Hêir nênhs Cho Lai Châu li ntênhk thor côngz hmôngr hâur shôngk shông

Đhâu thâuv txir nênhz xeir tâu hnuz nhôngs jông, tas cik sơưr nzor, tsôngv box heir nênhs Cho nhoz cxuô jêx jok hâur xã Sùng Phài, đrôngl Lai Châu tưz siz zâuv tuôx trâu ntơưv jok Sín Chải chiê đros uô ntênhk txi thor côngz hmôngr hâur shôngk shông. No cux zos six hơưv chiê tsôngv box sơưr đơưk tâu siz njiz, siz chuôs, siz thav kriê lok têx tsưr ziv, cêr khưr uô nox hâur shông kuz thiêz xar cov iz shông yiêz sơưr đơưk uô tâu nox tâu hnar, muôx luz nênhx tsâu sor, vav mênhx đuô.

Tix lâus Sìn Cáo Tạ, nhoz jok Sín Chải, xã Sùng Phài heik pâuz, ntênhk txi thor côngz hmôngr hâur shôngk shông zos tsôngv box Cho hâur tix lâus li thax tsav qơư nhoz iz txux chi, vênhx huôv jông thâuv nzor. Cux tsi muôx lênhx tưs pâuz ntênhk hội txi côngv no muôx txix thâuv tưs lok, tsuôk pâuz tiêk iz txix thâuv xênhz zus tâu lok uô nênhx tưz pov chor lâul lơưr lês uô têx ntênhk txi côngv no thiêz tâu uô iz tiêv đhâu iz tiêv, iz cxênhx đhâu iz cxênhx tsi chiê pôngz plox. Tsôngv cưr tix nênhx tsa sơưr đơưk hâur jok lơưr njênhs ntênhk txi côngv no thiêz hâur têx hnuz nor, lênhx tưs cux hnar têx chêr tsôngk yo yiêz, jông chiê tuôx đros côngv, đros thor côngz hmôngr trâu zuk cov iz shông yiêz chuôz zis thiêz côngv thôngx sơưr đơưk tsi muôx moz gênhk, njiz ntâu kror jông hâur luz nênhx: “Hnuz no pêz jok kriz uô ntênhk txi côngv thor côngz hmôngr, cur cux tuôx ntơưv no đros tsôngv cưr tix nênhx tsa sơưr đơưk bax uô têx hâux lưv uz no chiê txi côngv, cur lok shir phaz cơưk. Vav chiê siêz tiêk đhâu txi thor côngz hmôngr tas, tsôngv cưr tix nênhx tsa sơưr đơưk hâur jok zuôr muk khưr uô tâu kôngz lôngk ntâu thiêz cxuô lênhx cxuô tus puôr lênhx njiz txox cêr nox kaz nhoz jông, uô luz nênhx yar ntux đrik”.

Zơưv Tẩn Sìn Sang, Bí thư Chi bộ jok Sín Chải, xã Sùng Phài heik pâuz: Nênhs Cho chei txi thor côngz hmôngr hâur shôngk shông tâu uô lok six zôngx ziv. Têx chuôz zênhx, jâuz mor txi uô zos: Buô, keiz, cxur blâuv…..zos têx chuôz zis sik đros paz tuôx uô. Hok thâuv uô têx chei txi co mak chor pox niêv tsi tâu cxaz chuôz; hur si puôr lênhx zos txir nênhxtas nro, lơưr khênhr xeir têx tus muôx đas jos hâur jok chiê uô xưz. Đhâu uô tiêr ntênhk txi côngv heik sâuv, tsôngv box zuôr xeir iz kro qơư jông chiê krêz luôx mê njik têx đrox tsuôs pir li krêz uô liêx têz hâur shôngk shôngk. Co tâu seiz zos hâux lưv uô xuz thơưx hâur shông yiêz chiê tsôngv box sơưr đơưk qir uô iz chiv kôngz yiêz hâur shông. Đhâu co, tsôngv cưr tix nênhx tsa sơưr đơưk zuôr sik đros nthuôr uô cêr lov jêv. Zơưv Tẩn Sìn Sang, Bí thư chi bộ jok Sín Chải, xã Sùng Phài, TP Lai Châu heik:“Pêz tsôngv box Cho li ntênhk thor côngz hmôngr zos muôx txix thâuv nzor lok lơưv. Shông no pêz uô chiê sơưr đơưk hâur jok tâu siz chuôs njiz uô si lov jêv thiêz thor côngz hmôngr cov cxuô lênhx cxuô tus nhoz khax kha, tsi trâul muôx moz gênhk, lênhx tưs cux muôx đas jos jông đros luôs lưv tus huôv tsar uô nox uô hnar, cxuz cêr yeiz pluôs”.

