Canr bôv, đảng viên thiêz pêx xênhv Lai Châu gôngr côngv ziv chênhv trâu dưv thảo văn kiện Đại hôiv Đảng XIV

Ntu đhâu, Đảng ủy xar Tả Lèng, tỉnh Lai Châu tưz hcox kriê tas nro 39 chi, đảng bôv, chor cơ quan, taz viv kriz uô ntâu tsưr ziv yax kriê tsênhv njiêz dưv thảo chor văn kiện muôz trâu Đại hôiv Đảng XIV. Txix iz đraz hli 10 txos nhiv no, xar tưz tsưr tsix xar muôx 20 jiês cơưv, xênhz huôx, paz trâu chor canr bôv, đảng viên thiêz pêx xênhv sêz lax, gôngr côngv ntâu ziv chênhv trâu tsênhv njiêz dưv thảo văn kiện. Zơưv Hoàng Văn Trinh, Bí thư Đảng ủy xar Tả Lèng puz pâuz:

“Văn kiện Đại hôiv Đảng jiês tiv 14 heik txos têx tsưr ziv huv đros trâu têz qơưk tsênhv hlôngr yiêz. Xar Tả Lèng vav tiêk đros têx tsưr ziv, chủ trương co, zuôr txos no Trung ương zuôr sir jos chox kriê chiê kriz uô cov txos trâu têx tỉnh ntus đriv, nhoz đêz, tox siêz li Lai Châu cov  tâu sơưv nzir têx tsênhv chêi no”.

Hâux lưv zuôr ziv chênhv trâu chor dưv thảo văn kiện muôz trâu Đại hôiv đại biểu Đảng tas nro têz qơưk jiês tiv XIV tâu tỉnh Lai Châu kriz uô txos tas nro chor đảng bôv, tsưr tsix đảng hâur tas nro tỉnh, zaz zâuv chôngz canr bôv, đảng viên thiêz pêx xênhv cxaz chuôz. Sơưr đơưk tưz sik đros hêik têx ziv chênhv gôngr côngv trâu chor văn kiện. Zơưv Vũ Huyến, muôx 55 shông nhoz hâur đảng, nhoz ntơưv phường Tân Phong hêik pâuz:

“Cur pov văn kiện bax trâu Đại hôiv Đảng XIV lok six jông thiêz huv đros pêx xênhv siêz xar, huv đros trâu pêz têz qơưk zos yênhx têz qơưk huôv tsar truôx đrênhk, cxiv tsa têz qơưk vav mênhx, pêx xênhv shir phaz”.

Ntâuk gri siêz txos sir jos hlôngr yiêz thiêz sir jos chinhr triv hâur dưv thảo văn kiện Đại hôiv Đảng XIV, chôngz canr bôv, đảng viên thiêz pêx xênhv vav tiêk đảng zuôr muôx ntâu tsưr ziv uô jông chiê paz gra siêz uô lox tôngv, tsơưr lươngv tsar ndê, hlôngr yiêz sôr, huôv tsar kinh têr hur jông tuần hoan, moz siêz đuô paz trâu tsôngv box mênhx cxưx tsơưs nênhs nhoz đêz, tox siêz luz nênhx. Zơưv Chu Xênhv Cưr, Bí thư chi bôv jok Lao Chải 1, xar Khun Há, tỉnh Lai Châu hêik:

“Cur thiêz pox nhuôs sơưr đơưk vav tiêk Đảng, Têz qơưk tror sir jos paz trâu pox nhuôs nhoz tox siêz lok têx tsưr ziv uô du lịch, tok kruô du lịch, chox kriê tsôngv kruô ndis shuôk, uô si tuôx txos jok Lao Chải chiê paz trâu pox nhuôs luz nênhx cov ziv hnuz ziv huôv tsar đuô”.

