Yên Bái: Thax tsav trâus đêx ngaz cuôr Văn Chấn bax trâu shông cơưv yiêz

Tsêr cơưv cxênhx iz Sơn Lương, huyện Văn Chấn zos iz hâur chor tsêr cơưv nhoz ntơưv qơư trâus hiêv ntâu tiv zix hâur jiês ntux nas đêx ngaz cuôr thâuv kaz hli 7 nhiv kruôr đhâu. Chiê cơưv ndar tâu shông cơưv yiêz, đhâu ciês thâuv đêx grêk, tsêr cơưv tưz huiz tôngv tas nro cán bộ, cưk kriê ntơưr hâur tsêr cơưv ntơưr đros shux xênhz niêv txir tsêx trung khưx phưx têx trâus hiêv. Têx qar cơưv ntơưr muôx ntâu hmôngr ar, yar tiêx muôx ntâu têx vuôz tsuôz, cêr muk hâur tsêr cơưv trâus ar poz jêz cuôr lok cxuz tas…tưz tâu cán bộ cưk kriê ntơưr hâur tsêr cơưv đros shux xênhz niêv txir sêi đrơưv thoz huk chiê cơưv tâu ndar shông cơưv yiêz 2018-2019.

Đros tsêr cơưv ntơưr li sir jos, chor tsưr tsix, nênhs siêz jông cux paz trâu tsêr cơưv ntơưr 100 triệu đêiv nhiêx txiêx, ntâu zav chuôz zênhx cơưv ntơưr txơưr đuô thiêz 40 luz txax oz yôngx trâu 120 ntâu lênhx shux xênhz nhoz hâur tsêr cơưv niêv txir zus mor. Đhâu co paz trâu cưk kriê ntơưr thiêz shux xênhz tsêr cơưv cxênhx iz Sơn Lương txo grêk tsơưs tâu têx phiv liv chiê tok shông cơưv yiêz: Cưk kriê ntơưr Bùi Thị Phượng, Hiệu trưởng tsêr cơưv cxêhx iz Sơn Lương, huyện Văn Chấn puz pâuz:

“Đhâu trâus ntux nas chuô ruôr hiêv mak tập thể, cán bộ cưk kriê ntơưr muk khưx phưx têx phiv liv tiv ntux nas chuô ruôr hiêv thiêz bax cxuô zav, uô vêv xênhz thiêz uô têx hâux lưv txơưr đuô chiê bax kriz cơưv shông cơưv yiêz”.

Tsêr cơưv cxênhx iz thiêz cxênhx oz Sơn A cux nhoz hâur thax tsav trâus hiêv tiv ntux nas đêx ngaz cuôr nhiv kruôr đhâu. Đhâu trâus đêx ngaz cuôr ruôr hiêv, chiê ndar six hơưv muôx txâuk tsar tov lok cxuô zav bax trâu 950 ntâu lênhx shux xênhz tuôx cơưv shông cơưv yiêz 2018-2019, đros têz qơưk têx pênhr paz, tsêr cơưv tưz huiz tôngv xar hôiv hóa paz kho đuô chor qar cơưv ntơưr trâus puôk tsuôx thiêz cxiv uô yêz 4 qar cơưv ntơưr, 1 qar uô hâux lưv đrox têx côngz trinhx txơưr đuô. Cưk kriê ntơưr Nguyễn Văn Chấn, Hiệu trưởng tsêr cơưv cxênhx iz thiêz cxênhx oz Sơn A, huyện Văn Chấn hêik:

“Tsêr cơưv tsưr tsix trâu cán bộ, cưk kriê ntơưr thiêz shux xênhz kho đuô, lox tôngv vêv xênhz chor qar cơưv, thiêz kho đuô têx côngz trinhx tsik jông, chiê uô chak cov tsêr cơưv ngaz tuk trâu chor shux xênhz tuôx cơưv shông cơưv yiêz”.

Shông cơưv 2018-2019, huyện Văn Chấn muôx 79 tsêr cơưv, 1.144 chor lớp đros xar muôx 35.200 shux xênhz cxuô cấp, hâur co muôx 3 cxênhz ntâu lênhx shux xênhz niêv txir zus mor. Nhiv kruôr hla đhâu têx phiv liv tiv coz chuô số pêz uô phiv liv txos, viv li pir đros têx shông cơưv uô ntêx, shông cơưv no ntâu luz tsêr cơưv ntơưr thiêz shux xênhz nhoz sâuv thax tsav chuôz zis njiz lok six ntâu phiv liv. Đros hêik cov paz trâu cưk kriê ntơưr, shux xênhz thax tsav trâus đêx ngaz cuôr, Phongx Zoz zux thiêz Thox cxov huyện Văn Chấn tưz hêik chor cơưv trâus hiêv sik côngv đros chính quyền tiv phaz huiz tôngv lênhx nênhs đas jos thiêz chuôz zênhx chiê khưx phưx têx trâus hiêv.

Đros khưx phưx têx trâus hiêv tiv ntux nas chuô, Phongx Zoz zux-Thox cxov hêik chor tsêr cơưv ntơưr bax cov cxix cxuô ntơưr cơưv, chuôz zênhx cơưv ntơưr thiêz xênhz huôx trâu shux xênhz niêv txir zus mor. Thôngx cxix, uô tiêr tsưr ziv kruôz kriê nzir txux chi uô hâux lưv, côx phax, ngaz tuk trâu 5.200 ntâu lênhx cưk kriê ntơưr, nhân viên nganhx zoz zux sâuv thax tsav huyện. Zơưv Lê Quang Minh, Trưởng phongx Zoz zux-Thox cxov huyện Văn Chấn, tỉnh Yên Bái puz pâuz:

“Pêz tưz chox kriê têx taz viv tsêr cơưv ntơưr sik côngv đros pêx xênhv thiêz huiz tôngv chor shux xênhz hloz cux li cưk kriê ntơưr chiê khưx phưx têx trâus hiêv, chiê taz por trâu shông cơưv yiêz. Hêik chor tsêr cơưv ntơưr qênhz shuôk đuô tas nro cxuô zav, tiv zix zos qơư nhoz trâu shux xênhz niêv txir zus mor. Txos nhiv no, tas nro têx tsêr cơưv ntơưr tưz bax tiêr trâu shông cơưv yiêz”.

