Tox siêz Điện Biên hlôngr yiêz txix têz qơưk tsaz yênhx paz

Ntơưv jok Can Hồ, xã Pa Ham, tỉnh Điện Biên, thâuv ntêx tsôngv pêx xênhv luz nênhx phênhv ntâu khov lok têx blêx, poz cưk hâur liêx têz, phênhv sâu tsi truôx tuk. Txix thâuv muôx dưv anr 9 paz huôv tsar uô nox trâu tsôngv box heir nênhs lok six tsơưs nênhs thiêz lưv heir nênhs tsênhv yuôr ntâu txov nhêv nhoz têz qơưk tsaz yênhx paz thax tsav tsôngv box heir nênhs tsơưs thiêz tox siêz huôv tsar kinh tế-xã hội tâu fuô uô, tsôngv niêv txir lax pêx xênhv hâur jok tưz tâu kriê tsưr ziv tu thiêz tsiv uô têx yuôx zêx lâul-iz zav muôx grik nưk tuôx nưk hâur xuz jôngr. Iz chas co, 300 ntâu tsoz yuôx zêx lâul tưz tâu seiz car, tu thiêz tsiv uô lok six jông, yênhx ntâu chuôz zis pê xênhv cêr huôv tsar uô nox chênhr. Zơưv Kháng Nhè Máy, nhoz jok Can Hồ heik pâuz, zơưv chuôz zis muôx 100 ntâu tsoz yuôx zêx lâul chuôz zis seiz car thiêz tu tsênhv gra lok phênhv sâu truôx tuk trâu chuôz zis:

“Nhiv no têx yuôx zêx tưz muôx qơư sâu zuôr, muôx dưv anr lơưv, pêx xênhv cux ziv hnuz ziv moz siêz tu têx tsoz yuôx zêx đuô. Iz chas co, muôx têx lớp cơưv cxaz nzir tsưr ziv lok sâuv tsiv uô yuôx zêx cov muôs tâu truôx đuô. Tsôngv pêx xênhv hâur jok lênhx tưs cux moz siêz txos tu têx tsoz yuôx zêx chiê uô tâu jông đuô”.

Yuôr ntơưv xã Na Sang, luôs hâux lưv chos txir pur lux têz cux tsênhv krêz hâu cêr huôv tsar uo nox yiêz. Shông 2022, tix lâus Zênhz Xênhv Lik chuôz zis tâu paz 10 cxênhz ntâu tsoz câuk pur lux chos txix têz qơưk tsaz yênhx huôv tsar kinh tế-xã hội thax tsav tsôngv box heir nênhs tsơưs thiêz tox siêz. Khov sir jos chos thiêz moz siêz tu jông trơưk li heik kriê, krêz đar liêx têz chos muôx iz ha ntâu, txos nhiv no, iz chiv sâu đê txir pur lux, tix lâus chuôz zis tâu muôx zuôr xar 100 tsov đeiv nhiêx.

“Nhiv no tsôngv pêx xênhv hâur xã cux chos txir pur lux ntâu cơưk thiêz huôv tsar chos trơưk li fuô kriê. Tsoz txir pur lux mak cux zôngx ziv tu, tsuôk moz siêz zuôv qir trâu, chos iz tsoz kuôk iz tsoz cov mê njik đêz chiê jông hloz lox xưz, têx txir zuôr lox siz luôs, txi ntâu thiêz jông gâux”.

Iz chas paz huôv tsar uô nox, têz qơưk tsaz yênhx paz thax tsav tsôngv box heir nênhs tsơưs thiêz tox siêz huôv tsar kinh tế xã hội tsênhv yưv pênhr uô têx côngz trênhx zuôr trâus txos, paz pêx xênhv tox siêz buôk ti dịch vụ zôngx ziv đuô.

Zơưv Xênhz Xênhv Shôngx, tsar jok Đun Nưa, xã Sáng Nhè, tỉnh Điện Biên heik pâuz: Têx shông jê lok no, ntâu côngz trênhx zoz thôngz, đêx liv hâur jok, hâur xã tưz tâu yưv pênhr cxiv tsa; cêr muk lol jêx jok cux tâu luôv suôz jêz, xi măng đu lus, pêx xênhv zôngx ziv huôv tsar uô nox, lax luôv. Đros trâu têx li heik co, pêx xênhv cux tâu buôk ti txos têx tsaz yênhx paz uô nox li: Muôz zuz nôngz kôngz, chuôz zênhx phưx vưv huôv tsar uô nox, kriê tsưr ziv.... Khov li co, tsôngv box muôx six hơưv, hnuz nhôngs krêz đar liêx têz uô nox, chos ntâu zav tsoz chos, tu zus ntâu tsiêx cxu, jux juk gra siêz phênhv sâu tâu.

“Thâuv ntêx tsôngv pêx xênhv hâur jok lok six txov nhêv, cêr muk lol phiv liv. Nhiv no Đảng, têz qơưk moz siêz paz max viv li tưz muôx jông cêr, zôngx ziv muk lol đuô, lênhx tưs cux shir phaz. Nhiv no tsôngv niêv txir lax pêx xênhv cux sir jos khưr, cơưv shâuv tsưr ziv huôv tsar uô nox uô hnar, tưz muôx ntâu chuôz zis hla đhâu txov nhêv, luz nênhx truôx tuk, tsâu sor”.

