Tsôngv pox niêv vir ndâuk poz ziz têx tsôngk yo jông jav  thax tsav faz Bắc

Tsôngv pox niêv vir ndâuk hêir nênhs poz ziz têx tsôngk yo tưz zênhx muôx thâuv nzor lok; lar hêik zos thâuv txos trâu tsưr tsix ntênhk hội thiêz tsưr tsix nthuôr uô cêr lov jêv hâur têx hnuz tsiêz lok sik txos trâu thâuv nox yôngz cok trâu tuz nhaz; txơưv li chas hêir nênhs poz ziz têx pox niêv vir ndâuk tưz hnar zuk hêir nênhs têx tsôngk yo jông jav cxôngx nzor. Pos Cầm Thị Xuân, nhoz jos Hài, phươngx Chiềng An, đrôngl Sơn La hêik pâuz:

          “Txix thâuv nzor lok, cur zênhx hnar sưv zuk hêir nênhs têx tsôngk yo thiêz hâur têx hnuz tsiêz, têx hnuz ndê tsêr yiêz, têx hnuz nox yôngz hâuk cok, cur puôr lênhx hnar zuk hêir nênhs têx tsôngk yo poz ziz jông jav”

          Ntơư zos hêir nênhs poz ziz đơưz thiêz poz ziz đuz, viv li hêir nênhs poz ziz têx tsôngk yo cux jông txơưr tsik siz thôngx. Tsôngv pox niêv hêir nênhs poz ziz đuz luz njêx yo mak xơưk ntêr mê njik; tsôngv pox niêv poz ziz đơưz luz njêx yo ho xơưk cux lur mê njik thiêz huv đros. Niêv lâuk Lò Thị Bình, nhoz jos Bó, xã Chiềng An, đrôngl Sơn La, zos iz lênhx pâuz xơưk zuk hêir nênhs têx tsôngk yo hêik pâuz:

          “Txiêr xơưk zuk hêir nênhs têx tsôngk yo, tsuv njuôk cov huv đros lênhx nênhs hnar, pir li luz chax đaz yo, têk yo, chêr yo, tsuv xơưk cov huv đros, hnar thiêx jông jav”.

          Tsôngv pox niêv vir ndâuk poz ziz têx tsôngk yo, thâuv tưs tsuv tik iz lênhx nhiêk khơưv trâu ntơưv xuz ntiês, huv đros. Zos xav li hâur ntu đrav ntêx mak, tsôngv pox niêv vir ndâuk poz ziz têx tsôngk yo, tsuôk zos muôz nhiêk khơưv tôngx chox lok tik trâu; taz sik nhiv no, tsuôk zos tik nhiêk khơưv cxuôk đros trâu têx tsôngk yo, đơưz, njuôz, đuz, siêr…cov huv đros chêr tsôngk yo hnar ntơư.

          Đros trâu tsôngv pox niêv vir ndâuk poz ziz têx yo jông jav, tsuv tâu hnar đros tsôngv pox niêv poz ziz têx tsôngk tiêz đuz, siê six nhiêx đros thiêz thâuv hnar tâu ntơư cux jông jav hênhr.

          Niêv lâuk Lò Thị Tọi, nhoz jos Chậu, phươngx Chiềng Cơi, đrôngl Sơn la hêik pâuz nzir:

“Cur tsuv uô tiz jông xơưk cov zuk hêir nênhs têx tsôngk yo, tsôngk tiêz cov jông jav thiêx muôx chôngz lênhx ntau tus tuôx xơưk thiêz tsuv xơưk li chas cov huv đros tsôngv kruô siêz nhiêv”

Tsôngv pox niêv vir ndâuk poz ziz têx tsôngk tiêz, tsôngk yo, thâuv hnar ntơư tsuv ntông fuôv txiêx đros thiêz chuôs li ziv uô trâu tus nxêik ntơư ziv jông gâux đuô. Chênhr zos li hêik ntơư, txơưv têz qơưs muôx ntâu hlôngr yiêz, taz sik tsôngv pox niêv vir ndâuk poz ziz cux tsênhv tuôr tsês chiê tâu zuk hêir nênhs têx tsông tiêz, tsôngk yo muôx đros đrêiv hâur luz nênhx đhâu ntâu tiêv txos trâu nhiv no tsik chiê pôngz plox./.

                                (Tsu cxêik nhênhv-Lường Hạnh, CQTT Tây Bắc)

Lênhx pox niêv vir ndâuk hêir nênhs Cho tuôr truôx zuk hêir nênhs li têx cêr nênhx vênhx huôv jông

Xênhz zus thiêz huôv tsar cêr uô nênhx hloz lox nhoz thax tsav hêir nênhs Cho Khâu, muôx ntâu cêr nênhx vênhx huôv jông thiêz txix ciês thâuv tsênhv zâu pos Tẩn San Chiêm tưz zênhx nhiêv xơưk zuk hêir nênhs li têx pax ntâuz đuôr tưk, xơưk tsôngk trik yo. Chênhr zos li hêik ntơư, thâuv sêiz pov chor niêv pos hâur jos xơưk cxuô zav pax ntâuz, pos Chiêm cux zênhx cơưv shâuv uô trơưk.

