Jax sâu thưr 4.10.8.2016:

SƠN LA: ZAOZ THÔNGZ CÊR AR TSÊNHV MUÔX NTÂU RIÊZ NÊNHS, TSI TAZ POR

          Tưz 2 shôngk ntâu lol no, tsôngv box nhoz xã Nà Bó, huyện Mai Sơn, tỉnh Sơn La xar mul lol trâu ciêz ntus đêx Tà Hộc tsuv mul đhâu iz ntu cêr nhoz ceik cêr 7+580, txox cêr 110 tưz trâus poz tas iz saz cêr. Txos cheix lol nas tsêz no, ntu cêr ntơư tưz trâus poz tas hur si, tsik muôx cêr muk lok đhâu, tsuôk yuôr iz saz zos trôngz, iz saz zos tox nxaz cưx ha toz. Txơưv pâuz tiêk mul lol lok six riêz nênhs, taz sik viv luz nênhx thiêz tsik muôx txox cêr tưs muk lok đhâu, tsôngv box hâur thax tsav tsênhv six mul lol đhâu ntu cêr no. Tix lâuk Mùa A Dơ, tsôngv box nhoz jos Pá Nó, xã Tà Hộc puz pâuz:

          “ Iz jiês jiês mul đhâu ntu cêr no lok six riêz nênhs, tiv zix zos hâur cheix lol nas, taz sik tsi pâuz mul txox cêr tưs thiêz, viv li pêz xar njôngr Đangv, têz qơưk tsov cưv kho đuô, uô cêr trâu tsôngv box mul lol taz por đuô”.

          Lơưr zơưv Nguyễn Mạnh Hùng, phưv giám đốc công ty cổ phần coar lik thiêz cxiv uô cêr zaoz thôngz 1 Sơn La, taz viv tâu choz coar lik 680 ntâu ceỉ cêr, hâur co muôx txox cêr 110 ntu cei cêr 7+ 580, nhiêx txiêx chiê uô mak lok six ntâu, viv li đros thiêz zuk li pênhr xưv, taz viv tsuôk taz por tâu zaoz thôngz zos lav krêz iz txox mê cêr chiê tsôngv box mul lol đhâu. Đrâuv co, sâuv têx ntu cêr taz viv coar lik tsênhv muôx 16 txos 17 qơư cêr poz xưk li ntơư thiêz. Chiê khưx phưx tsuv zuôr trâus txos têz qơưk li yưv pênhr:

          “ Sâuv têx ntu cêr công ty coar lik tsênhv yuôr 16, 17 qơư, phênhv ntâu zos poz cêr, yuôr têx qơư txơưr mak công ty tưz yưr lir chiê nzor taz por zaoz thôngz. Pêz tưz pov cov trâu têx cấp muôx qênhz, taz sik viv tsi muôx pênhz, viv li tsi tâu thôngz đhâu. Chiê khưx phưx mak lok six phêv liv”.

          Sâuv thax tsav tỉnh Sơn La, muôx 9 cxênhz 900 cei cêr, hâur co nganhx zaoz thôngz vênhv teiv tỉnh coar lik 24 txox cêr, ntêr 1 cxênhz 400 cei cêr. Tsêz no, têx cêr ntơư, thâuv txos cheix lol nas tưz uô ruôr hiêv lơưv 80 tỷ đeiv ntâu, tsi tâu heik txos hâux lưv tsuv uô hâur jiês 2. Đhâu jiês ntux nas, tas nro têx trâus ruôr hiêv tưz tâu khưx phưx. Yuôr têx txox cêr tỉnh, tiv tsi muôx pênhr viv li nhiv kruôr uô côngz xưv zos krêz thôngz, kho đuô mê njik thiêz cxok têx fiêx canhv pov...Yuôr têx qơư trâus poz lox tiv zix zos ceik cêr 7+580 sâuv niêv cêr 110 mak tsi tâu muôx pênhr nhiêx chiê khưx phưx, tsôngv box mul lol lok six riêz nênhs. Đrâuv co, têx txox niêv cêr nhiv no muôx 48 kror qơư tsi taz por zaoz thôngz thiêz 4 kror qơư tsi taz por tsuv tâu car chêx sâuv niêv cêr 6. Khưx phưx qênhx shênhx uô ntêx, zơưv Nguyễn Hợp Cường, phưv giám đốc Sở zaoz thôngz vênhv teiv tỉnh Sơn La puz pâuz:

