Jok Kim-Chor nênhs muk uô ntêx têx pov thiêz pâuz tâu

Iz hlik đhâu đêx nas uô ruôr hiêv, têx ar gok nhav jơưk cêr muk trâu jok Kim, xã Bát Xát, tỉnh Lào Cai-suôv qơư tsôngv box Giáy uô nênhx nhoz cux tsi tâu tâu kruôr. Đêx nas muk đhâu, têx đras liêx kror tưs cux trâus ar, poz jêz cxuz, cuôr yôngz tas, uô muôx tsi pâuz pêk tsơưs têx phiv liv, cêr cxơưx trâu tsôngv pêx xênhv. Taz sik, nhiv no thax tsav trâus uô ruôr hiêv hnhar co tưz thiêz tsênhv jux juk hlôngr yiêz.

Nhoz đras liêx jok Kim, sâuv thax ar đar 6 cxênhz ntâu xưv phaz, Vùi A Lùi, tsar Ban côngz xưv mặt trận jok chuôs li tsi muôx iz hnuz tâu so hlo. Thâuv têx jêk liêx nhoz jê iz ndis cux tsênhv trâus ar, poz jêz cxuz mak tix lâus chuôz zis chor jâuz tưz hloz lox jông njuôz xiêz.

“Nhiv no six nhoz tok têz qơưk xưz mak tsi tâu nox. Đhâu thâuv đêx nas grik tas, zuk cux cxiv kho têx tsi jông, trâus puôk tsuôx thiêz, tsuôk muôx iz ciêz xưz, chuôz zis tưz zuôr tror muôx jâuz muôs lơưv”.

Hâur 8 shông lok no, txix tu zus tưv zuôr qir vâuv tsês, chos jâuz, hlêis đê têx jâuz lâul, đaz tuôs puz njêl, zus buô, tix lâus Lùi tưz huôv tsar uô nox tâu truôx tuk. Têx tsưr ziv, cêr moz siêz gruôs khưr ntơư tưz zos tix lâus cơưv shâuv tâu txix têx hnuz nhôngs muk uô tuz lênhv nhoz Zênhx Pênhz phax Pha Long lok, thâuv pov chor txir nzơưv, tix lâus đros nhoz, uô hâux lưv uô cê hâur taz viv chos tâu jâuz krưr tsi trơưk cheix hâur têx ar têz tsi jông, kruôr gis ntơư.

“Cur tưz xar tiêk, thâuv tror lok hâur qơư nhoz cur zuôr lok uô siv, chos jâuz hur, fmông qir tsiêx cxu trâu, jâuz hloz lox mok, nox kaz, thâux muk muôs, lênhx tưs cux siz txênhz zuôr”.

Txix ntơư, tsôngv niêv txir cưr tix nênhx tsa hâur jok seiz pov tix lâus uô tâu, lơưr cux cơưv shâuv thiêz uô trơưk. 2, 3 shông lok no, tas nro jok Kim tsi yuôr chuôz zis tưs tso ar têz khôngz, lênhx tưs tưz huôv tsar uô chiv kôngz ntux tsâus.

Zos tix lâus Lùi huôv tsar uô tâu jâuz tâuv hloz lox jông, mak Bí thư Chi bộ Hù Văn Vàng ho huôv tsar uô nox lơưr lưv faz tsưr ziv txơưr đuô. Tix lâus seiz njiê pov, zos tiz nênhs zôngv đas  jos, muôx nhux tưv paz cux cxiv kho, uô hlôngr tsi tâu têx ar liêx têz tơưr, kruôr gis đhâu đêx nas uô ruôr hiêv.

“Tsi muôx meir paz thoz huk, kho têx liêx têz trâus puôk tsuôx tiv đêx nas uô mak tsôngv pêx xênhv cux tsuôk pâuz seiz njiê đrox tuôx xưz, uô tsi tâu đaz tsi. Taz sik nhiv no tsuôk 1, 2 luz meir li no muôx têx thoz huk, khơưz tâu 20-30 ha. Têx kror hnhar zuk tưz paz uô tas, tsôngv niêv txir cưr tix nênhx tsa tsuôk tsêz nôngz, uô zuz thiêz tu lơưv xưz, cux nhoz khênhr đuô lok six ntâu”.

