Sir jos hla đhâu phêv liv cxiv tsa nôngx cxênhz yiêz nhoz xã tox siêz ntus đriv Tân Minh

          Đros lênhx nênhs yưv pênhr thiêz taz viv cxiv uô li sir jos, njuôs xav zuôr xar 2 luz hlik thiêz, 2 qar cơưv zuôr tâu chox lol sir zôngv, paz cưk kriê thiêz shux xênhz tsêr cơưv mê nhuôs zâu xã Tân Minh tso tsês hâux lưv tsuv lav cơưv hâur tsêr cơưv lav uô lav cơưv. Chiê muôx tâu côngz tsinhx no, đros têx nganhx, têx cấp li tsov cưv, muôx zơưv Trần Văn Bào nhoz jos 1, xã Tân Minh li gôngr côngv lox. Cưk kriê Nguyễn Thị Niềm, Hiệu trưởng tsêr cơưv mê nhuôs zâu xã Tân Minh, huyện Tràng Định, tỉnh Lạng Sơn shir phaz heik:

          “Thâuv ntêx tsênhv cơưv uô uô 3 cấp cơưv, cxênhx mê nhuôs zâu tsi tâu cơưv iz qơư txơưr. Shông no lơưr cuiz tênhv, chor shux xênhz tsuv cơưv iz qơư txơưr. Pâuz tsêr cơưv tsi muôx txâuk ar chiê cxiv lớp cơưv, hloz Trần Văn Bào tưz gôngr 536 yiv ndis ar chiê cxiv uô tsêr cơưv mê nhuôs zâu”.

          Ntơưv Tân Minh, hâux lưv gôngr ar uô têx côngz tsinhx, uô cêr zaoz thôngz, cxiv qơư y tế.... mak muôx ntâu. Muôx ntâu chuôz zis, txơưv muôx mênhv chêx ar cux tsi lox taz sik cux truôx siêz gôngr ar tsi taz iz jiês chiê cxiv uô têx côngz tsinhx, gôngr phênhv hlôngr yiêz jêx jos nôngx cxênhz xã ntus đriv txov nhêv tiv zix no. Zơưv Hứa Văn Phú, Phưv Bí thư Đảng ủy xã Tân Minh heik:

          “Jênhv vưv huôv tsar kinh têr tiv phaz tâu pêz reik đros tsaz yênhx nôngx cxênhz yiêz. Pêz tưz yax mông txos pox nhuôs, tiv zix zos cán bộ đảng viên uô uô ntêx cxôngx hâux lưv xã hội chiê cxiv tsa cơ sở cxuô zav li qơư y tế thiêz tsêr cơưv mê nhuôs zâu, muôz siêz luz nênhx trâu tsôngv box”.

          Tân Minh nhiv no muôx 370 ntâu ziv chuôz zis, hâur co txos 1/3 ntâu zos ziv chuôz zis pluôs thiêz zuôr xar pluôs. Sir jos khưx phưx têx phêv liv chiê huôv tsar kinh têr, tuôr truôx txiv ngaz thax tsav ntus đriv zos Đảng ủy thiêz têx cấp chinhr quyênx tiv phaz li iz hâur têx jênhv vưv tsênhv. Chiê cxiv tsa, huôv tsar thiêz krêz đar têx trâur nuv kinh têr muôx chêx cuk, têx cấp chinhr quyênx, đoanx thêv tưz zôngv pênhr jos, phuôx huiz chêx cuk thiêz muôx txơưx jênhv đros pênhr tâu cungz. Niêv lâuk Từ Thị Huệ nhoz jos Khén, iz hâur têx ziv chuôz zis pluôs ntâu shông đhâu tsênhv xar njôngr chuôz zis zuôr huôv tsar tâu kinh têr, hla đhâu cêr pluôs cxôngx têx tul nhux đas tâu paz txưv cxôngx tsaz yênhx 135 no:

          “Cur lok six shir phaz jênhv tâu phênhv paz txưv cxôngx têz qơưk. Cur jênhv tâu nhux mak zuôr sir jos tsoz phưz jông, chiê nhux huôv tsar jông, sha nhuôs chiê huôv tsar kinh têr, paz tâu chuôz zis”.

