Jax sâu hnuz xiêz 9/11/2015
Đắc Lắc: phiv liv hâur tik tênhv tênhz
trâu 37 jêx jok
Jok Xê Đăng, xã Ea Sar, huyện Ea Kar, tâu yênhx lix
txix shông 1992, nhiv no muôx 171 chuôz zis đros xar muôx 450 lênhx nênhs
phênhv ntâu zos pox nhuôs mênhx cxưx Xê Đăng. Txơưv tsuôk nhoz kuôk tsênhv qơư
huyện xar muôx 20 cêik cêr, taz sik txos nhiv no jok cux tsênhv tsuv tơưl tênhz
trox a thiêz ắc quy. Tsik muôx tênhv tênhz, chor chuôz zis tsuv zưs dêx trâu cà
phê thiêz hưx txoz txix mêir nổ viv li tas ntâu nhiêx txiêx, luz nênhx hlôngr
yiêz kênhz. Tix lâus Y Sol, pêx xênhv hâur jok puz pâuz:
Băng: “Jok Xê Đăng nhoz no tưz ntêr lơưv taz sik
tsik tâu muôx tênhv tênhz, mê nhuôs xar cơưv ntơưr cux tsik muôx tênhv. Vav
tiêk chính quyền têz qơưk paz chaz tênhv trâu pêz chiê muôx tênhv tơưl pov cêr
trâu chor mê nhuôs cơưv ntơưr. Zos muôx tênhv mak zuôr mêir gruk đêx lok gruk
zuôr zôngx ziv đuô”.
Nhoz xã Cư Króa, huyện M’Đrắc, vênhv thix tsênhv phiv
liv đuô thâuv muôx txos 4 hâur 9 jok tsik tâu muôx tênhv. Chiê khưx phưx uô
ntêx, iz cxiê chuôz zis tưz chov chir sik côngv nhiêx txiêx chiê chaz tênhv xã
lok zôngv. Taz sik li, hluôk zâuv, ndêx tsik khor, tas ntâu tênhv viv li tênhv
cux tsik txâuk zôngv. Tix lâus Trần Ngọc Xuyên, pêx xênhv jok 4, xã Cư Króa,
puz pâuz:
Băng: “Nhiv no sêiz ti vi thiêz tơưl pov cêr mak
tsik txâuk, pêx xênhv hâur jok vav tiêk têz qơưk zuôr paz chaz tênhv lok trâu
jok zôngv chiê tênhv muôx jos đuô, zuôr tâu cxuô zav lok zôngv. Tsik uô li mak
nhiv no xar uô mor hâur lâux câuz tênhv lok njiê tênhv tá siz hnuz cux bâu tsik
tâu tưz tsik tâu hêik txos mor siêr”.
Lơưr Sở công thương tỉnh Đắc Lắc, nhiv no iz huôv tỉnh
muôx 37 jễ xjok, đros xar muôx 4,000 chuôz zis tsik tâu muôx tênhv. Shông 2011,
tỉnh tưz uô dự án chaz tênhv trâu chor jêx jok no thiêz tưz tâu thủ tướng cir.
Taz sik đhâu co, tiv njiz iz cxiê phiv liv lok pênhr, dự án tưz tsov tso tsês.
Txos thâuv tâu chính phủ thôngx ziv ho tror njiz phiv liv trâu têx muôx yưv
nzir. Zơưv Trương Công Hồng, phưv giám đốc sở công thương tỉnh Đắc Lắc puz
pâuz:
Băng: “Đhâu thâuv uô tâu dự án xa trâu bộ tsưr ziv
yưv pênhr, lơưr hêik chiê cêir chêx tâu trâu 37 luz jêx jok no. Muôx tsar tov
chiê cêir chêx mak tsuv tso trâu tas nro dự án cxuô nhoz tỉnh Đắc Lắc. Viv li
fênhx njiz phiv liv tiv kror no. Bộ tsưr ziv yưv pênhr, Bộ tài chính hêik xêir
cêir chêx tâu dự án 37 luz jêx jok no mak tsuv tso trâu hâur tsaz yênhx dự án
2081”.
