Sir jos kriê ntơưr nhoz thax tsav tox siêz

Thâuv txos hâur chêix ntux no nhoz thax tsav ntus đriv Pha Long, tỉnh Lào Cai, lênhx shux xênhz Ly Thị Phương cux tsênhv yênhx hnuz sir jos tuôx cơưv ntơưr trơưk li siêz xar njôngr: “Niêv txir muk uô nox đêz, cur nhoz tsêr đros pos zơưs. Cur xar cơưv ntơưr hâur iz luz tsêr cơưv nôiv trú lox đar, muôx têx ntông, pax, ntâuz ntơưr. Cur tsênhv xar cơưv ntơưv hâur tsêr cơưv muôx mêir tính thiêz”.

Kror siêz xar co zuôr sêi đrơưv zos yênhx tsênhv tsênhz. Luz tsêr cơưv nội trú ntâu cấp cơưv Pha Long zuôr tâu cxiv uô muôx 28 qar cơưv ntơưr thiêz chor qơư txơưr yiêz jôngz. Tiv zix, côngz trinhx tâu cxiv uô liêz-njuôz, hêik txos tsôngv box Hmôngz chor tsôngk yo cxôngx nzor. No zos kror paz trâu chor uô niêv, uô txir muôx cêr shir phaz lox. Niêv tix Chấu Thị Lê, nhoz xar Pha Long puz pâuz: “Cur cux lok six shir phaz thâuv pâuz tiêk Đảng, Têz qơưk cxiv uô nzir iz luz tsêr cơưv nội trú thiêz. Muôx luz tsêr cơưv yiêz no têx tuz nhuôv zuôr tâu cơưv ntơưr jê tsêr đuô, muk uô nox đêz lo cur cux tso siêz đuô lơưv”.

Kror co cux zos chor cưk kriê ntơưr li xar njôngr thiêz sir jos. Cưk kriê ntơưr Lù Dì Séng, Hiệu trưởng Tsêr cơưv phôv thông Mênhx cxưx Niêv txir zus mor Cxênhx iz thiêz Cxênhx oz Dìn Chin, pâuz tâu txos kror tsênhv tsênhz: co zos tsik zos lênhx shux xênhz tưs nhoz tox siêz cux txâuk cxuô kror chiê tâu sơưv kror paz nhoz hâur tsêr cơưv niêv txir zus mor li nhiv no. Luz tsêr cơưv nội trú yiêz zuôr zos iz luz tsêr cxuô, paz trâu chor nhuôv tâu uô nênhx, cơưv ntơưr siz bâus đuô: “Ntâu ziv chuôz zis shux xênhz niêv txir tsik nhoz tsêr, muk uô nox đêz. Zos zuôr txos no muôx tâu iz luz tsêr cơưv nội trú yiêz tâu cxiv uô mak zuôr paz zôngx ziv trâu chor nhuôv, tiv zix zos zuôr paz trâu lơưr tâu uô nênhx, cơưv ntơưr siz bâus đuô pir đros tsêr cơưv niêv txir zus mor nhiv no”.

Thiêz têx vav njôngr co tsênhv tâu chinhr quyền ntơưv qơư sir jos kriz uô. Zơưv Nguyễn Văn Hà, Phưv chủ tịch Ủy ban xar Pha Long, tỉnh Lào Cai khav tênhv: “Nhiv no, xã cux tưz sik côngv đros Ban sêiz car Dưv anr chiê kriz uô cxuô kror thiêz bax cov txâuk cxuô kror trâu tsêr cơưv chiê muôx tâu tsêr cơưv nội trú lok kriê ntơưr hâur shông zuôr txos”.

9 luz tsêr cơưv ntơưr tâu cxiv uô ntơưv Lào Cai jiês no zuôr zos chor qơư khov vav thiêz paz trâu pêx xênhv nhoz truôx qơư, paz tsưx phưv truôx thax tsav ntus đriv têz qơưk./.