Luz meir paz phưx vưv uô kôngz zos tix lâus Vàng yưv pênhr zuôr tưz paz zov chênhr trâu têx chuôz zis hâur thax tsav uô tâu chiv kôngz ntux tsâus đhâu đêx nas uô ruôr hiêv. Lênhx Bí thư chi bộ jok hâux lưv uô heik sâuv tsi tiêk paz đơưk iz phênhv têx phiv liv, tsênhv cxơưz cxiz tas nro côngv thôngx sir jos huôv tsar uô nox, tsi tok txos têz qơưk paz. Hâur ntu zuôr txos, tix lâus Vàng tsênhv xar tsưr ziv, zuôr yưv pênhr zuôr nzir meir yiêz thiêz lox đuô chiê phưx vưv tsôngv niêv txir lax pêx xênhv sơưr đơưk nhoz jê iz ndis hur si.

Huôv tsar uô nox, têx hâux lưv huv đros zos zov chênhr trâu huôv tsar nhoz thax tsav khênhr trâus ntux uô ruôr hiêv. Thiêz ntơưv tsar jok Lý A Sìn chuôz zis, tsênhv huôv tsar uô luôs hâux lưv tu zus yênhx vạn tus kar grêix hloz lox jông, no zos tsưr ziv, hâu cêr uô nox yiêz.

“Chor kar no lok six muôx grik, chuôz zis tsênhv muôs 80 cxênhz đeiv iz cir, tâu gri đuô 2 bâus pir li njêl rô phi. Xuz thơưx tưz huôv tsar uô tâu lơưv, lưv shông cur njuôk xav zuôr krêz uô qơư đar đuô chiê cov vav ntâu đuô no thiêz, muôs trâu têx chuôz zis xar zuôr zus thiêz nox”.

Txix uô nôngz txos trâu njuôk xav huôv tsar tu zus ntâu chiê muôs ntơưv qơư trâu tsôngv cưr tix nênhx tsa sơưr đơưk, tsar jok Lý A Sìn tsênhv huôv tsar uô tâu truôx jông. Tix lâus tsi tiêk uô trâu zuk, tsênhv kriê tsưr ziv, krêz iz hâu cêr uô nox truôx trâu tas nro côngv thôngx.

Txix têx li heik sâuv tso pov, jok Kim jux juk hlôngr yiêz, vav mênhx zos khov chor canr bôv, đảng viên uô ntêx nyuôs hâur cxuô luôs hâux lưv. Pos Ngô Thị Kim Hoa, canr bôv Tsênhv qơư dịch vụ kôngz nuv thax tsav Bát Xát, heik pâuz li no:

“Đros trâu jok Quang, jok Pẳn, no zos iz hâur têx jok tsôngv pêx xênhv sir jos uô lơưr têx tsưr ziv uô nox yiêz. Tas nro puôr lênhx zos viv luz nênhx, muôx phênhv sâu tâu ntâu. Thâuv sơưr đơưk luz nênhx vav mênhx, hlôngr yiêz , cxuô zav zuôr jux juk truôx tuk thiêz jông đuô”.

“Đảng viên uô ntêx, tsôngv lax pêx xênhv uô trơưk”. Lâul Hôx tsưr ziv kriê ntơư nhiv no cux tsênhv nhoz đreiv sơưr  đơưk đruôz siêz tsi plox. Txix tix lâus Lùi huôv tsar uô jâuz, tix lâus Vàng zuôr meir lêix têz paz phưx vưv sơưr đơưk txos trâu tix lâus Sìn huôv tsar tu zus kar puôr lênhx zos xar tsưr ziv, krêz hâu cêr uô nox trâu tsôngv niêv txir cưr tix nênhx tsa cơưv shâuv, uô trơưk cov sơưr đơưk sik đros muôx luz nênhx tsâu sor, vav mênhx. Têx lênhx đảng viê nênhs Giáy nhoz thax tsav trâus đêx nas uô ruôr hiêv uô ntêx nyuôs hâur cxuô luôs hâux lưv tsênhv zos tsov iêr chi cax, zos qơư khov truôx, chuôz jos chiê tas nro tsôngv niêv txir lax pêx xênhv hâur jok sir jos hla đhâu phiv liv, cêr txov./.