Lơưr Thủ tướng chính phủ li cuêz tênhv yiêz tso tơưv
hâur shông no, Đắc Lắc tâu muôz xar muôx 1.500 tỷ đêiv hâur kror 30.000 tỷ đêiv
chiê uô tsưr ziv tênhv tênhz hâur tsaz yênhx tsưr ziv têz qơưk cxiv tsa jêx jok
yiêz. Đắc Lắc muôx tsưr ziv, txos shông 2016 zuôr tsov cưv txos 162 tỷ đêiv
chiê uô tiêr têx dự án tsik tâu tiêr. Xar muôx 4.000 chuôz zis nhoz 37 luz jêx
jok hâur tỉnh vav tiêk tsưr ziv no tâu kriz uô huv six hơưv chiê pox nhuôs muôx
tâu tênhv tênhz tơưl pov cêr hâur six hơưv sêi tiv zix./.
(TTTN-Ly cxêik-nhênhv)
Cxiv cxiv tsa Đangv hnuz xiêz
9/11/2015
Chor nênhs hâur cấp ủy nhoz Lai
Châu-khov vav trâu ntu tov ntêx no
Huyện ntus đriv Mường Tè zos tiv phaz phiv liv tiv zix
iz huôv têz qoưk lok yêiz pluôs thâuv muôx txos 4 mênhx cxưx txov nhêv tiv zix
zos: Cống, Mảng, Si La, La Hủ. six cxiv 2015-2020, tiv phaz li tsưr ziv tso
tơưv zos tuôr chiê jôngr pêv hâur đêx đas, gra siêz phênhv sâu trâu pêx xênhv
thiêz por vêv truôx đrênhk tsưr qênhx ntus đriv têz qơưk, cxuôv yêiz thiv pluôs
truôx đrênhk trâu tsôngv box cxuô mênhx cxưx nhoz tiv phaz. Chiê tax tâu tsưr
ziv no, Đại hội Đảng cxuô cấp nhiv kruôr đhâu, Đảng bộ huyện tsov cuvư tiv zix
txos côngz xưv lênhx nênhs hâur cấp ủy. Zos iz luz huyện pluôs, nhoz đêz, tox
siêz, ntus đriv txov nhêv, côngz xưv lênhx nênhs tưz tâu huyện Mường Tè uô jông
uô, huv đros qênhx shênhx tsênhv tsênhz nhoz tiv phaz. Zơưv Lý Anh Hừ, bí thư
huyện ủy Mường Tè puz pâuz:
Băng: “Têx zoz qơưx cuiz tênhv cxuô thâuv njuôk
xav lênhx nênhs zos tsuv taz por, uô lơưr chỉ thị 36. Taz sik, khov lơưr tsênhv
tsênhz nhoz yênhx thax tsav, tiv zix zos Mường Tè zos tox siêz, mênhx cxưx,
ntus đriv, pêz cux tsuv uô cov huv. Pêz xêir chor nênhs ntâuz ntơưr cơưv tsik
tas, tsik cxix cxuô, taz sik muôx suôz bê, tâu sơưr đơưk njênhs mak chiê nhoz
hâur cấp ủy. Tiv oz zos cán bộ zos mênhx cxưx txov nhêv tiv zix, muôx chôngz
nênhs, taz sik cán bộ nhoz hâur cấp huyện thiêz xã tsơưs”.
Đros thax tsav thành phố Lai Châu-zos tỉnh Lai Châu li
tsênhv qơư hành chính mak hâur chor nênhs tso nhoz cấp ủy, Đảng bộ thành phố
tax tâu yênhx tưv lok têx ntâuz ntơưr, yênhx tưv. Hâur 180 lênhx nênhs nhoz cấp
ủy chor chi, đảng bộ thiêz 37 lênhx nênhs hâur Đảng bộ thành phố khóa 3 tưz tâu
xêir mak chor nênhs zos mênhx cxưx, hluôk nênhs, pox niêv puôr lênhx chuôz ndê.
