Jax sâu thưr 5/2/6/2016:

ĐẮC LẮC: TROR PAZ MAX HLUÔK NÊNHS NÔNGX CXÊNHZ

          Zos tỉnh tox siêz, thax tsav đar, ho muôx chôngz mênhx cxưx, viv li nhoz Đắc Lắc hâux lưv chêx chôngk hluôk nênhs huôx tôngv phongz yaox Đoàn njiz ntâu phêv liv. Hluôk nênhs nôngx cxênhz zos lưx lươngv lox tôngv tsênhv hâur chuôz zis, viv li chiê muôx six hơưv xênhz huôx cux lok six tsơưs. Tsênhz mênhx huôx tôngv đoàn ntơưv cơ sở tso pov, têx jiês xênhz huôx tsuôk zos uô si, shâuv thiv thao thiêz têx huôx tôngv txơưr tsi zaz zâuv tâu hluôl nênhs cxaz chuôz. Niêv lâuk Ma Thị Hoàn, Ban chấp hành đoàn xã Ea Đah, huyện Krông Năng puz pâuz:

          “ Fênhx yax mak pêz tsuôk tsưr tsix têx tsưr ziv uô si xưz, yuôr thôngz xor mông mak hluôk nênhs tsi tâu pâuz txos. Tsuôk muôx têx lênhx nênhs mul cơưv ntơưr mak thiêx li pâuz xưz”

          Tix lâuk Trần Văn Thắng, phưv bí thư đoàn xã Ea Đar, huyện Ea Kar cux puz pâuz, txơưv tiêk lok six xar tsưr tsix têx huôx tôngv yiêz, muôx ntâu njiêz luv, taz sik nênhs sơưr thơưx hâur đoanx li pênhr xưv txux chi kis. Tix lâuk Trần Văn Thắng heik:

          “ Chiê kriê cxaz têx yênhx tưv yiêz lok sik tsưr tsix tsưr ziv uô si lox nhoz cơ sở mak tsênhv yuôr ntâu phêv liv. Tiv 1 zos cán bộ chiê kriê têx lớp co muôx tsơưs, đoàn viên jênhv pâuz tễ môn co cux njiz ntâu phêv liv”.

          Cxôngx têx phêv liv heik sâu, tsuv zuôr trâus muôx iz lênhx nênhs sơưr thơưx hluôk nênhs muôx têx pênhr xưv nghiệp vụ hâur xênhz huôx, vênhv zôngv huv đros tsênhv tsênhz. Six hơưv đhâu, tỉnh đoàn thiêz Hội liên hiệp hluôk nênhs VN tỉnh Đắc Lắc tưz tsưr tsix ntâu khóa kriê cxaz pênhr xưv nghiệp vụ li: kriê pênhr xưv nghiệp vuv côngz xưv đoàn-Hội jêx jos, tuêv dân phố...

          Hâur hli 4 nhiv kruôr đhâu, tỉnh Đoàn tưz krêz 2 jiês kriê cxaz trâu hluôk nênhs ntơưv 2 huyện zos Buôn Đôn thiêz Cư Mgar, zaz zâuv tâu 350 lênhx hluôk nênhs hâur tas nro tỉnh cxaz chuôz. Đhâu co, têx hluôk nênhs tâu pâuz txos tsưr ziv yax mông, tsưr ziv chêx chôngk hluôk nênhs...paz lơưr muôx cxaz yênhx tưv, muôz siêz pênhr xưv uô côngz xưv Đoàn- hôiv. Đrâuv co, tỉnh Đoàn tsênhv đros huyện đoàn đoàn uô tsz yênhx yax kriê pháp luật, xênhz huôx hluôk nênhs ntơưv têx xã tox siêz chiê paz hluôk nênhs tâu pâuz txos têx huôx tôngv đoàn. Tix lâuk Võ Văn Dũng, phưv bí thư tỉnh đoàn, Chủ tịch Hội liên hiệp hluôk nênhs Việt Nam tỉnh Đắc Lắc puz pâuz:

