Sơn La tsov cưv pênhr cxiv uô tsêr cơưv ntơưr

           Tsêr cơưv phổ thông shux xênhz nox nhoz hâur tsêr cơưv, têz qơưk zus mor 2 cấp cxênhx iz thiêz cxênhx 2 xã Phiêng Khoài zos tsêr cơưv xuz thơưx hâur 13 tsêr cơưv tâu krêz côngz cxiv uô ntơưv tỉnh Sơn La, cux zos iz hâur 100 luz tsêr cơưv cxiv uô siv yiêz thiêz kho đuô hâur tas nro têz qơưk, lơưr Bộ Chính trị tsưr ziv lok yưv pênhr cxiv uô tsêr cơưv ntơưr trâu chor xã ntus đriv.

           Côngz trênhx tâu fuô uô cxiv tsa hâur ntu 2025-2026, xav hur si pênhr yưv uô tas 220 tyv đeiv, đar 5 ha, txâuk trâu nhos iz cxênhz ntâu lênhx shux xênhz nox, nhoz cơưv txux chi; muôx ntâu côngz trênhx, qơư cơưv txux chi, xênhz huôx, qơư trâu ntơưr, qơư trâu shux xênhz thiêz cưk kriê ntơưr nhoz, qơư uô jâuz mor nox.....No zos tsêr cơưv mak chor cưk kriê ntơưr thiêz shux xênhz thax tsav ntus đriv tưz xar njôngr txix ntêr lok. Ngô Vũ Bảo Trân, shux xênhz lớp 8, tsêr cơưv cxênhx 2 Phiêng Khoài heik: “Cur lok six jông siêz thiêz shir phaz hênhr, viv tsêr cơưv yiêz zuôr paz pêz cơưv tâu txux chi jông đuô thiêz muôx nhoz, xênhz huôx truôx khor, muôx ntâu chuôz zênhx jông, qơư phưx vưv cơưv txux chi đuô”.

         Đhâu iz shông ntâu cxiv tsa, luôs hâux lưv cxiv kho têx côngz trênhx hâur tsêr cơưv cxênhx 2 Chiềng Đông, xã Yên Châu tưz kho tiêr, uô tâu thiêz muôz lok sir zôngv hâur shông cơưv 2025-2026. Txix Dưv anr 5-têz qơưk tsaz yênhx zov chênhr 1719 pênhr paz, tsêr cơưv tưz tâu cxiv uô, kho đuô qơư cơưv muôx 8 qar cơưv, 4 qar qơư trâu shux xênhz nox nhoz hâur tsêr cơưv, niêv txir zus mor, kho đuô qơư uô si, xênhz huôx...xav hur si tas muôx 2,3 tyv đeiv ntâu.

            Côngz trênhx uô tiêr, paz 520 ntâu lênhx shux xênhz hâur tsêr cơưv muôx qơư cơưv txux chi, xênhz huôx zôngx ziv đuô. Cưk kriê Nguyễn Văn Thuận, thơưx seiz car tsêr cơưv cxênhx 2 Chiềng Đông, xã Yên Châu, Sơn La heik pâuz: “Tâu cxuô cấp hâu nov moz siêz txos, tưz yưv pênhr cxiv uô tsêr cơưv tâu truôx khor thiêz jông. Têx qar qơư trâu shux xênhz nox nhoz hâur tsêr cơưv, cơưv txux chi taz por hur si, truôx tuk, cheix ntux sor lax nziês, cheix ntux no sor si; cxiv kho têx côngz trênhx vêv xênhz trâu shux xênhz nox nhoz hâur tsêr cơưv, muôx cxix cxuô zav chiê chor nhuôs shux xênhz tso siêz nox nhoz hâur tsêr cơưv, cơưv ntâuz ntơưr”.

             Yuôr ntơưv tsêr cơưv cxênhx 2 Lê Quý Đôn, phường Tô Hiệu, chor cưk kriê ntơưr thiêz shux xênhz ziv muôx cêr jông siêz, shir phaz đuô, thâuv shông cơưv no tâu yưv pênhr cxiv uô qar tsêr cơưv đros trâu muôx ntâu chuôz zênhx jông, xav hur si tsiv gri zuôr xar 500 tsov đeiv. Khov li co, luôs hâux lưv uô lơưr têx tsưr ziv yiêz kriê txux chi tâu zôngx ziv đuô, iz chas ntơư cux hlôngr yiêz tâu têx tsưr ziv kriê thiêz cơưv ntâuz ntơưr.....

             Cưk kriê Kiều Bích Liên, Phưv thơưx seiz car tsêr cơưv cxênhx 2 Lê Quý Đôn, phường Tô Hiệu, Sơn La heik: “Txix ciês têx ciêz xuz thơưx hâur shôngk shông cơưv yiêz, chor cưk kriê ntơưr tưz sir zôngv tâu jông têx chuôz zênhx phưx vưv kriê txux chi, thiêz uô trâu têx jiês cơưv muôx liv; cưk kriê ntơưr, shux xênhz tâu siz thav, siz kriê, cơưv tâu ntâu têx txux chi jông đuô...”.

             Chiê muôx txâuk têx qơư nhoz cơưv, chuôz zênhx phưx vưv kriê thiêz cơưv ntâuz ntơưr, shông cơưv no, tỉnh Sơn La tưz phênhz nhiêx txiêx xar muôx 65 tyv đeiv cxiv kho 250 ntâu qar tsêr cơưv; cxiv uô yiêz thiêz kho đuô 50 ntâu qar qơư phưx vưv uô hâux lưv kriê txux chi thiêz qơư trâu chor cưk kriê ntơưr nhoz hâur tsêr cơưv; muôz cxaz nzir têx chuôz zênhx phưx vưv kriê thiêz cơưv txux chi trâu 99 luz tsêr cơưv shux xênhz nox nhoz hâur tsêr cơưv, cơưv ntơưr niêv txir zus mor. Nhiv no tas nro tỉnh muôx 609 luz tsêr cơưv, zuôr xar 380 cxênhz lênhx shux xênhz cxuô cấp cơưv, muôx nhoz, cơưv truôx khor tâu 95,5%.

