Cán bộ phongx kinh têr cấp xã li têx phiv liv thâuv

 sik côngv uô cê

          Iz hnuz niêv lâuk Nguyễn Thị Thu Hằng đros 3 lênhx fôngx zưs hâur Phongx kinh têr xã Tả Van tỉnh Lào Cai tsuv uô lok six ntâu hâux lưv txix qênhz yuôx, yưr lir uô cxâuv, cungz ntơưr côngz jênhv txos thôngz sâu ar têz…nhoz 23 jêx jos. Hâux lưv muôx lok six ntâu, tsuv yax six uô đrâuv six hơưv cui tênhv taz sik têx ntâuz ntơưr cux tsi tâu uô tas thiêz tsênhv six fênhx uô kênhz.

          “Hâux lưv ntâu uô trâu car chêx cux kênhz. Pêz ho yax six muk tiv phaz nhoz đêz qơư uô xưv. Thâuv muk qênhz yuôx 1 hồ sơ ntâuz ntơưr cux zuôr pôngz 1,2 six hơưv, tror lok mak cux zuôr pôngz yênhx hnuz, tsi muôx six hơưv uô ntâuz ntơưr”.

          Phongx kinh têr xã Tả Van phưv txơưx ntâu vênhv thix phưx txuôx txix nhiêx txiêx, yưv pênhr cxiv tsa, njuôs xav, zaoz thôngz txos kôngz nuv. Taz sik, lênhx nênhs tâu thox cxov mak tsi tâu siz bâus viv li njiz ntâu phêv liv thâuv uô hâux lưv. Zơưv Nguyễn Trọng Lý, Tsar phongx Kinh tế xã Tả Van, tỉnh Lào Cai pheiz kênh:

          “Ntâu cán bộ mak chuyên môn txơưr taz sik tâu pheiz uô iz cxiê jênhv vưv txơưr tsi trơưk chuyên môn, viv li têx cán bộ cux tsi tâu shưv đros hâux lưv yiêz, viv li hâux lưv car chêx ntâuz ntơưr cxuô zav tsênhv kênhz. Pêz nhiv no tsi muox txâuk lênhx nênhs uô côngz xưv nhiêx txiêx, yưv pênhr cxiv tsa”.

          Hâux lưv mak chuôz ndê, cán bộ li tsơưr lươngv chuyên môn tsi tâu tuôv zênhv tâu zos qênhx shênhx muôx yưv nhoz ntâu xã, phường nhoz Lào Cai nhiv no. Jênhv pov tsênhz têx luôk hâux lưv co, têx tiv phaz tưz chuv tôngv nriêr têx tsưr ziv chiê car chêx phêv liv, taz por côngz xưv uô tâu jông. Zơưv Cao Bá Quý, Chủ tịch UB xã Tả Van, tỉnh Lào Cai puz pâuz:

          “Pêz cux uô ntâu tsưr ziv chiê paz phongx, hâur co muôx têx tsưr ziv chuôz tsar lênhx nênhs txix têx pưv phênhv txơưr, txix têx taz viv txơưr lok uô hâux lưv, chiê taz por phongx no uô jông jênhv vưv. Taz sik nhiv no tsênhv yuôr ntâu phêv liv tsi tâu uô tâu”.

          Têx phêv liv no tsênhv tâu Trung ương, Chính phuv thiêz têx tiv phaz car chêx, hâur co uô jông hâux lưv tror seiz shuôk, ntâuk grê đuô cấp xã li côngz xưv chiê muôx tsưr ziv bax lênhx nênhs uô hâux lưv reik đros thox cxov, kriê cxaz yênhx tưv chuyên môn, nghiệp vụ, tuôv zênhv tsưr ziv txu grês bộ meir, huôx tôngv muôx chêx cuk./.

(An Kiên, Thanh Thuỷ-Txâur Vax cxeik nhênhv)

Têx uô tâu jông lok tsênhv chêi BHYT nhoz Lai Châu

Chêi BHYT kho đuô hêik mênhx, muôz pêx xênhv uô tsênhv qơư, cov zôngx ziv uô têx ntâuz ntơưr thiêz kriz đar nzir qênhx liv. Iz kror yiêz zos cxaz nzir chor nênhs tâu cxaz chuôz, hâur co muôx nhân viên y têr jêx jok thiêz nênhs paz trâu xênhz zus chor mê nhuôv ntơưv jêx jok-zos chor nênhs paz txoz cxơưx ciês đas jos côngv thôngx ntơưv têx qơư nhoz đêz, tox siêz.

