Noz siêz kriê cxaz txux chi tsưr ziv trâu têx lênhx canr bôv heir nênhs tsơưs, chiê lês uô tâu jông têx hâux lưv zok muôz txix ciês ntơưv qơư

Trơưk li zơưv Lê Anh Đức, Phưv Giám đốc Sở Nội vụ tỉnh Lào Cai, Đại hội Đảng bộ tỉnh Lào Cai jiês tiv iz, six cxiv 2025-2030 nhiv kruôr đhâu tưz thôngz đhâu nghị quyết lok têx tsưr ziv, hâux lưv hâur six cxiv zuôr txos; hâur co muôx chox kriê lok cxiv tsa hâu nov cxuô cấp thiêz têx lênhx canr bôv, đảng viên, co zos: “Cxiv tsa hâu nov uô tâu hâux lưv jông viv tsôngv lax pêx xênhv, cxênhx txuôs; cxiv tsa canr bôv, công chức muôx txux chi, lês uô tâu truôx cxuô luôs hâux lưv viv pêx xênhv sơưr đơưk” Nghị quyết cux tưz xav tinhv tỉnh iz hâur 3 hâux lưv zov chênhr hâur ntu zuôr txos, co zos: Huôv tsar pênhr jos tsơưr lươngv siêz, sir jos hu zâuv thiêz moz siêz txos chor nênhs muôx txux chi, tsưr ziv jông, txơưx njê. Sir jos hlôngr yiêz côngz xưv canr bôv, cxiv tsa canr bôv hâu nov cxuô cấp, canr bôv xã muôx txux chi, tsưr ziv lês uô tâu jông cxuô cêr nuv.

Iz chas ntơư, xav tinhv iz hâur 5 hâux lưv zov chênhr zos: Cxiv tsa têx lênhx canr bôv, lar heik zos canr bôv hâu nov seiz car cxuô cấp, lênhx nênhs sơưr thơưx muôx txux chi, tsưr ziv jông, uô ntêx nyuôs hâur cxuô luôs hâux lưv, moz siêz lês uô jông têx hâux lưv zok muôz viv tsôngv lax pêx xênhv; tsov cưv canr bôv hluôk, canr bôv pox niêv, canr bôv zos heir nênhs tsơưs.

“Pêz zuôr sir jos trâu iz cxiê tsưr ziv, hâux lưv zov chênhr li: Sir jos qênhz shuôs, cxiv kho, cxaz nzir, lês uô jông têx hâux lưv trơưk cui tinhv lok côngz xưv canr bôv chiê taz por thôngx ziv, huv đros hâur fuô uô. Tiv 2 zos, gra siêz tsơưr lươngv luôs hâux lưv njuôk hov, xeir zuôr nênhs uô hâux lưv thiêz sir zôngv canr bôv, taz por jênh tsuv, côngz fênhx, tsênhz mênhx”.

Cux lơưr zơưv Lê Anh Đức, Phưv Giám đốc Sở Nội vụ tỉnh Lào Cai, tỉnh cux zuôr sir jos hlôngr yiêz luôs hâux lưv kriê cxaz têx txux chi, tsưr ziv yuôr trâus trâu canr bôv, công chức, viên chức, reik đros tsênhv tsênhz; moz siêz txos pênhr xưv, txux chi seiz car; gra siêz têx luôs hâux lưv, lar heik zos canr bôv hluôk, tsưr ziv hlôngr yiêz sôr hâur lês car, uô têx hâux lưv têz qơưk. Tiv zix moz siêz txos tsi so hlôngr qơư uô hâux lưv trâu canr bôv, txix thax tsav no trâu thax tsav tov, txix cơ quan Đảng, hâu nov, Mặt trận Tổ quốc thiêz têx đoanx thêv. Lar heik, sir jos uô jông lơưr têx cui tinhv, lênhx nênhs sơưr thơưx uô ntêx nyuôs hâur cxuô luôs hâux lưv, taz por têx lênhx canr bôv zos chor nênhs uô ntêx nyuôs, moz siêz lês uô jông cxuô cêr nuv zok muôz viv tsôngv lax pêx xênhv, lar heik zos ntơưv qơư, thax tsav buôk ti nhoz jê đros pêx xênhv.

“Chiê uô tâu têx hâux lưv tso tơưv, Nghị quyết Đại hội Đảng bộ tỉnh Lào Cai jiês tiv iz, six cxiv 2025-2030 tưz tso tơưv hâur côngz xưv cxiv tsa hâu nov cxuô cấp thiêz canr bôv, đảng viên, pêz xav tinhv co tsi tiêk zos ngênhx nội vụ hâux lưv, zos tas nro cxix luôs chính trị li, hâur no muôx têx lênhx sơưr thơưx cấp ủy, hâu nov cxuô cấp, tsuv tsênhv tsênhv zos chor uô ntêx nyuôs hâur cxuô luôs hâux lưv”.

Đros thiêz tsôngv pêx xênhv heir nênhs tsơưs ntơưv tỉnh Lào Cai nhiv no tsav 66% ntâu jênh sôr hâur tas nro tỉnh. Chênhr viv li, huôv tsar canr bôv zos heir nênhs tsơưs tâu xav tinhv zos hâux lưv zov chênhr, tsuv fuô uô ntêr thiêz muôx liv jông trâu cxiv kho cxix luôs chính trị ntơưv qơư, taz por truôx trâu huôv tsar thax tsav tox siêz, ntus đriv. Zơưv Lê Anh Đức heik pâuz:

“Muôx têx khav tinhv, đros thiêz sir jos, fuô uô jông, huv đros tox siêz ntus đriv, chor canr bôv cxuô cấp, lar heik zos canr bôv heir nênhs tsơưs zuôr yênhx têx lênhx uô ntêx nyuôs, paz uô tiêr tâu jông hâux lưv “Cxiv tsa tỉnh Lào Cai yênhx thax tsav huôv tsar, tsênhv qơư zuôr muôs têx hax huv muk lol đhâu trâu 2 chas têz qơưk đrâuv, huôv tsar truôx jông”, tsiv nhos zos qơư chi cax hâur thax tsav Tây Bắc”.

