Y têr thax tsav qơư nhoz Lai Châu sir jos uô côngz xưv cxax yuôx phax moz gênhk

Pâuz tâu six hơưv cxax yuôx txix canr bôv Trạm y têr xar hêik kriê, viv li txos hnuz xiêz 5 yênhx hli, niêv tix Pàng Dua Xênhv Cưr, nhoz jok Ngải Thầu thấp, xar Khun Há, tỉnh Lai Châu ho chox mê nhuôv tuôx cxax yuôx phax moz. Uô sưv li no zos khov muôx Trạm y têr xar tưz tsik so tsưr tsix yax mông ciês ntơưv côngv thôngx chiê paz trâu pêx xênhv pâuz tâu txos têx kror liv hâur cxax yuôx phax moz, txix co chor uô niêv pâuz tâu tsênhz đuô thiêz sir jos chox chor mê nhuôv tuôx trạm y têr chiê cxax yuôx phax moz cov cxix cxuô, huv six hơưv, hnuz nhôngs, paz trâu chor uô niêv thiêz cxuô lênhx nênhs hâur chuôz zis pâuz tsênhz txos kror zov chênhr hâur cxax yuôx phax tar caz moz:

“Cur pâuz Trạm cxax yuôx phax moz trâu hnuz xiêz 5 yênhx hli thiêz uô ntêx hnuz zuôr cxax yuôx trạm cux hêik lok trâu y têr jêx jok pâuz chiê heik trâu chor ziv chuôz zis muôx chor nhuôv zâu pâuz chox mê nhuôk tuôx cxax yuôx thiêz njuôk shuôk moz. Thâuv chox mê nhuôv tuôx trạm y têr xar, chor bác sỹ cux sir jos paz, cxax yuôx thiêz njuôk shuôk moz trâu chor nhuôv”.

Tsik so txix hnuz xiêz 5-7 yênhx hli, Trạm y têr xar Khun Há, tỉnh Lai Châu tsưr tsix cxax yuôx phax moz trâu chor nhuôv zâu thiêz pox niêv xênhz nhuôv hâur chêr. Đrâuv sâu trâu hâur ntơưr, kriê six hơưv tênhv cxax yuôx phax moz ntơưv trạm, zuôr txos hnuz cxax yuôx phax moz, Trạm tsik so hêik trâu chor jêx jok hêik chor uô niêv uô txir muôx mê nhuôv hâur hnuz nhôngs chox mê nhuôv tuôx cxax yuôx cov huv six hơưv. Trạm cux tưz kriz uô trang facebook, zalo chiê hêik pâuz lok hâux lưv thiêz six hơưv cxax yuôx phax moz, pâuz tâu tsênhz chor nhuôv muôx pêk tsơưs tuk; muk trâu yênhx chuôz zis hêik pâuz lok sik canr bôv sêiz car côngz xưv cxax yuôx phax moz hu tênhv muk hêik chor uô niêv uô txir chox chor mê nhuôv tuôx ntơưv trạm cxax yuôx phax moz cov huv six hơưv, hnuz nhôngs. Trạm y têr Khun Há tsênhv hêik chor uô niêv đăngk cir dịch vuv tror hêik txos six hơưv cxax yuôx trâu chor nhuôv thôngz đhâu tin nhắn điện thoại, txar jav tâu tsik ndo kaz txos hnuz cxax yuôx trâu chor mê nhuôv. Niêv tix Nguyễn Thị Hồng, nhoz jok Nậm Đích, xar Khun Há, tỉnh Lai Châu hêik pâuz:

“Đhâu canr bôv y têr trạm li chor jiês yax kriê cur pâuz tâu kror zov chênhr hâur côngz xưv txoz cxơưx trâu chor nhuôv, viv li tsik so hâur yênhx hli cur chox mê nhuôv tuôx ntơưv trạm chiê cxax yuôx phax moz cov cxix cxuô”.

Thâuv ntêx côngz xưv cxax yuôx phax moz ntơưv Lai Châu njiz tsik tsơưs phiv liv tiv pêx xênhv jênhv pâuz tsênhz kik, xar tsik tâu thôngz txos hâux lưv cxax yuôx, viv li côngz xưv cxax yuôx hâur yênhx shông trâu chor nhuôv tsik tâu muôx 1 shông tsênhv kik. Têx shông jê lok no, Trạm y têr Khun Há tưz sir jos uô côngz xưv yax kriê ciês trâu pêx xênhv thiêz yax kriê đhâu cxuô zav chuôz zênhx txos trâu pêx xênhv pâuz, tiv zix zos chor niêv xênhz nhuôv hâur chêr thiêz tu zus chor nhuôv zâu, tưz paz gra siêz đuô pêx xênhv li jênhv pâuz. Txos nhiv no côngz xưv cxax yuôx phax moz tưz tâu sơưr đơuk sir jos uô trơưk.