Hâux lưv zuôr pêx xênhv ziv chênhv thôngz đhâu ứng dụng VneID zos kror zov chênhr hâur ntu hlôngr yiêz đuô tsưr ziv phuôx huiz dân chủ. Đros ứng dụng no, txơưv nhoz kror tưs pêx xênhv, sơưr đơưk cux zuôr hêik pâuz tâu têx ziv chênhv. Pos Nguyễn Thị Minh, nhoz tôv dân phố 2, phường Tân Phong, tỉnh Lai Châu puz pâuz:

“Cur tưz sêiz chor văn kiện, pêz puôr lênhx thôngx ziv thiêz vav tiêk pêx xênhv luz nênhx, kinh têr zuôr muôx ntâu hlôngr yiêz, Đảng thiêz têz qơưk zuôr tror sir jos paz chiê pêx xênhv luz nênhx ziv hnuz ziv huôv tsar thiêz shir phaz đuô”.

Canr bôv, đảng viên thiêz pêx xênhv tỉnh Lai Châu li têx ziv chênhv gôngr côngv, thôngx ziv đros têx tsênhv njiêz dưv thảo văn kiện Đại hôiv Đảng XIVzuôr paz uô tiêr têx văn kiện, hêik txos tsênhv tsênhz hâur luz nênhx, paz uô tâu lý luận đros trâu tsênhv tsênhz./.

Thanh Thủy-Lik Thox cxêik nhênhv

Txix ziv chuôz zis pluôs, txov nhêv tưz sir jos huôv tsar uô nox yênhx chuôz zis bluô nux

Zos iz ziv chuôz zis pluôs txov nhêv nhoz jok Nậm Chim 1, xã Si Pa Phìn, tỉnh Điện Biên, tix lâus Là Xênhv Vax tưz hla đhâu cêr pluôs, sir jos uô bluô nux nhoz Điện Biên txix tu zus nhux tưv, nênhk, yis thiêz chos jôngr. Tix lâus Là Xênhv Vax zos iz hâur 63 lênhx pêx xênhv huôv tsar uô nox uô hâuk coz tâu kruôs txos ntơưv jiês kruôs têx lênhx pêx xênhv Việt Nam txơưx huôv tsar uô nox shông 2025 tsưr tsix ntơưv Hà Nội nhiv kruôr đhâu.

Jok Nậm Chim 1, xã Si Pa Phìn, tỉnh Điện Biên (thâuv ntêx zos thax tsav huyện Nậm Pồ kuz) nhoz tox siêz-suôv qơư tsôngv box Hmôngz nhoz chôngz đros trâu têx vax tsêr cxiv puôz ar khor truôx. Thax tsav co, muôx kênh ntu tưz lok six txov nhêv. Tix lâus Là xênhv Vax cux zos iz hâur têx chuôz zis li heik sâuv, niêx shông tsuôk pâuz muk khưr uô liêx têz, têx shông mak uô tâu kôngz, muôx kênh shông ntux si paz cux uô tsi tâu, viv li luz nênhx tsi truôx tuk. Tsi tas li, muôx têx shông, tas nro jok chuôs li chuôz zis tưs cux trâus yeiz, trâus txov. Txix thâuv tsênhv zâu tax txos hloz lox, luz nênhx yeiz pluôs, txov nhêv njuôr xưz, tix lâus Là keik kriê li ntơư.

Shông 2015, tix lâus kêr txeik tsêr nhiêx tsênhv chei xã hội (huyện Nậm Pồ kuz) 30 tsov đeiv. Muôx pênhr, tix lâus qir huôv tsar uô nox, xuz thơưx mak zuôr 2 tus tưv thiêz 3 tus nôngz nhux lok zus. Tix lâus Là heik, thâuv chaz chor nhux tưv lok, muôx kênh lênhx lơưr cxơưx tiêk, shor pok tu zus tâu, nyei tsav tuôs, nux grik yuôr yênhx tos thêv tsi tâuk. Taz sik đros thiêz tix lâus, cêr cxơưx tsi bâuv li zuk qir têk huôv tsar uô, thâuv uô lơưv thiêx pâuz uô tâu thiêz tsi tâu. Tix lâus tiz jông cxiv uô qơư tu zus, niêx hnuz chaz nhux tưv muk nox jâuz, seiz zus. Tix lâus chiv chir zok nriêr, cơưv shâuv luôs lưv tus txơưx tu zus tsưr ziv thiêz khov canr bôv kho moz tsiêx cxu kriê phax tir thêir moz ơưk...., jux juk tix lâus tưz pâuz phax tar moz, xeir nôngz tsiêx tu zus, tros maz chiê muôs tâu gri. Iz tus nhux tưv, tsi tiêk zos têx muôx grik, tsênhv zos cêr chiê siêz, jux juk cxơưz đas jos chiê hla đhâu cêr pluôs truôx.

