Jax sâu thưr 7 hnuz 6/8/2016:

Kror jông hâur mênhx cxưx Tày Bảo Yên li têx tsêr lơưx

Phênhv ntâu, tsôngv box Tày nhoz huyện Bảo Yên li têx tsêr lơưx muôx 3 qar thiêz oz saz mâuv câuv. Lơưr chor lâul nhoz no puz pâuz, thâuv ntêx jôngr ntông tsênhv yuôr ntâu, pox nhuôs tsik so xêir chor ntông lox, jông chox lok uô tsêr lơưx 4 qar, oz saz mâuv câuv. Chuôz zis tưs muôx chôngz nênhs, muôx nhiêx txiêx, uô têx tsêr lơưx lox đuô. Chuôz zis tưs muôx nhiêx tsơưs, uô têx tsêr lơưx zâu 3 qar oz saz mâuv câuv. Nhiv no chor tsêr kuz tsênhv yuôr muôx nhoz Bảo yên zos tsêr lơưx 3 qar oz saz mâuv câuv. Bax cxuô zav shôngz ntông chiê uô tsêr zos kror zov chênhr thiêz tas ntâu six hơưv, hnuz nhôngl txix 2 txos 3 shông, muôx têx chuôz zis mak tsuv tâu bax tas 10 shông thiêx bax txâuk shôngz ntông chox lok uô tsêr.

Lơưr mênhx cxưx Tày li phongx cxưx, thâuv chuôz zis muôx txix 2 tuk mê nhuôs tror sâur, đhâu thâuv tuk tuz hloz zuôr pox niêv, tsuv tâu niêv thiêz txir muôz ar, bax shôngz ntông uô tsêr nhoz chiê phêiz chuôz, luz tsêr niêv txir tsênhv nhoz zos tsês trâu tuk tuz nzơưs. Niêv tix Lương Thị Ban nhoz jok Dịa, xã Nghĩa Đô hêik:

 “Luz tsêr txơưv tiêk lox, zâu lok cux tâu tsês trâu tuk tuz nzơưs. No zos kror mak pos zơưs, niêv txir kruôz kriê chor tuz nhuôs tror phuôx huiz têx kror chuôz zis tưz muôx, sir jos uô nox, uô hâuk, cưr tix siz hluz thiêz ndo txos chor lâul, niêv txir”.

Mênhx cxưx Tày têx tsêr lơưx thâuv ntêx, uô kror chuz trâu hâur đraz tsêr, paz uô sor tas nro trâu ziv chuôz zisr hâur chêix ntux no njik. txos chêi ntux sor, tsar lơưx siêz paz uô trâu tsêr lax chuô nziês, ntux nas lok cux tsik kiêk nênhs thiêz tsik cik ntâu zav moz gênhk. Taz sik nhiv no, mênhx cxưx Tày tsik uô kror chuz trâu hâur tsêr, ho uô đuô iz luz tsêr lơưx zâu txuôk đros luz tsêr lox chiê uô kror chuz uô jâuz mor nox.

Lơưr mênhx cxưx Tày, têx tsêr lơưx jông jav zos tis kâuv tsêr trâu saz trôngz, kaz khar tis trâu đras liêx, ntơư kaz khar muôx pak njêl. Co cux zos chor lâuk đrav ntêx têx tsưr ziv uô tsêr. Zơưv Lương Văn Phong nhoz jok Dịa, xã Nghĩa Đô puz pâuz:

 “Luz tsêr lơưx nhoz Nghĩa Đô no tâu uô lok six jông, cxix cxuô lok cxuô kror, tiv oz zos kror jông gâux mak tsuôk nhoz no thiêx muôx thiêz cur cux tưz muk ntâu  qơư lơưv taz sik tsik zos kror tưs cux muôx”.

Mênhx cxưx Tày Bảo Yên li chor tsêr lơưx tsik zôngv njiê hlâu njiê,  tsuôk zos zôngv ntông uô môngv siz đhok uô yênhx iz luz tsêr. Thâuv đhol uô tâu ntơư, Luz tsêr lơưx lok six khor, chuô cux njơưx tsik tâu vâu. Kror zov chênhr zos uô tsêr tsik zos iz chuôz zis xưz, mak luz tsêr tâu uô tiêr muôx cưr tix nênhx tsa, jêx jok đros paz. Đhâu co phuôx huiz cêr côngv siêz, sik paz hâur tsôngv box nhoz cxuô jêx jok./.

