Por hưv, tuôr tsês jông heir nênhs Lự nhoz Lai Châu txux chi vênhx huôv tsi chiê pôngz plox

Nhiv kruôr đhâu, ntơưv jok Thẳm, xã Khun Há, tỉnh Lai Châu nthuôr uô Hnuz hội vênhx huôv heir nênhs Lự shông 2026, đros ntâu txux chi vênhx huôv, cêr lov jêv thâuv ntêx. Tsi tiêk tror nthuôr uô đuô têx cêr nênhx phôngz cxưx thâuv ntêx, hnuz hội tsênhv paz gra siêz tsưr ziv jênhv pâuz lok sâuv sik đros por hưv, tuôr tsês têx txux chi vênhx huôv jông reik đros huôv tsar ju lix côngv thôngx.

Nhoz hâur jok Thẳm, têx chêr tsôngk hnar khax jông jav thâuv ntêx đros trâu suôz tuôr chok đror, têx lênhx têk txơưx têk gruôs uô pax ntâuz, xơưs tsôngk hnar, hiêz tơưz, hiêz vaz….uô trâu tsôngv box Lự luz nênhx ziv muôx ntâu tsar zav txux chi vênhx huôv jông đuô. Hnuz hội zos six hơưv chiê tsôngv pêx xênhv tâu siz chuôs njiz, sik đros nthuôr uô cêr lov jêv, piêr kriê têx txux chi vênhx huôv trâu tsôngv kruô pâuz txos. Lar heik, hnuz hội tror nthuôr uô chei cxênhx cxênhv txi nhux tưv njux plis. Hâur nênhs Lự luz nênhx, cêr huôv tsar uô nox, tus tưv zos zav chuôz zênhx muôx grik thiêz đros đreiv tsôngv pêx xênhv khưr uô têx liêx têz, chiê uô tâu kôngz lôngk, sâu tâu nju, muôx luz nênhx tsâu sor. Trơưk li chor lâul tsưr ziv xar, đhâu iz chiv kôngz, tsôngv pêx xênhv uô ntênhs txi chiê uô tsâus, thor côngz hmôngr trâu lênhx nênhs, têx tsiêx tu zus muôx đas jos truôx tuk thiêz uô kôngz sâu tâu nju. Zơưv Lò Văn Khằm nhoz jok Chăn Nuôi heik: “Nênhs Lự phôngz cxưx cêr nênhx zos đhâu thâuv nhux tưv đros paz uô têx liêx têz tas hâur shông thiêz đhâu uô kôngz tas, mak zuôr txi hu nhux tưv njux plis, chiê nhiêk njux lok puôz nhiêk đuôz, nhiêk hlâur lok puôz nhiêk chêr, lênhx nênhs, têx tsiêx đas jos truôx tuk, tsi nhoz kaz trôngz kaz ha, tsi nhoz zak cêr zak nduô, shir phaz luz lus lok đros txix đros gơưv, đros box nhoz uô paz, côngv uô pơưs, chiê kôngz lôngk hloz lox jông, sâu tâu nju”.

Txix cxênhx cxênhv chei đaz kruôs txos trâu têx txux chi thâuv vênhx huôv thâuv ntêx, hnuz hội krêz hâu cêr, tsưr ziv jông trâu nênhs Lự luz nênhx xênhz huôx. Tsôngv kruô tâu seiz njiê pov txux chi jak câuk hniêr đuz, tâu pâuz txos têx cêr uô pax ntâuz, xơưs tsôngk hnar, hiêz tơưz, hiêz vaz; đros côngv uô têx txux chi cêr lov jêv li: Ntêk cxov njêl đêx, tuôr cxur, nox siv têx zav nox kaz, sik truz hluô, muk chuôv shôngz, tuô hnênhr. Têx txux chi cêr nênhx huôv tâu nthuôr uô hâur hnuz hội, chiê cxênhx hluôk pâuz tsênhz đuô lok zuk heir nênhs têx txux chi vênhx huôv, tsôngv kruô tâu đros tsôngv pêx xênhv côngv uô cêr lov jêv. Zơưv Tống Văn Đức, Phưv Chủ tịch Ủy ban xã Khun Há, tỉnh Lai Châu heik pâuz: “Hâur ntu zuôr txos, pêz tror qênhz shuôs thiêz cxiv uô heir nênhs Lự têx txux chi vênhx huôv jông. Cxơưz cxiz sơưr đơưk sik đros por hưv, tuôr tsês heir nênhs Lự têx luk heik, tsôngk yo hnar thiêz phôngz cxưx cêr nênhx thâuv ntêx; tuôr tsês têx txux chi cêr lov jêv, tsưx phưv truôx chor nênhs txơưx sênhr chêr nthuôr uô txũ chi lov jêv, txir ndâux txir luk thiêz nênhs lâul hnuz nhôngs siêz hâur côngv thôngx cêr uô ntêx nyuôs. Muôz luôs hâux lưv por hưv têx txux chi ntơư fuô kriê hâur tsêr cơưv trâu têx tuz nhuôs cơưv shâuv, đros tuôs tsês thiêz nthuôr uô hâur têx cêr lov jêv jêx jok, thax tsav”.

