Luz tsêr cơưv ntơưr nhoz ntus đriv Lai Châu

          Dự án Tsêr cơưv phổ thôngz nội trú cxênhx 1 thiêz cxênhx 2 Hua Bum thiêz Dào San zos Công an tỉnh Lai Châu uô tsưr yưv pênhr, tas nro muôx 400 tỷ đeiv ntâu, txâuk trâu 2 cxênhz lênhx shux xênhz cơưv ntơưr. No tsi taz zos côngz tsinhx zaoz zux mak tsênhv tso pov Dảng, têz qơưk li tsov cưv txos hâux lưv txoz cxơưx luz nênhx trâu tsôngv px nhoz ntus đriv, gôngr phênhv hlôngr yiêz côx phax, txiv ngaz nhoz ntus đriv têz qơưk.

          8 six tas cik sơưr nzor, suôz đruôs đror cxuô qơư nhoz tox siêz Hua Bum- qơư tsưr tsix ntênhs krêz côngz 2 dự án. Hâur tul ndêx đeiv tix têz qơưk, yênhx puôk lênhx shux xênhz hnar tsôngs yo mênhx cxưx shir phaz thuôr uô cêr lov jêv. Zơưv Phùng Lòng Chừ, mênhx cxưx Hà Nhì, nhoz jos Chang Chảo Pá shir phaz heik:

          “Nhoz no mak ntâu cêr lok six lax muk lok. Nhiv no tâu Đảng, têz qơưk tsov cưv muôx tsêr cơưv 2 cấp mak mê nhuôk muk cơưv ntơưr zôngx ziv đuô. Cur lok six shir phaz viv mê nhuôk zuôr muôx tênhx qơư cơưv ntơưr jông đuô, muôx cxix cxuô chuôz zênhx cơưv ntơưr thiêz muôx thax tsav qơư uô si. Pox nhuôk lênhx tưs cux shir phaz”.

          Đros tsôngv box têx mênhx cxưx Thái, Hmôngz, Cho, Hà Nhì thiêz Mảng nhoz Hua Bum, txox cêr muk cơưv ntơưr txix nzor tưz lok six phêv liv. Luz nênhx yeiz pluôk uô ntâu lênhx mê nhuôk tsi tâu muk cơưv ntơưr. Viv li, têx luz tsêr cơưv nội trú tâu cxiv uô nhiv no tsi taz paz mê nhuôk muôx qơư cơưv ntơưr, nox nhoz xênhz huôx truôx jông mak tsênhv paz cxơưz muôx tâu luz nênhx tov kaz no jông đuô txix hâux lưv muk cơưv ntơưr.

          Cưk kriê Phạm Thị Yến, cưk kriê tsêr cơưv phổ thôngz mênhx cxưx bán trú cxênhx 1 thiêz cxênhx 2 Hua Bum pheiz kênh:

          “Phênhv ntâu têx mê nhuôk shux xênhz zos têx mê nhuôk tsôngv box mênhx cxưx tsơưs nênhs, chuôz zis lok six txov nhêv. Ntâu lênhx tas cik muk cơưv ntơưr, zar hnuz keix ho muk paz niêv txir muk uô têz. Thâuv muk cơưv nội trú, têx mê nhuôk shux xênhz nhoz ciês hâur tsêr cơưv, tâu cơưv ntơưr jông đuô. Niêv txir cux tso siêz đuô”.

          Tsi taz cưk kriê mak chính quyênx thiêz tsôngv box tiv phaz puôr lênhx lok six njênhs njôngr lok hâux lưv cxiv tsa têx tsêr cơưv yiêz no. Zơưv Nguyễn Đức Hiền, Chủ tịch UB xã Hua Bum puz pâuz, tiv phaz muôx 12 jêx jos, 1 cxênhz 200 ziv chuôz zis đros 5 cxênhz 700 lênhx nênhs. Txơưv tưz jênhv tâu ntâu chính sách paz txưv, taz sik chor ziv chuôz zis pluôk tsênhv tsav muôx nhos 55%.