             Zơưv Hoàng Hùng, Tsar phongx tsưr ziv Nhiêx txiêx, Sở zoz zux tỉnh Sơn La heik pâuz: “No zos iz hâux lưv zov chênhr, đas jos cxơưz paz trâu chor cưk kriê ntơưr thiêz shux xênhz tâu kriê, cơưv txux chi hâur têx tsêr cơưv jông đuô, truôx tuk trơưk cui tinhv. Têx shông cơưv txuôk nzir, ngênhx zoz zux Sơn La cxiv tsa hâux lưv uô cov tiêr têx tsêr lớp cơưv ntơưr, sir jos 100% tsêr cơưv tâu cxiv uô truôx khor trơưk cui tinhv”.

              Iz chas têz qơưk nhiêx txiêx, Sơn La cux hu zâuv cxuô tsưr tsix, lênhx nênhs hâur tas nro thax tsav sik đros paz chiê cxiv uô, kho đuô têx tsêr cơưv ntơưr, côngz trênhx, zuôr cxaz nzir chuôz zênhx uz no phưx vưv kriê thiêz cơưv txux chi trâu cxuô luz tsêr cơưv./.

Lê Hạnh-Riê Lâux cxeik, nhênhv 

Điện Biên tsov cưv txu grês cêr pluôk truôx vênhs thiêz muôz siêz tsơưr lươngv zaoz zux, y tế, tsoz phưz đas jos trâu tsôngv box nôngx cxênhz

             Thôngz xor mông lok têx luôs hâux lưv fuô uô hâur njiêz luv số 4 thiêz số 5 nhoz Tsaz yênhx têz qơưk li qơư tsov txos lok cxiv tsa nôngx cxênhz yiêz sâuv thax tsav, đros têx njiêz luk “Txu grês cêr pluôk truôx vênhs, tiv zix zos thax tsav tsôngv box mênhx cxưx tsơưs nênhs nhoz thax tsav tox siêz” thiêz “Muôz siêz tsơưr lươngv zaoz zux, y tế thiêz tsoz phưz đas jos trâu tsôngv box”.

         Tsaz yênhx txu grês cêr pluôk truôx vênhs:

          - Tsêr nhoz trâu tsôngv box: Đhâu krêz uô tsaz yênhx, tsơưr lươngv lok tsêr nhoz (truôx jông) hâur thax tsav nôngx cxênhz. Uô tsưr ziv cxuôv tsêr lav uô, tsêr xơư nas sâuv thax tsav tỉnh, txix shông 2021 txos nhiv no, tas nro tỉnh tưz uô yiêz thiêz kho đuô 11 cxênhz 600 ntâu luz tsêr trâu chuôz zis muôx côngz têz qơưs, chuôz zis pluôk. Nhiv no, tas nro tỉnh yuôr 5 cxênhz 600 ntâu luz tsêr lav uô lav nhoz, tsêr xơư nas zuôr trâus tâu paz txưv, xã tax tsưr ziv lok tsêr nhoz trâu tsôngv box zos 79/115 xã.

          - Tsưr ziv lok txu grês cêr pluôk: Tas nro chor ziv chuôz zis pluôk nhoz thax tsav nôngx cxênhz txos tas shông 2024 zos 46 cxênhz 400 ntâu ziv, tsav zuôr xar 40% hâur co, ziv chuôz zis pluôk zos zuôr xar 30 cxênhz ziv, chor tsênhv yuôr zos ziv chuôz zis zuôr xar pluôk.

           Tsaz yênhx muôz siêz tsơưr lươngv zaoz zux, y tế thiêz tsoz phưz đas jos tsôngv box nôngx cxênhz:

          - Zaoz zux: Cơ sở cxuô zav, chuôz zênhx kriê ntơưr tuôv zênhv tâu zoz qơưx phưx vưv kriê thiêz cơưv ntơưr. Côngz xưv zaoz zux- cxuôv đis muôs ntơưr tror tâu tsov cưv chox kriê thiêz krêz uô. 100% taz viv hành chính cấp xã thiêz huyện sâuv thax tsav tỉnh tuôr truôx chêx cuk cxuôv đis muôs ntơưr độ 1, phổ cập zaoz zux mê nhuôk zâu, zaoz zux cxênhx 1 độ 2 thiêz phổ cập zaoz zux cxênhx 2 độ 2. CHor taz viv hành chính cấp xã tax ploz tsênhr phổ cập zaoz zux cxênhx 1 độ 3 thiêz phổ cập zaoz zux cxênhx 2 độ 3 tror chuôz tsar, đros 128/129 xã, phường, thị trấn tax phổ cập zaoz zux cxênhx 1 độ 3; 111/129 xã, phường, thị trấn tax phổ cập zaoz zux cxênhx 2 độ 3.

          - Lok y tế: Sâuv thax tsav tỉnh muôx 90/115 xã tax tsưr ziv tsôngv box cxaz chuôz BHYT; 70/115 xã tax ploz tsênhr têz qơưk lok y tế; 23/115 xã tsôngv box muôx ntơưr seiz njuôs shuôk moz điện tử. Txos nhiv no, muôx 89/115 xã tax tiêu chí lok y tế./.

Thu Thùy- Txâur Vax cxeik nhênhv