Txix suôz txi nhux tưv njux plis txos trâu suôz yuôz xor, ntok ntâuz, hiêz tơưz, hiêz vaz, têx chêr tsôngk hnar khax jav thâuv ntêx, txux chi vênhx huôv heir nênhs Lự tsênhv tâu por hưv, tuôr tsês jông tsi chiê pôngz plox. Thâuv têx txux chi ntơư tâu kriê trâu cxênhx hluôk đros cơưv shâuv thiêz tuôr tsês chiê, yênhx têx jông trâu tsôngv kruô tuôx ndis seiz uô si, mak têx txux chi vênhx huôv co tsi tiêk tâu por hưv tsês, tsênhv paz muôz hâu cêr huôv tsar uô nox, muôx nzir phênhv sâu, cxơưz pêx xênhv tox siêz Lai Châu luz nênhx hlôngr yiêz, vav mênhx./.

Khắc Kiên-Riê Lâux cxeik, nhênhv

Lào Cai: Púng Luông zos qơư cxơưz cxiz tâu tsôngv kruô tuôx ndis uô si

          Cxuô jêk blêx liêx tơư ntêir thiêz têx shôngz trơưv hâur thax tsav Púng Luông jông jav xưk li pêz heir nênhs Hmôngz têx vênhx huôv jông cxôngx nzor tưz cxơuz cxiz tâu tsôngv kruô tuôx sêiz shuôk, ndis uô si. Chênhr zos li hêik ntơư, xav txix hâur shôngk shông txos trâu nhiv no, xã Púng Luông tưz tok tâu 10.000 lênhx kruô hâur têz qơưs thiêz sâuv ntiêx têz tuôx ndis uô si; thiêz xav hâur luz hli 9 đhâu tưz tok tâu 1.100 lênhx kruô tuôx nhoz so muk lok ndis uô si. Chiê cxơưz cxiz cov tâu chôngz lênhx kruô tuôx sêiz shuôk têz qơưs, tsuv uô cov huv đros tsôngv kruô siêz nhiêv thiêz cxuô thax tsav qơư ndis uô si tsuv truôx tuk, tsik muôx tuz saz, tuz nhiês. Chênhr zos li hêik ntơư, Công an xã Púng Luông tưz đros hâu nov ntơưv qơư yax kriê, qênhz yuôx cxuô qơư so, nox nhoz muk lok hâur thax tsav qơư ndis uô si tsưx phưv truôx tuk an ninh, tsik chiê muôx yưv cuz tơưs, tsik muôx yưv cuz nxor. Đại úy Hoàng Văn Duy, Công an xã Púng Luông, tỉnh Lào Cai hêik pâuz: Pêz tưz fuô uô truôx jông cxuô luôs hâux lưv sêiz car, qênhz yuôx tsik chiê cxuô qơư tsiv uô cxuô zav nox, tsêr tok kruô tuôx nhoz so muk lok tsik chiê muôx yưv cuz tơưs. Đhâu co, sêiz pov thax tsav qơư tưs tsik tâu huv đros, tsuv kho uô cov truôx jông huv đros tsôngv kruô siêz nhiêv.

        Đros trâu luôs hâux lưv qênhz yuôx, sêiz car, công an xã Púng Luông tưz yax kriê cxuô faz tsưr ziv tir their cuz tơưs trâu chor nênhs uô tsêr tok kruô thiêz yax kriê lok tsưr ziv phax tar cuz tơưs trâu shuv xênhz hâur tsêr cơưv ntơưr. Pos Lê Thanh Ngọc, sêiz car thax tsav qơư tok kruô nhoz xã Púng Luông cux hêik pâuz tiêk, cxuô faz tsưr ziv kriê no huv zos đrêiv chêi têz qơưs têx chêi tso tơưv. Công an xã tuôx yax kriê cxuô faz tsưr ziv phax phôngz, tir their cuz tơưs thiêz tuô hluôr tơưk, tsik chiê muôx yưv têx tsik jông. Đhâu yax kriê, cxuô lênhx sđ tưz pâuz tâu têx faz tsưr phax tar tsik chiê muôx yưv cuz tơưs.

        Lar hêik zos hâur thax tsav muôx chôngz lênhx kruô tuôx nhoz, so muk lok ndis uô si li: Har jôngr shôngz trưv; trôngz khủng long; thax tsav blêx liêx tơư ntêir…. Đại úy Trưs x Zax, Phưv tsar Công an xã Púng Luông, tỉnh Lào Cai hêik pâuz: Iz chas qênhz yuôx hâur đruôz hnuz, pêz cux qênhz yuôx sêiz car hâur hmo ntux; lar hêik txix thâuv 10 six tsâuk ntux txos trâu 6 six sơưr nzor hnuz tov kaz.

          Chênhr zos tâu cơ quan muôx vax huôv sêiz car đrux, cux li chor nênhs tsiv uô zav nox, qơư tok kruô, qơư ndis uô si… uô tâu zos đrêiv chêi têz qơưs tso tơưv, huv đros tsôngv kruô siêz nhiêv thiêz cxơưz cxiz tâu chôngz lênhx kruô tuôx ndis shuôk têz qơưs. Pos Hà Giang nhoz Hải Phòng tuôx ndis uô si txos thax tsav qơư no shir phaz lul hêik pâuz: Zos thơưx jiês cux tuôx ndis uô si trâu ntơưv no, thiêz sêiz pov thax tsav qơư co muôx chuô lax nziês txuôk đros tsôngv px sđ têx txux chi, vênhx huôv jông tsênhv muôx đros đêiv hâur luz nênhx. Thiêz cur sêiz pov tsôngv px sđ pâuz chơưx kruô huv đros tsôngv kruô siêz nhiêv.

        Púng Luông zos thax tsav qơư truôx tuk lok cxuô zav, cxơưz cxiz huôv tsar qơư ndis uô si, muôx chôngz lênhx kruô tuôx sêiz shuôk./.

              Tsu cxêik nhênhv-Thừa Xuân, CQTT Tây Bắc