          “ Ban tsưr tsix thiêz Hội đồng kriê cxaz chêx chôngk heik mênhx lok pênhr xưv nghiệp vuv trâu cán bôv uô côngz xưv hôiv chiê tror kruôz kriê thiêz sir zôngv lol hâur hâux lưv uô tsênhv tsênhz. Thôngz đhâu têx njiêz luv mak phênhv ntâu puôr lênhx zôngv, uô uô cê sâuv thax tsav mak puôr lênhx tâu kriê cxaz chiê lol cơ sở thiêx uô tâu”.

          Cxôngx têx tsaz yênhx kriê cxaz no, ntâu cán bôv đoàn nhoz cơ sở tâu pâuz txos tênhx qơư xênhz huôx jông đuô, muôx cxaz yênhx tưv pênhr xưv, cxôngx co muôx chênhz zênhv chiê uô nhoz zuk taz viv, paz phongz yaox đoanx ntơưv cơ sở ziv hnuz ziv phuôv tsar tâu truôx./.

( TTTN-Txâur Vax cxeik nhênhv)

Phênhv thưr 5 hnuz xiêz 2/6/2016:

Iz tsôngv box mênhx cxưx tsơưs nênhs txơưx uô nox nhoz jok Suối Dzui

Nhoz jok Suối Dzui, xã Túc Trưng, huyện Định Quán, tỉnh Đồng Nai lênhx tưs cux pâuz txos zơưv Đinh Công Tâm, viv zơưv Tâm zos iz ziv chuôz zis pâuz huôv tsar cêr uô nox thiêz tsênhv sir jos paz trâu pox nhuôs pluôs hâur jok. Zơưv chuôz zis zênhx zos iz chuôz zis pluôs, taz sik txix sir jos uô bluô nux sâuv thax tsav ar no, zơưv tưz nriêr pâuz tsênhz lok đêx ar, chiv xênhz thiêz cuêz tênhv yưv pênhr chos txir mo môngk hâur pêz luz chêix. Zos lênhx nênhs gruôs, sir jos cơưv shâuv, viv li zơưv tưz sir zôngv tsưr ziv yiêz chos txir mo môngk: Uô qơư tok đêx lok zưs, zuôv qir đhâu car đêx, tsuôs yuôx tuô caz hmoz huv đros; viv li tsơưr lươngv siêz thiêz jông đuô. Iz hec ta sâu tâu 30 tấn iz shông, sâu tâu txix 150 txos 200 triệu đêiv. Đrâuv huôv tsar uô xênhz yar, zơưv tsênhv vênhv tôngv chor chuôz zis hâur jok chiv chir yênhx lix tổ sik paz tsêr nhoz muôx 10 lênhx nênhs (iz lênhx nênhs gôngr côngv 3 triệu đêiv iz shông) đros chor nhiêx no, tổ cơưv sêiz shuôk, kho đuô vax tsêr trâu yênhx lênhx thành viên. Zơưv Đinh Công Tâm puz pâuz:

“Cxênhx txuôs txix tsưr ziv iz chuôz zis gôngr côngv mê njik, thiêz zuôr muôz trâu chor ziv chuôz zis txov nhêv siz kir chiê sik paz uô nox, hâur co mak xêir sêz chuôz zis tưs txov nhêv tiv zix mak paz uô ntêx. Txix co tror sâu pênhr đuô thiêz paz trâu chor nênhs txơưr đuô”.

