Lào Cai kriz đar sik côngv uô txuôk đros doanh nghiệp thiêz pêx xênhv hâur uô xênhz yar yuôx đrox njuôz

          Tưz 4 shông lok no, iz hli oz jiês niêv tix Chảo Pết Mẩy đros iz cxiê chuôz zis nhoz xã Tòng Sành, huyện Bát Xát, tỉnh Lào Cai ho thâux gra zuk hêir nênhs Cho li têx yuôx đrox njuôz tsiv gri cxôngx nzor muôs trâu chor doanh nghiệp lơưr hux thôngx tưz cir txix thâuv ntêx. Txos thâuv six hơưv nhoz so, niêv tix Mẩy tsênhv cxaz chuôz trâu iz cxiê qơư hâur hêir nênhs Cho li chor yuôx đa đêx nto bê, đros kror tsoz phưz đas jos thiêz kho moz trâu cxuô lênhx nênhs. Txix chor yuôx njuôz muôs trâu ciêz đrôngs niêv tix Mẩy thiêz ntâu ziv chuôz zis nhoz xã Tòng Sành tưz muôx phênhv sâu tâu nhiêx txix 7 txos 12 triệu đêiv iz luz hli. Niêv tix Chảo Pết Mẩy hêik:

         “Cưr tix sơưr đơưk iz lênhx muôz mê njil hâur zuk vax chox muk muôs. Thâuv ntêx tsik muôx công ty sâu zuôr mak nưk nhoz nuk li co. Khov lơưr têx yuôx zuk chuôz zis muôx mak muôx hli muôs tâu 10 txos 12 triệu đêiv, têx hli 7 txos 8 triệu”.

Tsôngv box chos Atiso

          Đros cir jênhv sâu zuôr truôx pêx xênhv têx yuôx đrox njuôz, sir jos yưv pênhr cxiv uô qơư uô têx yuôx đrox njuôz, sir jos zok nriêr qơư muôl muôs yiêz, đhâu 15 shông huôv tsar đa đêx yuôx njuôz, tsâu tơư hâur têx cuô yuôx cxôngx nzor, kror tiv iz paz trâu Công ty cổ phần thương mại Hùng Dũng, Sa Pa li yênhx côngz đuô siêz xar tâu xav jênhv co zos kror sik côngv txix têx tsưr ziv uô yiêz đros pêx xênhv tiv phaz li têx tsưr ziv uô jông. Kror qơư no cux lok six vav tiêk zuôr huôv tsar zir thax tsav chos yuôx chiê kriz đar đuô qơư uô xênhz yar, paz uô muôx têx hax huv jông nhoz Lào Cai chiê phưx vưv trâu zoz qơưx sâuv ciêz đrôngs. Zơưv Trần Thanh Thùy, phưv giám đốc Công ty cổ phần thương mại Hùng Dũng, Sa Pa hêik:

         “Doanh nghiệp tsênhv vav tiêk chor ban, nganhx muôx têx tsênhv chêi trâu chor yuôx râuz đa no chiê huôv tsar du lịch, iz zav li lok suôz bê chiê cungz jênhv tiêk chor yuôx đa no zos hax huv du lịch nhoz Lào Cai”.

          Đros tsar tov đêx ar, qiv hơưv lax txiêk, tỉnh Lào Cai nhiv kruôr tâu xêir tsov zos iz hâur chor thax tsav chos yuôx zov chênhr hâur tas nro têz qơưk. No zos kror chiê chor tiv phaz hâur tỉnh muôx chor tsưr ziv huôv tsar thiêz tuôr chiê chor zav yuôx njuôz tsiv gri, paz muôx hâux lưv uô thiêz gra siêz phênhv sâu trâu pêx xênhv. Zơưv Triệu Thiết Nghĩa, Trưởng phongx Kinh tế hạ tầng huyện Sa Pa, tỉnh Lào Cai puz pâuz:

          “Yênhx shông pêz cux sik côngv đros chor công ty, doanh nghiệp đros pêx xênhv muôx thax tsav jôngr tưz tâu choz zok, por vêv. Thâuv thax tsav co muôx têx yuôx njuôz mak chor doanh nghiệp sâu zuôr chor yuôx njuôz co thiêz kruôz kriê pox nhuôs txiêr, đê huv kỹ thuật chiê uô chak cov tuôr tsês tâu chor tsoz chos co”.

           Txix sik cônhv nhoz doanh nghiệp thiêz pêx xênhv hâur tsiv uô tâu ntâu zav hax huv txix cxuô zav yuôx đrox njuôz tsiv gri li: Cao a ti sô, hêir nênhs Cho zav yuôx râuz đa nzuôr chêr, pax tam thất …Ntơư zos kror uô muôx chêx cur, tsuv tâu kriz uô đêz đar. No cux tâu xav zos tsưr ziv uô huv đros thiêz paz trâu nganhx chos yuôx đrox njuôz huôv tsar uô cov tâu truôx./.

