Chos ntông uô jôngr tsuv muôx liv lok kinh tế

          PV: Kror yiêz lok luôs hâux lưv chos ntông hâur shông no zos li chak thor cox puz pâuz?

          Zơưv Cao Chí Công: Kror yiêz shông no zos Bộ kôngz nuv thiêz huôv tsar tox siêz hêik tso tơưv luôs hâux lưv chos ntông tsuv đros đrêiv por vêv thiêz huôv tsar jôngr; taz sik tsuv truôx đrênhk, tsik zos hêik cov chos ntông, chos jôngr xưz mak tsênhr cov muôx ntông vor têx tox trôngz đo li chor shông đrav ntêx. Zos chos jôngr tsuv cê por vêv tâu tênhx qơư taz sik tsuv truôx lok kinh tế trâu pêx xênhv thiêz doanh nghiệp chos jôngr hâur thax tsav tas nro têz qơưk.

          PV: Zos li, chiê luôs hâux lưv chos ntông cov tâu truôx, tsênhv tsênhz, tsik zos uô cov muôx, chor tiv phaz tsuv tsov cưv li chak hâur luôs hâux lưv  kriz chos ntông?

          Zơưv Cao Chí Công: Tsik zos pêz uô cov muôx, zos tưz uô lơưv, tsuv uô cov tau truôx. Choz trâu Sở kôngz nuv hêik Ủy ban têx tỉnh, tsuv bax zuz nôngz jông tiv zix. Muôz nôngz thiêz paz trâu pêx xênhv chos ntông cxuô thax tsav qơư, lok sik chos hâur jiês kriz uô chos ntông tsuv taz por tsơưr lươngv thiêz tsuv chos trâu thax tsav qơư tưs thiêx yênhx jôngr ntông.

          PV: Chiê chos cov tâu 50 triệu tsoz ntông hâur jiês chos ntông shông no, luôs hâux lưv bax zuz nôngz ntông chos tsuv tâu uô li chak, thor cox puz pâuz nzir?

          Zơưv Cao Chí Công: Uô lơưr Bộ kôngz nuv thiêz huôv tsar tox siêz luôs hâux lưv tso tơưv, Tổng cục jôngr nuv tror chox kriê luôs hâux lưv bax zuz nôngz, ar chiê chos jôngr shông 2017. Hâur co, tsov cưv tiv zix txos zuz nôngz, muôz chor zuz nôngz tsik tsơưr lươngv por tsês thiêz hêik chor tiv phaz tsuv chos cov tâu truôx 100% jôngr ntông. Thôngx cxix, cxơưz cxiz chor tiv phaz chos nôngz chos chês, chos hâur pâuk, jôngr thiêx muôx tsơưr lươngv siêz đuô hâur têx shông uô ntêx./.

          PV: Thor uô cox tsâus ntâu!

(TTT-Lik Thox cxêik nhênhv)

Paz shux xênhz, tsêr cơưv phưv thôngz hâur xã, jêx jok txov nhêv

          -Tiv iz, zos shux xênhz tsênhv cơưv trâu ntơưv tsêr cơưv phưv thôngz mênhx cxưx niêv txir zus mor.

          -Tiv 2, zos shux xênhz niêv thiêz txir lok sik lênhx nênhs paz tu, paz đros seiz muôx ntâuz ntơưr uô nênhx nhoz trâu chor xã, jêx jok txov nhêv tsênhv cơưv ntơưr trâu têx tsêr cơưv cxênhx iz, cxênhx 2 hâur chor xã tox siêz đêz đrôngs, jêx jok txov nhêv thax tsav heir nênhs tsơưs; têx xã txov nhêv nhoz thax tsav ntus đêx hiêr thiêz poz hiêr.

          -Tiv 3 zos shux xênhz niêv thiêz txir lok sik lênhx nênhs paz đros tu, paz seiz ntơư muôx ntâuz ntơưr uô nênhx nhoz trâu têx xã tox siêz đêz đrôngs, jêx jok txov nhêv, thax tsav tsôngv box heir nênhs tsơưs, tsênhv  cơưv ntơưr trâu têx tsêr cơưv cxênhx iz, cxênhx 2 hâur chor xã tox siêz thax tsav heir nênhs tsơưs. Muôx vax tsêr nhoz đêz tsêr cơưv, phiv liv mul lok xưk li cui tinhv ntơưv grê 2.

          Nghị định cui tinhv đros thiêz shux xênhz cxenhx 3 zos tsôngv box heir nênhs tsơưs têx tuz nhuôs tsuv li đrav kaz: 1-Tsênhv cơưv ntơưv têx tsêr cơưv cxênhx 3 lok sik chor tsêr cơưv cxênhx 3 muôx ntâu cxênhx cơưv uô cê; 2-Shux xênhz niêv thiêz txir, lok sik lênhx nênhs paz tu, paz đros seiz muôx ntâuz ntơưr uô nênhx nhoz ntơưv têx xã tox siêz đêz đrôngs, jêx jok txov nhêv, thax tsav heir nênhs tsơưs thiêz tox siêz, chor xã txov nhêv nhoz thax tsav ntus đêx hiêr thiêz poz hiêr.

          Nghị định cux cui tinhv têx tsêr cơưv phưv thôngz tâu sơưv têz qơưk tsênhv chei paz zos: Tsêr cơưv phưv thôngz mênhx cxưx niêv txir zus mor; tsêr cơưv phưv thôngz tsưr tsix uô jâuz mor trâu shux xênhz nox, nhoz hâur tsêr cơưv zos tâu sơưv tsênhv chei paz lơưr cui tinhv ntơưv Nghị định no.

          Trơưk li cui tinhv, tsêr cơưv phưv thôngz mênhx cxưx niêv txir zus mor tâu paz yưv pênhr uô têx côngz trênhx, zuôr têx chuôz zênhx zuôr trâus txos li: uô tsêr nhoz, txax trâu shux xênhz pư, qơư uô jâuz mor nox, qơư nox mor, tsêr đa đêx, qơư tơưv trôngx, côngz trênhx đêx hur thiêz zuôr têx chuôz zênhx sir zôngv trâu shux xênhz nox nhoz hâur tsêr cơưv chiê cơưv ntơưr trơưk li cui tinhv.

          Iz chas ntơư, tâu zuôr cxaz nzir, kho đuô têx chuôz zênhx phưx vưv thể dục thể thao, heik gâux, phưx vưv xênhz huôx vênhx huôv thiêz têx chuôz zênhx txơưr đuô….trâu shux xênhz nox nhoz hâur tsêr cơưv, cơưv ntơưr đros thiêz phênhv paz zos 100 cxênhz đeiv iz lênhx shux xênhz iz shông; tâu cxiv uô qơư tsês trâu têx yuôx kho moz zôngv uô cê trâu tas nro têx shux xênhz nox nhoz hâur tsêr cơưv ntơưr, zuôr têx yuôx kho moz hâur tsêr cơưv muôx txâuk têx zav yuôx nox li: Moz plaz, đhiêk hâu, chơưv kho moz zênhx max xuz thơưx….đros thiêz phênhv zos 50 cxênhz đeiv iz lênhx shux xênhz iz shông./.

                                   (VOV4-Riê Lâux cxeik, nhênhv)