Txos ntu 2021-2023, thâuv nhux tưv tsi tâu gri, ntâu chuôz zis tu zus njiz trâus ntâu phiv liv viv trâus pôngz pênhr. Taz sik tix lâus Là cux sir jos huôv tsar tu zus. Tix lâus muôz têx fâu tưv, hênhr nhux muôs jux juk, tsuôk zus 2, 3 tus niêv nhux, niêv tưv chiê sha mê nhuôv xưz. Đros thiêz chor nhiêx sâu tâu, tix lâus tsi sir zôngv mak zuôr nzir yis thiêz nênhk lol zus. Co zos 2 zav tsiêx zôngx ziv tu zus thiêz huv đros trâu tox siêz Nậm Chim, tsi tas li co, nênhk thiêz yis cux zôngx ziv muôs, tâu gri. Tix lâus Là zus tso têx tsiêx nưk zok nưk jâuz tâux nox hâur xuz tsuôs, đros trâu tu zus trơưk tsưr ziv kriê, cxax yuôx phax moz ơưk lơưr cui tinhv. Chênhr viv li, tix lâus paz tsiêx tus tưs cux hloz lox jông, tsi yuô trâus muôx moz ơưk, vav ntâu jux juk tuôx. Txos nhiv no, đhâu zuôr xar 10 shông huôv tsar tu zus truôx, tix lâus Là Xênhv Vax chuôz zis tưz muôx zuôr xar 100 tus nênhk, 100 ntâu tus niêv yis sha mê nhuôv đros trâu têx nhux tưv xar nto txos 100 tus, gra lok phênhv sâu tâu ntâu trâu tix lâus Là chuôz zis.

Tsi tiêk huôv tsar tu zus chor tsiêx lox, tix lâus Là tsênhv muôz têx liêx têz uô tsi jông kôngz hlôngr chos lưv zav tsoz chos ntêr shông li: Ciêv fix, chiêz..... Iz shông, tix lâus cêr huôv tsar uô nox heik sâuv gra lok phênhv sâu truôx tuk txix 500 tsov đeiv ntâu, paz tix lâus chuôz zis hla đhâu cêr pluôs, yênhx ziv chuôz zis bluô nux hâur jok.

Zơưv Civ Xênhv Vax, Phưv Bí thư Thường trực xã Si Pa Phìn, tỉnh Điện Biên khav tinhv: “Tix lâus Là Xênhv Vax luôs hâux lưv huôv tsar tu zus tsiêx zos iz kro uô tâu jông thiêz truôx nhoz tox siêz. Tix lâus Là zos iz lênhx car xar car uô, sir jos cxiv tsa jêx jok yiêz thiêz uô ntêx nyuôs hâur huôv tsar uô nox uô hnar ntơưv qơư”.

Shông 2025, tix lâus Là Xênhv Vax tâu xeir tsov thiêz kruôs txos zos lênhx pêx xênhv Việt Nam uô nox uô hâuk coz 2025. Cêr kruôs co tsi tiêk tix lâus Là iz lênhs jông siêz, tsênhv zos jok Nậm Chim 1, tsôngv box Hmôngz nhoz tox siêz xã Si pa Phìn cêr shir phaz thiêz.     

Phênhv “nôngx mênhx zuôr tsuv pâuz” hnuz no, zos cơ quan Đeix nta suôz Việt Nam thax tsav faz Bắc đros Tsênhv qơư cxiz kôngz têz qơưk uô./.

Vàng Lan-Riê Lâux cxeik, nhênhv