Jax sâu thưr 2: 8/8/2016

Yên Bái-Txo grêk yêiz pluôs txix hlôngr yiêz tsưr ziv xar

         Mù Cang Chải muôx 90% ntâu zos tsôngv box Hmôngz, zos iz hâur têx huyện pluôs đuô hur si têz qơưk. Thax tsav, qiv hơưv phiv liv, ar tsêz chos kôngz tsơưs, uô trâu Mù Cang Chải njiz ntâu phiv liv hâur huôv tsar kinh tế, xã hội.

Khưr huôv tsar tsêz chos kôngz lôngk hâur yênhx shông pêv têx liêx têz, taz sik chuôz zis tưs uô tâu mak cux tsuôk txâuk nox zos kror tsik so muôx nhoz Mù Cang Chải zos hâur oz pêz shông uô ntêx. Nhiv no, muk txos Mù Cang Chải, tưz pov muôx ntâu hlôngr yiêz hâur chor chuôz zis tsôngv box Hmôngz li huov tsar kinh tế.

Tix lâus Khang A tính li chuôz zis nhoz jok Háng Tàu Dê, xã Chế Cu Nha tsuôk uô nênhx khov trâu oz pêz jêk liêx ntêir chos iz chiv, cxaz nzir mê njik nhiêx sâu tâu txix txiêr tơưk pêv har jôngr muôs. Yênhx shông khưr tsik pâuz so, taz sik chuôz zis muôx 6 lênhx nênhs no cux tsuôk txâuk nox hâur iz đraz shông, iaz đraz shông tsênhv yuôr mak nriêr ox yênhx pluôs, ntâu pluôs tsuv nox poz cưk. Taz sik li, oz pêz shông tror lok no, thâuv piz chos txir hơưk thiêz txir tuôz ziz, đros sir jos chos cxaz chiv blêx, tix lâus chuôz zis zos yênhx iz hâur chor chuôz zis hla đhâu cê pluôs tâu sơưr đơưk cơưv shâuv hâur xã, sâu tâu 50 triệu đêiv iz shông. Tix lâus Khang A Tính puz pâuz:

“Cux niz ntâu phiv liv taz sik tâu zênhx hangx paz tsar tov muôz pênhr txêik chiê uô nox viv li tưz hla đhâu cêr pluôs. Chos txir hơưk thiêz txiz tuôz ziz chiê muôx nzir phênhv sâu. Jênhv pâuz tâu li mak piz kriz uô chos”.

Tix lâus Lù Xênhv Shôngx, nhoz jok Nậm Có, xã Nậm Có cux zos iz hâur chor chuôz zis hla đhâu cêr pluôs txix hlôngr yiêz jênhv pâuz thiêz tsưr ziv uô nox.

Xã Nậm có tâu pâuz txos zos ia hur chor qơư muôx thax tsav txir tuôz ziz ntâu tiv zix nhoz Mù Cang Chải. Taz sik pox nhuôs nhoz no tsik chos mak sêiz jor chor txir tuôz ziz chiv chir muôx. Sâu đê cux li, têx thâuv mak đêx txir mok muk muôs uô trâu txir trâus pôngz tsơưr lươngv, gri ho tsik siêz. Jê lok no, tix lâus Lù Xênhv Shôngx li chuôz zis tưz tsov cưv txos tsoz phưz trâu tsoz txir tuôz ziz, chos nzir yiêz thiêz uô jông sâu đê. Thâuv ntêx iz tsoz sâu tâu oz pêz chiêz mak nhiv o iz tsoz tưz sâu tâu muôx yênhx puô cir. Txir siêr thiêx sâu đêx viv li têx thâuv muôs tâu 40 cxênhz đêiv iz cir. Nhiv no tix lâus Lù chuôz zis sâu tâu 40 triệu đêiv ntâu iz shông txix txir tuôz ziz. Tix lâus Lù puz pâuz:

“Zuôr cxuô zav trâu pox niêv mê nhuôs thiêz zuôr yêz mêir, ti vi, cxuô zav zôngv hâur chuôz zis puôr lênhx khov trâu tsoz txir tuôz ziz. Pêx xênhv pêz nhoz no cux tsoz phưz tsik so, sêiz jor tsoz txir tuôz ziz lok six jông”.

Chor shông jê lok no, chính quyền cxuô cấp thiêz nganhx txơưx jênhv nhoz huyện Mù Cang Chải tưz sir jos hêik chor tsưr jêx jok thiêz chor cán bộ uô uô ntêx chiê pêx xênhv pov tâu chêx cur tsênhv tsênhz, txix co uô trơưk. Zơưv Vũ Đình Lợi, phưv bí thư thường trực huyện ủy Mù Cang Chải puz pâuz:

“Tsuv xav jênhv chuôz zis puôk tsênhv pluôs, zos tiêk tsênhv pluôs mak tsuv cxuôv pluôs, thiv pluôs ciês ntơưv chuôz zis. Đhâu co mak cxaz nzir chor chuôz zis cxaz chuôz paz. Choz tsưr ziv tsênhv tsênhz: Iz shông lok sik pêk tsơưs shông mak nênhs paz trâu chor chuôz zis no zuôr muôx pêk tsơưs chuôz zis hla đhâu cêr pluôs. Đros uô li co mak pêz pov tsưr ziv no lok six jông”.

