Cux tsênhv muôx phiv liv sênhv-tsik txâuk cưk kriê ntơưr uô ntêx shông cơưv yiêz

Qênhx shênhx sênhv, tsik txâuk cưk kriê ntơưr tsênhv muôx yưv nhoz ntâu tiv phaz thiêz muôx txix oz pêz shông lok no. Kror tsuv hêik hâur shông no, ciês cxênhx oz thiêz cxênhx pêz muôx yưv qênhx shênhx sênhv thiêz tsik txâuk cxuô nro. Tsênhv tsênhz, cxênhx oz muôx tsik txâuk 10 cxênhz lênhx cưk kriê ntơưr, taz sik cux ho sênhv muôx 12 cxênhz lênhx cưk kriê. Cxênhx pêz mak muôx tsik txâuk 3 cxênhz ntâu lênhx cưk kriê ntơưr. Pos Nguyễn Thị Hương Giang, Trưởng phongx Zoz zux-Thox cxov thành phố Hà Giang, tỉnh Hà Giang hêik pâuz kror tsênhv tsênhz:

“Pêz muôx tas nro chor cưk kriê ntơưr zos 972. Đros cxênhx nhuôs zâu mak muôx tsik tâu txâuk 44 lênhx, cxênhx iz mak muôx tsik tâu txâuk 22 lênhx, cxênhx oz mak cux lav tiêk txâuk, taz sik ho tsik tâu txâuk lok bộ môn. Têx jâuv mak môn no sênhv, môn tor ho tsik tâu txâuk…”

Qir tiv muôx yưv qênhx shênhx sênhv, tsik tâu txâuk cưk kriê ntơưr, tiv zix zos nhoz cxênhx cơưv nhuôs zâu, Hlôngr njêx muôs Bôv Zoz zux thiêz Thox cxov hêik tiêk, tiv zoz qơưx cơưv nhoz cxênhx nhuôs zâu, cxênhx iz tsênhv chuôz ndê, taz sik cưk kriê ntơưr thiêz chor tsêr cơưv ntơưr mak bax tsik tâu sêi cov txâuk bâuv li chor nhuôs. Côngz xưv cêv kuôk, njuôk xav hêik pâuz nhoz têx tiv phaz tsênhv kik uô muôx yưv sênhv thiêz tsik txâuk cxuô nro chor cưk kriê ntơưr. Tiv zix, nhoz iz cxiê tiv phaz muôx yưv qênhx shênhx cán bộ uô ntêx thâuv zuôr so lâul tưz xêir zuôr lok six ntâu cưk kriê ntơưr mak tsik xav txos kror zoz qơưx tsênhv tsênhz nhoz yênhx cxênhx cơưv uô trâu cưk kriê ntơưr cxênhx oz thiêz cxênhx pêz mak sênhv, hok cxênhx nhuôs zâu thiêz cxênhx iz mak ho tsik txâuk.

Chiê cêir chêx qênhx shênhx no, ntu đhâu, Bôv Zoz zux thiêz Thox cxov tưz tso tơưv tsưr ziv uô zos tso chêi yêv cưk kriê ntơưr nhoz cxênhx cơưv siêz đuô lok kriê ntơưr trâu cxênhx cơưv kik đuô lơưr tsaz yênhx ploz tsênhr mak Bôv cuiz tênhv. Taz sik, thâuv kriz uô tsaz yênhx no ntơưv iz cxiê tiv phaz tưz uô muôx yưv ntâu kror phiv liv hâur chor cưk kriê ntơưr thiêz uô phiv liv txos tsơưr lươngv kriê thiêz cơưv ntơưr. Iz cxiê luz tsêr cơưv muôx tsik txâuk cưk kriê ntơưr mak tsuv cir hux thôngx lox tôngv đros cưk kriê ntơưr chiê taz por kriê thiêz cơưv ntơưr, taz sik ho cxơưx tiv uô tsik zos li cuiz tênhv. Pos Nguyễn Thị Minh Giang, Giám đốc Sở Zoz zux thiêz Thox cxov tỉnh Kiên Giang hêik:

“Hâur 3 shông đhâu, Kiên Giang tsik so muôx tsik txâuk cưk kriê ntơưr txix 700 txos 1.000 lênhx tiv zix zos cxênhx cơưv nhuôs zâu. Trung ương cuiz tênhv tsik tâu sir zôngv hux thôngx lox tôngv zos tiêk tưz sir zôngv tas biên chế. Taz sik zos tsik hux thôngx lox tôngv mak zuôr uô chak kriê trâu shux xênhz, muôz cưk kriê kror tưs lok kriê. Lok zoz qơưx mak lơưr txơưx jênhv nganhx cux zuôr tror uô hux thôngx taz sik li co puôk zos uô cxâuv cêr chêi têz qơưk lok tsik zos?”