Hla đhâu têx phiv liv, txos nhiv no 35 cxênhz ntâu lênhx shux xênhz thiêz xar muôx 2.300 cán bộ cưk kriê ntơưr thax tsav trâus đêx ngaz cuôr ruôr hiêv huyện Văn Chấn, tỉnh Yên Bái tưz txâuk tsar tov chiê kriz cơưv shông cơưv yiêz./.

(Thừa Xuân-Lik Thox cxêik nhênhv)

          Tso biên chế tsês chiê cán bộ công chức uô truôx cxuô luôs hâux lưv

          Hâur Nghị định no muôx 4 zav ntâuk grê, phênhz cán bộ công chức; hâur ntơư muôx kror yiêz cik txos cxuô quy tênhv hâur Đảng li quy tênhv số 89 thiêz cxuô luôs hâux lưv lok chính trị thiêz cán bộ công chức li tsưr ziv siêz xar. Hâur Nghị định ntâuk grê, phênhz cán bộ công chức trơưk quy tênhv ntơưv nghị định no tâu ntâuk grê thiêz phênhz đảng viên, đoanx viên công đoanx.

          Ntơưv chor ntâuz ntơưr hêik trâu Chính phủ, Bộ Nội vụ cux hêik pâuz, luôs hâux lưv thôngx ziv quy tênhv lok ntâuk grê, phênhz cán bộ công chức, viên  chức đros trâu Đảng thiêz têz qơưs. Ntơư cux zos iz luôs hâux lưv chiê txo grêk tsơưs biên chế, chor uô tsik tâu tiêr cxuô luôs hâux lưv zok muôz. Bộ trưởng Bộ Nội vụ Lê Vĩnh Tân xav tiêk:

          “Pêz tsuv sêiz shuôk njuôk xav đuô chiê hlôngr yiêz cxuô luôs hâux lưv uô hâur cơ quan đơn vị, hlôngr đuô cán bộ công chức cov uô tâu truôx đuô cxuô luôs hâux lưv tso tơưv. Ntơư zos iz luôs hâux lưv zov chênhr chiê txo grêk tsơưs biên chế”.

          Têx luôs hâux lưv uô tsik tâu tiêr hâur cán bộ công chức, viên chức tsik zos txos trâu nhiv no thiêx pov muôx yưv. Tsênhz mênhx xav hâur 5 shông đhâu, ntơưv jiês cơưv tiv 1 Ban sêiz car, hlôngr yiêz uô cxuô luôs hâux lưv hâur cán bộ công chức, hnu 25/1/2015, Thủ tướng Chính phủ Nguyễn Xuân Phúc, thâuv ntơư uô phó Thủ tướng tưz xav tâu tiêk: Têx nhiêx txiêx muôz cxaz nzir trâu công chức cux xav lok luôs hâux lưv tsuv txo grêk tsơưs biên chế thiêz têx luôs hâux lưv trâu cán bộ uô tsuv uô cov tâu truôx. Zơưv Phạm Văn Hoà, phưv tsar đoanx đại biểu Quốc hội tỉnh Đồng Tháp hêik pâuz:

          “Têx luôs hâux lưv uô tsik truôx trâu px cux tsênhv muôx yưv; lar hêik zos  nhoz cấp xã, huyện. Pir li chor muôx nhiêx mak thâuv tưs tưz xưv đros têx cơ quan hâur têz qơưs; chor tsik muôx nhiêx mak cux tsik zôngx ziv njiz tâu têx cơ quan muôx vax huôv têz qơưs; têx kror hêik co tưz pov muôx yưv ntâu trâu cxuô tsênhv qơư”.

          Ntâuk grê cán bộ công chức luôs hâux lưv uô tsênhv njiz ntâu phiv liv; tsênhz mênhx zos đhâu hâur 3 shông uô trơưk Nghị quyết 39 chiê txo grêk tsơưs biên chế thiêz xav txos hnuz xiêz 6/8/2018, hur si têz qơưs nhiv kruôr txo grêk tâu 39 cxênhz 823 lênhx biên chế. Phạm Khánh Phong Lan, Đại biểu Quốc hội đrôngl HCM hêik pâuz:

          “Nhiv no tsuv tâu xav đuô cxuô luôs hâux lưv uô cov tâu truôx. Li ntơư thiêx muôx phênhv cxaz nzir tâu nhiêx txiêx thiêz công chức viên chức tsuv njuôk xav uô cov huv đros. Kror tiv 2, txo grêk tsơưs biên chế, tsuv uô txix ciês chor hâu nov thênhv siêz txos têx cán bộ zâu thiêx huv đros”

          Cán bộ công chức viên chức tsuv gra siêz cxuô luôs hâux lưv uô, jux juk chiê tso tsês biên chế trơưk li Nghị quyết Trung ương 7 khoá 12, chênhr zos iz luôs hâux lưv uô huv đros./.

                                                        (Tsu cxêik nhênhv-Lại Hoa, VOV1)