Lào Cai: pak đêx Đầm Sen tror kiês nênhs, pêx xênhv Âu Lâu cxơưx hlo

Thax tsav no thâuv ntêx zos qơư muôx tênhx qơư hur jông, muôx ntâu đêx, nhiv no pak đêx Đầm Sen thiêz thax tsav tsôngv px nhoz jok Cống Đá, phường Âu Lâu, tỉnh Lào Cai tsênhv njiz trâus qênhx shênhx đêx kiês nênhs. Lơưr tsôngv px li heik pâuz, ntâu ziv chuôz zis li chor đêx hâur kror đêx cxơưr trâus đuz txis, zôngv tsi tâu. Pos Lê Thị Gái, tsôngv px nhoz jok Cống Đá, phường Âu Lâu cxơưx hlo thiêz heik pâuz, ntâu ziv chuôz zis tsuv chiv chir đhok meir gruk đêx, chaz đêx txix qơư kuôk tsêr muôx nhos iz iz đraz cei cêr lok chiê muôx đêx xênhz huôx: 2-3 hnuz tov ntêx mak đêx đuz hênhr zôngv tsi tâu. Tuôx jê ntơưv co mak nor lok six tsư nxiêz, Cur tso luz kror đêx lox co tsês tsi car zôngv txos thiêz.

Tsi taz hâur đêx xênhz huôx trâus zênhr shar, mak têx pa tsư nxiêz txix pak đêx tsênhv uô phiv liv txos luz nênhx xênhz huôx niêx hnuz. Zơưv Lê Văn Sổ, đros nhoz jok Cống Đá cux heik tơưv tsi pâuz viv li chas qênhx shênhx kiês nênhs tưz txo grêk đhâu thâuv muôx cơ quan muôx vax huôv qênhz yuôx taz sik ntu jê lok no ho tror muôx yưv. 2-3 hnuz no lok six tsư nxiêz hênhr, nhiêx tsi chưv hlo, taz sik pêz nhoz uô nênhx ntơưv no cux uô siêz nhiêx xưz tsik pâuz uô li chas.

Qênhx shênhx kiês nênhs zov chênhr sâuv pak đêx Đầm Sen tsênhv uô zênhr shar txos hâux lưv cungz đêx zưs uô kôngz nuv. Lơưr Công ty TNHH Tân Phú, taz viv seiz car côngz trinhx đêx liv pak đêx Đầm Sen, hâur cheix ntux sor shông 2026, taz viv tưz tso tsês tsi zôngv đêx ntơưv pak đêx thiêz, hlôngr co zos grus đêx ntơưv tul niêv đêx Liêz lok zôngv, thôngx cxix krêz uô tsưr ziv đhok qơư grus đêx ntêr xar muôx 500 yiv ndis. Công ty tsưr tsix muôz têx vuôz tsuôz kiês nênhs, yuôx tuô caz, côngv đros tso đêx; thôngx cxix đhok meir cxeik đuôz seiz car hâux lưv tso đêx ntơưv Qơư công nghiệp Âu Lâu. Đhâu têx tsưr ziv no, tsơưr lươngv đêx jux jus jông đuô, tênhx qơư sâuv pak đêx hur đuô.

Txơưv tưz kriz uô ntâu tsưr ziv chiê taz por đêx phưx vưv uô xênhz yar, Công ty TNHH Tân Phú puz pâuz têx hnuz jê lok no, tror sâu jênhv đêx tso lok hâur pak đêx lok six đru, đros thiêz tsư nxiêz. Taz viv tưz heik chính quyênx tiv phaz thiêz têx sở, nganhx cik txos qênhz yuôx, xav tênhv qir tiv uô kiês nênhs thiêz xưv bluô txos qơư đros têx lênhx nênhs uô cxâuv. Zơưv Cao Bá Duy, Phưv Chủ tịch UBND phường Âu Lâu, tỉnh Lào Cai puz pâuz qir tiv: Uô ntêx hâur ntu iz, chêx cuk qênhz yuôx txix Công an tỉnh thiêz Chi cục por vêv tênhx qơư tỉnh tso pov qir tiv chênhr uô muôx yưv kiês nênhs zos txix pêx xênhv li têx vuôz tsuôz xênhz huôx hâur niêx hnuz thiêz hâux lưv vêv xênhz nhoz tênhx qơư thax tsav co. Taz sik, nhiv no đêx sâuv pak đêx ho tror kiês nênhs, pêz cux tsênhv xav tinhv oz qir tiv, zos đêx vuôz tsuôz xênhz huôx txix pêx xênhv tso lok hâur pak đêx thiêz tiv oz zos têx qơư tsiv uô, kinh doanh, nhoz têx thax tsav qơư công nghiệp li hâux lưv tsiv uô.

UBND phường Âu Lâu tưz heik trâu tỉnh li cơ quan muôx vax huôv pâuz, đros co zos chox kriê công an phường sik côngv đros Công an tỉnh zênhx max qênhz yuôx, xav tênhv. Đhâu thâuv muôx tâu chêx cuk tsênhz mênhx, tiv phaz zuôr heik trâu tỉnh chiê heik kriê tsưr ziv khưx phưx, yưr lir txos qơư têx qơư uô cxâuv cui tênhv lok por vêv tênhx qơư./.