Nhiv no, Chính phủ tưz choz trâu Bôv Nội vụ sêiz shuôk, sik côngv đros chor bôv-nganhx hâur co muôx Bôv Zoz zux thiêz Thox cxov qênhz shuôk lok dân số txix shông 2015-2018, chor shux xênhz, chor cưk kriê ntơưr, xav tas nro chor biên chế thiêz hux thôngx chiê hêik trâu Chính phủ pâuz thiêz njuôk xav tsưr ziv chiê cêir chêx. Phưv Thủ tướng Vũ Đức Đam hêik mênhx:

“Nghị quyết lok txo grêk tsơưs nênhs uô hâux lưv hêik txix nhiv no txos shông 2021 grêk 10% lênhx nênhs tâu sơưv nhiêx hli, taz sik tsik zos tso so 10% biên chế cưk kriê ntơưr. Nghị quyết zuôr phênhv ntâu txo grêk biên chế gián tiếp. Tsuv muôx txâuk cưk kriê ntơưr chiê kriê. Bax têx tsêr cơưv cux khov lơưr tsar tov tsênhv tsênhz nhoz yênhx tiv phaz, paz tsar tov zôngx ziv trâu shux xênhz thiêz chuôz zis, taz por shux xênhz cơưv tâu iz hnuz, txưv lênhx nênhs; cưk kriê cấp tưs mak kriê cấp co, tsik chiê cấp no muk kriê cấp tor tiv sênhv-muôx tsik txâuk lok sik txo grêk”./.

(VOV1-Lik Thox cxêik nhênhv)

Cur zuôr mnôngs Đeix txos thâuv mnôngs tsi tâus thiêz!

          Đros nghệ nhân Lò Xuân Thương nhoz jos Púng, xã Púng Tra, huyện Thuận Châu, tỉnh Sơn La, krêz tsaz yênhx lul Thái Đeix nta suôz Việt Nam mnôngs lok six sưv jê. Zos lênhx nênhs yax six mnôngs tsaz yênhx, đros thiêz zơưv Thương Đeix zos lênhx fôngx zưs đros đreiv zơưv hâur niêx hnuz. Cxôngx thâuv sơưr nzor zơưv tưz krêz Đeix mnôngs tsaz yênhx. Têx xor xưv hâur têz qơưk, hâur thax tsav thiêz saz đrâuv têz qơưk, zơưv puôr lênhx pâuz thôngz đhâu mnôngs Đeix. Lơưr zơưv Thương, khov muôx Đangv, têz qơưk thiêz lênhs tov Đeix nta suôz Việt Nam li tsov cưv, pox nhuôs mênhx cxưx Thái jông siêz hênhr, viv muôx tâu iz tsaz yênhx tsês trâu zuk mênhx cxưx nta suôz sâuv tas nro têz qơưk. Tsi taz yax mông lok Đangv thiêz têz qơưk li chủ trương, cêr chei txos pox nhuôs, tsaz yênhx tsênhv heik kriê têx jêx jos jông, tsôngv box Thái li têx cêr nênhx vênhx huôv jông; heik kriê yênhx tưv, chênhz zênhv uô nox uô hâuk, huôv tsar kinh têr, txu yeiz cxuôv pluôs, phax tar moz gênhs trâu tsôngv box. Zơưv Lò Xuân Thương heik:

          “ Pêz nhoz tox siêz, txov nhêv thâuv co cêr mul lol lok six đêz, tsi xưk li nhiv no. Môngr jông muôx Đeix thiêx li tâu mnôngs têx xor xưv, pâuz tâu txos têx tiv phaz txơưx uô nox uô hâuk, Đeix heik kriê trâu tsôngv box pâuz tsưr ziv uô nox, txơưv nhoz tox siêz Tây Bắc taz sik tưz muôx Đangv chox cêr”.

