Lào Cai: pak đêx Đầm Sen tror kiês nênhs, pêx xênhv Âu Lâu cxơưx hlo

Thax tsav no thâuv ntêx zos qơư muôx tênhx qơư hur jông, muôx ntâu đêx, nhiv no pak đêx Đầm Sen thiêz thax tsav tsôngv px nhoz jok Cống Đá, phường Âu Lâu, tỉnh Lào Cai tsênhv njiz trâus qênhx shênhx đêx kiês nênhs. Lơưr tsôngv px li heik pâuz, ntâu ziv chuôz zis li chor đêx hâur kror đêx cxơưr trâus đuz txis, zôngv tsi tâu. Pos Lê Thị Gái, tsôngv px nhoz jok Cống Đá, phường Âu Lâu cxơưx hlo thiêz heik pâuz, ntâu ziv chuôz zis tsuv chiv chir đhok meir gruk đêx, chaz đêx txix qơư kuôk tsêr muôx nhos iz iz đraz cei cêr lok chiê muôx đêx xênhz huôx: 2-3 hnuz tov ntêx mak đêx đuz hênhr zôngv tsi tâu. Tuôx jê ntơưv co mak nor lok six tsư nxiêz, Cur tso luz kror đêx lox co tsês tsi car zôngv txos thiêz.

Tsi taz hâur đêx xênhz huôx trâus zênhr shar, mak têx pa tsư nxiêz txix pak đêx tsênhv uô phiv liv txos luz nênhx xênhz huôx niêx hnuz. Zơưv Lê Văn Sổ, đros nhoz jok Cống Đá cux heik tơưv tsi pâuz viv li chas qênhx shênhx kiês nênhs tưz txo grêk đhâu thâuv muôx cơ quan muôx vax huôv qênhz yuôx taz sik ntu jê lok no ho tror muôx yưv. 2-3 hnuz no lok six tsư nxiêz hênhr, nhiêx tsi chưv hlo, taz sik pêz nhoz uô nênhx ntơưv no cux uô siêz nhiêx xưz tsik pâuz uô li chas.

Qênhx shênhx kiês nênhs zov chênhr sâuv pak đêx Đầm Sen tsênhv uô zênhr shar txos hâux lưv cungz đêx zưs uô kôngz nuv. Lơưr Công ty TNHH Tân Phú, taz viv seiz car côngz trinhx đêx liv pak đêx Đầm Sen, hâur cheix ntux sor shông 2026, taz viv tưz tso tsês tsi zôngv đêx ntơưv pak đêx thiêz, hlôngr co zos grus đêx ntơưv tul niêv đêx Liêz lok zôngv, thôngx cxix krêz uô tsưr ziv đhok qơư grus đêx ntêr xar muôx 500 yiv ndis. Công ty tsưr tsix muôz têx vuôz tsuôz kiês nênhs, yuôx tuô caz, côngv đros tso đêx; thôngx cxix đhok meir cxeik đuôz seiz car hâux lưv tso đêx ntơưv Qơư công nghiệp Âu Lâu. Đhâu têx tsưr ziv no, tsơưr lươngv đêx jux jus jông đuô, tênhx qơư sâuv pak đêx hur đuô.

Txơưv tưz kriz uô ntâu tsưr ziv chiê taz por đêx phưx vưv uô xênhz yar, Công ty TNHH Tân Phú puz pâuz têx hnuz jê lok no, tror sâu jênhv đêx tso lok hâur pak đêx lok six đru, đros thiêz tsư nxiêz. Taz viv tưz heik chính quyênx tiv phaz thiêz têx sở, nganhx cik txos qênhz yuôx, xav tênhv qir tiv uô kiês nênhs thiêz xưv bluô txos qơư đros têx lênhx nênhs uô cxâuv. Zơưv Cao Bá Duy, Phưv Chủ tịch UBND phường Âu Lâu, tỉnh Lào Cai puz pâuz qir tiv: Uô ntêx hâur ntu iz, chêx cuk qênhz yuôx txix Công an tỉnh thiêz Chi cục por vêv tênhx qơư tỉnh tso pov qir tiv chênhr uô muôx yưv kiês nênhs zos txix pêx xênhv li têx vuôz tsuôz xênhz huôx hâur niêx hnuz thiêz hâux lưv vêv xênhz nhoz tênhx qơư thax tsav co. Taz sik, nhiv no đêx sâuv pak đêx ho tror kiês nênhs, pêz cux tsênhv xav tinhv oz qir tiv, zos đêx vuôz tsuôz xênhz huôx txix pêx xênhv tso lok hâur pak đêx thiêz tiv oz zos têx qơư tsiv uô, kinh doanh, nhoz têx thax tsav qơư công nghiệp li hâux lưv tsiv uô.

UBND phường Âu Lâu tưz heik trâu tỉnh li cơ quan muôx vax huôv pâuz, đros co zos chox kriê công an phường sik côngv đros Công an tỉnh zênhx max qênhz yuôx, xav tênhv. Đhâu thâuv muôx tâu chêx cuk tsênhz mênhx, tiv phaz zuôr heik trâu tỉnh chiê heik kriê tsưr ziv khưx phưx, yưr lir txos qơư têx qơư uô cxâuv cui tênhv lok por vêv tênhx qơư./.

