Sơn La chuv tôngv phax tar moz tiv caz moz Côrôna

   Ntơưv Sơn La, xav txos nhiv no luôs hâux lưv phax tar caz moz Côrôna tưz tâu têx cấp ủy đảng, chinhr quyênx, têx taz viv, tiv phaz sir jos krêz uô. Phax moz jông đuô kho moz, cxôngx têx xor mông lok moz cêr uô pa tiv caz moz Côrôna uô huôv moz, ntâu lênhx tsôngv box nhoz niêv đrôngs tưz chuv tôngv nriêr pâuz xor mông, tsưr ziv phax tar moz chiê por vêv zuk thiêz lênhx nênhs cxênhz jê. Niêv lâuk Nguyễn Thanh Hương, nhoz phường Chiềng Lề, đrôngs Sơn La pheiz kênh:

          “Cur cux chuv tôngv phax tar trâu zuk thiêz zuk chuôz zis. Cur zuôr đeiv bok kror ndâux, yuôx chuôz cxaz đas jos, zôngv yuôx nzuôr tês, uô vêv xênhz tsêr nhoz hur đu chiê tir tar caz moz”.

          Đrâuv têx tsưr ziv chiv chir por vêv trâu zuk thôngz đhâu uô vêv xênhz lênhx nênhs, nox hâuk cxix cxuô, chuôz tsar shâuv thiv thao....mak hâux lưv tsi mul têx qơư muôx chôngz lênhx nênhs cux lok six zuôr trâus uô, viv nhoz têx qơư muôx chôngz lênhx nênhs mak zôngx ziv trâus cik moz. Tix lâuk Hoàng Văn Đức nhoz phường Quyết Thắng đrôngs SƠn La puz pâuz:

          “Niêx shông cur khênhr mul ndis shuôk uô si hâur shôngk shông yiêz, chox chuôz zis mul tsêr mnov...Taz sik nhiv no muôx moz huôv xênhz mak cur chuv tôngv jav mul têx qơư muôx chôngz lênhx nênhs, tsi mul têx ntênhs phêv, têx tsêr mnov chiê jav cik moz côrôna”.

          Têx hnuz đhâu lok no, ntâu tsêr cơưv sâuv thax tsav cux uô hâux lưv phax tar moz cxôngx tsưr ziv têx cán bộ cưk kriê uô vêv xênhz lớp cơưv, qơư uô mor nox, qơư vêv xênhz chiê taz por jông tiv zix trâu shux xênhz li đas jos thâuv mul cơưv ntơưr. Pos Đinh Thị Hậu, Hiệu trưởng tsêr cơưv mê nhuôs zâu Ngọc Linh đrôngs Sơn La heik:

          “Tsêr cơưv mê nhuôs zâu Ngọc Linh tưz krêz uô ciês têx tsưr ziv phax tar moz, muôz siêz hâux lưv yax mông txos cán bộ cưk kriê cux xưk li shux xênhz li niêv txir chiê lơưr jênhv pâuz tâu zav moz no. Vêv xênhz tênhx qơư hâur thiêz đrâuv lớp cơưv, têx chuôz zênhx kriê ntơưr, shux xênhz li chuôz zênhx uô si. Thâuv tưs cux tsov cưv txos mê nhuôs shux xênhz li hâux lưv nox hâuk cov taz por tiv zix”.

          Nhiv no ntâu xor mông cxôngx têx mạng xã hội muôx lênhx coaz txos moz lok cêr uô pa tiv caz moz côrôna uô tsôngv box lok six cxơưx. Taz sik, tsôngv box tsuv phênhz cov tsênhz mênhx têx xor mông thiêz chuv tôngv phax tar, zos pov zuk lok sik lênhx nênhs iz buôk ndis moz lok cêr uô pa tsuv ciêr chênhr mul seiz njuôs shuôk trâu tsêr kho moz, tsi chiê cik moz trâu côngv thôngx./.

(Đắc Thanh- Txâur Vax cxeik nhênhv)

Lênhx Đảng viên sir jos paz trâu pêx xênhv

Txix iz xar uô kôngz nuv, têx shông jê lok no, đros muôx zơưv Lê Ngọc Hóa, chủ tịch UBND cux zos uô Bí thư Đảng ủy xar li têx sir jos, qênhx shênhx kinh têr-xar hôiv xar Tân Mỹ Chánh tưz hlôngr yiêz ntâu. Shông 2014, Tân Mỹ Chánh zos iz hâur chor xar tâu côngz jênhv zos xar jêx jok yiêz xuz thơưx ciês nhoz tỉnh Tiền Giang. Chiê uô tâu li no, zơưv Hóa thiêz tập thể Ban chấp hành Đảng bộ xar lok six sir jos, kriz uô têx tsưr ziv, phêiz côngz txơưx jênhv tsênhv tsênhz trâu yênhx lênhx cán bộ, đoảng viên chiê đros pêx xênhv tiv phaz uô tiêr têx luôs hâux lưv tso tơưv. Lok chênhz zênhv cxiv tsa jêx jok yiêz, zơưv Lê Ngọc Hóa puz pâuz:

“Uô ntêx zos tsuv muôx thôngx ziv hâur yênhx cấp ủy txos đảng viên thiêz uô hâur pêx xênhv. Tiv oz zos tsuv muôx txơưx jênhv, sir jos chính trị siêz, chiê lênhx tov cov uô tâu tiêr têx hâux lưv lơưr cui tênhv. Tiv pêz zos sik côngv siêz, hêik txos jêx jok yiêz zos uô jông sêiz lax cov muôx qơư muk. Yênhx lênhx nênhs li txơưx jênhv tiv zix zos nênhs sơưr thơưx chor tsưr tsix, taz viv tsuv sir jos, car xar, car uô”.

