Jax sâu thưr 6 hnuz 2/9/2016

Chiv nhênhv 71 shông hnuz xiêz 2/9: Xar txos hnuz xuz thơưx têz qơưk tâu tiêx tuk

          Tưz đhâu 70 chêix ntux lax xav txix thâuv têz qơưk tâu tiêx tuk, taz sik zos lênhx tưs tưz njiê pov tâu hnuz 2/9/1945 mak zênhx ndo njôngr txos kror lịch sử nto bê co, thâuv Hloz Hôx nhênhv hêik têz qơưk tâu tiêx tuk:

        “Têz qơưk Việt Nam muox qênhx tâu sơưv tự do thiêz tiêx tuk thiêz tsênhv tsênhz tưz zos yênhx iz luz têz qơưk tự do tiêx tuk. Tas nro mênhx cxưx Việt Nam zuôr sir zôngv cxuô kror chiê tuôr chiê qênhx tự do tiêx tuk co”.

         Hâur zơưv Lê Đức Vân nhoz quận Hai Bà Trưg, Hà Nội li jax pêv xưk li hêik tơưv iz mênhx cxưx nhiv kruôr txênhz tâu tiêx tuk li iz luz Thủ đô nto bê cêr shir phaz lox. Thâuv co, txix nhiv kruôr pov cêr txôngs, pêx xênhv nhoz cxiê qơư tưz sik đros lok Quảng Trường Ba Đình. Sơưr đơưk têk puôr lênhx tuôr iz tuk qix liêz zâu, lênhx tưs njêx muôs cux shir phaz lus, xưk li muk uô hôiv thiêz tsênhv tsênhz co zos tas nro mênhx cxưx li hnuz hôiv lox tiv zix. Zơưv Lê Đức Vân tror ndo txos:

        “Hnuz 2/9, tas nro Hà Nội lov jêv ntưk, cxuô lênhx uô trôngx vas tok, xơưk qix, muôx tsêr mak xơưk pêz tuk qix, cơưv hu gâux ntâuk zênhx tros châuz, tas nro pêx xênhv shir phaz pov tâu ntâuk zênhx lơưv viv li jông siêz hênhr. Tok hơưv tiêx tuk, lênhx tưs cux jông siêz thiêz co cux zos jiês xuz thơưx ciês tâu pâuz txos lâul Hôx. Thâuv ntêx sơưr đơưk thiêz cur cux tsik pâuz lâul Hôx zos lênhx tưs”.

        Đros chor nênhs tâu uô jênhv vưv por vêv lâul Hôx hâur hnuz tiêx tuk xuz thơưx co hax zav shir phaz đuô. Zơưv Nguyễn Quang Phòng, zos kuz chiên sĩ công an Ty liêm phóng nhoz Hà Nội puz pâuz: lưx lươngv Liêm Phóng thiêz cảnh sát Bắc Bộ hmôngr jông tâu choz jênhv vưv por vêv jiês tsưr tsix ntênhk ntơưv Ba Đình, por vêv ngaz tuk trâu jiês co, tir thêir chor nênhs fêv li cxuô huôx tôngv ruôr hiêr. Chor chiến sĩ cảnh sát tuôr fov sơưr jor trơưk oz saz cêr txix nênhs sơưr thơưx thiêz chor thành viên chính phủ li qơư nhoz txos trâu qơư tsưr tsix. Chor trinh sát mak nhiês nhoz đros hâur pêx xênhv chiê nriêr pov tâu têx kror tsik jông, por vêv sơưr đơưk…Iz cxiê lênhx nênhs tâu hnar trik yo trik zax fov chiê sơưr por vêv iz ndis qơư tsưr tsix. Zơưv Nguyễn Quang Phòng hêik:

       “Hnuz 2/9, thâuv co uô kror qơư hêik têz qơưk tâu tiêx tuk ntơưv Ba Đình mak zok trâu Nguyễn Hữu Đang, kiến trúc sư zos Ngô Hữu Quỳnh. Ntu co, sơưr đơưk tâu choz jênhv vưv por vêv jiês tsưr tsix co li chak, por vêv chor yêz thâux hloz Hôx muk lok li chak. Thâuv co mak tưz tsik tâu muôx trik yo, vi li mak sơưr đơưk hnar trik lur, đros yo chêix yêz tuôv đros hloz Hôx li yêz muk xưz”.