Txos tas hli 10/2025, chor nhuôv zâu tsik tâu muôx 1 shông ntơưv Lai Châu tâu cxax cxix cxuô zav vắc xin phax moz tax tâu muôx 70% ntâu; chor pox niêv xênhz nhuôv hâur chêr tâu cxax yuôx phax moz uốn ván 2 côngz tax tâu muôx 83% ntâu; chor nhuôv zâu muôx 18 hli hnuz nhôngs tâu cxax yuôx phax moz kruô piêk rubela tax tâu muôx 70% ntâu… Bác sỹ Nguyễn Thị Thu Phương, Trưởng Trạm y têr xar Khun Há, tỉnh Lai Châu puz pâuz:

“Yênhx hli Trạm y têr qênhz shuôk đuô chor nênhs tsuv cxax yuôx phax moz cov tsik chiê yuôr lênhx nhuôv tưs tsik tâu cxax yuôx thiêz cxiv tsa tsưr ziv huv đros tsênhv tsênhz. Trạm cux kriz uô côngz xưv yax kriê txix ntâu tsưr ziv. Tsênhv njiêz cxax yuôx tâu kriz uô huv zos lơưr tsưr ziv kỹ thuật thiêz lơưr kruôz kriê cov paz ngaz tuk jông”.

Chiê phax tar chor caz moz siz cik phiv liv nhoz chor nhuôv zâu, chor uô niêv uô txir tsuv sir jos chox chor nhuôv tuôx trâu Trạm y têr ntơưv qơư chiê tâu njuôk shuôk, hêik pâuz thiêz tâu cxax cxix cxuô chor yuôx vắc xin phax tar cxuô zav moz cov truôx jông./.

Thanh Thủy-Lik Thox cxêik nhênhv

SEIZ CAR THIÊZ TSƯX PHƯV JÔNGR

Grê 38. Tsưx phưv têx jôngr ntông, tsiêx kuk

1.Têx jôngr ntông, tsiêx kuk muôx grik, zôngx ziv trâus pôngz nôngz tsuv tâu seiz car thiêz tsưx phưv jôngr.

2.Chính phủ cui tinhv bê thiêz chei seiz car, tsưx phưv têx jôngr ntông, tsiêx kuk muôx grik, zôngx ziv trâus pôngz nôngz; ntâuz ntơưr krêz sâu, ntor cơư têx shôngz ntông, ntêk cxov chor tsiêx jông, muôx grik heik sâuv thiêz têx jôngr ntông, tsiêx kuk zos têx zav tâu Công ước zuôr muôs ntiêx têz cui tinhv por hưv.

3.Bộ trưởng Bộ Kôngz nuv thiêz huôv tsar tox siêz cui tinhv ntâuz ntơưr  krêz sâu, ntor cơư têx ntông lox uz no thiêz ntêk cxov tsiêx kuk, yưx têx zav cui tinhv ntơưv yôngx 2 Grê no.

Grê 40.Phax tir thêir tsik chiê uô ruôr hiêv txos jôngr ntông

1.Phax tir thêir tsik uô ruôr hiêv txos têx shôngz, jôngr ntông thiêz têx tsiêx kukhâur har jôngr cov zos đrêiv têz qơưk cui tinhv.

2.Tsưr jôngr ntông tsuv uô lơưr cxuô faz tsưr ziv phax tir thêir, tsik ntor txiêr têx shôngz ntông hâur har jôngr; thâuv qênhz pov muôx têx tsi jông uô ruôr hiêv txos  shôngz, ntông hâur har jôngr tâu choz zok sêiz car, tsuv zênhx max heik trâu cơ quan por hưv thiêz qênhz yuôx jôngr ntông pâuz chiê tâu paz tsưr ziv phax tir thêir tsi uô ruôr hiêv txos jôngr ntông.

3.Bộ Kôngz nuv thiêz huôv tsar tox siêz muôx vax huôv tsưr tsix njuôk xav, njuôk shuôs têx têx caz hmoz tho nox uô ruôr hiêv; yax kriê phax tir thêir, tsik chiê caz hmoz tho nox uô ruôr hiêv txos jôngr ntông.

4.Ủy ban cxuô cấp tsưr tsix, sêiz car luôs hâux lưv yax kriê phax tir thêir, tsik uô ruôr hiêv jôngr hâur thax tsav qơư, tsi chiê cik tâu đêz đar trâu ntâu xuz jôngr, har tsuôs txơưr./.

Tuyết Lan-Riê  Lâux cxeik, nhênhv