          Đrâuv huôv tsar tu zus, tiv phaz li iz hâur têx tsưr ziv huôv tsar zos chos jôngr thiêz ntông nox txir sâuv ar nxaz. Niêx shông, tsôngv box xã Tân Minh chos tâu yênhx châuv hect jôngr bạch đàn, chiêz, ciêv fix...thiêz têx zav ntông nox txir, zôngv têx mênhv chêx ar chos blêx chiê huôv tsar chos ntông thạch đuz gôngr phênhv muôz siêz phênhv sâu.

          Sir jos khưx phưx têx phêv liv, cấp ủy chinhr quyênx thiêz tsôngv box têx mênhx cxưx xã Tân Minh, huyện Tràng Đinh, tỉnh Lạng Sơn tư muôx têx yênhx tix jông đros 8 ploz tsênhr hâur Bộ ploz tsênhr têz qơưk lok cxiv tsa nôngx cxênhz yiêz. Nhiv no, tsôngv box li phênhv sâu fênhx pheiz puôr lênhx chuôz ndê pir đros thiêz têx shông, tax 16 tsov đeiv iz lênhx nênhs iz shông. Txơưv tsênhv yuôr ntâu phêv liv, taz sik cấp ủy, chinhr quyênx thiêz pox nhuôs zuôr tror sik côngv tês hla đhâu têx phêv liv chiê chox tox siêz Tân Minh hla đhâu bê tiv haz txov nhêv tiv zix, gôngr phênhv hlôngr yiêz jêx jos tox siêz nhoz ntus đriv têz qơưk no./.

                                     Hoàng Khánh- Txâur Vax cxeik nhênhv)

Kriê sir zôngv têx yuôx tsuôs đrox trơưk 4 faz tsưr ziv zos thiêz khơưk sâu por tsês têx hnaz, hưx trâu yuôx đhâu zôngv tas hâur thax tsav tỉnh Sơn La shông 2019

Tsôngv box....! Hâur tsaz yênhx hnuz no, pêz zuôr xa txos sđ mnôngs têx mông lok dưv anr sir zôngv têx yuôx tsuôs tuô đrox, tuô caz hmoz truôx tuk, jông thiêz kriê khơưk sâu têx hnaz, hưx yuôx tsuôs tuô đrox đhâu zôngv tas.

600 ntâu lênhx tsôngv box tỉnh Sơn la tưz tâu cơưv shâuv, kriê tsưr ziv sir zôngv têx yuôx tsuôs tuô đrox, tuô caz hmoz truôx tuk thôngz đhâu Dưv anr sir zôngv têx yuôx heik co cov zos đrêiv tsưr ziv kriê. Dưv anr zos Cục por hưv đrox tsuôs đros Tsưr tsix CropLife VN thiêz Chi cục tsêz chos kôngz thiêz por hưv đrox tsuôs tỉnh Sơn La kriz uô. Dưv anr cux tưz paz cxiv uô 75 qơư trâu têx hnaz, hưx yuôx heik sâuv trâu ntơưv têx thax tsav uô kôngz lôngk zov chênhr  hâur thax tsav tỉnh. Uô dưv anr, canr bôv por hưv đrox tsuôs tưz buôk ti muk kriê tsôngv box sđ tsưr ziv sir zôngv têx yuôx ntơư truôx tuk lơưr 4 faz tsưr ziv zos, 5 faz tsưr ziv jông thiêz khơưk sâu, xưv lik têx hnaz, hưx yuôx co chiê por hưv đas jos trâu lênhx nênhs uô liêx têz thiêz uô tâu têx kôngz jông,  muôs trâu luôs 2 chas thax tsav, têz qơưk đrâuv. Dưv anr tâu fuô uô txix shông 2017, qir uô txix tsênhv tsênhz phênhv ntâu tsôngv box Sơn La cêr cor cav sir zôngv têx yuôx tsuôs tuô đrox, tuô caz hmoz trơưk tsưr ziv liv zôngv têx yuôx, tsi uô trơưk cui tinhv 4 zos thiêz têx heik kriê sâuv hnaz yuôx, hưx yuôx; tsi hnar tsôngk tril yo por hưv lênhx nênhs thâuv cor, zôngv têx yuôx sâuv; chor hnaz, hưx yuôx đhâu zôngv tas tsênhv muôz por tsês chuôs tsi ntơưv têx liêx têz....., uô trâu muôx tsi tsơưs txuz trâul kâus têx yuôx tuô đrox, tuô caz hmoz, lar heik zos têx yuôx tuô đrox, uô tsi jông txos lênhx nênhs uô liêx têz thiêz nênhs sir zôngv đas jos.

