Tsôngv pêx xênhv Mường Phú Thọ shir phaz, lov jêv Hnuz hội niêv côngv siêz tas nro tsôngv box

Hâur hnuz ntux no nziês, tsôngv box jok sôr 1, phường Thống Nhất shir phaz lus tsưr tsix Hnuz hội niêv côngv siêz tas nro tsôngv box-Hnuz tas nro tsôngv niêv txir lax pêx xênhv sik thôngx siêz, siz chos cxiv tsa thax tsav qơư ziv hnuz ziv huôv tsar, vav mênhx. Têx suôz đruôl đror đros trâu suôz heik luk, siz hu, heik cưr cxiêx, hu gâux tưz uô trâu sơưr đơưk ziv lov jêv, sik thôngx siêz truôx jông đuô. Tix lâus Nguyễn Văn Hòa, nhoz jok sôr 1 shir phaz heik pâuz:

“Cur lok six shir phaz, jông siêz viv nhiv no cxuô chuôz zis, cxuô jêx jok tưz puôr lênhx hlôngr yiêz, muôx cêr jông muk lol, ntâu luz tsêr tâu cxiv uô yiêz, lox đar đuô. Tsi muôx cuz nxor, tsi muôx tuz saz tuz nhiês...., tsôngv box luz nênhx tsâu sor, vav mênhx. Uô tsâus lok six ntâu txos Đảng thiêz têz qơưk tưz txoz cxơưx, yưv pênhr paz pêz tsôngv lax pêx xênhv phường Thống Nhất, thiêx muôx tâu li hnuz no”.

Jok sôr 1, phường Thống Nhất muôx 260 chuôz zis, iz cxênhz ntâu lênhx nênhs; hâur co nênhs Mường tsav zuôr xar 90%. Tsôngv box nhoz no phênhv ntâu zos khưr uô liêx têz; yuôr iz cxiê chuôz zis mak lơưr huôv tsar uô lax luôv, uô công nhân trâu công ty xơưs tsôngk tril yo uz no muôs trâu 2 chas thax tsav, têz qơưk đrâuv thiêz iz cxiê lênhx zos canr bôv, công chức, viên chức.

Shông 2025, txix Chi bộ chox car thiêz Ban côngz xưv Mặt trận sik hux jos, jok sôr 1 tưz uô tâu ntâu luôs hâux lưv jông li: Xav kror đruôz đraz iz lênhx nênhs muôx phênhv sâu tâu 95 tsov đeiv iz shông; chor chuôz zis pluôs txo grêk xar muôx 1%; 100% chuôz zis pêx xênhv tâu sir zôngv đêx hur thiêz muôx cêr luôv suôz jêz, xi măng txos qơư. Têx hâux lưv txơưr li: Chuôz zis tsâu sor, vav mênhx; phax tar ntâuk tsiv chuôz zis; tsoz phưz, por hưv nhuôs zâu tâu uô truôx jông. Chor pêx xênhv zuôr ntơưr BHYT tax 86% ntâu. Lar heik, têx hâux lưv, txux chi vênhx huôv, nthuôr uô lov jêv hâur thax tsav thâuv tưs tưz muôx, tas nro thax tsav jok muôx 3 paz nthuôr uô lov jêv, hu zâuv tâu 800 ntâu lênhx nênhs cxaz chuôz. Iz chas ntơư, têx txux chi sênhr chêr, nthuôr uô cêr lov jêv, ntâuk đruôl cux tâu por hưv, nthuôr uô tsi so hâur têx hnuz ntênhs, hnuz hội. Zơưv Nguyễn Quốc Hoàn, tsar jok sôr 1, phường Thống Nhất, tỉnh Phú Thọ heik pâuz:

“Lok sâuv huôv tsar kinh tế, jok sôr 1 muôx ntâu zav jông huôv tsar uô kôngz, iz chas uô blêx liêx, nhiv no tsôngv box tsênhv sir jos huôv tsar uô iz cxiê nuv txơưr đuô li: Zuôr muôs hax huv, uô trơưk têx tsưr ziv yiêz lok chos tâuz tưs, cuô txoz muôs trâu 2 chas thax tsav đrâuv.... Tsi tas li, xã cux sir jos trơưk công nghệ sôr chiê seiz car, por hưv thiêz piêr kriê têx xiv huv kôngz nuv, dịch vụ ntơưv qơư cux li cxơưz cxiz yênhx lix têx HTX, tổ hợp tác, muôz hâux lưv uô ntơưv qơư trâu, gra siêz phênhv sâu tâu trâu pêx xênhv”.

Iz chas têx hâux lưv, txux chi uô si lov jêv chiê cxơưz sơưr đơưk muôx cêr sik thôngx siêz, Hnuz  hội niêv côngv siêz shông 2025 tsênhv zos six hơưv chiê tsôngv niêv txir lax pêx xênhv jok sôr 1, phường Thống Nhất gôngr ziv chênhv cxiv tsa thax tsav qơư ziv hnuz ziv vav mênhx, huôv tsar đuô. Txix ntơư, Ban Côngz xưv Mặt trận hâur thax tsav xav tinhv, shông 2026 tsôngv pêx xênhv zuôr sir jos huôv tsar uô nox, hlôngr yiêz zuz nôngz tsoz chos, tsiêx tu zus, cov xav kror đruôz đraz iz lênhx nênhs muôx phênhv sâu tâu 98 tsov đeiv iz shông; tror tsưx phưv jông thax tsav jok vênhx huôv, 90% ntâu chuôz zis tâu chuôz zis vênhx huôv.... Pos Nguyễn Bích Thảo, Tsar Ban côngz xưv mặt trận jok heik pâuz:

“Thôngz đhâu hnuz hội mak tror cxiv kho, tsưx phưv jông cêr sik thôngx siêz tas nro tsôngv box, chiê sơưr đơưk ziv muôx cêr siz hluz siz paz, thôngx siêz truôx thiêz khav tinhv côngv thôngx pưs txux lok uô trơưk Đảng tsưr ziv, têz qơưk têx chei kriê; cux zos six hơưv chiê kruôs txos têx uô tâu jông, lênhx nênhs, chuôz zis uô ntêx nyuôs hâur cxuô luôs hâux lưv, huôv tsar uô nox, sik tưr nhiêv têz qơưk”.