Nênhs muôx ntơưr BHYT tâu thêv 100% nhiêx txiêx njuôk kho moz ntơưv huyện sâuv tas nro têz qơưk; đros co cuiv BHYT zuôr thêv nhiêx trâu chor zav moz hnhar thiêz kror muôs tsik pov cêr jông nhoz chor nhuôv tsik tâu muôx 18 shông. Chêi cux cui tênhv ntơưr BHYT điện tử thiêz cxiv luôs dữ liệu y têr thôngz tas nro têz qơưk, paz trâu pêx xênhv buôs ti tâu têx dịch vuv sêi, tsênhz mênhx đuô-zos iz kror yiêz jông hâur kho đuô tsênhv chêi thiêz hlôngr yiêz sôr y têr.

Zos tỉnh tox siêz ntus đriv, thax tsav trâus cêv kuôk, taz sik côngz xưv BHYT ntơưv Lai Châu têx shông đhâu tưz uô tâu ntâu kror jông. Lơưr BHXH tỉnh, txos kaz hli 10 shông 2025, tas nro tỉnh muôx zuôr xar 413 cxênhz lênhx nênhs cxaz chuôz BHYT, tax tâu muôx 86% dân sôr.

Tiv zix, shux xênhz shông cơưv 2024-2025 tax tâu muôx 92% ntâu, puz pov muôx têx kror hlôngr yiêz jông hâur pêx xênhv li jênhv pâuz lok tsênhv chêi an sinh. Chinhr quyền thax tsav qơư cux muôx ntâu tsênhv chêi paz tsênhv tsênhz: Ziv chuôz zis pluôs tâu nhiêx txiêx têz qơưk paz nzir 30% phênhv nhiêx thêv; shux xênhz mênhx cxưx tsơưs nênhs tâu paz nzir 15%; paz trâu pêx xênhv ntơưv têx qơư txov nhêv tâu buôs ti trâu BHYT jông đuô.

Đros co, Lai Châu tsênhv sir jos hlôngr yiêz sôr y têr, kriz uô thôngz mông BHYT trâu Sổ đas jos điện tử sâuv ứng dựng VneID, paz zôngx ziv hâur njuôk kho moz, nriêr pâuz thiêz thêv nhiêx. Txơưv li, tỉnh cux njiz trâus têx phiv liv li: iz phênhv pêx xênhv tsik muôx thêv tsik so, thêv nhiêx điện tử tsênhv muôx tsik tâu cxix cxuô, côngz xưv njuôk xav nhiêx txiêx njuôk kho moz tsuv tâu uô cov tiêr chiê paz tâu jông trâu cuiv bảo hiểm.

Sir jos uô trơưk Chêi BHYT kho đuô, BHXH tỉnh Lai Châu tsênhv sik côngv đros nganhx Y têr, Zoz zux thiêz chinhr quyền cxuô cấp sir jos yax kriê ntơưv jêx jok, uô cov zôngx ziv têx ntâuz ntơưr, kriz đar thêv nhiêx tsik zôngv ciês nhiêx txiêx thiêz qênhz yuôx truôx jông nhiêx txiêx njuôk kho moz. Tsưr ziv txos shông 2026, Lai Châu sir jos cov tax tâu muôx 90% ntâu dân sôr muôx ntơưr BHYT, ndar txos trâu tas nro pêx xênhv tau cxaz chuôz, chiê cxuô lênhx nênhs tâu txoz cxơưx txos đas jos jông thiêz siz bâus.

Chêi BHYT kho đuô đros têx tsênhv chêi tsênhv tsênhz ntơư Lai Châu tsênhv jux juk tâu uô hâur luz nênhx, paz muôx tâu siêz njênhs thiêz têx hlôngr yiêz jông trâu pêx xênhv tox siêz, ntus đriv. Txơưv tsênhv txov nhêv, taz sik đros chinhr quyền, nganhx Bảo hiểm xar hôiv têx sir jos thiêz muôx pêx xênhv li thôngx ziv, ntơưr BHYT tsênhv zos yênhx kror paz jông trâu yênhx ziv chuôz zis li đas jos thiêz shir phaz./.

Khắc Kiên-Lik Thox cxêik nhênhv