Jok Tường Cà vav tok txox cêr yiêz đhâu 40 shông txar qơư nhoz uô tsêr mêir tênhv tênhz Hòa Bình

         Txox cêr ar ntêr muôx 2 cêik ntâu txix tsênhv qơư xã Tân Lang muk trâu jok nhoz yiêz Tường Cà đhâu iz coz nas lok mak bluô xưk li quôr trox trâu. Cux muôx hnuz ntux lok nas lox cuôr tas chor ar mak ho yuôr têx poz jêz lox zâu yưv chuôs tsi, uô trâu pêx xênhv muk lok njiz ntâu phiv liv. Tsuôk zos chor nênhs tsar tâu yêz coz lơưr thiêx car muk đhâu, hok nênhs lâuk thiêz nhuôs zâu mak lav muk tơưv txơưv tiêk cêr đêz. Muôx chôngz nênhs ntos yêz trik yo lo ar tas, muôx nênhs tsênhv trâus saz thiêz. Têx thâuv chor nênhs lâul trâus muôx moz gênhs, pox niêv xênhz nhuôs hâur chêr txos hnuz xênhz zus mak tsuv ntiêr nênhs cưr tuôx trâu tsênhv qơư xã, viv chêix tsik tâu yêz mêir muk lok sâuv txox cêr no. zơưv Đinh Văn Lịch, Bí thư chi bộ jok Tường Cà puz pâuz:

“Hâur jok muôx oz lênhx nênhs trâus moz hnhar thâuv hmo ntux, txos luz 12 hli mak lok six no, muôx tê lok, txos 9 six tsâuk ntux, yêz muk tsik tâu tsuv hêik tas nro chor hluôk nênhs hâur jok đros cưr muk tsêr kho moz. Hok tix lâus Công tsưr jok trâus ntss yêz cux lor hniêr tas”.

         Muôx 2, 3 hli mak pox nhuôs hâur jok ho kho cêr iz jiês, taz sik kho tas lok cux li. Chôngz lênhx nhuôs muk cơưv đrav xã mak tsuv sơưr nzor, taz sik iz cxiê lênhx cux muk cơưv lis zos tiêk njiz ntux lok tê lok sik ntux lok nas. Tuk muôv Đinh Thị Đoàn thiêz zơưv Đinh Văn Muôn, jok Tường Cà puz pâuz:

“Txix tsêr muk txos tsêr cơưv ntơưr mak muôx 3 cêik cêr, tiv ntux lok nas cêr bluô viv li tsuv sơưr nzor muk txix thâuv 5 six thiêx ndar six hơưv cơưv ntơưr. Muôx têx thâuv mak tsênhv muk tâu lis thiêz”.

“Xuz thơưx mak jênhv trâu pêx xênhv, sơưr đơưk car tsix txar muk nhoz, tov kaz no Đảng, têz qơưk zuôr paz uô cêr, tsêr cơưv ntơưr trâu jok. Lơưr hêik tiêk shông 2015 zuôr uô tâu cêr, uô cêr luôv poz jêz, taz sik txos nhiv no cux tsik muôx”.

         Txar lok nhoz ntơưv jok yiêz tưz muôx 12 shông, pêx xênhv jok Tường Cà sir jos uô nox, uô kôngz lôngk, taz sik tiv cêr đaz tuôs, yêz lox cux tsik xar tuôx trâu jok, têx poz cưk, kok ntông uô tâu lok cux muôs tsik tâu, lok sik trâus nhov gri. Viv li, yêiz pluôs cux tsik so đros đrêiv pox nhuôs. Zơưv Đinh Văn Lịch, Bí thư chi bộ jok Tường Cà, xã Tân Lang, huyện Phù Yên hêik:

“Pox nhuôs zuôr paz tsik tâu viv txos cêr ntêr hênhr. Pêz cux vav têz qơưk zuôr paz uô txox cêr co trâu pox nhuôs chiê sơưr đơưk muk tâu zôngx ziv đuô”.

         Nhiv no nhoz jok Tường Cà muôx 32 ziv chuôz zis, mak cux muôx txos 32 lênhx nênhs tsik muôx njêx muôs nhoz hâur jok, muk uô jos trâu faz Nam, tiv muôx tsik txâuk artsêz chos kôngz lôngk, cêr muk lok phiv liv, huôv tsar kinh tế tsik tâu. Pox nhuôs tưz txar qơư nhoz yênhx châuv shông no, taz sik luz nênhx cux txov nhêv li kuz. Pêx xênhv jok Tường Cà cux zênhx vav tok njôngr, têz qơưs tsuv paz uô iz txos cêr jông chiê pox nhuôs muk lok tâu zôngx ziv thiêx zuôr muôx luz nênhx truôx tuk đuô./.

