Thâuv Đeix nta suôz VN yênhx lênhx fôngx zưs sưv jông

Uô hâux lưv tsar yêz tâu zuôr xar 30 shông lok no, tix lâus Nguyễn Văn Hùng, nhoz quận 10, TP HCM heik pâuz, tix lâus khênhr mnôngs Đeix nta suôz VN li têx xor xưv thâuv tas cik sơưr nzor 6 six ntơư sâuv zuk luz yêz. Đros trâu têx lênhx nênhs tsar yêz, tsi muôx đaz tsi jông bâuv li tâu mnôngs têx xor xưv heik lok sâuv têx ntu cêr yêz mul lok tsi tâu đhâu.... Tix lâus Hùng lok six nhiêv mnôngs kênh VOV zoz thôngz têz qơưk:

“Phênhv ntâu zos mnôngs yênhx hnuz yênhx hmo, thâuv tưs ndê sâuv yêz mak mnôngs, 6 six tas cik sơưr nzor tax txos 10 six tsâuk ntux. Đeix li tsaz yênhx lok six muôx liv trâu pêz têx lênhx tsar yêz, lar heik zos têx mông lok sâuv yêz ntâu hênhr tsi muôx cêr muk đhâu.... Nhiêv mnôngs đuô hur si zos têx mông heik pâuz lok yêz ntâu hênhr tsi mul lok tâu đhâu thiêz têx tsaz yênhx mnôngs gâux uz no têx. Heik cxuô, kror tưs cur cux nhiêv mnôngs hur si”.

Yuôr đros niêv lâuk Nguyễn Gia Thuận, iz lênhx lês uô hâux lưv têz qơưk tsênhv uô nênhx nhoz ntơưv Quận Bình Thạnh, TP HCM mak khênhr tsês six sơưv mnôngs đeix đhâu thâuv tưz uô hâux lưv tas. Nhoz tsêr, niêv lâuk Thuận zuôr iz luz meir mê, chiê thâuv tưs uô jâuz uô mor nox, lok sik uô têx nuv uz no hâur tsêr cux muôx têx mnôngs tâu đeix, pâuz tâu têx mông hâur têz qơưs:

“Têx mông mak têx lênhx nhoz VOV côngz cik txos têx tsênhv chei, lok têz qơưk têx chei paz trâu tsôngv box, doanh nghiệp....tưz tâu Đeix heik txos zênhx max thiêz đêz đar trâu cxiê qơư, tsi tiêk hâur niêx hnuz mak tsênhv zos hâur yênhx six hơưv, yênhx phênhz. Đhâu ntơư paz pêz pâuz nzir lok ntâu tsưr ziv, tsi tiêk hâur zuk têx hâux lưv mak tsênhv đros thiêz têx nuv txơưr đuô saz đrâuv XH thiêz”.

Nhiv no, đros trâu têx xor tôngx jông, mnôngs đeix zôngx ziv đuô lok six ntâu thiêz ntơư cux zos ntâu lênhx hluôk, shux xênhz li tsưr ziv, siêz nhiêv mnôngs. Tsês ntâu six hơưv, hnuz nhôngs trâu Đeix nta suôz VN, Nguyễn Hoàng Long, shux xênhz tsêr cơưv Đại học kinh tế TP HCM heik pâuz, cur tsưr ziv nhiêv mnôngs Đeix qir txix cur txir zos lênhx tuz lênhv Hải Quân li cêr cor cav mnôngs đeix hâur niêx hnuz. Moz siêz thiêz mnôngs đreiv Đeix nta suôz VN li têx xor xưv hâur niêx hnuz, Hoàng Long heik tơưv cêr chiê siêz thiêz xar njôngr cov Đeix tsuv muôx têx hlôngr yiêz  jông đuô, muôx chôngz lênhx nhiêv mnôngs Đeix li cêr sik paz, sik pheiz kênh, paz phênhv cxươz cxiz trâu chor uô tsaz yênhx nta suôz chiê hu zâuv tâu chôngz lênhx ntâu tuk tuz nxeik hluôk đros moz siêz thiêz nhiêv mnôngs Đêix:

Cur xar cov Đeix muôx ntâu tsaz yênhx chuôs njiz đros têx lênhx nhiêv mnôngs Đeix đuô, lok sâuv ngênhx công nghệ, uô si thiêz lịch sử. Xeir tsov têx tsưr ziv, hâux lưv jông tsês trâu têx hluôk thiêz têx tsaz yênhx heik gâux trơưk li luz nênhx, chuôz zis. Lok sik muôx têx phênhv lok cêr lov jêv, têx qơư uô si jông tsês trâu têx hluôk mak zuôr jông đuô”.

Đros thiêz muôx txâuk 4 zav pov tsir li: Pov tsir nta suôz, pov tsir heik luk, xa đuôz...., Đeix nta suôz VN cux tsênhv zos qơư yax kriê ntâu mông jông hâur hur si têz qơưk. Luôs hâux lưv huôv tsar uô li heik co, têx lênhx nhiêv mnôngs đeix nhoz cxuô nro hâur têz qơưk thâuv tưs tưz zuôr moz siêz đros mnôngs thiêz sox seiz njôngr, ntơư cux zos iz kro lok six jông thiêz zos tsưr ziv cxơưz paz trâu têx lênhx canr bôv, tuz sâu xor xưv, chor uô tsaz yênhx hâur Đeix tror sir jos đuô thiêz lês uô jông hâux lưv nta suôz, hêik kriê VN  cxuô xor mông txos trâu chôngz lênhx ntâu tuk mnôngs thiêz pâuz txos./.

