Sơn La chuôz tsar seiz car moz côrôna thax tsav ntus đriv

          Tỉnh Sơn La muôx nhos 250 cei cêr ntus đriv đros têz qơưk Lào đros têx trôngx đriv tsênhv li Chiềng Khương, Lóng Sập... Iz hnuz muôx yênhx puôk jiês tsôngv box thiêz yêz mul lol đhâu. Taz sik, hâur têx hnuz uô hâux lưv phax tar moz lok cêr uô pa tiv caz moz yiêz Côrôna, lênhx nênhs thiêz yêz mul lol đhâu trôngx đriv cux txu grês ntâu. Zơưv Nguyễn Tiến Dũng, giám đốc Tsênhv qơư seiz car moz tỉnh Sơn La puz pâuz:

          “Hâur têx tsưr ziv phax tar moz mak tsênhv krêz uô, iz jênhv vưv lok six coaz tsôngv zos seiz car hâux lưv tsôngv box mul lol đhâu ntus đriv viv pêz muôx 250 ntâu cei cêr ntus đriv đros têz qơưk Lào. Têz qơưk Lào cux muôx lok six chôngz nênhs Trung Quốc tsênhv uô hâux lưv, nhoz uô nênhx, lơưr cux njuôs xav zuôr mul cxôngx thax tsav muôx moz lol tỉnh SƠn La”.

          Ciês thâuv tso tơưv tsưr ziv tir tar moz côrôna, nganhx y tế Sơn La tưz sik côngv đros lưx lươngv Bộ đội pênhz phax, chinhr quyênx tiv phaz huyện ntus đriv yênhx lix 7 qơư seiz car lênhx nênhs mul đhâu ntus đriv, uô jông côngz xưv phax tar.

          Thôngx cxix chuôz tsar qênhz yuôx, seiz car jông ntus đriv, trôngx đriv, mêr cêr, tir tar huôx tôngv mul đhâu ntus đriv tsi trơưk chei; truôx siêz tsi chiê nênhs njuôs xav trâus moz mul đhâu ntus đriv. Đại tá Cà Văn Lập, Chinhr ủy Bộ bội pênhz phax tỉnh Sơn La puz pâuz:

          “Txos nhiv no sâuv thax tsav tsi tâu pov lênhx nênhs tưs trâus moz, pêz tsênhv chuôz tsar lưx lươngv mul thax tsav yax mông, sik côngv đros têx nganhx chiê zaoz zux pox nhuôs pâuz tir tar moz”.

          Ntơưv têx qơư seiz car moz tâu bax đeiv ntâuz bok kror ndâux, meir njuôs chêr seiz cuz sor li chas, meir tsuôk yuôx tuô caz moz. Lênhx nênhs jor yax six chiê tsuôk yuôx tuô caz moz trâu têx yêz mul lol đhâu. Đros lênhx nênhs njuôs xav trâus moz mak tâu chox mul qơư y tế, cêv kuôk thiêz njuôs siv lơưr cui tênhv. Đrâuv co lưx lươngv muôx txơưx jênhv tsênhv muôz ntơưr, heik kriê tsôngv box chiv chir seiz njuôs đas jos, tsi mul têx qơư muôx chôngz lênhx nênhs, thâuv pov gru, cuz sor, lax uô pa mak tsuv ciêr chênhr mul qơư y tế jê tiv zix seiz njuôs. Zơưv Vũ Trọng Thủy, Tsênhv qơư seiz car moz tỉnh Sơn La, lênhx nênhs jor ntơưv trôngx đriv Chiềng Khương, huyện Sông Mã heik:

          “Cxôngx hnuz 23/1 txos nhiv no tsôngv box mul lol đhâu ntus đriv cux txu grês thiêz lơưr puôr lênhx chiv chir bax đeiv bok kror ndâux, thâuv mul đhâu lơưr chiv chir chiê pêz qênhz yuôx; muôz ntơưr thiêz đeiv bok kror ndâux tsi pôngz nhiêx txiêx”.

          Tas nro tỉnh SƠn La nhiv no tsi tâu pov muôx lênhx tưs trâus moz côrôna. Phêv liv tiv zix zos yuôx tuô caz moz ntơưv têx qơư y tế sâuv thax tsav tỉnh yuôr lok six tsơưs, hâur co zoz qơưx sir zôngv nhoz têx thax tsav trôngx đriv mak ntâu. Nganghx y tế Sơn La tsênhv ciêr chênhr nriêr têx tsưr ziv chiê cxaz nzir yuôx hâur six hơưv nzor tiv zix chiê tuôv zênhv trâu hâux lưv phax tar moz cxôngx ciês ntơưv têx trôngx đriv thax tsav ntus đriv./.

(Trấn Long- Txâur Vax cxeik nhênhv)