Nênhs Chăm txux chi nthuôr uô cêr lov jêv: Têx txux chi jông hâur vênhx huôv têz qơưk

          Nênhs Chăm txux chi đrav ntêx nthuôr uô lov jêv hâur têx ntênhs li: Ntênhs hội Katê, hội Riji.... Têx txux chi lov jêv ntơư zos chiê xa tsôngv box, têx tuz nhuôs, lênhx tiz nênhs tsênhv uô nênhx nhoz sâuv zax têx tsưr ziv, siêz xar txos trâu chor lâuk, pox côngz zơưv côngz tưz tâu tas siv nênhx. Têx jax nthuôr uô lov jêv li: Đhiê pax vuôs nzuôv, fuôv......nhiv no cux tsênhv tâu têx lênhx txơưx đhiê nthuôr uô hâur nênhs Chăm têx ntênhs hội. Đàng Quang Dũng-Canr bôv tsêr vênhx huôv tsês trâu têx tuz nxeik hluôk, nhuôs zâu xênhz huôx uô si quận 5, TP HCM heik pâuz:

         "Pir li đhiê pax vuôs nzuôv zos đhiê li chas cov jông seiz, đhiê fuôv zos đhiê li chas...., zuk tsuv pâuz tâu têx jax đhiê no, viv nưk txơưr nưk tsi siz thôngx.  Kror tưs zuk tsi pâuz mak mul nuk chor lâuk, têx lênhx lơưr pâuz thôngz pâuz cxuô lok têx li heik no, chiê lơưr kriê đuô trâu zuk thiêx por hưv tâu tsês nênhs Chăm têx txux chi vênhx huôv jông tsi chiê pôngz plox".

         Iz chas têx jax đhiê pax vuôs, nthuôr uô lov jêv, nênhs Chăm nhiv no tsênhv tuôr tâu tsês ntâu têx txux chi vênhx huôv jông đros thiêz têx suôz sênhr nhiêk txơưr nhiêk. Ntâu suôz sênhr heik cưr cxiêx, hu gâux jông li: Thei mai (zos lênhx tưs tuôx); siz hluz, siz ndo yuô....Iz chas ntơư, nênhs Chăm tsênhv muôx têx txux chi jông lok sâuv heik cưr cxiêx jông xưk li piêr đaz nênhs, krôngz mê nhuôv....thiêz. Iz lênhx phuôz têik, iz lênhx tiz nênhs cux nhiêk puôr lênhx muôx nhiêk iz txux chi uô lov jêv txơưr tsi siz thôngx. Mai Kiên, lênhx nênhs kriê têx txux chi sâuv trâu têx tuz nxeik hluôk, sơưr đơưk cơưv shâuv nhoz đoanx đhiê pax vuôs uô si lov jêv Bình Thuận heik:

        "Hâur nênhs Chăm têx ntênhs hội zos khênhr xar thiêz ndo txos têx muôx hâur luz nênhx li: Luôs xar txos têx lâuk, niêv thiêz txir, chor hloz, đaz xênhz têz xênhz qơư....thâuv tưs tưz nhoz đreiv đros lơưr, paz cxơưz gra lơưr luz nênhx jông thiêz vav mênhx, tsi muôx moz gênhs...".

         Hâur ntu sik côngv đros luôs chak têz qơưk sâuv ntiêx têz li nhiv no chiê sik đros huôv tsar  mak nênhs Chăm têx txux chi vênhx huôv ntơư ziv hnuz ziv trâus pôngz lox jux juk . Luôs hâux lưv por hưv, tuôr tsês chiê têx txux chi vênhx huôv jông no zos lok six zuôr trâus txos. Phưv Giáo sư-Tiến sĩ Trương Văn Món, kriê ntơưr hâur tsêr cơưv Đại học Khoa học xã hội thiêz Nhân văn TP HCM heik pâuz:

         "Uô lơưr Đảng tsưr ziv zos por hưv thiêz tuôr tsês chiê nênhs Chăm têx txux chi vênhx huôv li chas cov jông thiêz fiv đros ntu têz qơưk hlôngr yiêz nhiv no. Lar heik zos luôs hâux lưv uô lơưr Đảng Nghị quyết T.Ư V. Por hưv li chas cov fiv đros thiêz huôv tsar uô hlôngr yiêz trơưk sơưr đơưk siêz nhiêv cov nưk jông. Nhoz no luôs tsi heik li chas lok têx hlôngr yiêz  taz sik uô hlôngr yiêz li chas cov cê por hưv tâu heir nênhs Chăm têx txux chi vênhx huôv ntơư, cê uô tâu jông thiêz fiv đros".