Tsuv pâuz tiêk, hâur sir jos thiv pluôs nhoz Mù Cang Chải, tưz tsik zos pêx xênhv hlôngr yiêz mak tas nro chính quyền tiv phaz li tsưr ziv chox kriê huôv tsar kinh tế, xã hội cux hlôngr yiêz. Zơưv Lê Trọng Khang, phưv chủ tịch UBND huyện Mù Cang Chải puz pâuz: Huyện tưz thiêz tsênhv taz tov tsêx trung trâu chor tsoz chos thiêz zuz nôngz yiêz, cê huv đros đêx ar, thax tsav thiêz qiv hơưv, chêx cur kinh tế siêz thiêz pêx xênhv zôngx ziv sir zôngv:

“Huyện tưz chos siv kk zax zưv, tưz sâu tâu 20 tấn iz hec ta. Tsoz tiv 2 zos blêx mos, cux tưz tâu chos siv, zuổ rtror chos hâur ntu zuôr txos. Tsoz tiv pêz zos tsoz jâuz njuôz chos hâur chiv ntux tsâus yiêz. Tsoz chos tiv 4 zos kriêr. Đhâu chos siv chor tsoz chos no mak huyện zuôr xêir tsov thiêz kriz uô”.

Nhiv no huyện Mù Cang Chải cux tsênhv yuôr muôx 47% chuôz zis pluôs. Đros chính quyền thiêz tsôngv box mênhx cxưx tsơưs nênhs haur huyện li hlôngr yiêz tsưr ziv xar thiêz uô, kror sir jos txo grêk 8% chuôz zis pluôs iz shông nhoz Mù Cang Chải zos kror tsik lax uô./.

(Đinh Tuấn-Lik Thox cxêik nhênhv)

Phênhv thưr 2.8.8.2016:

TROR SEIZ ĐUÔ JIÊS CƠƯV TIV 1 CÔX HÔIV KHÓA 14: MUÔZ SIÊZ TXƠƯX JÊNHV THIÊZ THÔNGX ZIV

          Jiês cơưv hâur six cxiv yiêz txơưv tiêk tsuôk tsưr tsix cơưv hâur 8 hnuz, taz sik muôx liv lox, cuiz tênhv txos têz qơưk li ntu phuôv tsar zuôr txos, viv côngz xưv canr bôv zos kror zov chênhr tiv iz, tiv iz zos hâux lưv bo xeir thiêz thôngz đhâu lênhs tov thênhv siêz. Lơưr co, côngz xưv bo xeir hâu nov ntơưv jiês cơưv tâu uô trơưk têz qơưs têx chêi li cui tênhv, krêz uô jông, phuôx huiz teiv plor côx hôiv li chinhz yênhx txơưx jênhv, jênh chuv, taz por Đảng li lênhs tov. Đros chinhz yênhx txơưx jênhv, jênh chuv, côx hôiv tưz bo xeir chủ tịch côx hôiv, têx phưv chủ tịch côx hôiv, lênhs tov côx hôiv li têx chiz coaz, tổng thư ký côx hôiv, tổng kiểm toán têz qơưk; bo xeir chủ tịch têz qơưk, phưv chủ tịch têz qơưk, chánh án tòa án thênhv siêz, Viện trưởng Viện kiểm sát thênhv siêz; bo xeir thủ tướng chính phủ; thôngz đhâu Thủ tướng chính phủ li thix ziv lok hâux lưv bổ nhiệm têx phưv thủ tướng chính phủ, Chính phủ li têx lênhx nênhs txơưr đuô; thôngz đhâu chủ tịch têz qơưk li thix ziv bo xeir phưv chủ tịch thiêz têx ủy viên Hội đồng côx phax thiêz txiv ngaz.

          Thâuv tâu côx hôiv bo xeir, chủ tịch côx hôiv, chủ tịch têz qơưk, thủ tướng chính phủ thiêz chánh án tòa án thênhv siêz tưz uô ntâuz ntơưr truôx siêz sir jos uô tiêr hâux lưv mak Đảng, têz qơưk thiêz tsôngv box choz trâu. Têx đồng chí lênhs tov têz qơưk, côx hôiv, chính phủ tưz khav tênhv zuk li txơưx jênhv, jênhv vưv thâuv zos lênhx nênhs tâu tốngv box njênhs njôngr bo xeir uô qênhx coar lik, lênhs tov têz qơưk, cam kết iz siêz uô lơưr Hiến Pháp, viv tsôngv box viv têz qơưk.

          Đros thiêz hâux lưv bo xeir lênhs nênhs lênhs tov thênhv siêz, côx hôiv tưz tsa tês thôngz đhâu Nghị quyết chor nhiêx txiêx têz qơưk zôngv shông 2014; Nghị quyết lok tsaz yênhx cxiv tsa Luật, pháp lệnh shông 2017 thiêz kho đuô tsaz yênhx cxiv tsa luật, pháp lệnh shông 2016. Ntơưv jiês khiêz phêv, côx hôiv tưz sik seiz lax, ntâus grê qênhx shênhx uô tsưr ziv phuôv tsar Kinh tế xã hội thiêz nhiêx txiêx têz qơưk 6 luz hlik kaz shôngk shông 2016. Đros txơưx jênhv cxôngx tsôngv box, cử tri tas nro têz qơưk, cxuô vênhv thix tưz tâu têx teiv plor sik seiz lax, tso ziv chênhv jê đros qênhx shênhx tsênhv tsênhz thiêz heik mênhx, tsi zuôr tso tơưv qơư tsov txos chuôz tsar mak tsuv tsov cưv txos tsơưr lươngv chuôz tsar; uô muôx chêx cuk hâux lưv hlôngr yiêz cơ cấu kinh tế reik đros paz txưv trâu têx doanh nghiệp phuôv tsar tsiv uô, kinh doanh; tsi so muôz siêz nền kinh tế li tsơưr lươngv thiêz đas jos tơưv txênhz, li ntơưv thiêx li taz por trâu têz qơưk li cêr phuôv tsar truôx vênhs./.

                                      (TTT- Txâur Vax cxeik nhênhv)