Đinh Tuấn-Txâur Vax cxeik nhênhv

Cxiv tsa xã hội truôx tuk, vav mênhx, huôv tsar hâur ntu hlôngr yiêz

Tsưr ziv chox kriê, Nghị quyết xav tinhv cxiv tsa XH truôx tuk, vav mênhx, huôv tsar zos tas nro cxix luôs chính trị thiêz tas nro xã hội hâux lưv, muôx Đảng chox car, cxơưz têz qơưk huôv tsar hâur ntu hlôngr yiêz. Taz por huôv tsar kinh tế, huôv tsar vênhx huôv, lênhx nênhs, por hưv tênhx qơư huv đros chiê hlôngr yiêz, huôv tsar, côngz fênhx xã hội.

Sir jos cxiv tsa lênhx nênhs Việt Nam  hâur ntu hlôngr yiêz muôx cêr sik thôngx siêz, tsưr ziv jông, chính trị truôx tuk, pêx xênhv muôx chei vax huôv siz luôs sik đros cxơưz têz qơưk huôv tsar, muôx txux chi jông huv đros ntu hlôngr yiêz. Hlôngr pâur txux chi, tsưr ziv seiz car xã hội trơưk li “seiz car xã hội yênhx cxơưz cxiz sơưr đơưk sik đros muôx luz nênhx tsâu sor, vav mênhx”; zuôr pêx xênhv uô qơư chênhr, vênhx huôv zos qơư khov truôx, chei têz qơưk zos qơư muôx jos, khoa học công nghệ, hlôngr yiêz txux chi tsưr ziv thiêz hlôngr yiêz sôr zos qơư cxơưz paz, pêx xênhv luz nênhx tsâu sor, vav mênhx zos hâux lưv zov chênhr chiê uô tier cxuô luôs hâux lưv.

Nghị quyết tso tơưv tsưr ziv txos shông 2030 phênhv ntâu uô tâu têx luôs hâux lưv tsưx phưv truôx tuk xã hội, luz nênhx vav mênhx, huôv tsar. Lênhx nênhs txux chi huôv tsar tax 0,8; hnuz nhôngs xav kror đruôz đraz txix thâuv xênhz zus tâu lok txos trâu ntu lâul tax 75 shông ntâu, hâur co luz nênhx, đas jos truôx tuk tax tsơưs tsơưs 68 shông. Lênhx nênhs phênhv sâu tâu xav kror đruôz đraz tsi txơưr txar ntâu. Jux juk muôx têx thax tsav qơư truôx tuk, vav mênhx, huôv tsar. Nghị quyết heik mênhx txos shông 2045, cxiv tsa yênhx côngz xã hội truôx tuk, vav mênhx, huôv tsar. Lênhx nênhs luz nênhx, cêr shir phaz, tsâu sor, huôv tsar thiêz txux chi seiz car xã hội zos iz hâur têx têz qơưk vav mênhx sâuv ntiêx têz; muôz qơư khov truôx chiê uô tâu cxuô luôs hâux lưv tso tơưv cxơưz têz qơưk huôv tsar, muôx phênhv sâu tâu siêz, pêx xênhv luz nênhx tsâu sor, têz qơưkhlôngr yiêz, truôx tuk.

Chiê uô tâu têx hâux lưv tưz tso tơưv, Nghị quyết heik mênhx txos 8 hâux lưv, tsưr ziv zov chênhr, co zos: Gra siêz tsưr ziv jênhv pâuz, sik thôngx siêz, ssik đros cxiv tsa xã hội truôx tuk, vav mênhx, huôv tsar. Cxiv tsa vênhx huôv trơưk chei têz qơưk thiêz cui tinhv xã hội. Cxiv tsa lênhx nênhs Việt Nam hâur ntu hlôngr yiêz zos zov chênhr, pênhr jos thiêz cxuô lênhx cxuô tus hâur xã hội muôx cêr sik thôngx siêz, sik đros tsưx phưv truôx tuk, vav mênhx thiêz huôv tsar. Cxiv tsa thiêz tsưx phưv truôx têz qơưk têx muôx jông, txux chi vênhx huôv, chuôz zis cêr uô nênhx, lênhx nênhs tsiv txiêx thiêz uô trơưk chei têz qơưk Việt Nam hâur ntu hlôngr yiêz. Cxiv tsa quản trị xã hội truôx jông, cxơưz cxuô thax tsav qơư huôv tsar. Taz por lênhx nênhs truôx tuk, tsi muôx cuz nxor thiêz cxiv tsa qơư nox nhoz hur si. Huôv tsar kinh tế sei, truôx reik đros hlôngr yiêz, xã hội côngz fênhx, por hưv tênhx qơư thiêz gra siêz pêx xênhv luz nênhx xênhz huôx. Sir jos sik côngv đros 2 chas têz qơưk sâuv ntiêx têz thiêz hu zâuv pênhr jos trâu cxiv tsa xã hội truôx tuk, vav mênhx, huôv tsar.

Nghị quyết heik mênhx, chiê uô tâu têx luôs hâux lưv heik sâuv, BCH T.Ư xav tinhv 03 hâux lưv, tsưr ziv zov chênhr zos: Cxiv tsa vênhx huôv trơưk chei têz qơưk, vênhx huôv Đảng, vênhx huôv truôx tuk; cxiv tsa lênhx nênhs Việt Nam hâur ntu hlôngr yiêz; cxiv tsa xã hội truôx khor, cxơưz cxiz ntơưv qơư huôv tsar./.

Vừ Chu-Riê Lâux cxeik, nhênhv