          “ Tsưr ziv uô ntêx zos kỹ thuật, pir li cxok iêr, fiêx canhv pov. Đros thiêz têx qơư muôx yêz mul lol ntâu mak tsuv muôx têx canhv pov trâu têx tsưr tsar yêz. Tsưr ziv thiêz zos yax mông chiê nênhs cxaz chuôz zaoz thôngz pâuz tâu, tsov cưv por vêv zuk thiêz chuôz zênhx chuôz tas thâuv cxaz chuôz zaoz thôngz”.

          Cux xưk li têx tỉnh hâur thax tsav Tây Bắc, Sơn La tsênhv taz tov zos chêix ntux lok nas. Luôs hâux lưv cxiv kho têx cêr zaoz thôngz zos hâux lưv lok six zov chênhr tsuv uô cov tâu truôx tsik chiê uô ruôr hiêv txos tsôngv px sđ txox siêz thiêz luz nênhx./.

( Bích Thủy, Đức Anh- Txâur Vax cxeik nhênhv)

Phênhv thưr 4, hnuz xiêz 10/8/2016:

PHÊNHV FUÔ KRIÊ TÊX TXUX CHI, TSƯR ZIV LOK JÊNHV PÂUZ CHEI TÊZ QƠƯS

Têx jông thiêz muôx liv tsênhv tsênhz thâuv zuôr Bảo hiểm Y tế

Tsênhz tiês zuôr ntơưr BHYT zos muôx liv trâu tsôngv box, lar heik zos têx ziv chuôz zis muôx phênhv sâu tâu kis thâuv lơưr trâus muôx moz gênhs. Tsênhz mênhx:

-Bảo hiểm y tế zos zav ntơưr chiê tsưx phưv đas jos thiêz kho moz trâu tsôngv box, zos têz qơưs tsưr tsix, tsôngv  px sđ uô trơưk thâuv hmôngr tsi jông ho trâus muôx moz gênhs.

-Bảo hiểm y tế zos zav ntơưr sđ puôr lênhx muôx vax huôv siz luôs hâur tsưx phưv đas jos thiêz kho moz gênhk trâu tsôngv box sđ, lar heik zos têx lênhx nênhs pluôs, zuôr xar pluôs thiêz tsôngv box heir nênhs tsơưs nhoz thax tsav tox siêz đêz đrôngs. Chênhr viv li, chiê paz têx lênhx nênhs zuôr xar pluôs zuôr ntơưr Bảo hiểm y tế zos paz trâu uô lơưr tsênhv chei txiv ngaz XH.

Bảo hiểm y tế zos tsưr ziv jông chiê trâu sđ siz paz thâuv njiz trâus têx tsi jông li: Muôx moz gênhs. Chênhr zos li hêik ntơư,  muôz nhiêx zuôr Bảo hiểm y tế zos bax tsês trâu têx thâuv sđ muôx moz gênhs.

-Bảo hiểm y tế thêv phênhv ntâu têx nhiêx khiêz grê kho moz, seiz njuôk shuôs moz, zuôr yuôx nox kho moz….trâu lênhx nênhs muôx ntơưr BHY tế thâuv muk seiz njuôk shuôs, kho moz trơưk li qơư uô ntơưr hâur đeiv ntơưr bảo hiểm y tế.

Seiz njuôk shuôs thiêz kho moz txix ntơưr bảo hiểm y tế paz trâu têx lênhx nênhs pluôs thiêz zuôr xar pluôs txo grêk tsơưs iz phênhv têx nhiêx kho njuôk moz thâuv muôx moz gênhs./.

( Riê Lâux cxeik, nhênhv)