Lào Cai: Cheix ntux yiêz sor si nhoz thax tsav tox siêz Nậm Chảy

Kaz shông 2017, niêv lâuk Lan Xênhv Vax, nhoz jok Nậm Chảy, xã Nậm Chảy, huyện Mường Khương, tỉnh Lào Cai chuôz zis cux tsênhv zos chuôz zis pluôs. Li ntơư, taz sik tsuôk đhâu 2 shông, niêv lâuk chuôz zis tưz yênhx iz chuôz zis bluô nux hâur jok. Hur tiz si puôr lênhx khov lok têx tsoz tsơưz. Txix thâuv chos zav tsoz chos no lok, niêv lâuk chuôz zis luz nênhx tưz hlôngr yiêz. Shông nhiv kruôr đhâu, đros thiêz iz ha ntâu têz tsơưz tưz gra lok phênhv sâu tâu xar muôx 500 tsov đeiv, ntâu đuô 10 bâus pir li đrav ntêx uô poz, chos kok ntông. Têx nhiêx txiêx ntơư cux txâuk chiê niêv lâuk 2 niêv txir cxiv uô tsêr yiêz nhoz, tsiêz shông no cux shir phaz đuô tok shông yiêz. Niêv lâuk Lan Xênhv Vax heik:

“Kuôk no iz shông, cur chuôz zis cux zos chuôz zis pluôs. Txos shông no mak cur chuôz zis tưz hla đhâu chuôz zis pluôs, khov chos têx tsưz thiêz txir suôz câur. Tsiêz shông no zuk muôx vax tsêr yiêz thiêz jông chiê tok tsiêz lơưv”.

Iz chas têx tsơưz, chor chuôz zis tsôngv px nhoz Nậm Chảy tsênhv pâuz txos ntâu zav tsoz chos li: Txir suôz câur, txir quýt, ndêz.... Chênhr hlôngr yiêz tsoz chos, tsưr ziv huôv tsar uô tưz paz tsôngv px zok nriêr tâu hâu cêr chiê hlôngr yiêz luz nênhx, txix ntơư uô hlôngr yiêz tas nro thax tsav ntus đriv. Muôx tâu têx li heik co, tưz zos khov muôx chor tuz lênhv pênhz phax hâur thax tsav qơư sir jos cxơưz paz. Shông 2019, têx tuz lênhv pênhz phax cux sir jos paz, buôk ti đros Đảng ủy, hâu nov xã paz 15 chuôz zis hla đhâu yeiz pluôs. Thiếu tá Trương Thanh Phong, Phưv Zênhx tsar Zênhx pênhz phax Nậm Chảy heik pâuz:

“Canr bôv chiến sỹ zênhx pênhz phax hu zâuv sđ siz chos paz hnuz côngz lox tôngv, paz nhiêx txiêx, iz chas ntơư hu zâuv cxuô lênhx sđ, têx nênhs siêz jông paz trâu tsôngv px huôv tsar uô nox uô hnar. Vav chiê siêz tiêk, đhâu têx hâux lưv uô sik đros paz ntơư, txơưv tiêk tsi ntâu taz sik lol six muôx liv, zuôr paz tsôngv px muôx luz nênhx truôx tuk đuô, đros canr bôv chiến sỹ tsưx phưv truôx thax tsav ntus đriv, đriv têz têz qơưk”.

Trơưk li zơưv Tẩn Khải Phú, Chủ tịch Ủy ban xã Nậm Chảy, kror zov chênhr đuô, chênhr zos tsi pâuz shor thâuv tưs lok, tsôngv px têx tsưr ziv, cêr chiê siêz, nhoz tok txos têz qơưk paz tưz jux juk hlôngr yiêz chiê sik tưr huôv tsar uô nox, uô bluô nux. Shông 2015, Nậm Chảy zos iz hâur têx xã muôx ntâu chuôz zis pluôs đuô hur si hâur huyện Mường Khương, zos 78%. Suôx câuv shông 2019, têx chuôz zis pluôs hâur Nậm Chảy tsuôk yuôr 26%, txo grêk tsơưs 50% ntâu pir li thâuv ntêx, co cux zos iz kro uô trâu sđ pov tsênhz lok têx hlôngr yiêz nhoz thax tsav qơư no. Zơưv Phú heik:

“Tsôngv px nhiv no lơưr tưz tsi nhoz tok txos têz qơưk têx chei paz. Tsôngv px têx tsưr ziv huôv tsar uô nox tsi tiêk muôz hâux lưv uô trâu chor nênhs hâur thax tsav qơư nhoz, mak tsênhv muôz six hơưv trâu têx lênhx tsôngv px nhoz luôs lưv luz xã, huyện txơưr đuô tuôx uô jos thiêz. Qênhx shênhx mul lok đhâu đriv têz trâu Trung Quốc uô jos tưz txo grêk tsơưs ntâu, txix ntơư tsôngv px tso siêz huôv tsar uô nox uô hâuk, sir jos khưr uô bluô nux, tso tsês têx cêr txov thiêz yeiz pluôs”.

Tuôx txos trâu Nậm Chảy nhiv no, tsuôk zos têx txox cêr lênhv poz jêz jông mul lok, tưz tsi pov muôx têx cêr đaz pêk tuôs, nqo thiêz pâus pluô ar đros têx chuôz zis pluôs, txov nhêv, mor tsi muôx nox đhâu shông, mak hlôngr trâu co zos têx lênhx nênhs, chuôz zis sir jos siz tưr huôv tsar khưr uô bluô nux sâuv chênhr zuk thax tsav qơư nhoz. Tsôngv px tso siêz nhoz truôx têz qơưk, sik tưr huôv tsar uô nox, iz cheix ntux yiêz sor si tsênhv lok txos trâu thax tsav ntus đriv./.

(An Kiên-Riê Lâux cxeik, nhênhv)