         Vav chiê siêz tiêk, đros thiêz têz qơưk têx cêr moz siêz thiêz fuô kriê đros trâu cxuô ngênhx muôx vax huôv li txơưx jênhv thiêz têx lênhx nthuôr uô cêr lov jêv heik sâuv têx sir jos, nênhs Chăm txux chi vênhx huôv zuôr tâu por hưv thiêz tuôr chiê cov ziv hnuz ziv uô tâu jông đuô phưx vưv chôngz lênhx ntâu tuk tsôngv box Chăm luz nênhx xênhz huôx./.

                                             (TTT-Riê Lâux cxeik, nhênhv)

Hnuz hội đê txir mo môngk Yên Châu

          Hnuz hội đê txir mo môngk muôx 15 paz nhoz trâu cxuô xã hâur thax tsav huyện tuôx sik côngv tưr đê txir mo môngk thiêz nthuôr uô cêr lov jêv li: Njuôk jos, truz hluô. Lov jêv đuô zos sik tưr đê txir mo môngk ntơưv xã Sặp Vạt muôx 6 paz đros tưr. Hnuz hội tâu tsưr tsix trâu ntơưv đrôngl huyện Yên Châu. Pos Nguyễn Thị Thanh Hằng, zos iz lênhx kruô nhoz Hà Nội tuôx đros côngv cêr lov jêv hêik pâuz:

         “Hnuz no zos jiês xuz thơưx, cur tâu tuôx sêiz shuôk sik tưr đê txir mo môngk. Cur sêiz pov cux lov jêv cơưs thiêz cur cux xar njôngr tiêk: hnuz hội uô cêr lov jêv ntơư, shông tưs tsuv tâu tsưr tsix chiê tsôngv kruô sđ tuôx sêiz shuôk”

          Chênhr zos thax tsav qơư ntơư huv đros, tsoz chos txir mo môngk tưz muôx đros đrêiv tsôngv px sâu thax tsav huyện Yên Châu txix thâuv nzor lok thiêz zos tsoz chos muôs tâu nhiêx txiêx chox lok sir zôngv hâur luz nênhx. Nhiv no, hur si huyện tưz chos tâu 700 ha tsoz chos txir mo môngk; hâur ntơư muôx 200 ha zos tsoz chos txir mo mômgk khênhx., sâu tâu 2 cxênhz tấn txir hâur iz shông. Thax tsav chos ntâu tsoz chos txir mo môngk khênhx zos chor xã li: Sặp Vạt, Chiềng Pằn, Viên Lán…thiêz tưz tâu ntơưr sêiz car txix shông 2012 thiêz muôx zav nôngz Đài Loan cux tâu muôs trâu têz qơưs Úc (Ốt trai li a). Zơưv Hà Như Huệ, chủ tịch uỷ Ban huyện Yên Châu, tỉnh Sơn la hêik pâuz:

          “Huyện tsênhv zuôr qênhz yuôx hur tiz si tsoz chos mo môngk; zos pov tsoz mo mômgk tưs lâuk đhâu hnuz nhôngs, pêz cux zuôr yax kriê tsôngv px tror chos đuô thiêz tu tsưx phưv cov zos đrêiv tsưr kriê thiêz tsuv uô li chas cov muôs tâu tus grê huv đros”.

          Tsoz chos txir mo môngk khênhx nhoz huyện Yên Châu, zos zav txir nox kaz, nto bê, tâu tsôngv px chos ntâu chiê muôs trâu tuz luôv ciêz đrôngl./.

                                                  (Tsu cxêik nhênhv-Hoàng Long)