An Kiên-Riê Lâux cxeik, nhênhv

Canr bôv, đảng viên tỉnh Sơn La sêiz lax lok dưv thảo Văn kiện muôz trâu Đại hôiv đại biểu Đảng tas nro têz qơưk jiês tiv 14: Tror paz trâu thax tsav nhoz đêz tox siêz, thax tsav jêx jok, thax tsav tsôngv box mênhx cxưx tsơưs nênhs

Pos Hoàng Thị Đôi, Phưv Trưởng đoàn chuyên trách Đoàn đại biểu Côx hôiv tỉnh hêik cxaz nzir ntâuk gri lok lox tôngv, hâux lưv uô ntơưv thax tsav tox siêz thiêz jêx jok, qơư tsơưr lươngv pênhr jos tsênhv kik, tsik muôx ntâu hâux lưv uô đrâuv kôngz nuv, chor lox tôngv tsik muôx hâux lưv uô chênhr chôngz. Hâur Văn kiện tsuv muôx tsưr ziv tsênhv tsênhz huôv tsar hâux lưv uô, đros trâu kriê txux chi uô hâux lưv cov huv đros tsênhv tsênhz, paz txo grêk yêiz pluôs truôx đrênhk thiêz uô cov grêiv jux juk sik cêv kuôk nhoz cxuô thax tsav. Lok dưv thảo Tsaz yênhx huôx tôngv uô lơưr Nghị quyết Đại hôiv Đảng 14, đại biểu Hoàng Thị Đôi hêik tsuv kho đuô kror luk hêik “canr bôv mênhx cxưx” yênhx “canr bôv zos mênhx cxưx tsơưs nênhs” chiê xav jênhv huv zos chor nênhs tsuv tâu paz lơưr tsênhv chêi. Đros co hêik cov cxaz nzir huiz tôngv pênhr jos huôv tsar tênhv hạt nhân, tênhv chuô, tênhv yar ntux ntơưv têx tỉnh tox siêz, chiê paz ngaz tuk jông năng lượng, paz thơưz huôv tsar truôx thiêz sir zôngv cov tâu jông cxuô kror ntơưv têx thax tsav txov nhêv. Hêik cov muôz ntu cêr muk chênhr Sơn La-Yên Bái tso trâu hâur bê ntơưr dưv anr zov chênhr têz qơưk, sêiz no zos côngz trinhx zov chênhr paz siz txuôk thax tsav Tây Bắc đros txox cêr muk chênhr Nội Bài-Lào Cai, paz thơưz zuôr muôs têx kôngz nuv, huôv tsar du lịch, uô truôx jông côx phax-ngaz tuk thiêz phax tar tâu jông ntux têz uô ruôr hiêv.

Canr bôv, đảng viên nhoz tỉnh Sơn La cux hêik vav tiêk Đảng, Têz qơưk zuôr tror muôx têx tsênhv chêi jông thiêz hênhr đuô paz thơưz thox cxiv, kriê txix krie trâu canr bôv ntơưv thax tsav qơư, canr bôv hluôk, canr bôv zos mênhx cxưx tsơưs nênhs.

Chủ tịch Ủy ban xar Muổi Nội (Sơn La) Hoàng Quốc Việt hêik uô tsênhz mênhx qir tiv têx phiv liv li kênhz hlôngr yiêz hành chính, yưv pênhr côngz tsik tâu uô jông, tênhv qơư yưv pênhr tsik tâu huv đros; tsưr ziv, luôs hâux lưv huôv tsar têz qơưk tsuv cxaz nzir “Muôz pêx zênhv uô tsênhv njiêz, zos kror chênhr, kror paz trâu huôv tsar”… Zơưv Hoàng Quốc Việt hêik tror sir jos thox cxov, kriê txux chi trâu canr bôv ntơưv thax tsav qơư, tiv zix zos canr bôv hluôk, canr bôv zos mênhx cxưx tsơưs nênhs; muôx tsưr ziv tsênhv tsênhz đuô chiê kriz uô tâu đêz đar, truôx jông Bôv Chinhr triv li Nghị quyết sôr 57 hnuz 22/12/2024 lok huôv tsar khoa học, công nghệ, hlôngr yiêz xar tơưv thiêz hlôngr yiêz sôr têz qơưk, uô đros trâu chor canr bôv hluôk li têx hâux lưv, sir jos uô, zos chor nênhs chênhr hâur hlôngr yiêz sôr cấp xar; sir jos yưv pênhr uô cêr cxuô zav trâu têx thax tsav txov nhêv, huôv tsar pênhr jos trâu thax tsav tox siêz, đros trâu hlôngr yiêz sôr; hêik cov cxaz nzir tsưr ziv paz sưv đros trâu qiv hơưv txơưr txar, sêiz car tài nguyên tâu truôx jông./.

Bích Thủy-Lik Thox cxêik nhênhv