(VOV TPHCM-Riê Lâux cxeik, nhênhv)

Tsênhv chêi paz trâu Doanh nghiệp

1. Paz uô tiêr ntâuz ntơưr hêik cov cungz ntơưr côngz jênhv uô xênhz yar kôngz nuv jông lơưr ploz tsênhr VietGAP.

- Paz iz jiês nhiêx txiêx, taz sik tsik ntâu đuô 50 triệu đêiv iz doanh nghiệp chiê ntiêr tsưr tsix cungz jênhv ntâuk gri txâuk tsar tov tâu cungz ntơưr côngz jênhv VietGAP.

2. Paz uô tiêr ntâuz ntơưr hêik cov cungz ntơưr côngz jênhv uô xênhz yar kôngz nuv jông lơưr ploz tsênhr GlobalG.A.P thiêz têx ploz tsênhr iz zav li co.

- Paz iz jiês nhiêx txiêx, taz sik tsik ntâu đuô 100 triệu đêiv iz doanh nghiệp chiê ntiêr tsưr tsix cungz jênhv ntâuk gri txâuk tsar tov tâu cungz ntơưr côngz jênhv GlobalG.A.P thiêz têx ploz tsênhr iz zav li co.

3. Paz cxiv tsa cxiv luôs nriêr pâuz qơư uô hax huv (cxiv tsa phần mềm nriêr pâuz qơư uô hax huv thiêz meir in ntơưr lo chiv).

- Paz iz jiês nhiêx txiêx, taz sik tsik ntâu đuô 20 triệu đêiv iz doanh nghiệp.

4. Paz cxiv tsa côngz bê hax huv.

- Cungz bê côngz jênhv: Paz 100% nhiêx txiêx cxiv tsa, sêiz car thiêz huôv tsar côngz bê lơưr njuôk xav tâu cấp muôx qênhx tso tơưv.

- Côngz bê tập thể: Paz 100% nhiêx txiêx cxiv tsa, sêiz car thiêz huôv tsar côngz bê lơưr njuôk xav tâu cấp muôx qênhx tso tơưv.

- Côngz bê fênhx yax: Paz 100% nhiêx txiêx cxiv tsa, sêiz car thiêz huôv tsar côngz bê lơưr njuôk xav tâu cấp muôx qênhx tso tơưv.

5. Paz cxiv tsa kruôz kriê lok thax tsav.

- Paz 100% nhiêx txiêx uô ntâuz ntơưr đăngk cir por phưv côngz bê thiêz huôv tsar kruôz kriê hêik pâuz thax tsav lơưr njuôk xav tâu cấp muôx qênhx tso tơưv; nhiêx txiêx cungz văn bằng por phưv.

6. Paz cxiv tsa mã số, mã vạch.

- Paz 100% nhiêx txiêx cxiv tsa mã số, mã vạch.

7. Paz hêik kriê, piêr pâuz hax huv.

- Paz 100% nhiêx txiêx, taz sik tsik ntâu đuô 50 triệu đêiv iz doanh nghiệp chiê tsưr tsix têx huôx tôngv yax kriê, hêik pâuz, muôl muôs hax huv kôngz nuv sâuv têx zav yax mông.

+ Tsar tov paz:

- Hax huv tsoz chos: Jâuz, txir, cà phê, yuôx đrox njuôz, txir tuôz ziz.

- Hax huv tu zus: Buô, kêiz ol, nhux đas grêix, mur.

- Hax huv tsiêx đêx: Njêl tầm, njêl lăng, njêl chiên, njêl rô phi, njêl pok nêiz, njêl nox jâuz.

- Tâu cungz ntơưr côngz jênhv sir zôngv tsưr ziv uô xênhz yar kôngz nuv jông lok sik sir zôngv têx ploz tsênhr iz zav li co.

8. Muôs têx hax huv.

8.1. paz ntiêr qơư muôs hêik pâuz hax huv ntơưv ntênhk ciêz, qơư piêr pâuz.

- Paz 100% nhiêx txiêx, taz sik tsik ntâu đuô 100 triệu đêiv iz hợp tác xã chiê ntiêr qơư muôs huv ntơưv ntênhk ciêz, piêr pâuz hax huv sir zôngv tsưr ziv uô xênhz yar kôngz nuv jông lok sik sir zôngv têx tsưr ziv plor tsênhr iz zav li co.

8.2. Paz ntiêr qơư muôs hax huv.

- Paz 100% nhiêx txiêx hâur 24 luz hli, taz sik tsik ntâu đuô 24 triệu đêiv oz hợp tác xã chiê ntiêr qơư muôs têx siv huv hâur têz qơưk sir zôngv tsưr ziv uô xênhz yar kôngz nuv jông lok sik sir zôngv têx ploz tsênhr iz zav li co.

* Tsar tov paz:

- Hax huv tsoz chos: Jâuz, txir, kok, yuôx zêx, cà phê, yuôx đrox njuôz, txir tuôz ziz.

- Hax huv tu zus: Buô, kêiz ol, nhux đas grêix, mur.

- Hax huv tsiêx đêx: Njêl tầm, njêl lăng, njêl chiên, njêl rô phi, njêl pok nêiz, njêl nox jâuz.

- tâu cungz ntơưr côngz jênhv sir zôngv têx tsưr ziv uô xênhz yar kôngz nuv jông lok sik sir zôngv têx ploz tsênhr iz zav li co./.

(Thu Thùy-Lik Thox cxêik nhênhv)