Kriê khơưk sâu têx hnaz, hưx yuôx tsuôs tuô đrox, tuô caz hmoz đhâu zôngv tas.

-Phênhz têx qơư khơưk sâu chêx tsôngk muôx qơư lok sik thôngz trâu têx hnaz, hưx yuôx tsuôs tuô đrox, tuô caz hmoz ntơưv têx qơư nhoz jê têx liêx têz sir zôngv ntâu chor yuôx heik sâuv:

Qơư trâu: Muôz têx vuôs luôx lok cxiv puôz, nquôr suôz jêz, xi măng puôz uô têx luz khênhx lok sik xưv phaz xưv mênhv, đar txâuk trâu 0,5 txos iz yiv đruôz têx kiêk nênhs ntơư, muôx hâu vor hur si cov tsi ntuz nas, tsi trâul zêis, tsi cxênhv, tsi thơưv têx cuô kiêk nênhs vuôz tsuôz trâu saz đrâuv, tsi trâus chuô, đêx uô kror qơư co txar trâu uz trâu no.

Thôngz trâu (tso trâu têx thax tsav qơư jông cxiv uô qơư trâu têx vuôz tsuôz, kiêk nênhs): Thôngz muôz têx zak zưr tơưr uô, ntiv tâu muôx 200 lir tror zar sâuv, muôx hâu vor, thêir, nas tsi ntuz, tsi zêis, tsi cxênhv, tsi thơưv têx cuô kiêk nênhs vuôz tsuôz trâu saz đrâuv.

Qơư tso têx thôngz trâu têx kiêk nênhs, vuôz tsuôz co, zos tso ntơưv 2 saz ntus cêr mul lok, thax tsav uô liêx têz sir zôngv têx yuôx tsuôs tuô đrox, tuô caz hmoz, ntus liêx lox; tsi trâus đêx ngaz, jê qơư tor yuôx, uô ntêx thâuv zuôr gra muk tsuôs chiê zôngx ziv trâu khơưk sâu têx hnaz, hưx yuôx đhâu zôngv tas; tsi uô hiêv txos têx hâur đêx xênhz huôx, thax tsav tsôngv box nhoz, cêr mul lok thiêz uô kiêk nênhs vuôz tsuôz jêx jok.

-Thâuv hnaz, hưx yuôx tsuôs tuô đrox, tuô caz hmoz ntơưv têx qơư trâu, thôngz, qơư khơưk sâu têx hnaz, hưx yuôx lok tso trâu tưz pur mak muôz krưr jông hâur têx hnaz 2 cxênhx, saz hâur zos hnaz tax, saz đrâuv zos hnaz tsax lok zos hnaz sênhr, thâux xa lok tso trâu hâur xã thax tsav qơư trâu tsês têx hnaz, hưx yuôx co.

-Cui tinhv 2 jiês iz shông (uô ntêx hnuz 15/6 thiêz 15/12) mak khơưk sâu têx hnaz, hưx yuôx tsuôs tuô đrox thiêz tuô caz hmoz đhâu zôngv tas hâur thax tsav seiz car, heik trâu Ủy ban tỉnh thôngz đhâu Sở Kôngz nuv thiêz huôv tsar tox siêz chiê xưv lik, hlơưr por tsês trơưk cui tinhv./.

(Bích Thủy-Riê Lâux cxeik, nhênhv)