          “Tsôngv box têx mênhx cxưx xã Hua Bum lok six shir phaz thâuv tâu têz qơưk yưv pênhr cxiv uô tsêr cơưv cxuô cấp. No zos tsôngv box li siêz xar njôngr ntêr lok, gôngr phênhv muôz siêz tsơưr lươngv cơưv ntơưr, huôv tsar thax tsav qơư nhoz. Chính quyênx tiv phaz zuôr sik côngv đros tsưr yưv pênhr thiêz taz viv cxiv uô chiê côngz tsinhx tâu taz por uô trơưk tsưr ziv thiêz muôx tsơưr lươngv”.

          Iz luz tsêr cơưv yiêz, krêz tơưv iz luz nênhx yiêz. Nhoz ntus đriv Hua Bum thiêz Dào San- qơư tox siêz ntus đriv nhoz thax tsav Tây bắc, siêz xar njôngr cxuô lênhx mê nhuôk puôr lênhx tâu muk cơưv ntơưr chiê ndar txos iz luz nênhx vav mênhx jông đuô tsênhv jux jus tâu krêz uô./.

(Khắc Kiên-Txâur Vax cxeik nhênhv)

Txưx Vax Hồ -Lênhx nênhs txơưx uô nox nhoz Phìn Hồ

Tưz zênhx njiz ntâu cêr txov, yêiz pluôs li iz cxiê lênhx nênhs txơưr, taz sik kho gruôs thiêz sir jos, pâuz njuôk xav uô nox lơưr “muôz lur zus ntêr”, tix lâus Txưx Vax x Hồ nhoz xar Si Pa Phìn, tỉnh Điện Biên tưz sir jos zos nênhs txơưx uô kinh têr hênhr. Tix lâus Vàng ziv chuôz zis nhiv no tu zus tsêx cxu muôx yênhx puô tuk, xav tas côngz đas jos tu, iz shông tix lâus Vàng sâu tâu liv muôx 700 triệu đêiv ntâu…

Hêik txos chor hnuz xuz thơưx chuôz zis txar tsix (huyện Tủa Chùa kuz) lok uô nênhx nhoz ntơưv xar Si Pa Phìn, tix lâus Txưx Vax piêr, shông 1988, Si Pa Phìn thâuv co xưk li zos iz kror qơư har phaz nhoz đêz xưz. Taz sik ar têz muôx ntâu, viv li tix lâus Vàng ziv chuôz zis tưz cuêz tênhv chos chor tsoz chos li blêx, poz cưk, kok ntông chiê muôx kôngz krâur trâu 10 ntâu lênhx nênhs hâur chuôz zis nox.

Đros zos hluôk nênhx muôx 16 shông tsênhv muôx đas jos, tix lâus Vàng đros chor cưr tix nuk muôs hâur chuôz zis sir jos kriz phax uô têx ar têz ntơưv ntus đêx, hâur vuôk har chiê uô yênhx chor liêx đêx. Jê ntơưv têx ntus, muôx đêx mak tix lâus Txưx Vax njuôk xav uô yênhx liêx ntêir chiê chos blêx liêx. Sir jos uô li co, chêix đhâu chêix, hli đhâu hli, shông đhâu shông, ntêr bâuv li chak tix lâus Txưx Vax cux tsik ndo lơưv thiêz, taz sik lơưr yênhx shông đhâu mak chor blêx hâur tix lâus Vàng chuôz zis tưz muôx nzir ntâu đuô. Txâuk trâu lênhx nênhs nox, tu zus chor tsiêx cxu lo cux tsik tas, tix lâus Txưx Vax tưz muôz chor blêx, poz cưk muôs chiê muôx nzir nhiêx txiêx trâu chuô zis thiêz zuôr nzir chor nhux, tưv, nênhl chox lok zus.

Đros têx chênhz zênhv muôx tâu, tix lâus Txưx Vax muôz trâu chor nhux tưv nox nzir njêr, puz nox nzir krâur hâur yênhx hnuz viv li tix lâus chor nhux, tưv, nênhl hloz lox sêi, muôx chôngz đuô. Shông 2017, thâuv muôx caz moz huôv xênhz nhoz chor tsiêx cxu ntơưv Si Pa Phìn thiêz têx xar iz ndis uô trâu chor chuôz zis trâus pôngz plox tas hur si viv chor nhux, tưv trâus tuôs ntâu, taz sik tix lâus Txưx Vax chor tsiêx cxu cux tsik uô chak hlo. Tix lâus Vàng hêik: “Shông ntơưr, thâuv pov sơưr đơưk chor nhux, tưv trâus tuôs ntâu, cur tưz chox zuk chor tsiêx cxu lok cxax yuôx phax moz viv li txơưx cux trâus tuôs taz sik tsik ntâu li luôs lưv tuk chor”.

