv têik cik, taz sik txos 3 six zar hnuz kêix thiêx tror lok txos tsêr.

Jênhv tâu phênhv paz txix tsaz yênhx cơưv ntơưr, niêv txir zus mor, Miv tưz sir jos cơưv ntơưr đuô, muôx tsưr ziv cơưv tsênhz đuô. Miv Xênhv Zax, shux xênhz lớp 8b, tsêr cơưv phôv thôngz mênhx cxưx niêv txir zus mor cxênhx iz thiêz cxênhx oz Hồ Bốn, huyện Mù Cang Chải puz pâuz:

“Thâuv ntêx no tiv vax tsêr txov nhêv viv li tưz tso ntơưr tsês oz pêz jiês. Nhiv no tâu têz qơưk paz mak cur zuôr sir jos cơưv ntơưr chiê tov kaz no paz trâu niêv txir thiêz chuôz zis tsik txov hêv li nhiv no”.

Shux xênhz Kruô Xênhv Hơưx, cơưv lớp 4b, tsêr cơưv cxênhx iz Chế Cu Nha, nhoz jok Háng Chua Say, xã Chế Cu Nha, nhoz đêz tsêr cơưv ntơưr xar muôx 8 cêik cêr. Thâuv ntêx no tsêr cơưv tsik tâu tsưr tsix uô jâuz mor nox, shux xênhz Kruô tsuv lok six sir jos thiêx tuôx tâu trâu tsêr cơưv ntơưr đhâu iz ciêz. Txos kaz ciêz, tsuv lok tsêr bax cxur, jâuz nox chiê gra tuôx trâu tsêr cơưv uô nox cơưv ntơưr. Taz sik tsik zos jiês tưs lok tsêr cux muôx txâuk cxuô zav chiê gra tuôx uô nox, tiv vax tsêr chôngz lênhx, muôx 15 lênhx nênhs thiêz zos chuôz zis txov nhêv. Nhiv no tâu nox nhoz tsêx tsung, pluôs nox cux cxix cxuô đuô. Kruô Xênhv Hơưx shir phaz lul hêik:

“Cur nhoz no mak pov lok six shir phaz thiêz tso siêz đuô, tsik nhoz têx tsêr li thâuv ntêx no lơưv; Nox hâuk mak jâuz mor cux kaz đuô thâuv ntêx”.

Miv Xênhv Zax thiêz Kruô Xênhv Hơưx tsuôk zos oz lênhx hâur chôngz lênhx ntâu tus shux xênhz tox siêz Mù Cang Chải muôx luz nênhx li co tâu sơưv tsêr cơưv li tsaz yênhx paz. Khov muôx tsaz yênhx, chor shux xênhz muôx six hơưv cơưv tâu ntơưr truôx đuô, tsik cxơưx trâu yênhx pluôs nox, qơư pư li thâuv ntêx. Cưk kriê Nguyễn Thị Kim Thanh, thơưx sêiz car tsêr cơưv cxênhx iz Chế Cu Nha, huyện Mù Cang Chải puz pâuz:

“Thâuv muôx qơư nhoz niêv txir zus mor trâu chor shux xênhz nhoz, tâu chor cưk kriê ntơưr uô trâu nox cxix cxuô, lok hnhar cir mak chuôz ndê thiêz luz nênhx cux jông đuô. Thâuv ntêx no mak chor shux xênhz tsik taz por lok tsơưr pưr shưz, tuôx no mak lênhx tưs cux tâu nox jông đuô viv li muôx jos đuô”.