Đhâu iz ntu cơưv shâuv, pos Chiêm tưz xơưk tâu zuk hêir nênhs ntâu zav pax ntâuz đuôr tưk, tsôngk trik yo jông jav thiêz xav txos trâu nhiv no, pos Chiêm tưz muôx 70 shông, taz sik pos Chiêm tsênhv niêx hnuz jâuv xơưk hêir nênhs Cho têx pax ntâuz đuôr tưk, tsôngk trik yo txêix pax jông jav tsik chiê pôngz plox.

“Cur xơưk zuk hêir nênhs tsôngk trik yo cxôngx nzor thiêz cur  xơưk trâu cur hnar, xơưk trâu têx nênhs cxênhz jê. Cur xar, têx tsôngk trik yo co cux jông huv đros li zuk hêir nênhs luz nênhx nox nhoz muk lok hâur niêx hnuz, tsuv tuôr tsês tsik chiê pôngz plox”.

Iz chas huôv tsar truôx zuk hêir nênhs têx tsôngk trik yo, pax ntâuz đuôr tưk jông jav, pos Chiêm cux zos iz lênhx muôx tsưr ziv xar tơưv ntâu jax cưr cxiêx thiêz zos iz lênhx muôx luz suôz sênhr hêik tâu cưr cxiêx jông, tâu tsôngv px hêir nênhs Cho hâur thax tsav co pâuz txos.

Hâur ntu tsênhv hluôk, đhâu ntâu shông, pos Chiêm tâu sđ bâux xêir uô tsar Ban vênhx huôv xã Tả Phìn, pos Chiêm tưz tsês ntâu six hơưv hnuz nhôngs zok nriêr hêir nênhs Cho cxuô jax cưr cxiêx thiêz zok nriêr hêir nênhs Cho têx pax ntâuz đuôr tưk, tsôngk trik yo jông jav cxôngx nzor thiêz yax kriê têx nxêik hluôk cơưv shâuv tuôr tsês tsik chiê pôngz plox.

“Pos Chiêm zos iz lênhx sir tas ntâu đas jos tsưr ziv zok nriêr thiêz khơưk tsês chiê zuk hêir nênhs têx txux chi, cêr nênhx vênhx huôv jông cov muôx đros đrêiv hâur luz nênhx. Txươv nhiv no, pos Chiêm tưz lâuk, taz sik pos cux tsênhv ndo njôngr cxuô jax cưr cxiêx thiêz luz suôz sênhr hêik cưr cxiêx tsênhv uô trâu sđ kho siêz khuôr. Chênhr zos li hêik ntơư, pêz chor hluôk nhiv no tsuv tâu cơưv shâuv pos Chiêm cov khơưk tsês tâu truôx zuk hêir nênhs têx cêr nênhx vênhx huôv jông  cov muôx đros đrêiv hâur zuk hêir nênhs luz nênhx tsik chiê pôngz plox”.

Đhâu ntâu shông zok nriêr hêir nênhs Cho têx cêr nênhx vênhx huôv jông, txos trâu nhiv no, pos Tẩn San Chiêm tưz xar tơưv 40 ntâu jax cưr cxiêx thiêz đros tsênhv qơư tuôr tsês têx cêr nênhx vênhx huôv jông huyện Sìn Hồ, tror cxiv kho đuô hêir nênhs Cho cxuô jax đhiê pax vuôs. Pos Chẻo Thị Hà, chủ tịch hội pox niêv vir ndâuk huyện Sìn Hồ hêik pâuz:

“Pos Chiêm nhiv no tưz muôx 70 shông, taz sik cux tsênhv truôx siêz bo khơưk tsês zuk hêir nênhs cxuô jax cưr cxiêx, cxuô jax đaz nênhs thiêz zos iz lênhx muôx hnuz nhôngs siêz đuô hur tiz si đuô tus hâur thax tsav thiêz zos iz lênhx truôx siêz tuôr truôx hêir nênhs cho têx txux chi, cêr nênhx vênhx huôv jông tsik chiê pôngz plox”.

Pos Chiêm zos iz lênhx nhiêv zuk hêir nênhs têx txux chi, cêr nênhx vênhx huôv jông cxôngx nzor, tsiv nhos zos iz lênhx chiê sđ sêiz tsiv grê thiêz uô iz tsov iêr trâu sđ cơưv shâuv uô trơưk./.

                                                         (Tsu cxêik nhênhv-Chẻo Thu)