Greix caz puôz kra kruôr, tox siêz Sơn La li iz zav nox nto bê hâur têx hnuz tsiêz

          Greix caz puôz kra kruôr zos pox nhuôs têx mênhx cxưx tox siêz Tây bắc li iz zav nox nto bê tâu pox nhuôs uô cxôngx ntâu cxênhx nênhs lol no. Muôx lok six ntâu zav greix chiê uô greix caz puôz kra kruôr li: greix buô, greix nhus, greix tưv, hâur co kaz nto bê tiv zix zos greix tưv kruôr. Chiê uô tâu greix tưv kruôr kaz mak hâux lưv xuz thơưx zos xeir tâu greix kaz, greix nhoz ntơưv ndêx puôz, poz tư, tiv zix zos greix nhux tsi muôx moz gênhs. Cxôngr ntêr muôx 1 đok thâuv kruôr mak uô yênhx đeiv lox muôx nhos 2 ntir tês.

          Chiê muôx tâu greix kruôr kaz đrâuv greix tưv, greix nhus, greix buô tsuv muôx kriêr, hor txoz, shaz txoz....Thênh trâur chiê cxiêz greix zos thênh trâur cxôngx têx tơưs pêv har jôngr, tsi nqo pa ntâu. Niêv lâuk Mai Huyền Trang, nhoz tiểu khu 1, xã Chiềng Ngần, thành phố Sơn La, iz lênhx nênhs uô greix kruôr ntêr shông pheiz kênh:

          “Kror jông iz zav zos puôr lênhx cxiêz sâuv kror chuz, taz sik thâuv ntêx cxênhx lâus cxiêz sâuv kror chuz yênhx đeiv lox cxiêz 6-7 luz hlik, thâuv nox mak txiêr yênhx đeiv lol nox. Nhiv no mak cxiêz tsuôk pôngz 12-13 six txơưv tâu. Cur chuôz zis uô kror txok ntuv chiê cxiêz tsi trâus nqo pa, tsi uô zênhr shar txos tênhx qơư”.

          Iz tiv phaz zuôr nhiês muôx nhiês tsưr ziv uô greix kruôr, taz sik nênhs Thái đuz nhoz Sơn La mak chiê uô greix kruôr thâuv tưs cux tsuv muôx kriêr, kêx, hor txoz, shaz txoz thiêx li kaz. Niêv lâuk Bùi Thùy Linh, nhoz tuêv 2, phường Chiềng Lề, thành phố Sơn La heik:

          “Cur zos iz lênhx nênhs mul ntâu qơư lơưv, taz sik pov greix kruôr nhoz no mak kaz tiv zix, tsi xưk li têx qơư txơưr. Cur fôngx zưs nhoz ntâu qơư, thâuv txos tsiêz cur khênhr zuôr chiê uô huv trâu fôngx zưs”.

          Greix kruôr cxôngx nzor lol tưz yênhx zav nox muôx đros đreiv hâur nênhs Việt luz nênhx, taz sik hâur ntâu zav greix kruôr mak nênhs Thái Sơn La li greix kruôr zos kaz tiv zix. No zos iz zav nox zôngx ziv nox, huv đros cxuô lênhx nênhs, lênhx tưs tưz tâu nox iz jiês mak zuôr ndo njôngr txos zav nox no. Tix lâuk Nguyễn Trung Hiếu, tuôx cxôngx Hà Nội pheiz kênh:

          “Cur lok six nhiêv nox greix kruôr, tsuôk zos greix kruôr nhoz Tây Bắc Sơn La thiêx li kaz tiv zix, tsiêz tâu nox nzuôk chơưr mak lok six kaz hênhr”.

          Nhiv no, greix kruôr Sơn La heik taz, Tây Bắc heik cxuô tsi taz nto bê nhoz têx tỉnh tox siêz xưz mak tsênhv zos zav nox tâu ntâu lênhx nênhs nhoz tiêx đras nhiêv txos. Tiv zix thâuv txos Tsiêz yiêz, ntâu chuôz zis seiz no zos zav nox tsênhv hâur trôngx mor chiê tiêv kruô./.