Moz siêz kriê cxaz têx txux chi, tsưr ziv uô hâux lưv trâu canr bôv heir nênhs tsơưs, chiê lês uô tâu têx hâux lưv zok muôz txix ciês ntơưv qơư zos qơư chuôz jos, cxơưz paz thax tsav tox siêz, thax tsav tsôngv box heir nênhs tsơưs sir jos huôv tsar, hlôngr yiêz hâur ntu zuôr txos./.

Đinh Tuấn-Riê Lâux cxeik, nhênhv

Đại hội Đảng tas nro têz qơưk jiês tiv 14 li pưs txux

Đại hội Đảng tas nro têz qơưk jiês tiv 14 muôx liv lok six zov chênhr, tâu ntâuk grê zos iz xor xưv jông trâu têz qơưk, cxơưz têz qơưk huôv tsar hâur ntu 2026-2031 thiêz têx shông txuôk lơưr co. Đrav kaz no zos Đại hội têx zov chênhr:

Quyết định tsưr ziv, cêr huôv tsar

Hlôngr suôz: Tsưr ziv huôv tsar: Đại hội zuôr seiz lax thiêz quyết định têx hâux lưv, tsưr ziv zov chênhr trâu ntu zuôr txos, txix têx ntâuz ntơưr tâu bax jông thiêz cxix cxuô.

Hâur ntu hlôngr yiêz thiêz huôv tsar: Têx ntâuz ntơưr tâu cxiv uô hlôngr yiêz chiê krêz hâu cêr trâu têz qơưk hlôngr yiêz thiêz huôv tsar.

Ntâuk grê thiêz tso tơưv tsưr ziv, hâux lưv trâu ntu zuôr txos

Hlôngr suôz: Ntâuk grê tsênhv tsênhz: Đại hội zuôr ntâuk grê tas nro têx luôs hâux uô tâu thiêz têx uô tsi tâu tsi tiêr hâur uô trơưk Đảng Nghị quyết Đại hội 13.

Tso tơưv hâux lưv: Txix têx ntâuk grê, Đại hội zuôr xav tinhv tsưr ziv, hâux lưv tsênhv tsênhz trâu ntu 2026-2031.

Uô tiêr luôs hâux lưv xeir zuôr lênhx nênhs

Hlôngr suôz: Ban chấp hành T.Ư: Đại hội zuôr bâux xeir BCH T.Ư khóa 14, Đảng cơ quan chox car lox yax hâur 2 six cxiv Đại hội.

Taz por uô trơưk têx jông thiêz huôv tsar: Luôs hâux lưv bâux xeir lênhx nênhs ntơưv Đại hội zuôr taz por xeir zuôr tâu lênhx txơưx njê, muôx txux chi, lês uô tâu jông têx hâux lưv zok muôz đros thiêz ntâu lênhx canr bôv hluôk.

Cxiv kho truôx cêr sik thôngx siêz tas nro sơưr đơưk

Hlôngr suôz: Thôngx ziv lok tsưr ziv thiêz hâux lưv uô: Đại hội zos six hơưv chiê thôngx ziv tsưr ziv, siêz xar hâur tas nro Đảng thiêz tas nro tsôngv lax pêx xênhv, muôx cêr thôngx ziv jông hâur xã hội.

Uô tas Đảng têx txux chi, tsưr ziv jông: Têx ntâuz ntơưr tâu gôngr ziv chênhv txix ntâu lênhx chôngz tus pêx xênhv, uô jênh tsuv thiêz muôx sơưr đơưk cêr jông siêz, thôngx ziv.

Têx ntâuz ntơưr Đại hội tâu cxuô lênhx cxuô tus pâuz txos, jông siêz, thôngx ziv đros chiê uô tâu truôx têx hâux lưv tưz tso tơưv.

Kho, cxiv tsa Đảng thiêz cxix luôs chính trị

Hlôngr suôz: Gra siêz txux chi, pênhr xưv chox car: Đại hội zos six hơưv chiê gra siêz Đảng txux chi, pênhr xưv chox carthiêz lês uô cxuô luôs hâux lưv, taz por Đảng thâuv tưs tưz tsiv nhos zos cơ quan lox yax chox car têz qơưk.

Uô tiêr Điều lệ Đảng: Đại hội muôx têx seiz lax thiêz cxiv kho đuô têx hâux lưv zov chênhr hâur Điều lệ Đảng, chiê huv đros zoz qơưx hâur ntu têz qơưk hlôngr yiêz thiêz huôv tsar.

Cxơưz tiês luôs hâux lưv phax tar uô tuôr xuôv nhiêx txiêx: Hâux lưv cxiv tsa, kho đuô Đảng thiêz cxix luôs chính trị zuôr tâu sir jos fuô uô, hâur co muôx sir jos phax tir thêir uô tuôr xuôv nhiêx txiêx têz qơưk./.

Bích Thủy-Riê Lâux cxeik, nhênhv