          Nhiêv mnôngs Đeix, ndaz ndơưv chiv nhênhv 1 shông hnuz muôx tsaz yênhx lul Thái Đeix nta suôz Việt Nam, nghệ nhân Lò Xuân Thương tưz xar tơưv iz jax cưr cxiêx Thái muôx bê “ Mnôngs Đeix lul”. Jax cưr cxiêx heik tơưv tsôngv box mênhx cxưx Thái li siêz xar njôngr, uô tsâus ntâu txos Đeix nta suôz Việt Nam. Đeix paz pox nhuôs nhoz tox siêz đêz đrôngs pâuz cxaz xor mông lok kinh têr, vênhx huôv, xã hôiv. Zơưv heik tsôngv box mênhx cxưx Thái sik đros côngv siêz côngv tês đros têx mênhx cxưx txơưr hâur tas nro têz qơưk, iz siêz mul lơưr Đangv, cxiv tsa jêx jos ziv hnuz ziv tsâu sor, chox tox siêz huôv tsar chuôk tiêx đras.

          Đrâuv co, zơưv cux xar tơưv ntâu jax cưr cxiêx Thái lok têx njiêz luv txơưr xa trâu tsaz yênhx lul Thái Đeix nta suôz Việt Nam thiêz Đeix nta suôz xa đuôz tỉnh Sơn La. Zơưv li têx jax cưr cxiêx thâuv tso sâuv đeix thâuv tưs cux jênhv tâu ntâu lênhx fôngx zưs mnôngs Đeix nhiêv txos, hu xor tênhv, xa ntơưr tuôx thor tâu tror mnôngs zơưv li têx jax cưr cxiêx. Niêv lâuk Cà Thị Hoan, biên tập viên Ban vênhx ziv, Đeix nta suôz- xa đuôz tỉnh Sơn La puz pâuz:

          “ Jax cưr cxiêx ‘ Mnôngs Đeix lul’ nghệ nhân heik tơưv tsôngv box mênhx cxưx Thái li cêr shir phaz thâuv tâu mnôngs Đeix nta suôz Việt Nam li tsaz yênhx lul Thái. Jax cưr cxiêx tâu ntâu lênhx nênhs mnôngs Đeix nhiêv mnôngs. Lênhx nênhs nhiêv mnôngs Đeix thiêx li xar tơưv tâu jax cưr cxiêx jông li co. Jax cưr cxiêx gôngr phênhv yax môg Đangv thiêz têz qơưk li chủ trương cêr chei, vênhv tôngv tsôngv box zôngv khoa học kỹ thuật yiêz lol uô xênhz yar kôngz nuv, uô lơưr têx lênhx nênhs jông…”

          Nhiêv mnôngs Đeix, zơưv Lò Xuân Thương khênhr heik tsôngv box sik đros mnôngs Đeix, vênhv tôngv tsôngv box zôngv KHKT lol uô xênhz yar kôngz nuv, cơưv shâuv thiêz uô lơưr têx lênhx nênhs jông tâu heik tơưv hâur tsaz yênhx Đeix nta suôz Việt Nam. Zơưv tsênhv yax six seiz, hu xor tênhv, gôngr côngv ntâu ziv chênhv cxiv tsa, hlôngr yiêz tsaz yênhx cov huv đros, jông đuô taz sik tuôr tsês tâu jông mênhx cxưx Thái li phongz cxưx vênhx huôv.

          “ Đeix ziv hnuz ziv hlôngr yiêz, muôx ntâu njiêz luv jông, chêx chôngk lok iz njiêz luv, heik cov jôngx ziv to tâuz. Zuk mnôngs tas xar heik kriê trâu lênhx nênhs txơưr, zos heik ntêr heik ntâu mak lax pâuz thôngz tâu vênhv thix co. Taz sik six hơưv tso tsaz yênhx mak tsênhv tsơưs, mnôngs mê njik tưz tas six hơưv lơưv”.

          Nghệ nhân Lò Xuân Thương nhiv no tưz xar muôx 90 shông hnuz nhôngs, taz sik tsênhv lok six mênhx pêv, hnuz tưs cux krêz Đeix mnôngs, tiv zix zos Đeix nta suôz Việt Nam li tsaz yênhx lul Thái niêx hnuz. Zơưv Thương heik: Cur zuôr mnôngs Đeix txos thâuv tưs mnôngs tsi tâus thiêz thiêx li tso tsês!

( Lường Hạnh- Txâur Vax cxeik nhênhv)