(Hồng Việt-Lik Thox cxêik nhênhv)

Tsuv tuôr tsês thiêz phuôx huiz vênhx huôv mênhx cxưx Cho

          Lơưr chêx cuk qênhz yuôx jênh số thiêz tsêr nhoz shông 2009, mênhx cxưx Cho nhoz Việt Nam muôx 750 cxênhz ntâu lênhx nênhs; phênhv ntâu nhoz trâu têx tỉnh tox siêz faz Bắc, hâur co chêx chôngk trâu têx tỉnh li: Tuyên Quang, Hà Giang, Cao Bằng, Lào Cai, Quảng Ninh, Lạng Sơn, Sơn La, Phú Thọ....Đros thiêz mênhx cxưx Cho, tsưr ziv uô kinh têr phênhv ntâu zos uô liêx têz. Xiv huv uô tâu chiê phưx vưv luz nênhx xênhz huôx niêx hnuz. Têx tsiv grê vênhx huôv chinhz yênhx, luz nênhx li: lul heik, ntơưr sâu, têx ntênhs phêv....reik đros luz nênhx xênhz huôx niêx hnuz. Têx tsiv grê vênhx huôv chuôz zênhx chuôz tas tâu tso pov tsênhz mênhx li tsưr ziv uô tsêr nhoz, tsưr ziv xơưk tsôngs yo, zav nox, hâux lưv chax chês...

          Têx shôngk đhâu, Đangv thiêz têz qơưk tưz muôx ntâu chủ trương, tsênhv chei chiê huôv tsar luz nênhx kinh têr-vênhx huôv-xã hội nhoz thax tsav tsôngv box mênhx cxưx tsơưs nênhs, tox siêz. Khov co, qênhx shênhx trâus yeiz pluôs txu grês, tsôngv box li jênhv pâuz tâu muôz siêz, txo grês têx tsưr ziv uô nênhx pôngz kaz....

          Têx teiv plor xar tiêk, hâux lưv phuôx huiz têx tsiv grê vênhx huôv chax chês têx mênhx cxưx tsơưs nênhs heik cxuô thiêz vênhx huôv mênhx cxưx Cho heik taz yuôr ntâu kror tsi tâu uô tâu, tsi tuôv zênhv tâu zoz qơưx tso tơưv. Viv li, cxuô lênhx nênhs tsuv muôx siêz tuôr tsês, seiz tâus, muôx txơưx jênhv cxiv tsa, phuôx huiz cêr vênhx huôv chax chês cov ziv hnuz ziv jông đuô. Pos Nguyễn Thị Hải Nhung, Vụ trưởng Vụ vênhx huôv mênhx cxưx (Bộ vênhx huôv thiv thao thiêz ju lix) puz pâuz:

          “ Qir tiv zos tiv zênhr shar viv kinh têr, ntâu vênhx huôv mênhx cxưx Cho njuôs xav zuôr trâus pôngz plox. Ntơưv ntâu tiv phaz tiv mênhx cxưx Cho nhoz uô nênhx đros têx mênhx cxưx txơưr, cxênhx hluôk hloz lox tsi pâuz heik lul Cho. Kror co yênhx iz phêv liv txos hâux lưv tuôr tsês vênhx huôv mênhx cxưx, tiv zix zos cưr cxiêx trâur lâus....Hâur têx xênhz huôx ntênhs phêv, nox yôngz....muôx ntâu hlôngr yiêz, njuôs xav cêr vênhx huôv chax chês zuôr trâus pôngz plox”.

          Zơưv Triệu Bình, chuyên viên thênhv siêz Vụ mênhx cxưx, Văn phongx côx hôiv xar tiêk, hâux lưv nhênhz chơưv, ntâus grê, tuôr tsês thiêz phuôx huiz mênhx cxưx Cho li têx tsiv grê vênhx huôv chax chês jông tsênhv zos vênhv thix zuôr trâus uô ciês tav siv no. Lơưr zơưv, Ntênhs uô hloz tiêr txir nênhx trâu mê nhuôs tuz zos iz ntênhs phêv jông cxôngx ntâu cxênhx nênhs mênhx cxưx Cho. Muôx ziz njiêz zaoz zux lok six lox. Zơưv Triệu Bình puz pâuz:

          “ Tiv iz tsuv muôx tsênhv chei chiê tuôr tsês thiêz huôv tsar lul heik, ntơưr vênhx huôv chax chês mênhx cxưx Cho. Cxơưz cxiz cxênhx hluôk nênhs cơưv ntơưr thiêz txơưx heik lul mênhx cxưx. Tiv 2 zos huôv tsar kriê cxaz tsưr tsix lưx lươngv nhênhz chơưv vênhx huôv nghệ thuật tsôngv box mênhx cxưx Cho. Thox cxov têx lênhx nênhs muôx yênhx tưv mênhx cxưx Cho thiêz têx cán bộ mênhx cxưx Cho chiê phưx vưv zuk têz qơưk. Sâu jênhv thiêz muôx chế độ huv đros chiê phuôx huiz têx nghệ nhân li pênhr xưv. Tiv 3, zos yưv pênhr thiêz tsưr tsix qênhz yuôx nhênhz chơưv thiêz heik kriê têx tsiv grê vênhx huôv nghệ thuật mênhx cxưx Cho”.

          Iz chas co, têx lênhx nênhs khoa học nhoz têx tiv phaz li gôngr côngv zos lok six coaz tsôngv hâur nhênhz chơưv lok mênhx cxưx Cho. Tiv zix zos nhênhz chơưv lok lênhx nênhs Cho nhoz Lào Cai, Sơn La....tsuv tâu phuôx huiz thiêz krêz đar hâur têx lênhx nênhs khoa học tiv phaz li nhênhz chơưv lok nênhs Cho heik taz, têx mênhx cxưx txơưr heik cxuô nhoz ntâu tiv phaz txơưr./.

                          (Diệu Linh- Txâur Vax cxeik nhênhv)