       Tror ndo txos hnuz têz qơưk tâu tiêx tuk co, pos Lê Thi, nhoz Ngô Quyền, quận Hoàn Kiếm piêr: pos hmôngr jông tâu zos nênhs truz đêiv qix trâu tuk ndê qix thâuv co. Đros chor nênhs lok trâu Quảng trường Ba Đình, pos sơưr hâur đoanx gâux muôv vir ndâuk chơưv têz qơưk hnar trik yo đơưz, trâu khâu ntâuz, tuôr pak đros chor công nhân, hluôk nênhs, công giáo, cưk kriê ntơưr…cê muk cê hêik paz trâu cách mạng, paz trâu Việt Minh. Thâuv hloz hôx ndê muk sâuv qơư hêik, tas nro njiês to hur si, sơưr njiê zơưv hloz Hôx. Co cux zos jiês xuz thơưx ciês pos Lê Thi tâu njiz zơưv hloz Hôx. Pos hêik:

      “Cur muk sâuv kror qơư co mak cê muk cê cxơưx viv tsik tâu bax uô ntêx. Zuôr txos ntơưv qơư mak cur njiz iz lênhx pox niêv. Oz lênhx sik tuôr têk ndê muk. Thâuv suôz gâux tiến quân ca tâu hêik mak ưz max mav truz tuk qix. Ưz tso siêz hlo viv tưz uô tiêr jênhv vưv”.

       Hâur têx hnuz no, cxuô lênhx nênhs Việt Nam ho tror tâu tis txos chêix ntux lax têz qơưk tâu tiêx tuk. Têz qơưk Việt Nam li cêr shir phaz chor hnuz xuz thơưx zos iz mênhx cxưx zênhz shôngx li cêr shir phaz tưz ntâuk zênhx tros châuz txênhz tâu têz qơưk. Co zos iz têz qơưk Việt Nam li kror cêr shir phaz tâu tiêx tuk thiêz tự do./.

(TTT-Lik Thoxcxêik nhênhv)

Phênhv thưr 6.2.9.2016:

QÊNHX LÊNHX NÊNHS THIÊZ QÊNHX MÊNHX CXƯX HÂUR TUYÊN NGÔN ĐỘC LẬP

          Krêz uô ntêx hâur bản tuyên ngôn độc lập, heik txos tsôngv box sâuv tas nro ntiêx têz li siêz xar thôngz đhâu Mỹ, Pháp li têx bản tuyên ngôn, chủ tịch Hồ Chí Minh khav tênhv: “ Tas nro têx mênhx cxưx sâuv ntiêx têz puôr lênhx xênhz zus lol fênhx zav. Mênhx cxưx tưs cux muôx qênhx tâu nhoz uô nênhx, qênhx tâu jông thiêz qênhx txưv zơưx”. Kror co cux zos mênhx cxưx tưs trâus tros châuz kuôz zuôv, tsôngv box tsuv nhoz uô nênhx txov nhêv njuôr mak mênhx cxưx co tsi muôx qênhx lênhx nênhs, cux tsi tâu fênhx zav, txưv zơưx. Chủ tịch Hồ CHí Minh tưz heik tơưv Mỹ thiêz Pháp li têx lul heik co hâur bản tuyên ngôn chiê khav tênhv qênhx lênhx nênhs zos lox tiv zix, taz sik coaz tsôngv đuô thiêz zos qênhx mênhx cxưx. PGS-TS Nguyễn Ngọc Anh, viện tsar Viện HCM thiêz Đảng li têx lãnh tụ, Học viện chính trị quốc gia Hồ Chí Minh xar tiêk:

          “ Qênhx lênhx nênhs lơưr chủ tịch Hồ Chí Minh li siêz xar hâur tuyên ngôn độc lập reik đros qênhx mênhx cxưx, mênhx cxưx li qênhx chiv chir cuiz tênhv, mênhx cxưx Việt Nam li qênhx txưv zơưx”

          “ Tsôngv box sâuv tas nro têz qơưk hmor yuô! Tas nro cxuô lênhx nênhs thâuv xênhz zus lol puôr lênhx muôx qênhx fênhx zav. Lơưr muôx têx qênhx mak tsi muôx lênhx tưs muôx qênhx uô hiêv txos, hâur têx qênhx co muôx qênhx tâu nhoz uô nênhx, qênhx txưv zơưx thiêz qênhx tâu nhoz uô nênhx shir phaz”.

          Lơưr chủ tịch Hồ Chí Minh, qênhx mênhx cxưx thiêz qênhx lênhx nênhs siz đros đreiv uô cê. Mênhx cxưx tâu txưv zơưx, tiêx tul zos theox chênhv xuz thơưx chiê taz por uô qênhx lênhx nênhs, uô jông qênhx lênhx nênhs zos phuôx huiz mênhx cxưx li txưv zơưx têx tsiv grê siêz thiêz ziz njiêz tsênhv tsênhz. Hâur bản tuyên ngôn độc lập li phênhv tov kaz, chủ tịch Hồ CHí Minh tưz heik tsênhz mênhx qênhx mênhx cxưx fênhx zav mak iz lênhx tsôngv box Việt Nam muôx qênhx tâu sơưv tsênhz mênhx. Viv qênhx mênhx cxưx fênhx zav co tưz tâu zôngv trox nya têx cxênhx nênhs Việt tov ntêx pâur lol thâuv tir ntâus tros châuz Pháp txos thâuv muôx jiês tsav txênhz ntiêx têz tiv 2. Viv li Chủ tịch HỒ Chí Minh tưz khav tênhv “ Têz qơưk Việt Nam muôx qênhx tâu sơưv txưv zơưx thiêz độc lập, thiêz tsênhz mênhx tưz yênhx iz têz qơưk txưv zơưx, tiêx tul. Tas nro mênhx cxưx Việt Nam truôx siêz sir tas đas jos tuôr truôx qênhx txưv zơưx, độc lập co”. Co zos tuyên ngôn truôx đrênhs lok qênhx độc lập , txưv zơưx. PGS-TS Phạm Xanh, tsêr cơưv Đại học Khoa học xã hội và nhân văn , ĐHQG Hà Nội heik mênhx:

