Cơưv shâuv thiêz uô lơưr zơưv hloz Hôx, đảng viên Sơn La sir jos uô bluô nux ciês ntơưv zuk qơư nhoz

Têx shông uô ntêx, pêx xênhv nhoz jok Tân Thảo, xar Mai Sơn, tỉnh Sơn La tsuôk zos chos caz tsiz thiêz cxuô zav jâuz tâuv sâuv têx ar têz. Sir jos uô yênhx shông taz sik sâu tâu tsik siêz, pox nhuôs luz nênhx cux tsênhv txov nhêv.

Tsik chưx yêiz pluôs, shông 2014, đảng viên Đỗ Mạnh Cường, xênhz shông 1961, tưz nriêr tsưr ziv uô nox yiêz, uô ntêx hlo muôz tsoz dâu tây lok chos chiê huôv tsar kinh têr ntơưv thax tsav qơư. Zơưv Cường puz pâuz, thâuv ntơưr, chôngz lênhx nênhs hêik tiêk dâu tây zos zav tsoz chos yiêz, tas ntâu pênhr nhiêx uô, kỹ thuật tu cux phiv liv. Taz sik zơưv xar tiêk tsik uô siv, tsik hlôngr yiêz mak zuôr tsik muôx tâu luz nênhx jông đuô; ndo njôngr txos zơưv hloz Hôx têx luk kriê đảng viên tsuv sir jos, uô ntêx hlo hâur huôv tsar kinh têr, txo grêk yêiz pluôs, li chêk zơưv tưz sir jos cê cơưv shâuv, cê chos, cê nriêr pâuz têx chênhz zênhv:

“Dâu tây zos zav tsoz chos zôngx ziv chos taz sik lax tu, tsuv muôx kỹ thuật siêz thiêz tsuv muôx ntux paz. Txơưv tiêk muôx têr siêz, taz sik thâuv piz uô mak pêz uô pêz xưz, tsênhv tsik tâu muôx khoa học kỹ thuật uô”.

Đhâu ntâu shông sir jos uô, đảng viên Đỗ Mạnh Cường li tsưr ziv chos dâu tây côngz nghệ siêz tưz uô tâu nox jông. Nhiv no zơưv chuôz zis 1,2 héc ta dâu tây, muôx 3 luz tsêr tax thêir vor, zưs đêx cxênhx txuôs, uô nox lơưr tsưr ziv VietGAP, paz muôx tâu tsơưr lươngv truôx tuk, iz shông paz sâu tâu muôx 1 tiv đêiv ntâu, paz muôx hâux lưv uô trâu chôngz lôx tôngv ntơưv qơư.

Tưz tsik zos uô bluô nux trâu chuôz zis xưz, zơưv Cường tsênhv sir jos kriê trây pox nhuôs têx kỹ thuật, chênhz zênhv chos, tu chor dâu tây. Zơưv Đỗ Mạnh Cường hêik pâuz:

“Cur cơưv cur chiê uô xưz, thiêz cux kriê trâu pox nhuôs hâur jok đros uô, muôx têx tsưr ziv uô nox tưs uô tâu jông mak pêz zuôr phêiz kênh thiêz kriê trâu pox nhuôs hâur jok pâuz cơưv shâuv uô trơưk, xav mak kinh têr tưz muôx đuô thâuv ntêx lơưv”.

Txix cơưv shâuv, uô trơưk đảng viên Đỗ Mạnh Cường tsưr ziv chos dâu tây, ntâu ziv chuôz zis hâur jok Tân Thảo tưz muôx tâu phênhv sâu oz pez puô triệu đêiv iz shông. Txos nhiv no, tas nro jok muôx 170 ntâu ziv chuôz zis, mak muôx txos 160 ntâu ziv chuôz zis chos dâu tây, phênhv sâu xav lênhx nênhs tâu muôx 55 triệu đêiv iz lênhx nênhs iz shông; tsuôk yuôr 7 ziv chuôz zis pluôs, 1 ziv chuôz zis zuôr xar pluôs.