An Kiên-Lik Thox cxêik nhênhv

Tsuv chênhr phax chor nênhs fêv nziêk đas zos cán bộ BHXH

Ntu jê lok no, ntơưv tỉnh Lai Châu thiêz ntâu tiv phaz sâuv tas nro têz qơưk pov muôx qênhx shênhs nênhs fêv đas zos cán bộ BHXH VN chiê nziês đas tsôngv box. Lơưr zôngv ntâu tsưr ziv chiê nhiês xor mông lênhx nênhs, huôz nox nhiêx txiêx. Chiz coaz BHXH thiêz têx lưx lươngv muôx txơưx jênhv tưz muôx lul canhv pov, thôngx cxix heik tsôngv box sđ tsuv tsưv ziv chiê por vêv zuk li qenhx liv.

          Lơưr BHXH tỉnh Lai Châu li heik kriê, tsuôk hâur 2,3 ciêz đhâu, ntâu lênhx tsôngv box, tiv zix zos cán bộ so lâuk tưz jênhv tâu têx jiês hu xor tôngx tuôx thiêz heik zos “lênhx nênhs uô hâux lưv hâur BHXH tỉnh”. Têx lênhx nênhs no heik tsôngv box cungz số thẻ BHYT, số CCCD chiê tror tích hợp đeiv BHYT lok hâur đeiv CCCD” lok sik “qênhz yuôx ntâuz ntơưr so lâuk”.

          Taz sik, BHXH VN khav tênhv: nhiv no tsi muôx tsưr ziv hu xor tôngx, nhắn tin lok sik heik tsôngv box cungz xor mông lênhx nênhs txix tsưr ziv tưs hlo. No zos têx hâux lưv nziês đas. Sâuv tas nro têz qơưk tưz muôx ntâu lênhx nênhs cxoz txưv xa tin nhắn heik zos “BHXH” đros muôx đường link lok sik mã QR, đas tsôngv box xav tênhv xor mông. Iz cxiê lênhx nênhs tsênhv zôngv Zalo heik kriê tsôngv box cài ứng dụng chiê huôz nox nhiêx txiêx hâur tài khoản zênhx hangx.

          Ntơưv Lai Châu, txơưv tsi tâu muôx têx ruôr hiêv zov chênhr, taz sik zos tsôngv box tsi tsưv ziv, njuôs xav tsôngv box li xor mông zuôr trâus nênhs fêv nhiês seiz thiêz huôz nox ntâu nhiêx txiêx. Ntâu lênhx nênhs nhoz têx tỉnh txơưr tưz trâus pôngz yênhx châuv tsov đeiv, muôx têx lênhx pôngz lơưv yênhx puôk tsov đeiv thâuv uô lơưr têx heik kriê “xav tênhv ntâuz ntơưr hồ sơ” lok sik “xa nhiêx txiêx car chêx chế độ”.

          Tsi taz uô ruôr hiêv lok chuôz zênhx chuôz tas mak tsênhv uô tsôngv box tsi njênhs txos chính sách nox nhoz xã hội- tiv zix zos đros nênhs lâuk, nênhs pluôk, tsôngv box nhoz thax tsav tox siêz đêz đrôngs. BHXH tỉnh Lai Châu heik tsôngv box tsi cxoz cungz zuk li xor mông, mã thẻ, số tài khoản lok sik mã OTP trâu lênhx nênhs zos lơưr hu xor tôngx heik zos cán bộ bảo hiểm.

          Têx ntâuz ntơưr cik txos BHXH, BHYT tsuôk uô đhâu Cổng jix vuv côngz têz qơưk: dichvucong.gov.vn lok sik BHXHVN li côngv jix vuv côngz dichvucong.baohiemxahoi.gov.vn. Ứng dụng VssID- BHXH số lok sik tổng đài 19009068 chiê tâu paz txưv tsi pôngz nhiêx txiêx. Zos pov njuôs xav zos nênhs fêv nziês đas mak tsuv pov ciês trâu chiz coaz BHXH jê tiv zix lok sik Công an tiv phaz.

          Hâur ntu hlôngr yiêz số nhiv no, têx tsưr ziv nziês đas heik zos cán bộ BHXH ziv hnuz ziv muôx ntâu. Cxuô lênhx nênhs tsuv tsưv ziv, chuv tôngv por vêv zuk li xor mông. Pêz tsuv por vêv zuk li qênhx liv huv cêr chei, gôngr phênhv tuôr truôx siêz njênhs lok Đảng thiêz têz qơưk li chính sách nox nhoz xã hội./.

Khắc Kiên-Txâur Vax cxeik nhênhv