          “ Heik li ntơưv chiê khav tênhv, Việt Nam li độc lập, txưv zơưx thiêz shir phaz muôx txâuk 2 tsiv grê lok six lox: ntiêx têz li tsiv grê thiêz VN li tsiv grê. Chủ tịch Hồ Chí Minh zos lênhx nênhs heik tơưv pêz mênhx cxưx siêz xar njôngr độc lập, txưv zơưx thiêz shir phaz”.

          Qênhx mênhx cxưx tưz tâu tso pov thôngz đhâu cơưx mênhv hli 8, yuôr qênhx lênhx nênhs mak tsuv hla đhâu iz six hơưv ntêr thiêx li tâu xav tênhv uô cxôngx hâux lưv cxiv tsa têz qơưk pháp quyền xã hội chủ nghĩa, zos tsôngv box li, viv tsôngv box...

          Cxôngx bản Hiến pháp xuz thơưx shông 1946 xav tênhv qênhx lênhx nênhs txos têx bản Hiến Pháp 1959, 1980, 1992 thiêz 2013 tưz tror uô tsênhv mênhx njiêz luv qênhx lênhx nênhs, tsôngv box li qênhx thiêz nghĩa vụ lok chính trị, dân sự, kinh tế, xã hội, vênhx huôv thiêz têz qơưk li txơưx jênhv hâur hâux lưv seiz tâus, taz por, por vêv qênhx lênhx nênhs. Lơưr PGS-TS Đinh Xuân Thảo, Kuz Viện tsar Viện nhênhz chơưv lập pháp, sâu jênhv thiêz phuôv tsar chủ tịch Hồ Chí Minh li siêz xar lok qênhx lênhx nênhs, qênhx mênhx cxưx hâur Tuyên ngôn độc lập thiêz têx bản Hiến pháp thâuv ntêx, Hiến pháp 2013 tsi taz cui tênhv mak tsênhv phuôv tsar têx qênhx lênhx nênhs li qênhx taz por nox nhoz xã hội, qênhx tâu nhoz uô nênhx hâur tênhx qơư jông... Đrâuv co, kror yiêz hâur Hiến pháp 2013 zos muôz siêz tsưr qênhx tsôngv box thiêz sâu jênhv têx nguyên tắc lok qênhx lênhx nênhs, thôngx cxix phuôv tsar siêz xar yiêz lok qênhx lênhx nênhs. Zơưv Đinh Xuân Thảo heik:

          “ Tsôngv box li pưs txux, qơư sơưr cxôngx thâuv pêz têz qơưk tâu tiêx tul, thiêz cxôngx thâuv muôx Hiến pháp shông 1946, chủ tịch Hồ Chí Minh tưz lov lik cxiv tsa cux xưk li tso pov chinhz yênhx cxiv tsa iz têz qơưk zos tsôngv box li, viv tsôngv box. Taz sik pêz têz qơưk thâuv ntêx kinh tế xã hội tsênhv txov nhêv, viv li chiê taz por têx qênhx co tsiv yênhx trus muôz siêz thiêz krêz đar jux jus. Txos six hơưv no, thâuv pêz qir hlôngr yiêz têz qơưk, pêz muôx theox chênhv krêz đar đuô, muôz siêz đuô tsôngv box li luz nênhx thiêz taz por qênhx lênhx nênhs”.

          71 shông mul đhâu cxôngx thâuv cơưx mênhv hli 8 yênhx côngz thiêz krêz xênhz têz qơưk Việt nam dân chủ cộng hòa, pêz têz qơưk tưz muôx têx trus phuôv tsar jông sâuv txox cêr tơưv txênhz por vêv qênhx mênhx cxưx cux xưk li taz por qênhx tsôngv box. Siêz xar lok qênhx mênhx cxưx thiêz qênhx lênhx nênhs hâur bản Tuyên ngôn độc lập txos nhiv no tsênhv tâu uô ziv hnuz ziv jông đuô./.

( TTT- Txâur Vax cxeik nhênhv)

)