Nhiv no, tix lâus Txưx Vax ziv chuôz zis tsênhv tu zus muôx 100 ntâu tuk, zos nhux, tưv thiêz nênhl. Xav iz shông tix lâus Txưx Vax chor tsiêx cxu paz muôx tâu phênhv sâu 1,6 tiv đêiv, xav tas têx côngz đas jos uô cux sâu tâu muôx 700 triệu đêiv ntâu nhiêx liv.

Muôx chênhz zênhv huôv tsar kinh têr ziv chuôz zis, tix lâus Txưx Vax cux tsik so phêiz kênh têx chênhz zênhv thiêz txux chi zuk muôx trâu chor ziv chuôz zis txơưr hâur xar. Tsik xav txos chor nênhs nhoz đêz lok jê, txơưv zos cưr tix nênhs tsa lok zos têx mênhx cxưx txơưr, tsuôk zos lênhx tưs xar cơưv shâuv, nriêr pâuz kỹ thuật tu zus mak tix lâus Txưx Vax puôr lênhx uô tiz jông kriê thiêz paz trâu lơưr. Lok six chôngz nênhs nhoz đros hâur jok thâuv pov chor nhux, tưv trâus tsav plaz lok sik tsik nox jâuz puôr lênhx tuôx hêik tix lâus Vàng đros paz. Ntâu lênhx nênhs tsênhv hu tix lâus Txưx Vax tiêk zos “lênhx bác sĩ paz trâu chor nhux, tưv”…

Tưz tsik zos nênhs kriê xưz, tix lâus Txưx Vax tsênhv paz ciês trâu chor ziv chuôz zis pluôs hâur hâux lưv txêik pênhr huôv tsar kinh têr. Tix lâus tsênhv muôz nôngz nhux, tưv trâu chor ziv chuôz zis txov nhêv zus lơưr tsưr ziv chor chuôz zis pluôs tu zus txos thâuv sha tâu oz tuk mê nhuôv mak muôz iz tuk puz trâu lơưr zus; paz trâu lơưr muôx tâu nhux tưv zus chiê huôv tsar uô kinh têr. Txix tix lâus Txưx Vax tsưr ziv uô thiêz siêz xar jông paz trâu pox nhuôs ntơưv thax tsav qơư no mak phongz yaox tu zus tsiêx cxu ntơưv Si Pa Phìn tưz tâu tu zus jông; yênhx châuv ziv chuôz zis tưz tơưv đhâu yêiz pluôs, sir jos zos yênhx ziv chuôz zis muôx kinh têr hênhr khov trâu tu zus tsiêx cxu trơưk tix lâus Vàng tsưr ziv uô nox.

Tưz tsik zos uô bluô nux trâu zuk xưz, tix lâus Txưx Vax tsênhv phêiz kênh chênhz zênhv, paz trâu tsôngv box hâur xar huôv tsar kinh têr, txo grêk yêiz pluôs. Tix lâus Txưx Vax têx uô tâu hâur kinh têr zos kror puz pov tiêk tsuôk sir jos thiêz truôx siêz sir jos uô mak zuôr tơưv tâu đhâu yêiz pluôs chiê pox nhuôs cxuô mênhx cxưx nhoz Si Pa Phìn cơưv shâuv, uô trơưk.

Phênhv “Nôngx mênhx zuôr tsuv pâuz” hnuz no tsuôk xâuk li no xưz. Phênhv no zos Đaix nta suôz Việt Nam nhoz thax tsav faz Bắc uô đros muôx Tsênhv qơư Cxơưz cxiz uô kôngz têz qơưk đros paz uô./.

Vàng Lan-Lik Thox cxêik nhênhv