Đinh Tuấn-Txâur Vax cxeik nhênhv

SÊIZ CAR, TSƯX PHƯV THIÊZ HUÔV TSAR JÔNGR

Grê 48. Huôv tsar jôngr uô nox

1. Tuôr truôx jông thax tsav jôngr uô nox zos jôngr chiv xênhz nhiv no muôx; tror tu jông têx jôngr chiv xênhz ntơưv têx thax tsav jôngr thâux ntêx no tưz txiêr ntông mak tsênhv tsik tâu huôv yênhz har jôngr; tsuôk tâu kho đuô jôngr chiv xênhz ntơưv têx qơư zuôr tror huôv tsar tsik tâu yênhx har jôngr.

2. Tu thax tsav jôngr tsêx trung, sir zôngv công nghệ sinh học yiêz thiêz kỹ thuật chos jôngr chiê paz trâu chor jôngr chos hloz lox jông, cungz cxuô zav trâu công nghiệp uô têx hax huv txix jôngr ntông.

3. Cxơưz cxiz chos jôngr txix ntâu zav ntông, cxuô zav đrâuv têx ntông; đros chos chor ntông zâu hloz lox sêi thiêz chor ntông lox ntêr shông; hlôngr chor har jôngr ntông zâu chiê chos chor ntông lox ntơưv têx thax tsav huv đros.

Grê 49. Chos cxuô zav đrox nhov hâur har jôngr, tu zus huôv tsar têx tsiêx kuk

1. Tsưr tsix, tiz nênhs chos thiêz tu zus cxuô mzav đrox nhov, tsiêx kuk zuôr trâus pôngz nôngz, muôx tsiv gri; cxuô zav đrox tsuôs hâur har jôngr, tsiêx kuk nhoz hâur Công ước li bê ntơưr lok zuôr muôs ntiêx têz cxuô zav tsiêx kuk, đrox tsuôs zuôr trâus pôngz nôngz; chor tsiêx kuk tsuv muôx txâuk cxuô kror lok zuz nôngz huv chêi, qơư tu zú truôx tuk trâu lênhx nênhs thiêz tsiêx tu zus, vêv xênhz tênhv qơư, phax tar caz moz, tsik uô phiv liv txos tuôr tsês cxuô zav muôx hâur tênhv qơư đrox tsuôs, chiv xênhz.

2. Chinhr phuv cui tênhv tsênhv mênhx cxuô kror, ntâuz ntơưr, vax huôv tso chêi uô thiêz tu zus cxuô zav đrox tsuôs, tsiêx kuk muôx tsiv gri, zuôr zôngx ziv trâus pôngz nôngz; cxuô zav đrox tsuôs, tsiêx kuk huv đros hâur Công ước li Bê ntơưr lok zuôr muôs ntiêx têz cxuô zav tsiêx ku, đrox tsuôs zuôr trâus pôngz nôngz; cxuô zav tsiêx kuk txơưr.

Grê 50. Chos ntông trâu cxiê qơư

1. Chos chor ntông trâu cxiê qơư đrâuv thax tsav jôngr chiê tsar ndê thax tsav muôx ntông njuôz, paz por vêv tênhv qơư, đros muôx tâu têx ntông, tơưl thiêz dịch vuv du lịch.

2. Cơ quan, tsưr tsix nhoz trung ương thiêz thax tsav qơư muôx txơưx jênhv yax kriê, hêik tas nro pêx xênhv kriz uô phongz yaox chos ntông; tsưr tsix chos, sêiz car, por hư chor ntông ntơưv têx đrôngs, jêx jok, qơư công nghiệp.

3. Têz qơưk muôx tsênhv chêi paz zuz nôngz, kriê kỹ thuật chor ntông.

Grê 51. Cxuô kror chiê paz trâu por vê thiêz huôv tsar jôngr

1. Chor cêr hâur jôngr nuv zos cêr hâux xa ntong, cêr qênhz yuôx por hưv jôngr; qơư tsês chiê têx ntông.

2. Côngz trinhx phax tar chor tsiêx uô hiêv, chơưv paz, por hưv, huôv tsar chor tsiêx kuk, đrox tsuôs hâur har jôngr.

3. Côngz trinhx phax cuz, tuô cuz jôngr muôx chor cêr tir tar hluôr tơưl, qơư sêiz jor hluôr tơưl cuz har jôngr, njuôk xav hluôr tơưl txêik cuz jôngr; têx cưx đêx, pak đêx paz trâu tuô hluôr tơưl chis cuz jôngr.

4. Qơư por hưv jôngr; poz hiêr, fiêx hêik pâuz, qơư chiv đriv jôngr, tiểu khu, thax tsav thiêz jôngr.

5. Côngz trinhx hạ tầng tsuv muôx chiê uô jông por hưv thiêz huôv tsar jôngr./.

Tuyết Lan-Lik Thox cxêik nhênhv