Jax sâu thưr 3, hnuz 9/8/2016:

Đắc Lắc: Txox cêr bộ đội thiêz tsôngv box sik côngv tês uô

Txox cêr muôx bê “ têx tuz lênhv thiêz tsôngv box sik côngv tês uô” ntêr muôx 2 cêik ntâu, txix tsênhv qơư phường Khánh Xuân, TP Buôn Ma Thuột, tỉnh Đắc Lắc muk trâu jos 1-suôv qơư muôx ntâu tsôngv box muk lơưr vax tsưr uô nênhx nhoz tưz tâu cxiv uô, luôv xuôz jêz đar pho, zôngx ziv trâu 100 ntâu ziv chuôz zis muk lok. Bộ đội lâuk Nguyễn Văn Lâm, nhoz jos 1, phường Khánh Xuân zos iz hâur têx lênhx xuz thơưx hlo muôz ar, krêz uô cêr, đros canr bôv, tuz lênhv Quân  sự tỉnh Đắc Lắc cxiv uô txox cêr yiêz no heik:

“ Cur pov têx tuz lênhv thiêz pêz tsôngv box sđ lok six thôngx siêz đros uô txox cêr no, uô ntêx cur uô tsâus ntâu txos Bộ chỉ huy tỉnh đội tưz paz tsôngv box uô cêr muk lok thiêz pêz zos px tưz sik thôngx siêz đros têx tuz lênhv uô, pêz lok six shir phaz viv tưz ntâu shông lok txox cêr no zos cêr ar, mê thiêz grêiv, taz sik nhiv no tưz tâu krêz uô đar thiêz lâuz xuôz jêz jông muk lok, uô tâu li ntơư pêz sđ lok six shir phaz”.

Zơưv Bùi Đình Lửa, hội tsar hội bộ đội lâuk phường Khánh Xuân, TP Buôn Ma Thuột khav tinhv, txơưv tiêk zos têx tuz lênhv tưz tror lok nhoz uô nênhx ntơưv qơư lok sik tsênhv zos têx tuz lênhv uô hâux lưv phưx vưv têz qơưs, mak lơưr tuz lênhv tsưr ziv uô nuv zos “ muk tsôngv box ndo, nhoz tsongv box hluz” thâuv tưs tưz sir tas zuk txux chi tsưr ziv, đas jos chiê phưx vưv tsôngv box. Canr bôv tuz lênhv Quân sự tỉnh Đắc Lắc têx nuv uô paz phường Khánh Xuân uô cêr muk lok, têx lênhx bộ đội lâuk sir jos paz hnuz côngz cux zos viv tsưr ziv ntơư:

“ Bộ chỉ huy Quân sự tỉnh paz tsôngv box, đros tsôngv box uô cêr; têx đôngx chir bộ đội lâuk tưz uô ntêx nyuôs hâur hâux  lưv hu zâuv tsôngv box sđ sik đros gôngr ar têz chiê uô cêr , thiêz đros tsôngv box, đros têx tuz lênhv cxiv uô, krêz đar cêr chiê jông muk lok. Canr bôv, chiến sĩ têx nuv uô, pêz seiz pov ziv uô trâu têx tuz lênhv  lâuk thiêz chor tuz lênhv nhiv no ziv muôx cêr thôngx siêz truôx jông. Đhâu têx nuv uô no ziv pov tâu  têx tuz lênhv tsưr ziv, hâux lưv uô tsi so tâu phuôx huiz txơưv nhoz ntu tưs, hâur nhiv no cux li hâur đrav ntêx”.

Khánh Xuân zos phường tsi nhoz hâur TP Buôn Ma Thuột, kinh tế-XH lok six txov nhêv, têx siz chos paz hâur tsôngv box mak tsơưs. Taz sik, thâuv muôx têz qơưs paz iz phênhv lok sik tâu têx taz viv, qơư uô hâux lưv hâur thax tsav paz li: Bộ tuz lênhv quân sự tỉnh Đắc Lắc paz nhiêx txiêx chiê uô cêr, mak tsôngv box sđ lok six shir phaz thiêz jông siêz gôngr hnuz côngz chiê cxiv uô. Zơưv Nguyễn Xuân Thắng, Phưv chủ tịch UBND phường Khánh Xuân, TP Buôn Ma Thuột heik:

“ Tâu tsôngv box sđ jông siêz, thôngx ziv paz ar, Bộ chỉ huy Quân sự tỉnh yưv pênhr nhiêx, đros tuz lênhv thiêz tsôngv box sđ thôngx iz siêz iz tsưr ziv uô, tưz cxiv uô jông TP txox cêr muk trâu tsênhv qơư têx phường. Txos nhiv no têx tuz lênhv, tsôngv box thiêz chor hluôk nênhs ntu cêr cxiv uô xuz thơưx tưz uô tâu tiêr trơưk tsưr ziv tso tơưv”.