(Thanh Thủy-Lik Thox cxêik nhênhv)

Sơn La: Uô tâu yênhx côngz luz meir puôs kê txix têx chuôz zênhx zôngx ziv zok nriêr tâu

          Đros trâu têx tsưr ziv siêz xar, tsuv sir jos uô cov tâu luz meir puôs têx kê keiz ok, fiv đros tsôngv box sơưr đơưk hâur thax tsav tsênhv qơư; zov chênhr đuô zos grê fênhx zis, tix lâus Phạm Hân Hạnh, canr bôv kỹ thuật, qơư cxiz kôngz huyện Mai Sơn, tỉnh Sơn La tưz nhênhz chơưv, cơưv shâuv têx lênhx muôx txux chi, tsưr ziv jông car uô đreiv luôs hâux lưv no thiêz zok nriêr, cơưv shâuv hâur mạng chiê cxiv uô luz  meir puôs kê trơưl zuk tsưr ziv, siêz xar. Hla đhâu ntâu phiv liv, shông 2010 luz meir heik ntơư tưz uô tâu tiêr, taz sik txos shông 2014 tix lâus thiêx quyết tinhv tso tơưv luz meir co muôs hâur ciêz đrôngs. Tix lâus Phạm Hân Hạnh heik:

          "Xuz thơưx mak phiv liv cơưk, lar heik zos lok sâuv têx tênhv. Pêz tsi tâu pâuz tsênhz txos xor tênhv zos li chas mak pêz tsuv muk thor, khov txos chor nênhs kho xor tênhv chiê lơưr kriê trâu zuk, zok nriêr zuôr têx zav chuôz zênhx, xor tênhv jông uô lok siz txuôk, đhok, kho uô. Txix ntơư, pêz xar tsưr ziv tsiv uô luz meir puôs kê fiv đros tsôngv box, zôngx ziv sir zôngv".

          Luz meir puôs kê, zos tix lâus Hạnh xar tơưv tsưr ziv uô thiêz luz máy ntơư muôx têik trâu kê, qơư puôs thiêz ndu, đo kê, thôngz máy..... Hâur ntơư, thôngz meir zos muôz têx tuv txiêk trâus puôk tsuôx chox lok cxiv uô…; têik trâu kê zos muôz têx ntông txiêr chox lok siz đhok uô têx luz têik trâu.  Lar heik kror qơư tso thiêz kho tênhv tênhz cov sor huv ndu chor kê lok six zôngx ziv, ntơư zos tso kê tênhr 60 oát tơưk ndu, đros trâu muôz têx xor tênhv, chuôz zênhx uz no.... zuôr ntơưv têx qơư muôs xor tênhv đros thiêz grê fênhx zis lok siz txuôk, kho uô, muôx têx nưk txơưx kho nưk cov sor huv chor kê ntơư chiê đâus. Thiêz têx chuôz zênhx nzênhr kê thâuv ndu tênhv cux tâu tix lâus xar tơưv tsưr ziv tsiv uô txix muôz têx luz six tsi jông, tsi zôngv txos ntơư lok đhok uô đros trâu têik trâu têx kê.

Tix lâuk Hạnh thiêz luz meir puôs kê

        Luz meir ndu kê tix lâus Hạnh xar tơưv thiêz tsiv uô tâu xuz thơưx ndu tâu nhos 50 luz kê, đhâu ntơư cux zos xar thiêz uô lơưr tsưr ziv no, muôx têx uô tâu luz meir ndu tâu xar muôx 20 cxênhz luz kê, grê fênhx zis đuô 50% pir li têx meir ndu kê iz zav li ntơư. Pir li luz meir ndu tâu nhos 800 luz kê tsuôk txix 2-3 tsov đeiv, meir ndu tâu 20 cxênhz luz kê mak muôs 25 tsov đeiv. Tix lâus Phạm Hân Hạnh heik pâuz:

       "Cur pov lok six shir phaz, thâuv tâu tsôngv box sơưr đơưk lênhk txeil têx chuôz zênhx zuk uô tâu thiêz luôs hâux lưv uô tâu ntơư zos têx keiz ok nhoz Sơn La nhiv no tưz huôv tsar, vav  lok six jông".

         Txos nhiv no, tix lâus Hạnh tưz choz tsưr ziv uô trâu iz qơư tsiv uô têx chuôz zênhx heik sâuv hâur thax tsav thiêz tưz uô tâu nhos 20 luz meir, phênhv ntâu zos têx qơư cxiz kôngz nhoz têx huyện hâur tỉnh Sơn La đas cir zuôr chiê ndu têx kê, muôz nôngz tsiêx cxu jông trâu tsôngv box ntơưv qơư tu zus. Iz chas ntơư, tsôngv box cux muôx têx gra zuk têx kê keiz ok tuôx trâu têx qơư cxiz zuz nôngz kôngz, tsiêx cxu ntơư ndu, grê 3 cxênhz đeiv iz luz, đâus tâu têx nhuôv keiz, nhuôv ok jông trơưk zuk tsưr ziv, siêz xar. Niêv lâuk Vũ Thị Hồng, tsênhv zôngv iz luz meir li heik sâuv ndu têx kê keiz ok zos tix lâus Hạnh uô nhoz xã Hát Lót, huyện Mai Sơn, tỉnh Sơn La shir phaz heik:

         "Zôngv luz meir no mak cur pov zos tsôngv box sơưr đơưk nhoz iz ndis thax tsav qơư no thiêz chuôz zis jông siêz thiêz shir phaz cơưk viv uô tâu trơưk têk, trơưk tsưr ziv đuô".

         Meir ndu têx kê keiz ok, zôngx ziv uô, zôngx ziv sir zôngv, tsênhv jux juk uô cov tiêr tâu jông đuô chiê paz tsôngv box Sơn La gra siêz tsưr ziv huôv tsar uô nox, tu zus tsiêx cxu. Shông 2014, luz meir tưz tưr thik tâu hov 4 hâur Hội tưr thik, tỉnh Sơn La txơưx xar tơưv txux chi tsưr ziv jông./.

                               (Hoàng Long-Riê Lâux cxeik, nhênhv)