Hnuz hội niêv côngv siêz tas nro tsôngv box jok sôr 1, phường Thống Nhất, tỉnh Phú Thọ tsi tiêk zos six hơưv chiê tâu siz chuôs njiz, uô si lov jêv, sik kriê thiêz cơưv shâuv tsưr ziv uô nox, cêr nênhx jông hâur luz nênhx, tsênhv zos hnuz tas nro sơưr đơưk sik thôngx siêz, siz cxơưz, siz paz huôv tsar. Hâur têx suôz đruôl Mường đror lov jêv, tsôngv pêx xênhv lênhx tưs cux jông siêz, sir jos zuôr siz cxơưz, sik đros paz đas jos cxiv tsa jêx jok, têz qơưk ziv hnuz ziv tsâu sor, vav mênhx./.

Đinh Tuấn-Riê Lâux cxeik, nhênhv 

Uô ntâu tsưr ziv thôngz xor mông Bảo hiểm ntơưv Lai Châu

          Têx hnuz hâur hlik hli 11, cán bộ BHXH huyện Than Uyên tsênhv sir jos đros chính quyênx tiv phaz mul txos yênhx jêx jos, yênhx ziv chuôz zis yax mông, vênhv tôngv tsôngv box cxaz chuôz BHXH txưv zênhv, BHYT ziv chuôz zis. Txơưv thax tsav qơư đar, cêr đêz lax muk lok, taz sik iz jiês jiês muk tiv phaz yax mông vênhv tôngv mak ho paz tsôngv pox nhuôk pâuz đuô lok chính sách BH li liv zix.

          Niêv lâuk Nguyễn Thị Phương, cán bộ BHXH Than Uyên puz pâuz: Cán bộ hâur pêz taz viv sir jos muk txos yênhx ziv chuôz zis, yênhx jêx jos, qênhz yuôx yênhx lênhx nênhs chiê krêz uô chính sách BHXH, BHYT. Tsuôk hâur jiês sơưr cêr muk yax mông hli 5 nhiv kruôr đhâu, taz viv tưz vênhv tôngv cxaz 6 lênhx nênhs cxaz chuôz BHXH txưv zênhv thiêz 16 lênhx nênhs cxaz chuôz BHYT.

          Đros thiêz thôngz xor mông ntơưv qơư, BHXH Than Uyên tsênhv sik côngv đros têx đoanx thêv, chính quyênx tiv phaz tsưr tsix yax mông, tso nta suôz sâuv loa xã, jêx jos thiêz uô uô cê hâur têx jiês khiêz phêv tsôngv box. Sâuv nền tảng số, têx ứng dụng li VssID, Fanpage, Zalo...paz tsôngv box pâuz tâu xor mông sei thiêz zôngx ziv đuô.

          Zơưv Đỗ Bạch Dương, Phưv giám đốc BHXH Than Uyên, taz viv thâuv tưs cux krêz uô cxuô tsưr ziv yax mông chiê chính sách BH tâu chôngz lênhx ntâu tul pâuz txos. Thôngx cxix heik kriê tsôngv box thôngz sâu, khiêz ntâuz ntơưr trực tuyến, paz lơưr chuv tôngv tâu zôngv chính sách.

          Txis têx tsưr ziv uô jông co, ziv hnuz ziv muôx chôngz tsôngv box Than Uyên chuv tôngv cxaz chuôz têx zav BH. Tix lâuk Hà Đức Toàn, lox tôngv txưv zơưx nhoz xã Than Uyên pheiz kênh: Thâuv ntêx cur tsi xar txos hâux lưv cxaz chuôz BHXH, taz sik thâuv tâu heik kriê, cur pâuz no zos chính sách lok six jông. Uô hâux lưv txưv zơưx, muôx phênhv sâu tsi truôx tul, zos muôx nhiêx so lâuk thiêz ntơưr BHYT thâuv txos ntu lâuk zuôr tso siêz đuô lok six ntâu.

          Lơưr BHXH tỉnh Lai Châu, hâur 6 luz hlik hâur shôngk shông 2025, tas nro tỉnh tưz cungz yiêz thiêz tror cungz đuô 305 ntơưr BHXH, 13 cxênhz 200 đeiv ntơưr thiêz 46 cxênhz 900 ntơưr BHYT. Tas nro lênhx nênhs cxaz chuôz BHYT tax muôx nhos 86% jênh số, ndar txos uô tiêr tsưr ziv tso tơưv.

          Hlôngr yiêz tsưr ziv uô, muôx ntâu tsưr ziv thôngz xor mông- chênhr zos hâux lưv paz chính sách BHXH, BHYT tâu krêz uô đêz đar đuô hâur luz nênhx. Nganhx BHXH Lai Châu li sir jos đros chính quyênx thiêz tsôngv box li sik côngv, tsưr ziv tas nro tsôngv box cxaz chuôz BHYT, cxiv tsa cxix luôk nox nhoz xã hội truôx tul zuôr nzor uô tâu tiêr hâur tsênhv tsênhz./.

(Khắc Kiên-Txâur Vax cxeik nhênhv)