Uô tsaz yênhx cơưv ntơưr, niêv txir zus mor trâu shux xênhz tox siêz lơưr Thủ tướng chính phủ li cuêz têhv 85, shông cơưv 2015-2016, huyện Mù Cang Chải, tỉnh Yên Bái muôx 5.400 ntâu lênhx shux xênhz cxênhx iz thiêz cxênhx oz tâu jênhv phênhv paz, zos 460 cxênhz đêiv nhiêx iz lênhx shux xênhz iz hli; ntơư zos paz 9 luz hli hâur iz shông. Txix ntơư, tưz paz txo grêk tsơưs chor shux xênhz tso ntơưr tsês, viv luz nênhx txov nhêv; paz iz phênhv tưs cêr cxơưx trâu chor chuôz zis pluôs, chuôz zis txov nhêv, muôx mê nhuôs tuôx cơưv ntơưr. Suôv câuv shông cơưv 2015-2016 tưz muôx zuôr xar 30% chor shux xênhz tox siêz Mù Cang Chải cơưv tâu ntơưr coz. Pos Nguyễn Thị Hương Giang, phưv trưởng phongx zoz zux-thox cxov huyện Mù Cang Chải, tỉnh Yên Bái puz pâuz:

“Khov muôx tsênhv chêi mak tưz cxơưz cxiz tâu chor shux xênhz tuôx cơưv ntơưr, chor shux xênhz sir jos cơưv ntơưr tâu taz por, chor shux xênhz tso ntơưr tsês cux grêk tsơưs ntâu. Gôngr phênhv gra siêz tsơưr lươngv zoz zux, kruôz kriê tsưr ziv uô nênhx trâu shux xênhz; paz trâu chor shux xênhz truôx siêz hâur luz nênhx thiêz cơưv ntơưr. Hâur qênhx shênhx uô mak pêz cux hêik, tiv iz: Đảng, têz qơưk sir jos paz đuô lok qơư nox nhoz cxuô zav; tiv 2, zos iz taz viv tsêr cơưv ntơưr muôx txix 400 lênhx shux xênhz nhoz niêv txir zus mor tror sâur mak tso 2 txos 3 lênhx cưk kriê ntơưr uô côngz xưv sêiz jor chor shux xênhz”.

Tsênhv chêi paz trâu shux xênhz nhoz tsêr cơưv ntơưr niêv txir zus mor, chênhr zos paz tâu trâu cxuô lênhx shux xênhz mênhx cxưx nhoz thax tsav tox siêz đêz đrôngl, muôx cêr txov nhêv, tâu tsưx phưv đas jos thiêz paz tâu trâu cxuô lênhx shux xênhz truôx siêz tuôx cơưv tâu ntơưr đuô ntu đrav ntêx./.

(Đinh Tuấn-Lik Thox cxêik nhênhv)

Phênhv thưr 4, hnuz xiêz 01/6/2016:

Xã  Hua La ( TP Sơn La): Uô jông luôs hâux lưv tsưx phưv tênhx qơư

Zơưv Quàng Văn Mẳn, nhoz xã Hua La, TP Sơn La chuôz zis ntâu shông đrav ntêx khênhr cor cav tu zus têx tsiêx cxu hâur kaz tsêr tsar lơưx. Thâuv tưs txos luz cheix ntux nas lok sik têx hnuz ntux cuz sor mak tsư nziêz, kiês nênhs hênhr, lar heik zos uô ruôr hiêv txos sđ hâur chuôz zis cux li tsôngv box nhoz jê iz ndis ntơư đas jos. Hâur oz pêz shông đhâu  lok no, tâu cấp ủy, hâu nov xã yax kriê, vênhv tôngv, zơưv chuôz zis tưz uô qơư đêz chiê cơư têx tsiêx cxu, tsi tso hâur tsêr tsar lơưx, iz chas ntơư uô qơư trâu têx qir, vêv xênhz hur si, đu lus. Khov li ntơư, têx lênhx nênhs hâur chuôz zis đas jos cux li qơư nox nhoz tưz tâu taz por, zơưv Quàng Văn Mẳn heik:

“Cur đrav ntêx nhoz tsêr tsar lơưx mak tu zus ciês tsiêx cxu hâur kaz tsêr tsar lơưx, thâuv tưs têx qir cux tsư kiês chuôs tsi, tsik thor jông nhoz hlo, tov kaz no muôx Đảng, têz qơưs fuô kriê, heik tsôngv box cov lênhx tưs muôx tsiêx cxu mak cxiv uô qơư đêz chiê cơư, cur chuôz zis cux uô lơưr, tsi tso têx tsiêx cxu trâu hâur kaz tsêr tsar lơưx. Chênhr viv li nhiv no qơư nox nhoz cux hur si, tsi kiês, tsi vuôz vuôz li đrav ntêx”.