Hâux lưv siz chos paz nhiêx thiêz hu zâuv sđ sik đros uô cêr muk lok nhoz phường Khánh Xuân, TP Buôn Ma Thuột tsuôk zos tuz lênhv Quân sự tỉnh Đắc Lắc iz hâur ntâu luôs hâux lưv uô paz tsôngv box. Côngz trênhx txơưv tiêk tsi lox, taz sik lok six muôx liv. Đhâu ntơư chiê cxiv kho, chuôz tsar tiês canr bôv, chiến sĩ chor tuz lênhv têx cêr sik thôngx siêz đros tsôngv box ntơưv qơư. Đại tá Trần Văn Sánh, Phưv seiz car chính trị, Bộ tuz lênhv quân sự tỉnh Đắc Lắc heik:

“ Thôngz đhâu hâux lưv cxiv uô cêr, uô ntêx zos paz tsôngv box zôngx ziv muk lok, huôv tsar uô nox uô hnar. Cux thôngz đhâu luôs hâux lưv uô no, ziv cxiv tsa, tuôr truôx, chuôz tsar têx tuz lênhv thiêz tsôngv px têx cêr sik thôngx siêz, lar heik zos tsôngv box hâur thax tsav chor tuz lênhv nhoz uô hâux lưv, thax tsav muôx qơư chiê trâu têx tuz lênhv cơưv shâuv txux chi tsưr ziv uô nuv yuôr trâus, viv li muôx cêr jông muk cê paz tsôngv box huôv tsar uô nox cê zôngx ziv trâu chor tuz lênhv muk lok hâur thax tsav qơư cơưv shâuv tuô fov, shâuv têx hâux lưv phưx vưv têz qơưs”.

Canr bôv, tuz lênhv Quân sự tỉnh Đắc Lắc têx hâux lưv uô tâu, tsưr ziv jông hâur côngz xưv kruôz kriê tsôngv box thiêz têx bộ đội lâuk phường Khánh Xuân, TP Buôn Ma Thuột têx tsưr ziv, đas jos paz ziv uô trâu têx tuz lênhv thiêz tsôngv box muôx cêr thôngx siêz jông đuô./. 

( TTTN-Riê Lâux cxeik, nhênhv) 

Phênhv thưr 3 hnuz 9/8/2016

        Tsôngv pox nhuôs sơưr đơưk hmor yuô! Đros tsưr ziv paz trâu pêx xênhv gra siêz tsơưr lươngv hax huv, tsiv gri thiêz chêx cur uô xênhz yar, gôngr phênhv uô tiêr oz tsưr ziv zov chênhr lok phênhv sâu thiêz chuôz zis pluôs hâur cxiv tsa jêx jok yiêz, hâur têx shông đhâu, cxơưz cxiz uô kôngz Lai Châu tưz sir jos paz trâu pêx xênhv sir zôngv khoa học kỹ thuật uô xênhz yar, hêik pêx xênhv hlôngr yiêz tsoz chos, chuôz cxaz chiv, gôngr phênhv gra siêz phênhv sâu trâu pêx xênhv.

                                             Cxơưz cxiz uô kôngz gôngr phênhv cxiv tsa jêx jok yiêz

       Ntơưv chor xã tox siêz muôx tsar tov zưs đêx li: Mù Sang, Vàng Ma Chải, Ma Ly Chải, Sì Lở Lầu, Mồ Sì San, huyện Phong Thổ, tỉnh Lai Châu, qơư cxơưz cxiz uô kôngz huyện Phong Thổ tưz paz trâu pox nhuôs kriz uô chor tsưr ziv uô xênhz yar chos cxaz chiv tsâus yiêz. Khov sir zôngv kỹ thuật, ntơưv chor qơư kriz uô tsưr ziv chor blêx puôr lênhx hloz lox jông, tax tâu tsơưr lươngv txix 6 puô 2 txos 6 puô 500 cir iz hec ta.

Tix lâus Por Xênhv Hàng, cxơưz cxiz uô kôngz viên xã Mù Sang puz pâuz: Tsưr ziv chos blêx chiv ntux tsâus yiêz shông uô ntêx kriz uô ntơưv xã tưz tax tâu tsơưr lươngv siêz, pox nhuôs lok six shir phaz”.

Đrâuv chos cxaz chiv blêx tsâus yiêz mak chuôz cxaz tsơưr lươngv chor zav tsoz chos cux tâu qơư cxơưz cxiz uô kôngz sir jos kriz uô chos chor nôngz poz cưk NK66, NK3400. Lok sik tsưr ziv chos cxaz nzir tsoz kuôr njuôk ntơưv xã Mường So, chêx cur kinh tế siêz sâu tâu 120 triệu đêiv ntâu iz hec ta. Đuô li tsênhv muôx chor tsưr ziv chos tsoz txir na ntơưv thị trấn Phong Thổ, chos siv txir hồng, lê, txir đuôx ntơưv xã Dào San; chos jâuz chiv tsâux yiêz ntơưv Lản Nhì Thàng thiêz kok zax zưv ntơưv xã Nậm Xe.

Zơưv Pao Xênhv Lý, phưv chủ tịch UBND xã Ma Ly Pho puz pâuz: “Chor tsưr ziv cxơưz cxiz uô kôngz puôr lênhx tâu kriz uô ndar six hơưv txos trâu pêx xênhv, cán bộ cxơưz cxiz uô kôngz puôr lênhx hêik pâuz sêi trâu pêx xênhv, cán bộ cxơưz cxiz uô kôngz uô jông kruôz kriê, pox nhuôs tưz jênhv pâuz tâu kỹ thuật, sir jos tsoz phưz tsoz chos, tsơưr lươngv blêx, poz cưk siêz đuô chor chiv uô ntêx thiêz pêx xênhv li phênhv sâu cux chuôz ndê.

Cán bộ cxơưz cxiz uô kôngz cux muk txos ntuô ntơưv qơư choz zok kỹ thuật yiêz chiê paz gra siêz tsơưr lươngv, chuôz cxaz phênhv sâu trâu pêx xênhv, gôngr phênhv uô tiêr chor tsưr ziv, paz uô sêi đuô tsưr ziv cxaz tsa jêx jok yiêz.

Phênhv “Nôngx mênhx zuôr tsuv pâuz hnuz no zos Đaix TNVN congv đros tsênhv qơư cxiz uô kôngz têz qơưk uô./.

(VOV4-Lik Thox cxêik nhênhv)