          Chei txi thor côngz hmôngr hâur shôngk shông zos iz txux chi cêr nênhx vênhx huôv jông, muôx liv tsênhv tsênhz trâu tsôngv box Cho nhoz Lai Châu. Iz chas muôz cêr lov jêv, shir phaz trâu sơưr đơưk, thôngz đhâu ntênhk txi côngv no tsênhv paz tsôngv box muôx cêr sik thôngx siêz, siz chos huôv tsar uô nox uô hnar, khưr uô kôngz lôngk, sâu tâu nju kôngz, tu tsiêx cxu hloz lox trơưk tsưr ziv xar./.

(Khắc Kiên-Riê Lâux cxeik, nhênhv)

Hêir nênhs La Chí nhoz Bắc Hà têx tsôngk trik yo hâur chêix ntux yiêz

Hêir nênhs La Chí nhoz huyện Bắc Hà, tỉnh Laox Cai têx tsôngk trik yo pox niêv, txir nênhx xơưk liêz đơưz, njuôz, xiêr txêix pax jông jav cxôngx nzor, zos hêir nênhs co têx pox niêv vir ndauk xơưk chiê hnar trâu haur têx hnuz hâur shôngk shông yiêz. Tus muôv Nề x Lý nhoz xã Nậm Khánh, huyện Bắc Hà shir phaz lul hêik:“Têx tsôngk trik yo, pax ntâuz no zos xơưk trâu thâuv hli 9 hli 10, zos hâur ntu sâu kôngz lôngk tas chiê bax xơưk cov tâu tiêr uô ntêx tsiêz têz qơưs. Xơưk cov tâu tiêr hêir nênhs La Chí iz chêr tsôngk trik yo, tsuv xơưk tas oz pêz luz hli thiêx xơưk tâu. Taz sik zuk cux tưx xơưk trâu zus tus txir thiêz têx me tuz mê nhuôv” 

Hêir nênhs La Chí têx tsôngk trik yo tsik xơưk txêix ntâu pax; taz sik zos yo txir nênhx tsuv xơưk hnar ntêr txos plaz hlâuz; hnar trik ntêr huv đros, muôz fuôv đuz câur jis tâuz hâu. Pox niêv hnar yo txos ntơưv đuôr, muôx sir siê, muôx sêr, ntông fuôv; hnar trik lok sik hnar tiêz. Taz sik, tsôngv pox niêv vir ndâuk hêir nênhs La Chí têx tsôngk tiêz, tsôngk trik yo co tsuv tas ntâu six hơưv hnuz nhôngs thiêx xơưk tâu iz chêr chox lok hnar. Lar hêik zos thâuv ntok ntâuz thiêz thâuv trâuk gax cov đuz, xơưk cxuô zav pax txêix jông jav. Tus muôv Nề x Vax nhoz xã Nậm Khánh, huyện Bắc Hà hêik pâuz nzir:“Xơưk tsôngv pox niêv, vir ndâuk têx tsôngk tiêz, tsôngk trik yo, zos xơưk tas ntâu six hơưv hnuz nhôngs, viv xơưk ntâu zav pax trâu têx ntiê yo, sêr thiêz thâuv txiêr ntơư tsuv pâuz txiêr thiêx xơưk tâu têx pax txêix jông jav”

Hâur hêir nênhs La Chí têx tsêr tsar lơưx nhoz Bắc Hà, txơưv chuôz zis tưs cux muôx iz kror qơư ntok ntâuz. Chênhr zos li hêik ntơư, hêir nênhs La Chí tsôngv pox niêv vir ndâuk, txix thâuv tsênhv zâu tsuv cơưv shâuv ntok ntâuz, xơưk têx pax ntâuz, xơưk tsôngk tiêz tsôngk trik yo trâu zuk hnar thiêz trâu cxuô lênhx hâur chuôz zis hnar. Zơưv Bùi Văn Vinh, tsar phôngx vênhx huôv huyện Bắc Hà hêik pâuz nzir:“Chiê cxơưz cxiz trâu hêir nênhs La Chí huôv tsar truôx zuk hêir nênhs têx vênhx huôv, txux chi jông cxôngx nzor thiêz yax kriê huôv tsar kriz uô du lix côngv thôngx trâu cxuô luz jêx jos hâur thax tsav cov cxix cxuô hêir nênhs co têx qơư ntok ntâuz cxôngx nzor”

Hâur luz nênhx hlôngr yiêz nhiv no, hêir nênhs La Chí tưz đros côngv thôngx cxuô hêir nênhs sđ siz chos huôv tsar cêr khưr uô nox, muôx luz nênhx truôx tuk, tsâu sor; taz sik cux tsênhv chos têx pax chiê ntok ntâuz, xơưk zuk hêir nênhs têx tsôngk tiêz, tsôngk trik yo, trâuk gax, txêix pax jông jav cxôngx nzor, huv đros zuk hêir nênhs luz nênhx tsik chiê têx txux chi, vênhx huôv jông trâus pôngz plox./.

                         Tsu cxêik nhênhv-An Kiên-VOV Tây Bắc