Tsi tiêk moz siêz txos hlôngr yiêz thiêz por hưv qơư nox nhoz, tsôngv box xã Hua La tsênhv lok six moz siêz txos hâux lưv por hưv têx jôngr ntông. Seiz jôngr ntông xưk li zuk luz nênhx, tsôngv box xã Hua La tsi ntor luôx jôngr uô liêx têz mak tsênhv muôz têx têz hlôngr chos têx tsoz chos công nghiệp; tsi por têx vuôz tsuôz kiês nênhs trâu têx xuz jôngr, ntus jôngr; iz chas ntơư zos hux jos truôx đros lưv lươngv yuôx jôngr chiê phax tir thêir tsi chiê lênhx tiz nênhs tưs ntor luôx, uô ruôr hiêv têx jôngr…. Xã têx jôngr ntông tâu choz trâu têx ziv chuôz zis lok sik tsưr tsix đoanx thêv li: Têx bộ đội lâuk, hluôk nênhs seiz car, por hưv. Zơưv Lò Văn Hậu, Bí thư jok Lụa, xã Hua La heik:

“ Txix thâuv ntêx txos nhiv no, cur thâuv tưs tưzkriê trâu têx đôngx chir Đảng viên hâur chi bộ thiêz tsôngv cưr tix nênhx tsa sđ hâur têx jiês cơưv chiê trâu sđ pâuz thiêz đros por hưv têx jôngr ntông njuôz hur jông”.

Xã Hua La nhiv no muôx 130 cxênhz ntâu tuk tsiêx cxu  thiêz zuôr xar 2 cxênhz ha jôngr ntông. Iz chas huôv tsar kinh tế, cấp ủy, hâu nov thiêz tsôngv box nhoz thax tsav no thâuv tưs tưz xav tinhv uô jông hâux lưv por hưv tênhx qơư, jux juk uô tiêr tâu têx tsưr ziv cxiv tsa jêx jok yiêz ntơưv qơư. Zơưv Lò Văn Tươi, Chủ tịch UBND xã Hua La heik:

“Chiê gra siêz tsôngv box sđ txux chi tsưr ziv jênhv pâuz hâur por hưv tênhx qơư nox nhoz, six hơưv zuôr txos, UBND xã Hua La zuôr sir jos yax kriê trâu tsôngv box uô jông hâux lưv tsoz phưz, por hưv jôngr, lar heik zos têx jôngr ntông ntơưv têx hâur đêx, iz chas ntơư vênhv tôngv tsôngv box sđ yeik txar qơư tu zus tsiêx cxu cov đêz têx vax tsêr, qơư nox nhoz thiêz zuôr fuô kriê, vênhv tôngv tsôngv box zôngv têx yuôx tsuôs tuô, lov caz moz, por vêv đrox tsuôs cov trơưk đreiv li cui tinhv”.

Txix hlôngr yiêz tsưr ziv tu zus, sir jos por hưv jông tênhx qơư , tsôngv box Hua La luz nênhx tưz iz hnuz hlôngr yiêz jux juk. Txix luôs hâux lưv uô tâu zuôr xar 100% tsưr ziv tso tơưv lok cxiv tsa jêx jok yiêz, ziv chuôz zis pluôs grêk yuôr 0,7%, Hua La tsênhv yênhx iz hâur têx qơư chi cax lul hâur TP Sơn La thiêz tỉnh Sơn La uô tâu jông luôs hâux lưv heik sâuv./.

( Hoàng Long-Riê Lâux cxeik, nhênhv)