Tuôr truôx suôz bê têx xiv huv jông nhoz thax tsav tsôngv box heir nênhs tsơưs thiêz tox siêz

Thâuv ntêx, zav nox tơưr buô muôz jov uô grêix kâuz nhoz huyện Như Thnha, tỉnh Thanh Hóa phênhv ntâu zos iz cxiê qơư uô jâuz mor nox hâur thax tsav huyện phưx vưv kruô nox hâuk. Txix thâuv tâu côngk nhav zos zav nox kaz, muôx suôz bê to, zav nox co tưz tâu sơưr đơưk hâur ciêz đrôngs nhiêv thiêz đas cir zuôr txos ntâu. Chiê uô tâu zav nox heik sâuv, tsôngv box nhoz no tưz xeir chor buô njuôz, buô nox jâuz, grêix kaz, tsư ha….hâur thax tsav tox siêz lok uô. Chor grêix zos xeir zuôr têx grêix xuz pưs, grêix 2 saz njas lok cxôngr nhiêk, jov uô. Têx li heik co cux paz tsôngv box heir nênhs tsơưs tu zus chor buô no tâu ntâu đuô thiêz ziv hnuz ziv huôv tsar, muôx ntâu tus chôngz lênhx zus. Đros thiêz paz buô njuôz, buô nox jâuz muôx nhos 100 tus, pos Nguyễn Thị Quy, nhoz xã Phượng Nghi chuôz zis txix iz chuôz zis pluôs tưz muôx phênhv sâu tâu truôx tuk, iz shông zuôr xar 200 tsov đeiv. Pos Nguyễn Thị Quy heik pâuz: “Niêx shông cux muôx qơư sâu zuôr, cur muôs tâu đuô viv li cux tu zus ntâu”.

Hâur ntâu xiv huv jông thiêz kaz tâu côngk nhav OCOP hâur ciêz đrôngs, lênhx tsiv uô, têx doanh nghiệp tsuv sir jos hlôngr yiêz, gra siêz tsơưr lươngv xiv huv. Uô tâu li ntơư, têx xiv huv kaz thiêz hur jông nhoz thax tsav tsôngv box heir nênhs tsơưs li muôx qơư sơưr truôx hâur ciêz đrôngs, ntâu tus chôngz lênhx nhiêv zuôr txos. Pos Phạm Hồng Hà, HTX kôngz nuv Nậm Lửu, huyện Trạm Tấu, tỉnh Yên Bái heik pâuz: “Thâuv ntêx pêz chos lok six tsơưs, iz qơư iz kro mê njik xưz, taz sik nhiv no phênhv ntâu pêz uô têx xiv huv hur jông OCOP, sâu tâu tax 200%. Cur hâux lưv zuôr muôs têx xiv huv nhiv no tsênhv muôs trâu chor công ty lok sik têx qơư uô zav nox hur đrav Hà Nội, lơưr lok six nhiêv pêz têx huv tox siêz”.

Ntơưv tỉnh Lâm Đồng, tsôngv box heir nênhs tsơưs cux tsênhv huôv tsar uô tâu ntâu zav xiv huv jông, muôs trâu luôs 2 chas thax tsav đrâuv. Đơn Dương zos iz hâur têx huyện hâur tỉnh Lâm Đồng muôx ntâu liêx têz chos jâuz tâuv muôs. Khov uô lơưr têx tsưr ziv uô nox yiêz, ntâu xiv huv kôngz nuv hâur huyện tưz tâu côngk nhav zos xiv huv hur jông, uô tâu trơưk cui tinhv VietGAP cux iz zav li lo chiv ntơưr xiv huv muôx suôz bê to. Txơưv tsuv uô tâu trơưk li tsôngv kruô tsưr ziv, siêz xar, taz sik, no chênhr zos ntơưr côngk nhav trâu têx xiv huv li suôz bê, tsơưr lươngv. Zơưv Nguyễn Đình Tịnh, Phưv Chủ tịch Ủy ban huyện Đơn Dương, tỉnh Lâm Đồng heik pâuz: “Txix shông 2019 txos nhiv no, xav hur si têz qơưk pênhr yưv uô muôx 17 tyv đeiv, pêx xênhv têx pênhr sik đros gôngr paz, kêr txeik uz no muôx 20 tyv đeiv ntâu, uô ntâu côngz trênhx jông phưx vưv tsôngv pêx xênhv uô kôngz, huôv tsar cêr uô nox”.

Tsi so xar tsưr ziv tsiv uô têx xiv huv jông, uô lơưr cêr uô nox yiêz nhoz thax tsav tsôngv box heir nênhs tsơưs thâuv tưs tưz uô tâu jông. Trơưk li chor nênhs nhênhz chơưv, xar cov uô tâu jông, muôx suôz bê to mak tsôngv box heir nênhs tsơưs nhoz tox siêz li têx xiv huv cux tsuv uô tâu trơưk cui tinhv, truôx tuk, muôx tsơưr lươngv, huv đros trâu lênhx nênhs sir zôngv……/.

(VOV4-Riê Lâux cxeik, nhênhv)