Cê zos chủ tịch hội nôngx mênhx xã, cê zos chủ tịch câu lạc bộ txir mo mômgk tsơưr lươngv siêz viv li pox nhuôs hâur thax tsav tsik so tuôx cơưv shâuv ntơưv zơưv tsưr ziv uô nox thiêz chênhz zênhv. Đros chor ziv chuôz zis hâur jok, lênhx tưs xar pâuz yênhx tưv lok txir mo mômgk, zơưv Tâm puôr lênhx muk ti gâuk vax chiê đros sêiz shuôk, kruôz kriê ciês trâu lơưr. Câu lạc bộ mo mômgk tsơưr lươngv siêz huôx tôngv muôx chêx cur, paz ndar six hơưv têx xor mông lok zuz nôngz, gri, kỹ thuật tsoz phưz chor thành viên. Đros co, txix zuk li kror nto bê, zơưv tưz sơưr bê txêik pênhr trâu 3 ziv chuôz zis pluôs txix cuiv viv nênhs pluôs hâur huyện Định Quán chiê zus nhux đas sha mê nhuôs đros chor nhiêx zos 30 triệu đêiv. Tix lâus Điểu Văn Lẩm, lênhx nênhs tâu zơưv Tâm sơưr bê txêik pênhr puz pâuz: “Lok six uô tsâus zơưv Tâm; khov muôx zơưv Tâm sơưr bê txêik pênhr thiêz kruôz kriê tsưr ziv tsoz phưz nhux đas viv li cur tuk nhux tưz sha tâu iz tuk mê nhuôs lơưv. Cur chuôz zis tưz hla đhâu cêr pluôs. Cur shir phaz hênhr”. Hok zơưv Điểu Văn Na-iz lênhx hâur 3 lênhx nênhs tâu zơưv tâm sơưr bê paz txêik pênhr cux shir phaz lok six ntâu:

“Hêik cxuô mak txix thâuv tâu têz qơưk paz muôz pênhr txêik tưz zuôr tâu iz tuk mâuv nhux, zus tâu iz ntu mak sha tâu iz tuk mê nhuôs, nhiv no mak tưz tror muôx jês. Cur cux shir phaz hênhr”.

Hêik lok zơưv Đinh Công Tâm li têx hâux lưv uô tsênhv tsênhz, tix lâus Đoàn Thanh Hoàng-phưv chủ tịch UBND xã Túc Trưng, huyện Định Quán, tỉnh Đồng Nai puz pâuz:

“Nhiv no zơưv zos xã li nênhs muôx suôz bê hâur tsôngv box mênhx cxưx tsơưs nênhs. Xưk tưz pâuz mak zơưv cxaz chuôz trâu câu lạc bộ sik paz uô nox. Hâur uô xênhz yar kinh doanh mak zos nênhs uô ntêx hlo, kruôz kriê pox nhuôs chos txir xoài tsik ndax chiv muôx chêx cur. Đrâuv uô bluô nux trâu zuk chuôz zis, zơưv tsênhv paz trâu pox nhuôs hâur jok sik đros huôv tsar kinh tế”.

Zos nênhs piz uô nox txix iz chuôz zis pluôs viv li zơưv Tâm cux pâuz tsênhz txos chor nênhs pluôs, muôx ar taz sik tsik muôx pênhr mak cux uô tsik tâu li chak. Muôx pênhr lok tsuôk uô cov muôx mak cux tsik muôx chêx cur. Zơưv Tâm hêik:

“Đhâu chor phongx, ban huyện li ntâuk gri mak tsưr ziv no lok six muôx chêx cur thiêz huv đros tiv phaz. Viv li cur cux hêik tiêk thor sơưr bê txêik nzir nhiêx trâu chor chuôz zis pluôs cxaz chuôz uô dự án no. Chor chuôz zis tsôngv box mênhx cxưx tsênhv chos chor tsoz chos chênhr hâur huyện li bê ntơưr mak thor tror tâu paz nzir txix phênhv côngz xưv kinh tế huyện chiê tror paz trâu pox nhuôs”.

Lơưr zơưv Tâm, ntâu ziv chuôz zis tsôngv box mênhx cxưx tsơưs nênhs hâur thax tsav tưz sir jos sik tưr huôv tsar cêr uô nox, sik paz cxuôv yêiz thiv pluôs, sir jos uô bluô nux./.

(TTTPHCM-Lik Thox cxêik nhênhv)