(Thanh Thủy-Lik Thox cxêik nhênhv)

Phênhv thưr 7, hnuz xiêz 6/8/2016:

Hêir nênhs Lô Lô nhoz Mèo Vạc-Hà Giang têx cêr nênhx vênhx huôv jông

Jos Sảng Pả A muôx 118 ziv chuôz zis, hâur ntơư muôx 63 ziv chuôz zis zos hêir nênhs Lô Lô; phênhv ntâu zos huôv tsar cêr uô nênhx tsêz chos kôngz lôngk, tu zus tsiêx cxu thiêz muôs hax huv trâu têx ciêz mê. Txơưv jos nhoz jê tsênhv qơư huyện, taz sik tsôngv px hêir nênhs Lô Lô ntơưv no cux tsênhv tuôr tsês chiê tâu zuk hêir nênhs têx cêr nênhx vênhx huôv jông đrav ntêx tsik chiê plox. Ntơư tưz pov muôx tsênhz hâur luz nênhx yênhx hnuz thiêz shông 2007, jos Sảng Pả A cux tâu huyện côngk nhav zos jos huôv tsar truôx cêr vênhx huôv jông.

Đros ntơư, cux tâu huyện moz siêz paz max txos, jos Sảng Pả A tưz huôv tsar truôx cêr vênhx huôv côngv thôngx. Ntơư zos iz thax tsav qơư chiê tsôngv tuz nxêik hluôk hâur jos nthuôr uô hêir nênhs Lô Lô têx cêr lov jêv, hêik cưr cxiêx, đhiê pax vuôs….Đhâu ntơư, cux paz phênhv huôv tsar truôx cxuô hêir nênhs hâur thax tsav têx cêr nênhx vênhx huôv jông đrav ntêx chiê tsôngv kruô tuôx ndis ntux tâu sêiz hâur hnuz kriz ciêz Khau Vai lok sik têx hnuz ntênhk hội lox hâur shông.

Iz chas ntơư, jos Sảng Pả A cux tsênhv cxiv tsa tâu qơư ntok hêir nênhs Lô Lô têx ntâuz, muôx txos 24 lênhx nênhs huôv tsar uô. Niêv tix Lùng Thị Minh hêik pâuz tiêk: Hur si tsôngv pox niêv vir ndâuk hêir nênhs Lô Lô puôr lênhx cơưv shâuv ntok ntâuz txix thâuv tsênhv zâu txos trâu thâuv lox hloz tiêr nênhx thiêx pâuz xơưk zuk hêir nênhs Lô Lô têx tsôngk trik yo txêix pax jông jav chox lok hnar.

Hêir nênhs Lô Lô cux muôx ntâu ntênhk hội, lar hêik zos ntênhk hội hơưv tok poz cưk yiêz siêr thiêz ntênhk hội thor ntux yar ntux nas. Chênhr zos li hêir ntơư, hêir nênhs Lô Lô tsuôk tsêz chos iz chiv kôngz hâur iz shông; đhâu sâu kôngz tas, tsôngv px hêir nênhs Lô Lô chuôz piz tsưr tsix uô ntênhk hội hơưv tok poz cưk yiêz. Hâur ntênhk hội, cux muôx chơưr, mor blâuv, kêiz lok sik buô hâu siêr, tâu chox muk tsưr tsix uô trâu ntơưv iz đêiv têz tưz sâu kôngz lôngk tas. Thâuv bax tâu cxix cxuô ntơư, hêik lênhx txir nênhz tuôx đros txi côngv chiê uô tsâus txos đaz xênhz têz xênhz qơư, pox côngz zơưv côngz, uô tsâus txos luz ntux luz têz thiêz hla trâu chiv shông  zuôr txos, thor cov muôx ntux yar ntux nas lok paz tsôngv px sđ têx kôngz lôngk hloz jông, sâu tâu nju kôngz, muôx txâuk nox txâuk hnar; ntơư zos iz shông tâu tsưr tsix uô iz jiês.

Ntênhk hội thor ntux yar ntux nas tâu tsưr tsix uô trâu luz hli 3 hli ntux hâur niêx shông; ntơư cux zos hêir nênhs Lô Lô iz ntênhk hội tâu tsưr tsix uô đhâu ntâu tiêv lok thiêz đros trâu huôv tsar truôx hêir nênhs Lô Lô têx cêr nênhx vênhx huôv jông đhiê pax vuôs, hêik cưr cxiêx, piêr đaz nênhs….txos trâu nhiv no cux tsênhv tuôr tâu tsês tsik chiê plox./.

                                                  (Tsu cxêik nhênhv-K/t báo ….)