Chor nênhs hâur cấp ủy tâu uô truôx lơưr ban chấp hành khóa kuz li njuôk xav,
tiv zix zos cán bộ hluôk, tax tâu zoz qơưx, jênhv vưv hâur tas nro khóa mak
Đảng bộ thành phố tso tơưv: Hlôngr yiêz tênhv qơư yưv pênhr, cxiv tsa đô thị
vav mênhx, sir jos uô trâu Lai Châu hlôngr yiêz nhoz tox siêz ntus đriv. Zơưv
Lương Chiến Công, phưv bí thư thường trực thành ủy Lai Châu puz pâuz:
Băng: “Chor nênhs hâur Đảng bộ thành phố mak taz
por lok lênhx nênhs cux xưk li tsơur lươngv chiê tax tâu zoz qơưx, jênhv vưv
hâur six cxiv yiêz. Lok yênhx tưv mak đại học, cao đẳng tsav muôx 34/37 lênhx,
26 lênhx nênhs zos yênhx tưv cử nhân thiêz Trung cấp lý luận chính trị. Chor
nênhs hâur ban chấp hành Đảng bộ thành phố li yênhx tưv tâu gra siêz đuô pir li
six cxiv 2. pêz njênhs tiêk hâur six cxiv yiêz no, ban chấp hành Đảng bộ thành
phố zuôr uô zênhx liv tau têx tsưr ziv tưz tso tơưv”.
Six cxiv 2015-2020, Đảng bộ tỉnh Lai châu tso tơưv
tsưr ziv zos huôv tsar cxuô nro, sêi thiêz truôx, uô trâu tiv phaz zos yênhx
luz tỉnh huôv tsar nhoz tox siêz faz Bắc. Viv li, Chor nênhs nhoz hâur cấp ủy
cxuô câpz tsik so tâu tỉnh Lai Châu tsov cưv txos. Đrâuv uô zos, txâuk ploz
tsênhr lơưr Bộ chính trị li chỉ thị 36 thiêz Ban tsưr tsix trung ươg li kruôz
kriê, tiv phaz tưz sir jos tso chor hluôk nênhs nhoz hâur cấp ủy, chiê muôx tâu
kror yiêz hâur lênhx tov, chox kriê huôv tsar kinh tế-xã hội, taz por côx phax-ngaz
tuk nhoz tiv phaz.
Zơưv Vũ Văn Hoàn, phưv bí thư tỉnh ủy Lai Châu puz
pâuz: Côngz xưv lênhx nênhs Đại hội Đảng cxuô cấp sâuv thax tsav tỉnh Lai Châu
tâu uô truôx jông, huv tsưr ziv. Hâur chor nênhs nhoz cấp ủy tiv phaz mak chor
nênhs zos pox niêv, hluôk nênhs, mênhx cxưx puôr lênhx chuôz ndê pir li six
cxiv uô ntêx;mtiv zix zos chor hluôk nhoz cấp tiv phaz, muôx zuôr xar 32%. Chiê
muôx tâu hlôngr yiêz hâur chor nênhs nhoz cấp ủy, Lai châu tưz uô jông sêiz
shuôk, cxaz nzir cêv kuôk, ntâuk gri cán bộ thiêz yênhx tưv, chính trị cán bộ
uô ntêx thâuv zuôr kriz uô đại hội. Hâux lưv bâux xêir cấp ủy, ban thường vụ,
ủy ban qênhz yuôx thiêz lênhx tov cxuô cấp tâu uô huv li tsưr ziv bâux xêir
hâur Đảng thiêz chor chêx cur bâux huv lơưr njuôk xav:
Băng: “Đhâu Đại hội đảng bộ cxuô cấp nhoz tỉnh,
pêz sâu tâu chênhz zênhv co zos uô jông côngz xưv cêv kuôk cán bộ, tsov cưv
txos cán bộ hluôk, cán bộ pox niêv, mênhx cxưx. Tsuv uô cêv kuôk đros thox
cxov, kruôz kriê nzir, chiê cán bộ muôx tsar tov cơưv shâuv. Sir jos uô tiêr
zuk têx jênhv vưv tâu choz”.
Lai Châu tưz tsưr tsix yênhx côngz Đại hội Đảng cxuô
cấp thiêz paz muôx thênhv hlôngr yiêz lok côngz xưv cán bộ, tiv zix zos chor
cán bộ hluôk, mênhx cxưx thiêz pox niêv nhoz hâur cấp ủy cxuô cấp khóa yiêz. No
tâu sêiz zos kror paz trâu cấp ủy, chính quyền cxuô cấp tỉnh Lai Châu khov vav
trâu lênhx tov, chox kriê uô tâu chor tsưr ziv tưz tso tơưv zos uô trâu tiv
phaz zos luz tỉnh huôv tsar trungz fênhx hâur thax tsav tox siêz faz Bắc trâu
shông 2020./.
(Khắc Kiên-Lycxêik nhênhv)
Viết bình luận