Hêik lok đảng viên Đỗ Manh Cường, zơưv Nguyễn Văn Thêm, Bí thư Chi bôv, Tsar jok Tân Thảo puz pâuz:

“Zơưv Đỗ Mạnh Cường ziv chuôz zis zos chuôz zis sir jos huôv tsar uô nox, zos chuôz zis trâu pox nhuôs hâur jok Tân Thảo cơưv shâuv uô trơưk, muôz chor dâu tây lok chos, uô uô ntêx thiêz phêiz kênh têx chênhz zênhv trâu pox nhuôs hâur jok. Txix tsưr ziv chos dâu tây huôv tsar shông 2016 txos nhiv no, pox nhuôs hâur jok Tân Thảo luz nênhx tưz hlôngr yiêz jông đuô lok six ntâu lơưv”.

Txix đảng viên Đỗ Mạnh Cường li têx sir jos thiêz uô ntêx hlo, jok Tân Thảo, xar Mai Sơn nhiv no tưz hlôngr yiêz ntâu đros muôx chor vax txir dâu tây njuôz xiêz, txix txir ndư; cêr muk lok hâur jêx jok jông jav, pêx xênhv luz nênhx cux tưz muôx đuô thiêz jông đuô thâuv ntêx lok six ntâu./.

Trấn Long-Lik Thox cxêik nhênhv

PHÊNHV SEIZ CAR THIÊZ POR VÊV JÔNGR

          Tsôngv ...yuô! Hâur phênhv seiz car, por vêv thiêz huôv tsar jôngr hnuz no, pêz tror xa txos tsôngv pox nhuôk têx cui tênhv hâur Chei jôngr nuv lok por vêv thiêz huôv tsar jôngr.

          Grê 47. Huôv tsar jôngr phax phưv

          1. Đros jôngr phax phưv hâur đêx, jôngr phax phưv ntus đriv, tsuv tâu cxiv tsa yênhx jôngr chêx chôngk, sik côngv hâur têx thax tsav, tuôr truôx jôngr taz por zos phax phưv.

          2. Đros jôngr phax phưv hâur têx, jôngr phax phưv ntus đriv, jôngr por vêv hâur đêx côngv thôngx nhoz uô nênhx, uô têx hâux lưv li đrav kaz:

          a) Por vêv, cêv kuôk chiê chos yiêz jôngr;

          b) Chos jôngr nhoz têx thax tsav ar khôngz, njuôs xav huôv tsar tsi tâu yênhx jôngr mak chos sik shơư têx zav tsoz chos tiv phaz, tsoz chos đrâuv tsoz chos zuôr ntông.

          3. Đros jôngr phax phưv tir their chuô, môngr jêz siz, jôngr phax phưv tar niêv đêx hiêr ntak, niêv đêx hiêr pur siêz tuôx mak uô têx hâux lưv đrav kaz:

           a) Chos jôngr cov huv đros qênhx shênhx nhoz yênhx thax tsav;

          b) Uô tsưr ziv chos jôngr txix têx tsoz chos muôx chas ntông hlar toz truôx jông hâur ar, tsov cưv têx tsoz chos nhoz tiv phaz, hloz lox jông hâur qiv hơưv txơưr txar, chos nzir ntơưv têx qơư tsi tâu taz por ploz tsênhr huôv tsar yênhx jôngr.

             Grê 48. Huôv tsar jôngr tsiv uô

            1. Tuôr truôx mênhv chêx jôngr tsiv uô zos jôngr zênhx muôx; hôx phưx jôngr nhoz têx mênhv chêx jôngr thâuv ntêx tưz ntor luôx mak tsi tâu tax ploz tsênhr huôv tsar yênhx jôngr; tsuôk tâu hlôngr yiez jôngr nhoz têx mênhv chêx njuôs xav hôx phưx tsi tâu.

          2. Chos jôngr chêx chông, zôngv công nghệ sinh học yiêz thiêz tsưr ziv chuôz tsar chos jôngr chiê muôz siêz yar lengx jôngr chos, cungz ntông chiê tsiv uô xiv huv jôngr nuv.

          3. Cxơưz cxiz chos jôngr cxuô zav; côngv đros chos tsoz chos zuôr ntông zâu tuôx sei thiêz tsoz chos ntông lox; hlôngr jôngr chos zuôr ntông zâu yênhx jôngr chos zuôr ntông lox nhoz têx qơư huv đros./.

(Tuyết Lan-Txâur Vax cxeik nhênhv)