Khơưk tsês hêir nênhs tsơưs  têx lul heik-zos sơưr đơưk li hâux lưv

Trơưk li Bộ Vênhx huôv-Thêv thao thiêz ju lix heik pâuz, txos nhiv no, tưz muôx 51 thư viện cấp tỉnh, 541 thư viện cấp huyện thiêz zuôr xar 2.200 thư viện cấp xã hâur cxuô thax tsav qơư muôx tsôngv box heir nênhs tsơưs uô nênhx nhoz, nhiv no muôx têx ntơưr 2 zav lul heik zos lul heir nênhs tsơưs thiêz lul Choz Tsiz. Lar heik, ntâu thư viện tưz sir jos uô luôs hâux lưv cxiv sâu, por hưv tsês lul heir nênhs tsơưs cov truôx thiêz ntêr li: Thư viện tỉnh Yên Bái tưz uô 100% têx ntơưr txix lul heir nênhs tsơưs; Thư viện tỉnh Sơn La muôx iz cxênhz ntâu fâu ntơưr lul Poz Ziz; cxiv sâu, kho đuô 23 cxênhz têx ntơưr txix lul heir nênhs tsơưs; Thư viện nhoz têx tsêr mnov Khmer muôx ntơưr lul heir nênhs tsơưs phưx vưv tsôngv box Khmer têx tỉnh, thành faz Nam.

Nhiv no, nhoz cxuô thax tsav qơư, ntâu heir nênhs tsơưs têx lul heik thiêz ntơưr sâu txơưv tâu côngk nhav, taz sik tsênhv tsơưs, nênhs heir nênhs tsơưs tsi yuô tâu buôk ti txos chiê seiz thiêz cơưv. Chênhr viv li, por hưv, tuôr tsês chiê cxuô heir nênhs tsơưs têx lul heik, ntơưr sâu zos sơưr đơưk hâux lưv, tsuv muôx tas nro xã hội sik đros por hưv tsês tsi chiê pôngz plox. Chênhr zos li heik co, hâur ntu đhâu, ntâu thax tsav qơư tưz muôx têx tsưr ziv uô jông. Lar heik iz zav li tỉnh Khánh Hòa krêz lớp cơưv nênhs Rắc Lây li lul heik, ntơưr sâu trâu canr bôv, công chức, viên chức; tỉnh Phú Thọ por hưv tsês tsôngv box heir nênhs tsơưs li lul heik, ntơưr sâu thôngz đhâu yax kriê tsôngv box têx jax gâux, cưr cxiêx, txux chi uô si lov jêv; lok sik tỉnh Ninh Thuận nhênhz chơưv, cxiv sâu ntơưr Chăm……

Niêv lâul Bhling Thị Tuyền, nhoz xã Cà Dy, huyện Nam Giang (tỉnh Quảng Nam) zos heir nênhs Cơ Tu tưz muôx jiês cxaz chuôz lớp cơưv têx lul heik, ntơưr sâu heir nênhs tsơưs khav tinhv, ntơưv têx khóa cơưv, chor nênhs cơưv tâu têx lênhx nhênhz chơưv, seiz car thiêz txơưx sênhr chêr, đhiê uô si lov jêv kriê lok zuk heir nênhs têx lul heik, ntơưr sâu. Uô li co muôx liv lok six jông thiêz tsênhv tsênhz trâu tsôngv box: “Cxaz chuôz lớp cơưv, cur lok six jông siêz thiêz shir phaz. No zos jiês xuz thơưx cur tâu cơưv lok por hưv zuk heir nênhs Cơ Tu li lul heik, ntơưr sâu. Cux iz zav li phênhv ntâu tsôngv box hâur xã Cà Dy, cur pâuz lul heik xưz, tsi pâuz ntơưr sâu. Vav chiê siêz, no zuôr zos six hơưv chiê cur nriêr pâuz thiêz cơưv shâuv tâu ntâu đuô lok zuk heir nênhs têx ntơưr sâu thiêz heir nênhs tsơưs li txux chi vênhx huôv heik cxuô”.

Đros trâu co, Bộ zoz zux cux tưz muôx ntâu faz tsưr ziv chiê krêz lớp cơưv, gra siêz tsơưr lươngv kriê lul heir nênhs tsơưs hâur têx tsêr cơưv. Nhiv no tas nro têz qơưk muôx 6 heir nênhs tsơưs têx lul heik tsênhv tâu kriê hâur tsêr cơưv, co zos: Lul Hmôngz, lul Ê đê, Ja-rai, Ba Na, Chăm thiêz Khmer ntơưv 21 tỉnh, thành phố nhoz T.Ư. Niêx shông, muôx nhos 600 tsêr cơưv đros thiêz 4.500 lớp cơưv, 110 cxênhz ntâu lênhx shux xênhz tâu cơưv lul heir nênhs tsơưs. Lar heik, têz qơưk tsaz yênhx qơư tsov txos lok huôv tsar kinh tế-xã hội thax tsav tsôngv box heir nênhs tsơưs thiêz tox siêz ntu 2021-2030 zuôr muôx nzir pênhr jos paz por hưv tsês cxuô heir nênhs tsơưs têx lul heik, ntơưr sâu tsi chiê pôngz plox.

Trơưk li zơưv Trần Mạnh Hùng, Phưv Vụ trưởng Vụ Vênhx huôv mênhx cxưx (Bộ Vênhx huôv Thêv thao thiêz ju lix), nhiv no, cxuô thax tsav qơư hâur tas nro têz qơưk tưz krêz ntâu khóa cơưv lok sâuv por hưv tsês têx lul heik, ntơưr sâu trâu tsôngv box heir nênhs tsơưs, hâur co muôx chor lâul jok, tsar jok cux iz zav li têx lênhx txir ndâux txir luk hâur côngv thôngx. Têx lớp cơưv co tsi tiêk jông chiê gra siêz cxuô cấp hâu nov ntơưv qơư thiêz pêx xênhv li tsưr ziv jênhv pâuz lok cxuô heir nênhs têx txux chi vênhx huôv jông thâuv nzor, tsênhv chiê phưx vưv luz nênhx hâur niêx hnuz, paz huôv tsar kinh tế, xã hội ntơưv qơư: “Tsưr tsix têx lớp cơưv shâuv li co zos cxuô thax tsav muôx tsôngv box heir nênhs tsơưs uô nênhx nhoz đros por hưv tsês têx txux chi vênhx huôv thâuv nzor hâur tas nro têz qơưk. Vụ Vênhx huôv mênhx cxưx vav chiê siêz, no zuôr zos qơư jông chiê T.Ư thiêz ntơưv qơư sik hux jos đros por hưv tsês chiê cxuô heir nênhs têx txux chi vênhx huôv jông”.

Li ntơư, txix têx sir jos hâur ngênhx vênhx huôv tưz muôz jông six hơưv chiê cxuô heir nênhs tsơưs têx lul heik, ntơưr sâu tâu sir zôngv ntâu đuô hâur luz nênhx xã hội, paz uô lơưr T.Ư 5 khóa 8 li Nghị quyết lok cxiv tsa thiêz huôv tsar ngênhx vênhx huôv Việt Nam ziv hnuz ziv muôx ntâu tsar zav txux chi jông./.

(VOV4-Riê Lâux cxeik, nhênhv)