Tâu pâuz, zơưv Lê Ngọc Hóa zênhx zos iz lênhx bôv đôiv tưz muôx 13 shông nhoz hâur quân đôiv thiêz zos xaz pênhz 2/4. Shông 1988, thâuv tơưv bôv đôiv lok ntơưv tiv phaz, zơưv tưz tâu uô Phưv chủ tịch Hôiv nôngx mênhx xar, sêiz car Hợp tác xã kôngz nuv Tân Mỹ Chánh, thiêz uô chủ tịch UBND, txos uô Bí thư Đảng ủy xar. Nhiv no, zơưv Lê Ngọc Hóa zos Bí thư Đảng ủy uô chủ tịch Hôiv đôngx xar. Txơưv uô kror hâux lưv tưs, ntu đhâu, lênhx cán bộ, đảng viên no puôr lênhx uô tiêr jông jênhv vưv tâu choz. Đảng bộ xar Tân Mỹ Chánh tưz muôx txos 13 chi bộ đros muôx 310 lênhx đảng viên. Zơưv Hóa kror uô tâu zos car xar, car uô, car muôx txơưx jênhv, tso tập thể, pêx xênhv li kror liv zos kror xuz thơưx. Tiv zix, txix thâuv uô chủ tịch UBND thiêz bí thư Đảng ủy, zơưv lok six tsov cưv txos huôv tsar kinh têr, tiv zix zos chos têx txir ntông lơưr tsưr ziv VietGAP… Khov co mak txos nhiv no, xar Tân Mỹ Chánh tưz chos xar muôx 200 ha txir lưk jôngr tơưr njuôz, ntâu tsưr ziv chos điz tsơưr lươngv siêz. Phênhv sâu xav luz đraz ntơưv xar zos 60 triệu đêiv iz lênhx nênhs iz shông. Bí thư Đảng ủy xar Lê Ngọc Hóa lok six sưv jê, viv li tâu pêx xênhv lok six nhiêv. Zơưv Nguyễn Văn Thố, lênhx nênhs txơưx uô nox nhoz Bình Phong, xar Tân Mỹ Chánh hêik:

“Zơưv Lê Ngọc Hóa zos nênhs jông, zơưv sir jos, muôx ntâu kror uô tâu thiêz cxiv tsa tâu jêx jok yiêz xuz thơưx ciês ntơưv tỉnh. Cur pâuz zơưv txix thâuv zơưv muk bôv đôiv lok  cxaz chuôz trâu chính quyề xar, 8 shông uô bí thư xar lok six jông thiêz sir jos. Đros pêx xênhv mak zơưv lok six sưv jê, tiv zix zos uô nox uô hâuk zơưv lok six sir jos paz trâu pêx xênhv”.

Nhiv no, txơưv tiêk tưz muôx 60 shông, hnuz so lâul tưz jê lơưv taz sik zơưv Lê Ngọc Hóa cux tsênhv lok six sir jos uô zuk têx hâux lưv tâu choz. Zơưv njuôk xav, thâuv so lâul, zos tâu cấp ủy, chính quyền tiv phaz phêiz côngz, zơưv zuôr lok ntơưv jêx jok chiê tror paz trâu xar hôiv, zos đảng viên, bôv đôiv lâul mak zuôr tsik tsuv so, tsênhv muôx đas jos mak zuôr tsuv sir jos uô:

“Cur mak thâuv tưs cux li, txơưv so lâul lok zos tsênhv uô hâux lưv cux li, zuôr sir jos chiê đros Đảng bộ, đros pox nhuôs chiê cxiv tsa xar Tân Mỹ Chánh ziv hnuz ziv huôv tsar ndê muk. Thâuv cur so lâul lơưv mak cấp ủy, chính quyền xar txos zuk mak zuk cux zuôr paz, zuôr sir jos uô têx hâux lưv tâu choz…”

Muôx 60 shông, 40 shông uô hâux lưv cách mạng, đảng viên Lê Ngọc Hóa, Bí thư Đảng ủy xar Tân Mỹ Chánh, TP. Mỹ Tho (Tiền Giang) tưz sir jos chiê phưx vưv trâu Đảng, paz trâu pêx xênhv, kror hâux lưv tưs muôx liv trâu pêx xênhv mak zơưv zuôr sir jos uô. Co zos iz kror jông nhoz iz lênhx chiến sĩ côngv sản, txơưv uô kror hâux lưv tưs lok sux sir jos uô cov tiêr tâu jông, thiêz tsiv nhos zos nênhs tsuv tâu hênhr kruôk txos./.

(TTĐBSCL-Lik Thox cxêik nhênhv)