Đhâu 5 shông fuô uô, têz qơưk tsaz yênhx paz tsôngv box heir nênhs tsơưs thiêz tox siêz huôv tsar kinh tế-xã hội tưz paz hlôngr yiêz tsôngv pêx xênhv Điện Biên luz nênhx xênhz huôx lok six ntâu. Ntâu chuôz zis tưz sir jos hlôngr tsưr ziv huôv tsar uô nox, uô trơưk têx cêr hlôngr yiêz, tsưr ziv kriê, zok nriêr qơư sâu zuôr xiv huv, paz txo grêk cêr pluôs truôx. Zơưv Vũ Văn Công, Phưv Giám đốc Sở Mênhx cxưx thiêz Tôn giáo tỉnh Điện Biên heik pâuz, chor chuôz zis pluôs hâur tas nro tỉnh txo grêk tsơưs ntâu, nhiv no tsuôk yuôr 21%, hâur co thax tsav tsôngv box heir nênhs tsơưs yuôr 27%.

“Têz qơưk tsaz yênhx paz thax tsav tsôngv box heir nênhs tsơưs ntu 2021-2025 tưz fuô uô tâu lok six jông, tsưx phưv truôx heir nênhs tsơưs têx txux chi vênhx huôv thiêz paz chuôz tsar phênhv sâu tâu trâu tsôngv box heir nênhs tsơưs, kriê cxaz nzir têx txux chi tsưr ziv uô nox trâu côngv thôngx cxuô heir nênhs tsơưs. Pêx xênhv pâuz tsưr ziv huôv tsar uô nox, huôv tsar kinh tế xã hội hâur thax tsav qơư. Txix ntơư, têx chuôz zis pluôs nhoz thax tsav tsôngv box heir nênhs tsơưs txo grêk jux juk, xav kror đruôz đraz phênhv sâu tâu hâur niêx shông tsar ndê, paz txo grêk cêr pluôs truôx”.

Txix têx dưv anr paz huôv tsar uô nox, yưv pênhr uô têx côngz trênhx txos trâu hlôngr yiêz tsưr ziv, siêz xar uô nox uô hnar, thax tsav tox siêz Điện Biên tsênhv jux juk hlôngr yiêz, vav mênhx, sơưr đơưk muôx luz nênhx tsâu sor, sir jos huôv tsar truôx hâur ntu zuôr txos./.

Vũ Lợi-Riê Lâux cxeik, nhênhv

PHÊNHV SEIZ CAR TSƯX PHƯV JÔNGR

            Grê 46. Huôv tsar jôngr lâuk:

          1. Đros têx vax têz qơưk, thax tsav trôngz jôngr chiv xênhz, thax tsav por hưv tsiêx kuk- tsoz chos uô têx hâux lưv li đrav kaz:

         a)Tuôr truôx têx trôngz jôngr chiv xênhz muôx ntơưv qơư, taz por jôngr huôv tsar jông hâur thax tsav tâu por vêv jông hâur jôngr lâuk.

          b)Hôx phưx, uô têx tsưr ziv chiê chos jôngr, chos têx tsoz chos nhoz tiv phaz hâur thax tsav jôngr lâuk thiêz qơư uô jix vuv.

            c)Chơưv paz, por vêv thiêz huôv tsar têx tsiêx kuk, tsoz chos cxuô zav pêv har jôngr.

          2. Đros thax tsav por vêv trôngz jôngr chiv xênhz, uô têx hâux lưv li đrav kaz:

           a)Tuôr truôx mênhv chêx jôngr tsênhv muôx;

          b)Uô tsưr ziv kỹ thuật chos jôngr, cêv kuôk cxơưz cxiz chos jôngr, uô trâu têx jôngr muôx cxuô zav tsoz chos chiê muôz siêz tsơưr lươngv jôngr;

          3. Đros thax tsav jôngr zôngv chiê nhênhz chơưv, njuôs siv khoa học, uô têx huôx tôngv por vêv thiêz huôv tsar jôngr lơưr jênhv vưv nhênhz chơưv khoa học zos tsưr jôngr lok sik chiz coaz têz qơưk muôx vax huôv cuiz tênhv.

          4. Uô zuz nôngz tsoz chos têz qơưk, uô têx huôx tôngv chiê tuôr truôx thiêz huôv tsar jôngr lơưr tsưr ziv tâu chiz coaz têz qơưk muôx vax huôv thôngz đhâu.

          5. Đros têx vax tuôr tsês têx nôngz tsoz chos cxuô zav muôx tsiv grê, hâux lưv tuôr tsês, xeir tsov, chos cxaz zav tsoz chos tiv phaz reik đros nhênhz chơưv khoa học, cxiv kho tênhx qơư, ndis seiz uô si./.

(Tuyết Lan-Txâur Vax cxeik nhênhv)