(Đắc Thanh-Txâur Vax cxeik nhênhv)

Hêir nênhs poz ziz faz Bắc zav grêix njêk cxiêz

          Phênhv ntâu, hêir nênhs poz ziz huôv tsar cêr uô nênhx nhoz trơưk ntus đêx, zôngx ziv huôv tsar khơưz pak đêx tu zus shuôz njêk đros đrêiv luz nênhx hâur niêx hnuz thiêz njêk zos hêir nênhs poz ziz iz zav nox kaz thiêz njêk cux chox lok uô tâu ntâu zav nox kaz txơưr tsik siz thôngx. Pir li njêk cxiêz, njêk nthênh, njêk ndu, njêk shơư cxuô zav txux lov, cuô txoz krưr blôngx chuz lok sik cxiêz, zos hêir nênhs poz ziz iz zav nox kaz chiê chơưx kruô. Chênhr zos li hêik ntơư, zơưv Cầm Minh Thuận, thiêx xar tơưv jax cưr cxiêx muôx bê tiêk: “Mor blâuv thiêz grêix njêk cxiêz chiê tok cox lok”. Pos Tòng Thị Vinh, nhoz jok Mòng, xã Hua La, đrôngl Sơn La, zos iz lênhx uô hêir nênhs poz ziz cxuô zav jâuz mor grêix hêik pâuz:

          “Grêix njêk cxiêz, tus njêk lox njêk mê puôr lênhx uô tâu hur tiz si, ntơư zos njêk pok nêiz, njêk blôngx shôngz, njêk nox jâuz….Taz sik jông đuô tsuv xêir chor lox muôx 5 las chox lok fêik, muôz plaz hnhur por tsês thiêz muôz cxuô zav txux lov, cuô txoz chox lok shơư mav li muôz tus njêk cox kuôr trâu ntơưv iz tus pak chiê cxiêz”

Grêix njêk cxiêz tsuv shơưv ntâu zav txux lov đros trâu cuô txoz cov huv đros. Ntơư zos jâuz cxưz, blôngx đok, jâuz cxưz nhus, blôngx jâuz txis thênhv, tâux đuz, shaz txoz, kriêr, kix chox lok cxôngr, tuôr cov mok mok shơư uô cê mav muôz shơư trâu tus njêk co li muôz chox lok cxiêz thiêz ntơư zos iz zav grêix tâu cxuô lênhx sđ nhiêv nox. Pos Lò Thị Thuỷ, uô jâuz mor Hợp tác xã Nậm La, đrôngl Sơn La hêik pâuz:

“Cur uô cxuô zav nox ntơưv luz tsêr muôs jâuz mor Nậm La tâu ntâu shông lok, zuk hêir nênhs poz ziz zav grêix njêk cxiêz, mor trax thâuv tưs tưz muôx chiê trâu tsôngv kruô nhoz saz Hà Nội, Hải Phong, Quảng Ninh tuôx nox thiêz thâuv tưs cux muôx cxix cxuô zav jâuz mor, grêix nox kaz chơưx tsôngv kruô sđ”

          Thâuv muôz cxuô zav txux lov shơư tus njêk ntơư, tsuv muôz tus njêk co kuôr đruôz đraz chox lok chuôv trâu ntơưv iz tus pak chiê cxiêz thiêz thâuv cxiêz ntơư tsuv cxiêz jê hluôr tơưk tov thơưx, tus njêk co thiêx siêr jông thiêz nox thiêx kaz. Pos Nguyễn Lan Phương, iz lênhx kruô nhoz Hà Nội tuôx txix  hêik pâuz nzir:

          “Grêix njêk cxiêz cur cux pov muôx ntâu thiêz uô shơưv ntâu zav txux lov thiêz ntơư zos iz zav nox kaz, tâu chôngz lênhx kruô nhiêv nox”

          Hâur hêir nênhs poz ziz zav nox, grêix njêk cxiêz cux chênhr zos iz zav nox kaz thâuv tưs tưz muôx đros đrêiv hâur chuôz zis pluôk nox thâuv muôx cưr tix nênhx tsa cxênhz jê thiêz têx fôngx zưs tuôx seiz shuôk txos. Iz chas ntơư, thâuv hêir nênhs poz ziz nox yôngz cok, tos pox zơưv tsuv muôx zav grêix njêk cxiêz co đros trâu oz tus kêiz hâu chiê gra chox muk trâu tos niêv têik zơưv txir.

          Lar hêik zos hâur chêix ntux yiêz lok tsiêz 30 txos, txơưv chuôz zis tưs tsuv muôx iz tus njêk cxiêz chiê tso trâu sâuv thax xưv caz chiê hêik trâu pox côngz zơưv côngz pâuz tiêk, đhâu iz shông khưr têx mê tuz mê nhuôv hâur chuôz zis cux muôx grêix kêiz, grêix njêk chiê pox côngz zơưv côngz lok đros nox đros hâuk chiê por hưv iz tsêr nênhs hla trâu shông yiêz khưr tâu nox tâu hâuk./.

                                      (Tsu cxêik nhênhv-Đức Anh)